龍城冰室

Open Now

Now Closed

龍城冰室 (觀塘)觀塘駿業街56號中海日升中心地下A號舖(下午茶) 芝士流心西多士 $32西多士即叫即炸！放上大大片牛油係面，內裏有芝士夾心！切開西多士，芝士半溶狀，但無流心，食落有芝士味，口味近似平時夾麵包/三文治用的芝士片，再加埋會有成支CJ糖漿俾你任倒，成舊西多鹹鹹甜甜咁！ (J妹係落好多糖漿的嗜甜派😆)菜遠豆腐火腩飯 $49幾足料！ 有菜、燒肉、黑木耳、豆腐～ 可惜蠔油芡汁令燒肉皮變腍、唔脆，還好唔算太肥～ K話之前經過嚟食，燒肉皮就算有芡汁撈埋都係好脆，可能今次失準啦🤔🤔

.外賣🥡系列1️⃣👩🏻‍🦰👦🏻觀塘龍城冰室 @dragoncitycafe 🐲之前第一次食龍城係喺銅鑼灣🥰一直印象都好好😻😻早餐好好食😋………….今次係食午餐🥣😮平時好鍾意食焗飯嘅👩🏻‍🦰所以👩🏻‍🦰👦🏻都叫左焗飯😻😻……………🌟焗芝士海鮮飯👦🏻($58)(外賣+$1)🌟焗芝士魚柳飯👩🏻‍🦰($56)(外賣+$1)如果多d芝士🧀就好啦!!!😆😆…………..

每次係朋友觀塘屋企打牌🀄️必須要做既一件事就係叫龍城冰室既外賣 今次無用外賣app 用返最傳統方法 打電話叫外賣 大約45分鐘後送到😆😆我地今日叫左三個主食 👌🏻分別係乾炒牛河 星洲炒米 同生炒美極牛肉飯 食茶記外賣 追求既當然係鑊氣 呢方面龍城做得好好 再者呢啲炒粉麵飯 能夠做到唔油 師傅功架要足 😋我地最推介既係乾炒牛河 牛肉大大塊 仲保到肉汁 河粉條條分明 調味濃 作為宵夜就最好不過👻👻另外再加左兩個小食 有避風塘豆腐 及 蒜蓉炒雜菜 兩樣都發揮出色 炸皮下既豆腐非常嫩滑 而雜菜肉容豐富 蒜蓉一啲都唔吝嗇 正呀喂💯

係觀塘上完堂，就喺附近食埋午餐。見到有兩間茶餐廳排晒隊，就搵一間冇咁多人嘅入去。啱啱正正係午飯時候，我排咗10分鐘左右就有位。熱奶茶正正常常，茶色都幾靚嘅，飲落普普通通啦芝士焗魚柳飯 $51又係一個普通嘅芝士焗飯，佢係有炒飯底但係比較乾身，芝士都幾多嘅。

門口見到佢早餐有芝士火腿牛角酥就完全吸左人去打開本Menu早餐ABC餐仲更加吸引結果叫咗B餐轉通粉熱華田啲嘢食唔使3分鐘已經到晒我想執一執個袋嘅機會都冇本身諗住瞓咁快上到嚟啲嘢一定係凍冰冰點知食過牛角酥真係有驚喜！暖暖地，佢真係牛角酥！ 而且芝士仲要溶溶地夾埋火腿一齊真係幾好食$33有呢個質素已經覺得好有誠意炒蛋好滑，唔錯但係你話評價就相對之下冇乜特別啦熱辣辣熱華田用料充足 呢個真係好抵讚夠濃 唔似平時啲茶記咁淡通粉就有對比之下略嫌失色好普通茶記嘅沙嗲牛肉通粉🤣講真淨係食佢個蛋同埋牛角包已經值回票價

