Donut's BaBa

Open Now

Now Closed

夏日熱辣辣最啱就係食雪糕☀️好彩比我揾到一間掋食而且又多選擇嘅鋪頭🤩$10蚊兩球，份量都算大，不過某啲特別味道要加錢🧐今次揀咗士多啤梨同麥提莎味，不過麥提莎味就要加多4蚊😣不過覺得都值嘅，因為入面份量好足夠好有口感🤗鋪頭入面有好多好得意嘅公仔，其中仲包括咗我最鐘意嘅腦魔🤪大家遲啲去旺角行街想買雪糕消暑記得嚟試吓啦👍🏻地址：旺角西洋菜南街2A號銀城廣場地庫B78號舖

Geo條👅評分：⭐️⭐️⭐️ (5⭐️最高）$10兩球雪糕（北海道牛乳+$3 & Tiramisu +$3)行吓行吓好耐冇去過銀城就去8吓，見到啲人排隊食雪糕我又當然去排下啦！$10兩球雪糕，$10兩球雪糕，$10兩球雪糕，真係以為自己睇錯，雪糕有好多口味，揀咗兩球特別味道都係$16，真係喺旺角邊度搵😍雪糕味道中等啦，北海道牛乳都幾creamy，tiramisu味道都唔錯👍🏻最重要係黃店，有文宣同各種💛小商品寄賣，大家想開開心心平平哋食杯雪糕，可以去支持吓💛

有20幾款雪糕口味可以簡😍仲要有啲好特別既味：黑糖珍奶 金莎 繽紛樂 tiramisu 🤤真心選擇困難 唯有下次再試🙈重點係超級划算!!! 10蚊有2球😳(個別口味要加錢～～～～). ▫紫薯粒粒見到個雪糕兜已經覺得好加分係花花膠兜 質量好似幾好咁😍一食仲好有驚喜!! 雪糕口感好soft🤤勁香濃紫薯味🍠 完全唔假食食下仲真係咬到有粒粒超幸福的🥰 又唔算太甜.▫日式豆腐次次見到豆腐味都忍唔住叫鐘意個味道夠清新🍃類似豆腐花咁溫和唔鐘意太甜既可以試下💛而且佢啲雪糕唔算太快會溶🙆🏼‍♀️.講真本身我以為會好普通 無乜期望點知覺得好好食 而家真係好抵😍😍睇黎以後去開旺角都🙈🙈🙈殊～我下次要試到珍奶味!!!!💛經過開真係可以試下💕小店仲有家庭裝可以返屋企慢慢嘆仲不定期有寄賣品發售～～

雪糕呀🍨雪糕呀🍨雪糕呀🍨我諗無咩人唔鐘意食雪糕😂😂😂疫情關係，係街食雪糕真係唔多方便，所以佢地既生意應該都相當難捱😞好想去支持下佢地，把心一橫，諗住去睇下有無家庭裝，原來佢地有出家庭裝，仲要包埋冰袋+冰種😃雖然返屋企路程有些少遠，不過冬天應該捱得到既😝雪糕姐姐話佢試過由旺角去屯門，成個幾鐘車程，返到去啲雪糕都無事，叫我放心😊雪糕有好多款，梗有一款啱你食🤤🤤🤤今次揀咗咖啡、蜜瓜、荔枝，然後雪糕姐姐再推介埋金莎比我，好啦，就試住呢4款先咖啡☕️：炭燒咖啡味，個味道係同以前有一款炭燒咖啡雪條超似，好好味（我希望呢個形容唔係出賣年齡系列啦）😂😂😂荔枝：呢個又係超超超好味，佢個味係好清新既感覺，甜度適中，唔會覺得好漏，絕對唔係果啲糖水荔枝咁，得個甜字但係因為無甜到漏既感覺，不知不覺間就會食咗好多，直頭一次就可以食哂一大杯家庭裝🤣🤣蜜瓜🍈：又係好好食🤣，同荔枝一樣，唔知係咪全部水果味都係咁清新既呢😋金莎朱古力🍫：其實呢個都好食，朱古力味好濃郁，再加上朱古力碎同榛子，真係同金莎無咩分別，不過對我呢啲老人家嚟講，一次就唔能夠食太多，因為會有啲漏😅但如果鐘意食金莎或者朱古力既話，呢款都值得一試😋Donut

