丼丼亭 (翡翠明珠廣場)

Open Now

Now Closed

行完山個肚餓到一個點，於是喺翡翠明珠度搵嘢食。見到丼丼亭，即刻入去試吓。今次鎖定滑蛋吉列豬扒飯。食物到了，賣相好吸引，放低餐盤時個滑蛋重震震下，生熟程度剛好，好滑呀。個飯共有四大塊豬排，鋪滿整個飯面，豬排厚身，炸得唔過火，又唔會好油膩，重鎖住肉汁夠Juicy。平民價錢高質味道，不出十分鐘就食到一粒飯無剩。

今日去皇室堡買嘢，途經翡翠明珠，求其揾間嘢食，真係有意外驚喜。店員有禮有耐性，慢慢講解菜式，我哋三點左右到，有午後定食，我叫咗個天丼，包埋烏冬同野菜沙律，＄68，真係好飽。烏冬煙煙韌韌好好食，飯係用咗珍珠米，好香好好食，每樣嘢出嚟都係熱辣辣。我朋友叫咗壽司定食，包橋麥麵同野菜沙律。壽司魚生好新鮮＄88所有飲品買一送一。我哋叫咗可樂。食完後侍應小姐問我哋需唔需要換個杯熱茶，好貼心。而家好少店有咁好禮貌嘅員工，真係值得一讚

嗰日一個人食飯，想對自己好啲，唔想又去食茶餐廳同大家樂。於是乎喺商場兜咗好耐，見到呢個日式定食，眼見價錢唔貴，結果放膽入去一試( ´▽` )裏面坐滿左人，結果我坐咗喺吧枱。叫咗個滑蛋雞柳丼，點知佢上咗個醬燒牛肉滑蛋丼比我。費事煩嘅我就算數，將就食咗╮(￣▽￣"")╭前菜係個沙律，拼埋個醬，感覺好Fresh。個烏冬雖然冇乜特別，但係熱辣辣，合格。個牛肉丼，可能唔係我想食嘅，點都爭咁啲，啲雞蛋唔得厚實，蛋味唔重唔濃郁。牛肉好碎好薄切，感覺唔滿足。不過環境幾好，價錢唔貴，可以再試。

因為疫情關係我好耐無食魚生，但又好掛住、好想食，行過丼丼亭見環境乾淨就唔理咁多入去坐低，可能下午茶時間，人唔多，大家有一張檯的距離醬油四式刺身丼：刺身好新鮮，切得都唔算薄，雖然油脂唔算多，但都好味。再配沙律、蘿蔔、蕎麥麵，都飽肚㗎天丼定食：朋友覺得現在還不是時候食魚生，所以點了熟食...天丼，呢個下午茶是女仔份量，男仔應該唔夠飽😓，不過味道係唔錯的鹽燒魚骹 - 鹽燒後充滿油脂香，雖然細細件不過都有唔少肉天丼 - 賣相一流，天婦羅炸得香香脆脆，又唔油膩

呢間第一次食，因為佢喺戲院隔離，睇戲之前食個飯位置超方便。套餐有天婦羅加蓋飯，大概$150左右。好抵食有沙律有麵豉湯，份量好足夠。兩個人食，每人一個set，因為為食我同朋友仲嗌左啲壽司小食，相當滿足咁去睇戲。☺️壽司好新鮮，個天婦羅都炸得好好，唔會太油膩。天婦羅炸蝦揸得好脆，好好食，超好食。至於環境方面好舒服，冷氣唔算太凍。人手好充足，餐廳座位都坐得好舒服，唔會太迫。員工有禮貌。裝修都算幾日本式。

星期一到五返工，到星期六休息，總要對自己好D，試吓不同食店。今次黎到銅鑼灣，就試吓翡翠明珠商場內的丼丼亭。雖然星期六午飯時間，好彩唔使等位可以入座。店內差不多坐滿晒人，如果遲一步都要等位。牛市餐牌內選擇亦多，分壽司定食、定食、刺身定食同午間定食。1. 午間定食: 迷你雜錦刺身午間定迷配迷你蒲燒鰻魚丼($152)。鮮味(4選1) + 丼(8選1)連沙律、麵豉湯同漬物，一共5樣嘢，好豐富。刺身夠厚身，有鮮味。鰻魚上枱有香味，入口仲暖暖地，美味。2. 呑拿魚苦瓜冷麵定食($130)，呑拿魚赤身部分，沒有酸味，沖繩苦瓜配上冷麵，食落感覺清新，好有沖繩味道。整體來講，環境坐得舒服，職員態度有禮，食物水準中上，可以一試再試

入電影院前最好可以在附近吃飯，抓緊時間直至最後1秒先入場，等都等得舒服啲。呢個亦都係響翡翠明珠廣場嘅丼丼亭其中一個好處。唔知到底係佢哋定對面間餐廳打瀉醋埕，一入去就聞到一陣酸嘅味道。呢一點響環境度扣咗好多分。我叫咗一個天婦羅飯+燒三文魚鮫定食。天婦羅好一般，南瓜青椒茄子蝦各一件，粉漿唔算厚，但感覺相當油膩。雖然佢唔可以將佢同天婦羅專門店相比，但始終有一段距離。燒三文魚鮫反而唔錯，魚鮫嘅脂肪比較多，燒完之後油香好好，魚皮都唔腥，平時只係魚鮫最少都賣$4x ，$88一個套餐性價比算唔錯。

