Dozy

Open Now

Now Closed

今日下午約12.50 坐下, 不需要等位。先到付款處付款, 取了牌號後在座位等候。Set lunch 包括一份主菜及一柸飲品, 加錢可加甜品。叫了慢煮香草雞扒牛油果醬意粉, 玫瑰紅茶(熱), 加一客豆腐芝士餅 (Tofu cheesecake)。等了約五分鐘, 來了玫瑰紅茶(熱), 一大熱茶壺和一隻小柸, 水是沸騰的, 傳來陣陣玫瑰花香, 很舒服。再等約廿分鐘才上主菜, 老實說, 等候時間真是太長了。若是趕時間或是肚子餓, 此小店真是不合適。然而, 等候時間長是有原因的, 食物是即叫即製, 熱呼呼上菜。意粉份量足夠, 牛油果醬非常充足, 感覺果醬是新鮮的。雞扒嫩滑, 不油膩, 有香草味, 少鹽。豆腐芝士餅有豆腐味, 完全沒有一般芝士餅的油膩感, 少甜, 感覺清新。小店裝修簡單, 感覺十分隨意舒服, 人也自然放鬆下來, 吃完後想繼續坐, 若不是要返工, 真想坐多一會。有自助茶水間, 很方便。整體食物水平很好, 少糖少鹽, 健康飲食。

最近幾年深水埗開左好多新咖啡店，有不同類型咖啡店進駐，今次就去左位於基隆街的小店，裝修以工業風裝修為主，另有小樹木做裝飾，感覺都係有d特別，依度嘅空間感十足，坐得都算係幾舒服，如果想打卡，就建議大家坐近門口位，而餐牌見到食物以輕食為主，主要當然要另咖啡、茶飲及甜品選擇，整體而言唔貴。咖啡賣相精美，咖啡師既拉花係有心思充滿誠意，飲落是豐厚的抹茶香，帶點抹茶微苦回甘，口感細緻幼滑，甜度適中，鮮奶跟咖啡比例完美！

上次係隔離食嘢 經過見到呢間 懷舊工業風cafe🔖 bookmarked 一段時間 今日有機會食到喇😌一間看似不起眼嘅cafe 行過或者會skip左 咁你就走寶喇🤭🥢DOZY BRUNCH🥙法蘭克福腸丨紐倫堡腸丨炒蛋｜大啡菇｜燒蕃茄｜沙律菜｜多士樣樣都做到應有水準 🥢慢煮香草雞扒牛油果醬意粉🍝慢煮雞扒好出色👍🏻👍🏻塊雞扒好juicy 啲肉勁嫩 🥢十分鐘炸番薯條🍠配蜜糖芥末/蛋黃醬即叫即炸 香甜軟綿😋😋會食到上癮....忍唔住 一條接一條🤤🍰豆腐芝士蛋糕set lunch +$38就有一件 好抵🤩淡淡嘅豆腐香味 搭上creamy嘅cheese 加杯咖啡襯托 正👍🏻👍🏻☕️Dirty咖啡同奶好分明 奶味較重 入口滑溜🍵Matcha Latte抹茶味香濃 沖得好勻 唔會飲到底 剩返啲粉呢到嘅食物 或者都唔係重點最吸引人嘅 應該係繁囂中的寧靜🙂一杯咖啡 一份食物 柔和嘅光線底下 腳步稍為放慢一點👣👣休息一下 再重新上路😊

