丼丼屋 (德福廣場) (Closed)

同太座食lunch，話要試新野，係德福一期行左1圈，見呢間日式丼飯門前多人排，應該唔錯掛，就囉飛仔排下隊。等緊無聊時都有研究下餐牌，主睇熟食set，款式都多，價錢係德福黎講唔算特別貴。每個餐都基本有凍果茶送，想飲其他或要小食就再加錢。等左15分鐘左右就有位，原來內籠都幾大，仲有吧位，如果download個apps，仲可以預先囉飛，唔駛企咁耐。太座要滑蛋炭燒雞肉丼，果茶走冰，我就要黑咖喱吉列大蝦飯，加$5轉雪碧。食飯擺得好靚，唔係求其放，仲有湯&沙律跟，都算抵食。可惜我唔太喜歡沙律醋，所以個沙律對我黎講真係麻麻地，食埋d蟹柳就算，我亦唔太喜好個湯，太座鐘意佢多海帶&有金菇，幫我KO埋。黑咖喱雖然香，但味道比較淡，就算用好多配飯都淡，有D食唔慣，成個set最抵讚就係d蝦，好香脆可口，係即炸，不過得三條，真係唔會夠喉。太座個滑蛋炭燒雞肉丼就比較普通，d蛋唔會太熟，雞肉都大塊，但佢就覺得乾身左少少，要囉我d黑咖喱去配d飯食。呢個價錢有湯、沙律&主菜都唔算貴，食物質素都普普通通，但一定夠飽。

是日同家人去左九龍灣搵親戚，中途肚餓，同其一親戚去左附近丼丼屋食野吹水見到新出「名物牛筋丼」定食配溫泉玉子來自大阪拉麵店「龍旗信」嘅人氣丼物，望落好似唔錯，叫個黎試試日式牛筋肉唔同平日嘅牛筋，肉連住筋，肉同筋嘅比例非常平均，腍腍地，又幾香口，炆得幾入味絕對唔係求其用拉麵食材整個丼仲配特別風味，韓式酸辣泡菜同溫泉玉子玉子流心蛋，撈埋飯一齊食香蛋味，又creamy 韓式酸辣泡菜令整個丼食落辣辣地，香辣得黎又幾開胃

叫左個 #名物牛筋丼 配韓式酸辣泡菜定食，原來係來自大阪拉麵店 #龍旗信 嘅人氣丼物，仲要三屆「全國丼物大賽」拎左金賞!!!!“選用左日本嘅牛筋肉，係有肉連住啲筋㗎，仲要肉同筋嘅比例均勻，同平時食嘅牛筋非常之唔同。加上碗飯有啲泡菜喺上邊，食落去同牛筋都幾夾，感覺非常之爽口。$82來講一碗飯都有少少貴不過一個牛筋飯真係幾好食。牛筋煮得quite soft 再加埋夾左少少肉。食落都好滿足。下次有機會嘅話都會出嚟食。

是日晚餐心思思想食三文魚子，星期一晚都要等位，就試下你先☺️☺️☺️☺️☺️款款都想食。星期一要有動力當然係食好點，叫了特上盛大海鮮🤭🤭🤭🤭🤭另加25蚊就有set有玉子，湯，同沙律玉子係熱熱的，有羅白蓉，好滑好甜好味。點小小豉油仲好味。不錯特上應該係材料多過飯。每樣都好大大件。三文魚子但唔大粒。比較失望。但蝦上番好多分數。太新鮮。帶子一開二無咁吃得開心，三文魚都好味。不錯，紫菜湯，有好多蔥有菇飲落好香口，都不錯沙律🥗汁都好味，菜好新鮮一餐豐富晚餐168完美

今次去到九龍灣找了間食日本丼的地方食 lunch ，裝潢跟一般日本餐廳差不多，有指定的 bar 枱及普通的餐桌，都比人有舒適的感覺。由於今次是食 lunch ，所以選擇不多，選了兩款頗為普遍而受歡迎的美味 lunch set。 一款是鰻重定食，鰻魚都算肥美，鰻魚汁非常配合，不算太咸。而另一款是什錦剌身丼定食，剌身新鮮，而且份量非常多覆蓋在飯上。另外定食還配有沙律，海帶麵豉湯及果汁，一人份量的定食剛剛好，非常好味及滿足。

丼丼屋—拿籌等緊叫飛，望下個菜單，嗯～～午餐菜單還有沙拉，果茶送，於是入座就點咗野菜雞肉飯定食。過一陣子，果茶就送上，唔會太甜剛好。不一會兒店員把定餐送到，賣相還挺吸引。沙拉也不是很隨意，蕃茄，粟米，菜都不缺。主食，野菜飯，南瓜，秋葵，蘿蔔，雞肉，撒上白芝麻，看上去好好吃的樣子。開動啦～～～蔬菜都烹煮的適中，唔會過軟，保留蔬菜的原有甜味。雞肉嫩滑，拌著飽滿的米飯，一口下去，嚼著中滲出汁，口感唔錯。食完飯，一碗海帶湯為這頓午餐畫上句點。

