圓圓 (Closed)

今晚食完馬拉菜，又去試下另一間珍珠奶茶。 平日晚上嘅9點鐘都仲有幾個人排隊。個人比較喜歡烏龍口味，今晚試咗人氣榜top 2圓圓烏龍奶茶， 微甜少冰。 另外可以加錢另加口感，例如：紅豆、椰果、仙草和布甸。雖然微甜但未能感受烏龍清香， 圓圓珍珠偏硬， 兩樣都唔係咁啱我。下次再試下芋頭鮮奶雪山， 見到賣相唔錯。

經過深水埗 見到有一間台式飲品店 價錢又合宜所以叫咗杯黑糖珍珠炭焙烏龍奶茶黎試 $25 半糖走冰......結果令我有點失望 首先個珍珠比較硬身 冇咩煙un感😖同埋個人覺得 珍珠有陣中藥味😂😂奶茶好彩叫咗半糖 因為個糖度都已經好足夠 半糖都已經係甜 所以建議可以半糖或微糖🙈奶茶都飲得出烏龍的味道 因為有烏龍茶既香 冇普通奶茶咁單一 👍不過建議可以小冰 唔好走冰 因為走冰嘅感覺比較甜同埋個茶味冇咁出 我返到屋企之後加咗啲冰 飲落好好多😆 不過整體覺得 奶茶偏甜 珍珠偏硬 有啲失望！

香港嘅黑糖珍珠鮮奶開到周圍都係但係呢間比我嘅感覺特別唔同呢家係西九龍中心對面嘅黑糖珍珠鮮奶售價唔貴而且飲落去好有黑糖味我覺得最比其他黑糖珍珠鮮奶其實佢擺咗更加多嘅時間係配製呢個黑糖方面所以感覺都幾好飲

雖然只是五月，已經感受到熾熱的陽光。天時暑熱經過深水埗警署對面，見到這間台式飲料店，二話不說要買番杯！店舖以特色珍珠及黑糖為賣點，由於早陣子經常喝黑糖，今次決定試試他們的special, 圓圓珍珠！圓圓珍珠炭焙烏龍奶茶由於有罪惡感，所以點了中杯、少糖。我們點餐後等了5分鐘便有了！第一口已有驚喜！沒想到炭培味突出，而且與奶茶十分搭配。這裏的珍珠比較特別，是有兩款（黑白）混合的，黑色的比較煙韌、白色的比較軟身，而且珍珠都帶有甜味，幸好點了少糖，味道剛剛好，值得推薦！下次應該來試試他們的黑糖系列！

一直以為深水埗開的是李圓圓，原來此圓圓非彼圓圓。見網上評價不錯，就來一試。店舖位置近地鐵站，很容易找到。試了珍珠奶茶，中杯。價錢只需25元，比現今台灣出名連鎖店大杯一點，珍珠很有驚喜，珍珠中間煙韌，很有咬口，外皮亦不會過軟。奶茶稍微偏甜（order少甜），但喝完不會過份口渴。期待下次試黑糖珍珠鮮奶。

呢間嘢究竟係有咩秘訣整到啲嘢咁好飲 😂 除左黑糖珍珠鮮奶，估唔到連奶茶都咁好飲，好難得唔洗出動嚴格嘅抨擊，受我嘅「我小你家姐」 by 謝四哥，#圓圓炭焙烏龍奶茶 $26，睇個樣好似冇乜料到，但係飲完又係返唔到轉頭果隻，佢嘅炭焙烏龍奶茶真係飲過之中係最香，極香 🤤 飲過嘅窮豬應該都知咩事，佢係成功研發到奶茶界嘅萬有引力，令你飲完之後再想飲第 2 杯，當然因為我冇錢嘅關係所以冇飲第 2 杯 😍 除左冇得輸嘅奶茶之外，佢嘅珍珠係另一重點，有咬口煙韌就基本野啦，重點唔係普通珍珠，係雙色珍珠，分別係黃金珍珠同埋黑糖珍珠，黃金珍珠應該係小小甜味嘅蜜糖珍珠，另外黑糖珍珠就唔洗講啦，一線出色 ❤️-圓圓深水埗欽州街 74A 號地下 3 號舖

每去一個區都會search 吓有無啲新開嘅嘢試吓佢，俾我發現有呢間新嘅圓圓，又係黑糖鮮奶啲frd, 見啲評價ok, 又話唔洗點排就試吓。-由買到拿到，15 分鐘都唔洗，唔洗點排隊，做嘢都算快，staff 好充足。拿上手下面啲黑糖好熱呀-比起上次飲Tea Days, 呢間明顯好飲好多！鮮奶夠滑，黑糖味好balance, tea days 黑糖好重，又苦苦地，有對比下呢間圓圓好好多，啲珍珠都幾好食，inin unun 咁（我唔好食珍珠，但起碼佢好過阿元有咬口得黎又唔易散）-唔洗排隊又好飲，加分唔少，絕對可以一試，而且佢份量好足，唔會話飲兩啖就無咗，反而我嫌佢珍珠太多添LOL (搞到我好飽）