食完晚餐有少少意猶未盡，醒起附近有間雪糕店，由前年講到依家都未幫襯過，的起心肝去試吓。小店坐落黃金地段，提供十幾款口味選擇，好多出面少見味道，特別吸引，有選擇困難嘅人都要啲時間先可決定到。另外除雪糕外亦有少量精品可供購買。三球雪糕 $15 (+$6)波子汽水(+$3)藍色外貌吸睛，雪葩冰感較重，味道神還原；tiramisu(+$3)有少少餅乾，似食咖啡糖，香濃幼滑；而豆腐最清新，好味唔會太甜，三款中最得我歡心。雖然有啲特别口味要加錢，但加完都仲係好相宜，非常佛心，值得大家支持。

機緣巧合之下試咗呢間既雪糕首先$10/2球呢個價錢都夠晒吸引人 咁抵食既價錢 雪糕既味道都唔少㗎 仲要係大大既兩球😋推薦繽紛樂味同黑糖珍珠味行過都可以去買返杯雪糕 支持下香港既小店啦推薦：🌟🌟🌟🌟🌟/5

朋友介紹雪糕店， 聽到十蚊兩球都即刻衝埋去， 地點唔算難搵，銀城地庫舖旺角。雪糕很多味道， 店內的裝飾也非常好，也有聖誕限定的聖誕卡，喜歡的即管去拿送朋友，但當然要幫襯下， 現在的文宣也是買少見少了。吃了金莎 ＋＄3， 士多啤梨，薄荷朱古力，咖啡雪糕， 只見店員努力努力的挖挖挖， 每一球也有兩吋大， 十蚊兩球性價比又贏曬啦！ 味道也很好不是太化學假的味道。值得每次來旺角都幫襯一下。FB 區區食玩遊 旺角 食 donut's baba

十蚊兩球雪糕仲要咁大球係邊度搵呀？ 真係好耐冇食過咁平嘅雪糕，而佢嘅味道重要充滿驚喜！喺旺角行街成日都會見到個男仔拎住個牌買十蚊買一送一嘅雪糕卷，今次拎咗張券去睇下究竟係乜嘢，見到佢嘅雪糕味道好特別所以就試下。如果唔係個男仔同埋網上面良心店介紹，真係留意唔到佢哋嘅存在,味道好多,而好特別嘅白兔糖味，繽紛樂味，金沙味。仲有超級靚嘅彩色雪糕望住d choices 樣樣都唔錯, 真係好難揀。普通味嘅雪糕幾十蚊就可以由兩球特別版嘅可能就要加三蚊左右。我叫咗超少女心嘅彩色雪糕再加上繽紛樂彩色嘅雪糕，我相信係顏色嘅分別其實係同一樣味嘅奶味。如果你哋食得出唔同你記得話我知呀另外繽紛樂第一站感覺好似食緊金沙咁，但係當你食到榛子粒同榛子醬嘅時候成件事就返曬嚟喇雪糕畀我嘅想像中大，我以為佢會好似啲貴㗎sorbet店既size. 所以有少少驚喜。喺旺角呢個價錢食到咁嘅味道，咁嘅份量嘅雪糕，嗰個人覺得cp值幾高。不過因為疫情嘅原都唔係好想係街邊食嘢，好在佢係落咗地牢，感覺係街邊好少少

呢幾日天氣實在太熱啦！除咗涼冷氣，當然就係食雪糕啦！🍦🍦🍦話說早幾日，我做完自己嘢諗住搭車接埋老公收工，點知去到旺角銀城門口，有位姐姐攞住好大個雪糕牌，上面印有繽紛樂雪糕，佢仲派咗一張買一送一雪糕券比我，當時我已經好心動，但由於趕時間去接契老公，所以就攞咗張券就走咗🙈🙈🙈。接到老公後，就同佢講呢件事，佢二話不說咁就話去試，嘩！我都冇諗過佢咁抵，平均都係$10-$13一個球，食落嘅質地係好似movenpick雪糕咁，仲要買一送一，真係食得過👍👍👍😋😋😋Donut's BaBa 旺角雪糕店

🍨繽紛樂+金莎 $16兩隻味都超好食，繽紛樂雪糕有榛子醬同繽紛樂脆脆，而金莎味就好香濃同好滑。食落好舒服，啲味唔會假，真材實料👍🏿雖然呢兩隻味好好食，但係食完會甜死🤣雪糕仲有好多比較少見嘅味道，例如白兔糖，Tiramisu，豆腐，榴槤，珍珠奶茶，夢幻彩虹等等，有啲味道就要加錢，好似我呢兩球就每隻味+$3。

呢間野啲雪糕真係勁平，幾蚊一球，真係唔知邊度再搵到。發現佢啲雪糕口味都有幾多。嗰日佢見到有珍珠奶茶，Kinder繽紛樂，好似仲有益力多。反正就係有好多種唔同嘅口味。我哋叫咗一球珍珠奶茶，一球kinder繽紛樂。兩隻未都好得。味道好濃，但係好自然，完全沒有chemical嘅感覺。特別係繽紛樂嗰一隻口味，直頭食到有繽紛樂脆脆。好明顯係用真嘅繽紛樂朱古力去做。珍珠奶茶就真係好似飲緊珍珠奶茶咁樣，好明顯係自家做嘅雪糕。幾蚊一球真係好平。