因為男朋友住九龍灣，所以收工就去附近既德福廣場食晚餐啦～我同佢都一樣叫左十勝帶廣名物豚丼，我揀左並盛（正常），男友就叫左特盛（加大），煎香的豚肉，淋上醬汁，味道濃郁，又唔會太油，配埋珍珠米，好好食～👍🏻另外加左$25 玉子定食餐，有麵豉湯、薯仔沙律同兩件燒玉子，幾抵食👍🏻

今日下午出左九龍灣做野,做左成朝累到死! 都係要食個靚lunch慰勞下自己啦!難得一個人,就走左去丼丼屋! 一如以往,都係勁多人等位,不過好在一個人,好快就有位!yeah...又可以叫my飛佛-三文魚親子丼飯,配個燒玉子set! 玉子卷好飽滿,又好大件喎!點埋蘿蔔榕食,係個超正既飯前小食!另外個set都好豐富,有生菜沙律,配柚子醋食最正!仲有漬物同湯,都係呢度既set必有既野,同樣咁開胃!至于主食三文魚親子丼,都好多片三文魚下,不過就薄左d,不過不失啦! 至于三文魚子都好多ah,唔算好甜,不過都好好味,幾好!食飽飽又有動力做野lu

約咗朋友係九龍灣行街，行行吓朋友話極之肚餓，所以想先食嘢！朋友揀咗食丼丼屋，入到去大約四點幾，我本來仲諗住有下午茶餐揀，但可能因為5月1日係公眾假期，職員俾咗冇特別優惠嘅餐牌！最後我揀咗炭燒雞肉丼，原來份量都多呀！雞肉好入味有甜甜地嘅炭燒汁，餸上有好多葱粒，好香口！朋友揀咗黑咖哩吉列豬扒飯，佢再加$15配沙律、麵䜴湯同薯蓉！吉列豬扒炸得好鬆脆，但朋友話黑咖哩汁有啲苦，所以麻麻地！環境十分舒服，座位好闊落！

又和同事來吃午飯這兒的餐牌每隔一會兒就會有新推出但是自己還是最愛滑蛋雞肉飯選擇加了$15要了個芝士豬肉薯餅 感覺都幾好 係油左少少 但係芝士味都幾出每一個午餐定食都包一杯冰茶 冰茶不太甜 接近橙汁味道總括而言 這兒的午餐 性價比甚高

今天去了九龍灣， 行街行到好攰到了晚飯的時候 ，便想搵日本嘢食，見到丼丼屋、 立即攞飛 、真的是人山人海，我相信今晚我都要有排排隊！終於等咗大約個半小時， 終於可以安排入座， 叫了芝麻雞翼、 豬扒定食！豬扒丼 ，非常之好味，炸得很脆，粉又不會太厚，肉質非常鮮甜， 配上它的飯，淡淡甘香， 蛋漿非常之滑，簡直是一個完美的組合！芝麻雞翼值得一讚， 雞翼好有雞味，不似一般的雪藏雞 ;外面沾上些小芝麻， 將整個雞翼嘅香脆繼續提昇！下次一定會嚟食其他當！

十勝帶廣名物豚丼特盛 $108而個飯分別有兩個size特盛一共有六片豚肉，普通就有4片豚肉.我叫了特盛，豚肉片厚厚的每片都充滿肉汁有少少脂肪加上有少少黑椒嘅醬汁，整體口感很好味夠林身👍👍另外叫了三色海鮮丼 $83刺身也很新鮮有吞拿魚，三文魚及劍魚腩😋

媽近來都不太想煮飯，所以我多了出去食飯，同事又放低左一叠用餐優惠券，所以我就容易選晚餐了～若不用這張送特上刺身定食的優惠券就實在太嘥了，所以就來了最近我家的這間丼丼屋～ 而且這個商場的儲分換禮品也不錯～我点了一個十勝豚丼特盛，豬肉燒得很香，雖然沒有特別滑，但不粗韌也算不錯，飯的份量都夠，醬油都香～ 前菜跟麵豉湯也不錯～ 沙律都新鮮的，清甜爽脆又健康，還有蟹柳😍 好漂亮～ 用優惠券換的特上刺身也沒有將貨就價，給我的都算新鮮，當然不會有日本當地吃的那種鮮甜，但也不錯的了～

因為家人全部都不在港，所以今晚回婆婆家與她吃晚飯，我們就選了這連鎖日式快餐店。婆婆就點了她最喜愛的雜錦刺身丼，刺身種類都算多元化，有牡丹蝦、炙燒三文魚、帆立貝、三文魚籽。可惜壽司飯的醋不太夠。我就點了滑蛋吉列豬扒飯。滑蛋做得非常出色，流質的狀態很好下飯，而且帶有甜甜的味道；豬扒的份量亦很充足，薄薄的炸漿包著油脂分布平均的豬肉👍🏻李老闆選了十勝豚丼飯，肥瘦適中的豚肉加上照燒汁，真是令人一口接一口的吃下去！

今次一試位於九龍灣連鎖日式餐廳丼丼屋的午市食物。午市等位人多，排了近半小時才有位。午市套餐選擇不多，今次叫了牛肉拉麵和吉列豬扒蛋包飯。前者味精重，拉麵普通，幸好配食多，有沙津、味噌湯和小吃。後者，豬扒炸得香口，份量足，味道好。這餐吃得十分飽足，如果價錢更親民的話，會再幫襯！