香港既珍珠奶茶店愈開愈多，開到成行成市，但深水場圓圓一直都係我最愛既珍奶店。圓圓係響西九龍中心對面，雖然只得一間分店，但就岩哂行完街再黎飲珍奶。好彩今次黎到，連人龍都冇，咁就當然要點返我最愛既黑糖珍珠鮮奶，鮮奶係用明治奶製既，夠哂香滑，好有奶味。黑糖珍珠因為係新鮮即製，摸住杯珍奶會feel到D珍珠熱熱地，珍珠咬落煙韌Q彈，被一層黑糖包住，甜甜地，唔覺唔覺就飲左大半杯。小店出品，但就非常有驚喜，希望佢可以開多d分店啦！

因為朋友極力推介，話圓圓嘅飲品有炭燒味好正，所以去開深水埗未食飯都買杯試吓先！＊地點＊圓圓就喺長沙灣政府合署對面，好易搵！👍＊排隊時間＊我係平日晚上大概七點半至八點去到，唔洗點排隊就落到order。前前後後都有客人，大約見到五至六組客人(包括我)。＊飲品＊我嗌返我最愛嘅黑糖珍珠鮮奶(熱)。原來無炭燒味嫁！應該係要嗌寫住炭焙嗰啲（例如：炭焙烏龍奶茶）先有炭燒味。雖然試唔到朋友仔話好正嘅炭燒味，但係一啲都唔失望！因為佢嘅黑糖珍珠係我飲過嘅最好食嫁！😋 黑糖甜味啱啱好，而且口感煙韌又易咬開，好似食緊韌啲嘅湯丸咁！啱哂我呢啲硬啲、韌啲都咬唔開嘅無牙婆！😝可能因為個珍珠已經夠甜，所以個奶佢無乜再加糖，所以如果淨係飲奶係唔甜嘅。控制到整身唔會過甜，唔錯！呢間黑糖珍奶絕對值得再飲呀！😍P.S.: 呢間嘅熱奶係真熱，個溫度唔係暖咁簡單。冬天飲真暖笠笠！

作為珍珠奶茶愛好者，試過好多好多間唔同嘅珍珠奶茶同黑糖鮮奶，包括台灣過江龍、連鎖品牌同埋小店，呢間嘅圓圓炭培烏龍絕對係咁多間裡面最出色。茶底做得好好，飲得出好香嘅茶味，同奶配合得好好，成杯珍珠奶茶都好香。珍珠都係好夠甜（但不會死甜），腍等黎有啲咬口，而唔係好似某啲連鎖品牌嘅冇味橡膠，而且似乎一杯裡面有兩款珍珠，都十分好味。飲得出成杯珍奶都係心機之作。美中不足係偶爾會多人排隊，需要等一陣，但店員手腳算快，而且呢杯珍珠奶茶絕對係值得等待！

原本都係行過，隨便買杯野飲，無諗過味道如此出色，比好多大熱黑糖珍珠鮮奶更好飲！黑糖味道好出，又甜而不膩，牛奶味又好香滑，鋪頭寫明話用明治鮮奶，黑糖同牛奶夾得岩岩好，比例調得好好，唔會顧此失彼，珍珠煮得岩岩好，夠煙un呀，唔似有d會太硬或者太淋，絕對會回頭！

这家店正巧在深水埗看到，就点了一倍，并没有点哪个经典款什麽黑糖珍珠，因为昨天有点腻不想喝，点了个布丁的，有一点点甜，别的都还可以，喝的人不算少，但是不会专门去买了喔

#珍珠奶茶(中) $18依到用嘅係黃金珍珠😚啲珍珠好煙韌 好好咬👍🏻小編叫咗半糖 所以唔太甜茶味都幾香 有啲似清玉嘅珍珠奶茶如果有飲過清玉嘅珍珠奶茶應該都知道到咩味😆依到最出名嘅係黑糖珍珠鮮奶小編有機會再去試下係咪真係咁正先😛評分:8/10

今次飲既係係深水埗成日門口排長龍既珍珠飲品店 我地6點斷去到 等左大概15分鐘終於有得飲🤤我地今次無揀到飲黑糖珍珠鮮奶 試左佢地既圓圓炭焙烏龍奶茶😆😆 因為想試下佢地既炭培烏龍奶茶底 好彩冇令我地失望 味道果然唔錯 男朋友都話烏龍茶味好出好香 而且唔會好甜👍🏻 入面仲有黑糖珍珠同黃金珍珠2抹珍珠 珍珠做得好出色 2款都係好有咬口好好𡁻 而且d珍珠又夠甜味 唔會食食下無哂味😋 我地叫既係少甜 甜度味道都岩岩好丫👅

放工後的comfort food非圓圓嘅黑糖珍珠莫屬7:1xpm嘅圓圓門外有幾個人排緊，有學生，有OL...等左唔夠10分鐘就到我，好快唔飲奶類又想吃黑糖珍珠就點了黑糖珍珠紅茶（微糖，少冰）因為我只為佢嘅珍珠而來一拿上手，現煮黑糖珍珠仍是暖的店員有細心提醒搖勻才喝珍珠煙in彈牙到咬落撻撻聲，爽口脆心，珍珠入晒黑糖味好過好多連鎖品牌亦係我多次幫襯嘅唯一原因成杯都有黑糖味又有茶味未返到家已喝完了