Cafe位於深水埗基隆街，餐廳門口比較raw。唔細心望嘅話唔會覺得佢係一間cafe☕️先點咗個DOZY BRUNCH🥗，有法蘭克福腸，紐倫堡腸，炒蛋，大啡菇，燒蕃茄，沙律菜同多士。沙律菜好新鮮，配上黑醋去食，好開胃。成個Brunch份量合理😋。慢煮香草雞扒牛油果醬意粉🍝雞扒用慢煮形式烹調，雞扒肉質係超。級。嫩。滑！牛油果醬意粉🍝味道清新又健康。十分鐘炸薯條🍠配上蜜糖芥末同蛋黃醬，炸蕃薯條外皮酥脆內層甜糯。配上兩種醬汁有唔同嘅效果。豆腐芝士蛋糕🍰 味道清新，口感輕盈。啱晒怕肥又為食嘅小編。最後點左兩杯飲品。Dirty☕️，第一口飲落時，會感受到咖啡的風味☕️，然後又有一口冷冰冰的奶🥛，補充香甜感。味道濃厚。Matcha Latte🍵🥛，表層嘅抹茶奶泡夠厚並且口感綿密，抹茶帶有微微嘅苦澀配上奶香完美融合。重點佢環境非常舒適。慢慢飲下咖啡☕️，同朋友傾下大家嘅近況。可以短暫逃離繁忙都市生活嘅港人提供一個喘息空間，休息過後再努力拚搏。

平時好少黎深水埗區不過一早知道呢到超多文青cafe今日咁岩黎開附近報學車🙈點都要飲返杯咖先走啦😏 🛎️$40 Dirty比平時的Dirty大杯可能奶比例多，咖啡味冇咁突出🤔漸層亦冇咁平均同埋明顯～🌐 環境/服務水泥風裝修有不同既高低既枱櫈仲有啲植物做背景無論咩角度影相，都好靚📸

深水埗有咁多間Cafe，大家最鍾意邊一間？我呢就好鍾意呢一間 dozy cafe, 佢裝修走型格工業風，最重要係食物高質，咖啡好飲，仲係寵物友善餐廳🥰 🌟南瓜牛油果石榴沙律配柚子汁 $88喺佢哋IG見到呢個沙律已經好心心眼😍 賣相一流，味道亦都相當唔錯👍 有我最鍾意嘅南瓜同牛油果，南瓜表面燒過，更加香甜🤩 牛油果好新鮮，砌到成朵花咁😍😍 配上柚子汁好清新，想食得健康，呢一個沙律好推介👍🌟NOTHING $68 黑芝麻咖啡☕️佢嘅漸層勁靚😍啱晒打卡😎 黑芝麻好香濃，甜度剛剛好👍 🌟伯爵茶卷蛋 $48佢嘅卷蛋真係超級超級好味🤩 大家一定要試😍 伯爵茶味好清香，cream 又滑又輕盈，蛋糕好鬆軟，成個配搭真係完美🥰 除咗伯爵茶味，仲有焙茶同抹茶味，下次一定要試埋😌

深水埗好多特色餐廳，今次揀咗呢間基隆街的《Dozy》，裝修以簡約的工業風為主，燈光比較暗，主要採用自然光線，灰色外牆配上深水埗舊樓的一些剝落痕跡，經過門口你仲以為正在裝修。坐得都幾舒服，感覺有啲同外界隔絕。lunch set有不同選擇，我哋叫咗《南瓜牛油果石榴沙律配柚子汁》，賣相同口味都好吸引。燒南瓜好甜，分量十足，石榴沙律唔係經常食到酸酸甜甜配上柚子汁好夾。鍾意食牛油果沙律的朋友可以試吓！另外，朋友叫咗一個《慢煮香草雞扒牛油果醬意粉》，一樣好好味，香草配慢煮雞肉好林！加多兩杯咖啡，餐牌10號22號，一切都咁Perfect match😌

Dozy向來深水埗都多Cafe, 今次就試左Dozy, 位於大南街上，門口幾懷舊，但內裡都幾寬敞，環境比較暗，氣氛好寧靜，好適合係到chill 下😚Dozy Brunch $128有法蘭克福腸，紐倫堡腸，炒蛋，大啡菇，燒蕃茄，沙律菜，多士，份量唔算好多，但係味道算係幾清新，而且食材新鮮🙂對於唔大食既我好夠食！慢煮香草雞扒牛油果醬意粉 Slow cooked herb chicken pasta with avocado sauce $118雞扒牛油果醬意粉就明顯有大量嘅牛油果醬包圍着意粉，雞扒煮得幾香滑，香草味比較出，COFFEE跟餐揀左一杯Latte 同一杯Americano, 兩杯都係凍啡，咖啡味都幾好👍🏻如果想搵個地方坐下chill 下 咁呢到會係個好選擇😆