午餐去咗銅鑼灣 #丼丼亭香港 食咗個好滿足嘅天婦羅餐 #雜錦天丼 同喺日本食一樣咁有水準，有大大件嘅南瓜、青椒、魷魚、茄子，魚，仲有好大隻蝦，炸得好靚，好脆身，以呢個價錢值得一試

第一次去呢間野食,朋友推薦。抱住食好野既心情去食啦,雖然對日本野唔太有興趣。咁入面環境都幾靚既,但坐位有d窄。。同埋等餐時間有d耐,叫個員工去吹下出餐啦,個員工行過又唔理。。咁之後終於等到個餐黎啦,個員工拎個餐過黎個盤撞到我手臂,唔好意思都冇句,擺底就走。。個天婦羅一般啦,有d柴,刺身d三文魚好乾。。好似擺左好耐咁,走既時候想外賣俾朋友食啦,個員工又入錯單。。變左堂食,我同佢講話外賣架喎,佢反而問返我轉頭唔係堂食咩。。不過有得選日本野食就唔會選呢間了。

下午茶要3點開始。早前同事來左食，影左相俾我，好吸引。之後我自己連同事2:00來到，拎埋飛，入店前俾職員睇我想食的餐。點知原來要3點下午茶才有😭結果食唔到。再次刻意安排下3點來食，果然不負所望，好食！以呢個質素$88再加1，值。我朋友是位男性，都係叫下午茶，有一個廣島蠔飯和一個面，感覺也很不錯。2個人食飽飽，加埋1，也不需要$200，在銅鑼灣來說，又以刺身的新鮮厚切情況而言，這間店是值得推薦，因為正餐要每人要$200+。

叫左個set lunch，點知上左另一個比我地。仲搏我地唔為意... 一問之下先知...原本叫個set售馨。追問..點解落單個陣冇講清楚，男店員指 落order同事係新黎.. 呢個係原因嗎？🤔🤔🤔 咁上錯單又關邊個事？ 咁得登上錯單而唔解釋又有咩原因呢？？再者 朋友對店員上錯比我地個set lunch 有食物敏感， 同店員交代完，佢話一係食呢set 一係揀過其他，um...好明顯 食呢set唔係一個option na... 理解唔到...男店員唔明白咩係食物敏感，比過敏食物比客人食，真係聞所未聞，最後 連道歉都冇句... 🤦🏻‍♀️🤦🏻‍♀️🤦🏻‍♀️

COVID-19全球大流行！抗疫近半年，生活習慣改變了！其中包括：不聚餐！工作日午餐，多數１個人吃，日本料理是個合適的選擇。在銅鑼灣明珠廣場，看到有間丼丼亭，不用排隊，walk in，安排在靠入口的區域，嚴格來說是店外隔出來的坐位。午市選擇挺多，餐牌有好幾頁，試了迷你丼定食：#香葱拖羅三文魚籽丼，迷你丼的份量也不少，味道不錯！#蒲燒鰻魚丼，鰻魚不算肥美，燒汁不會太甜，總體合格！#野菜沙律#味噌湯味道可以！服務一般！性價比一般！隨便吃吃的店！

The Osaka-based don tei is nicely designed and uses light colored wood furniture creating a space that's soothing to the eye.This place serves various types of donburi from ten don to assorted sashimi bowl. I had the seared sashimi bowl, the chicken with scrambled egg rice and fried chicken with udon during my visit - the sashimi looks more appealing with the searing and that added different texture plus extra flavor to the fish; the fried chicken from the udon set may look dry but don't let th

今天是妹妹農曆生日，我和媽媽一起和她逛逛銅鑼灣，買生日禮物。走著走著，累又餓，於是到丼丼亭吃下午茶，誰不知下午茶餐價格很實惠，吸引了很多人等位。我們進去後，安排了舒適的梳化位，好讓我們慢慢坐，慢慢吃。我選了葱吞拿魚三文魚子迷你飯配冷蕎麥面。餐附送沙律，漬物前菜日式蘿蔔，酸甜開胃，沙律清新又新鮮。冷蕎麥面的湯汁，清清的醬油魚湯，配上彈牙的蕎麥面，讓我一吃便吃清光。葱呑拿魚是我最喜歡的日本食物之一，呑拿魚碎拌著飯吃，十分美味。咬破三文魚子，咸香的魚油流出，實在太幸福了。

經過門口多次也沒有吃過，今天中午自己一個人入去吃。在門口量體溫後，帶我進內坐在四人桌子。看看餐牌，價錢不算是便宜，跟附近的日式餐廳沒有分別。點選了迷你火炙丼午餐定食配迷你雜錦天丼（$152），再另加10％服務費。該店沒有因為疫情影響之下，推出午市優惠價錢。火炙丼有三文魚、蟹柳、劍魚，飯也暖。雜錦天婦羅，粉落得厚了些。吃了兩碗飯也感飽肚，如果改有麵食選擇更好。湯是豆腐紫菜湯。雖然食品沒有任何驚喜，味道尚算 ok。