啲間黃色小店小妹真係bookmark左好耐好耐啦 $10兩球之餘, 仲要好多味揀又勁特別啲味但有鑒於疫程嘅問題, 所以盡量都好少出街之前趁要出街俾野朋友就試左一次好鍾意好鍾意呀😍😍相隔一個月終於有藉口要出街啦 梗係要約係油尖旺 俾自己順便去二訪懲罰下佢啦😋😋我今次食左焦糖脆餅同榛子繽紛樂味 ($16; 因為兩隻都係特別味 要各加$3)• 焦糖脆餅 (5/5)呢隻咪上次已經食過啦❤️我本身呢個人就好鍾意食焦糖餅Lotus, 所以啲隻味真係啱晒我胃口啊😋超級好食!! 唔會過甜但又有焦糖味仲有啲炊餅係入面增加左口感嘅層次😛😛😍• 榛子繽紛樂 (4/5)呢隻味上次呢已經想試㗎喇不過就冇哂🤢今次終於試到喇不過同我想像中有少少唔同,但味道的確幾似繽紛樂, 比繽紛樂冇咁甜, 榛子控一定要試吓呀😆

而家嘅天氣成日都忽冷忽熱咁，明明前兩日仲好涼所以著咗厚嘅長袖衫，但今日突然有大太陽搞到好熱🌞天氣咁熱嘅時候最啱就係去食甜品🤪成日都見有個哥哥係銀城廣場出面派哩間雪糕店嘅Coupon，今次終於有機會去試下🤓其實都真係幾平，宜家$10就有兩球，仲有好多款唔同嘅味揀，所以同朋友一人叫咗兩球嚟食🍨.🐽尊貴金莎雪糕🐽金莎雪糕好濃朱古力味🍫入面仲要有少少榛子粒粒，令食嘅時候口感會特別啲🤓而且仲有啲榛子醬喺入面，不過因為咁可能會甜咗少少，但我本身好鍾意食甜嘢所以都覺得ok，不過如果你唔鍾意太甜可能就要試下第二隻味啦😉.🐽日式豆腐雪糕🐽本身已經好鍾意食豆腐味雪糕，而哩間嘅豆腐味好香濃，口感黏糯，甜甜地好好食🤤好推薦大家試下😍👍🏻仲要可以呃下自己豆腐味會健康啲，食完都冇咁內疚😼.🐽冧酒提子雪糕🐽豆腐雪糕以外我第二鍾意嘅就係冧酒提子味雪糕🥰佢幾濃冧酒味，而且入面都幾多提子粒粒架🍇所以都推薦大家試下😚.🐽榛子繽紛樂雪糕🐽繽紛樂味入面有好多朱古力碎碎同榛子醬，食落真係好似繽紛樂咁嘅味🤣不過同金莎味一樣都係偏甜，但我自己就覺得唔錯😜.總括嚟講覺得幾抵食，$10就有兩球😁而且佢仲有好多特別嘅味e.g.黑糖珍珠奶茶

依間舖有支援過手足 店舖有文宣同連儂牆💛-$10/2球 (特別味 例如Tiramisu 金莎要加$3)小編一次過試咗4隻味😆有冇人同小編一樣都係好鍾意食豆腐味雪糕？豆腐味好濃 勁正 超推薦大家食🤤金莎味比一般嘅雪糕黏 有勁濃朱古力味 入面仲有榛子醬同埋榛子碎反而荔枝味就冇咁好食 冇乜荔枝味 之餘仲好淡😢Tiramisu就普普通通 冇乜特別 可以試下其他味道評分: 7/10

喺旺角食完飯想平平哋食個甜品，突然間諗起之前見到呢間告急嘅雪糕店都仲未有機會幫襯，所以決定試下🤪閒日嘅夜晚去到都見到有條小小嘅隊，不過不一不雪糕好快姐，等一等都無所謂啦🥰大家又可以用排隊嘅時間揀定想食咩口味，呢度嘅口味選擇都真係多幾特別～見到連白兔糖味都有！！.If you are in the MK area and you want some dessert without breaking the bank 🏦 you have to check out this ice cream shop 😋 $10 for 2 scoops.... no complaints about that what so ever 😊 quite a lot of flavors to choose from 🍨 my favourite one had to be the Rocher! it is filled with crushed ferroro rocher inside and there is a nice toffee like chew to the ice cream 🤤 a