ʙᴏᴏᴋᴍᴀʀᴋ咗好耐嘅一間咖啡店好鍾意佢哋嘅工業風裝修同水泥牆壁傢俬亦都好有特色 大量木製小茶几同懷舊梳化成個感覺都好融洽又好舒服 打卡都好岩🤣係個好啱同朋友傾偈•放鬆吓嘅好地方🤟🏿______________________________佢哋除咗咖啡 仲有好幾款意粉•貝果•三文治不過因為我同朋友食完中午飯先去所以今次淨係叫咗咖啡同甜品______________________________/ 阿薩姆紅茶卷蛋 / $45/ 抹茶巴斯克蛋糕 / $58佢哋每日嘅甜品款式 應該都會略有不同我嗰日去到咁啱剩返巴斯克同卷蛋望住餐牌掙扎咗一大輪 點餐先知得番兩款🤣大家去到可以直接喺點餐處 問店員當日款式🫶🏻/ Latte // Matcha Latte /雖然同味道無關 但係真心好鍾意佢哋嘅咖啡杯個咖啡杯同水泥牆壁真係好夾 好鍾意呢個tone!另外想講佢哋嘅咖啡都好大杯浸到滿一滿辛苦店員小心翼翼咁樣拎過嚟🤣🫶🏻

去返之前黎過既深水埗Cafe Dozy，係一間工業風有水泥牆既Cafe，特別鐘意佢啲傢俱🪑用左好多皮既梳化，坐得舒服！仲有啲古董風扇，令小店增添幾分復古既味道🕰️原來晏晝有lunch set，主食可以free 杯飲品，感覺上都算抵，反正點都要叫杯咖啡止下啡癮。幾鐘意呢到，靜靜地又無限時，一坐就坐左個幾鐘。坐到兩點幾都幾乎滿座，有啲人黎到就問有無Wifi方便拎電腦做野💻叫左個牛油果醬意粉🥑有啲creamy，味道清清地，塊雞扒就煎得好香，唔會過熟食落仲好滑。加左個豆腐芝士蛋糕，味道係好似豆腐花，佢面頭有埋食豆腐花會落既黃糖，都幾有特色🍰我杯latte拉花好靚，味道nutty，都有水準。朋友後join再叫左杯Mocha，又可以再hea下☕️🍫🔸慢煮香草雞扒牛油果醬意粉🔸豆腐芝士蛋糕🔸Latte🔸Mocha📍#Dozy (#深水埗美食) 深水埗基隆街199號地舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_深水埗 #吃是真愛_Cafe

人越大有時都會想一個人靜一靜搵到間幾有feel既cafe 入左去好似去左以前年代咁石屎牆工業風再配搭了皮梳化 木椅 木茶几~ 仲有d綠色植物🪴自己歎下 睇下書~ 幾寫意又放鬆而餐點和咖啡竟令我驚喜🫶🏻.🔸歐陸式醃三文魚牛油果芥辣貝果 $88個賣相頂呱呱 貝果表面十分香脆 內軟仲有火箭菜蟹籽沙律令醃三文魚的咸味中和返~芥末醬加左蜜糖 甜辣甜辣的食完仲會有飽肚感!.🔸焙茶卷蛋 $45好高質 夠哂濕潤 鬆軟感滿分而且焙茶味香濃 d cream好輕盈一秒間就食哂😂😂下次想食埋伯爵茶味~.🔸Flat White $40拉花好靚 啡味香濃~.📍Dozy📌深水埗基隆街199號地舖

今日同朋友嚟咗呢間cafe chill, 叫左3個lunch set，甜品同埋coffee 有蟹籽蟹肉配檸檬叼草醬三文治，西西里蕃茄海鮮意粉，慢煮香草雞扒牛油果醬意粉。全部賣相都好靚，好睇又好食😋😋仲叫咗甜品焙茶卷蛋同埋抹茶巴斯克蛋糕。焙茶卷蛋好light又唔漏，抹茶巴斯克蛋糕好濃郁，好好味😆 我叫咗杯dirty 好香好好飲。店員服務都好好.唯一嘅壞處係我哋坐嗰張枱啲櫈有啲高，食嘢嗰陣要烏低身，所以坐得唔係好舒服。😅

深水埗cafe DOZY黑暗工業風裝修🔗🖤對比附近既cafe 有明顯唔同既特色 全部都係矮凳同矮檯，同朋友傾計就好舒服，但唔岩諗住坐低做野工作既人蟹籽蟹肉配檸檬刁草醬三文治🥪蟹肉好足料檸檬汁令到成個三文治更freshMocha🍫Latte☕️咖啡水準正常，味道偏nutty

去深水埗幫朋友買漫遊電話card，去左一間裝潢以灰色水泥為主既Cafe，配上復古顏色既皮製梳化，仲有幾棵大型植物，型格得黎又好舒適。Cafe主打Bagel、意粉、蛋糕和特式飲品，賣相好靚😍中午時段幾乎座無虛席。環境令人好舒服，無論係一個人去chill下享受一下 me-time 又或者幾個朋人去吹下水都唔錯!🥯 蒲燒汁鰻魚滑蛋貝果 $128鰻魚好大件好吸睛! 鰻魚好肥美，醬汁滿滿，蒲燒醬汁加埋滑溜既雞蛋好夾，貝果煙煙韌韌好有咬口，整體好大份，食晒夠晒飽! ☕️ NOTHING ($68；set +$28)呢杯Sesame latte好有層次感好igable📸 杯面仲有一朵食用小花點綴好靚! 天然芝麻味道濃郁，唔會好甜，女生一定愛上!🍰 豆腐芝士蛋糕 🍰 ($58；set +$38)Café 的signature 甜品，豆腐味濃郁，唔會被芝士味蓋過，豆腐味和芝士味配合得好好，食完仲有少許豆香留係口腔。黃糖撒係芝士蛋糕面和做伴碟，營造像豆腐花一樣的配搭，推介!

深水埗越來越多好有特色嘅餐廳及Cafe,今日去左位於基隆街好Raw好有工業風又帶點復古型格嘅Dozy Cafe 輕鬆歎下午茶☕️。餐廳佈置得好舒服，一入去，已被牆身嘅壁畫吸引住，加上復古型格嘅傢俬擺設，高質素嘅小木枱木椅🪵，又有多盆綠色大型植物，好有大自然及森林嘅氣息🌳🪵，配埋柔和嘅燈光同音樂🎼，真係Chill 到痺💕✔️豆腐芝士蛋糕（$58）🌟🌟🌟🌟🌟本身已經係「荳品控」嘅我，一見到豆腐芝士蛋糕，梗係即刻Order 啦😉，果然無令我失望，淡淡的芝士及豆腐香氣，味道配搭啱啱好👍😋，蛋糕賣相簡單得嚟，配上靚靚嘅花花鋪喺蛋糕面，感覺好舒服，治癒感十足，真係想食多一件😜🫶🏻👍✔️巴斯克芝士蛋糕（抹茶味）（$58）🌟🌟🌟🌟🌟抹茶味嘅巴斯克芝士蛋糕，除左有抹茶🍵嘅茶香外，加埋濃濃又幼滑嘅芝士，口感好豐富，一邊食一邊歎我嘅Barista Special ,真係正到不得了🥰✔️Barista special （$58）🌟🌟🌟🌟🌟呢杯係「咖啡師發辦」嘅飲品🥰，真係好期待🤩！型格嘅賣相，已經好吸睛😍,除左啱晒打卡外，味道仲好特別，除了一股濃濃咖啡香☕️外，味道帶點酸又帶點梳打嘅感覺😍，而底層又有甜甜柚子蜜的味道，