龍城冰室 (觀塘)觀塘駿業街56號中海日升中心地下A號舖菜遠豆腐火腩飯 $49(菜遠可轉： 涼瓜 / 豉椒 / 枝竹) 好食！好足料！🤩 豆腐外脆內腍，仲吸晒芡汁嘅蠔油老抽味道～ 好少餐廳嘅火腩做得咁好！ 燒肉脆皮！脆卜卜～ 肥瘦均衡！肉同肥膏嘅比例各佔一半！仲唔會過鹹！朋友係豆腐火腩飯控，佢話呢個飯一定要重點推介！ 仲話下次嚟會將菜遠轉做枝竹豆腐火腩飯😜秘製香辣魷魚公仔麵 + XO醬炒蘿蔔糕 $43秘製香辣魷魚惹味～ 蘿蔔糕足料，食到有爽口嘅白蘿蔔條 + 蝦米仔 + 臘腸碎，口感豐富！唔會好似其他舖頭咁每一啖蘿蔔膏都只係食粉漿！龍鳳檸樂 $24(自選下午茶餐飲轉特飲只需+$8)小妹第一次飲！ 腌製入味嘅鹹青檸+檸檬可樂！原來鹹鹹甜甜咁幾好飲！！雜果賓治 $24(午晚市粉麵餐飲轉特飲只需+$9)食物足料！無hea做！👍🏻

約咗朋友去觀塘食飯，佢介紹我去中海日升中心的龍城冰室，食物大碟好抵食，而且味道都好好。冰室食物都有唔少選擇，中西式都有，我就想試吓小炒，叫咗鐵板XO醬野菌炒龍躉球，奉送白飯 例湯。用鐵板盛上熱辣辣香噴噴，炒得多夠鑊氣，惹菌爽口龍躉球彈牙，用XO醬炒甚惹味！奉送熱飲，特飲只需加$9，凍飲鹹檸七，鹹甜交雜、冰涼可口。銀芽肉絲炒麵，炒麵邊香脆，中間部份軟身，調煮芡汁加入豬肉絲、韭黃、冬菇絲，將芡汁淋上炒麵，入口既脆又軟，令人垂涎欲滴！懷舊紅豆冰，甜甜的紅豆加上奶香，紅豆冰永遠是最好飲！

今日去開觀塘，決定係個度解決埋個晚餐，好耐無食過茶餐廳嘅晚餐，決定食龍城冰室。冰室外面好金壁輝煌，遠距離都望度。店內每張檯都好闊落，坐得好舒服。環境都好乾淨。今日叫左個招牌鮑魚帶子炒飯，見到餐牌有推介，所以決定試下，一送到黎，個窩就滋滋聲仲傳出陣陣飯香， 個炒飯有三隻飽魚同三隻帶子，料都算係咁，$7x都可接受，炒飯底有好多椰菜、蔥同蛋，材料雖然好簡單，但佢炒得好有鑊氣，非常乾身，飯粒粒分明，調味剛剛好，個窩仲好好keep 到d 炒飯夠熱，同埋仲有窩巴，個飯雖然簡單但超好味，好快就比我地清曬。蕃茄焗豬排飯好濃郁嘅蕃茄味，超多芝士，仲有拉絲，豬排好淋都算多，足足有5大舊，除左豬排，仲有勁多四芹菠蘿同菇，味道仲好過大快活嘅焗豬，唔錯。今日個焗豬係晚餐，所以叫左個周打蜆湯，個湯好creamy, 仲有好多料，個湯應該係自己煲而唔係罐頭，味道唔錯。茶餐廳招牌配角，凍檸茶，無得輸，好味。除左我叫呢2樣，餐廳仲有好多選擇，試幾次都唔厭。

星期六去觀塘上課，中間有少許時間可以先吃飯，於是走到龍城冰室。食物選擇固然多樣化，常餐套餐小菜小炒等等一應俱全。點了一客常餐，瑞士雞翼撈公仔麵，配3.6牛乳炒蛋併腸仔，以及芝士火腿牛角酥。瑞士雞翼一客兩隻，非常入味，肉質嫩滑。撈公仔麵是我喜歡的乾身口感，沒有湯，用瑞士雞翼汁撈起來非常滋味。個人喜歡把炒蛋加進撈麵中一同進食，令口感更加豐富。腸仔煎得香，加倍好味。火腿芝士牛角酥是一個香脆之選。常餐送熱飲，可以轉做中湯或羅宋湯，凍肉和特飲只需加幾蚊。我選擇了紅豆冰，少冰。飲起來味道甜甜的，紅豆用料十足，感覺零舍幸福。另外點了小食蒜蓉牛油煙肉焗青口，共有五隻，焗得香氣四溢，青口鮮味更加突出。

喺觀塘放工，同事話屋企冇飯食，諗住同佢食個快嘅晚餐。平時都有食開龍門冰室嘅早餐，質素唔錯，一於試吓晚餐係點。餐牌嘅選擇好多，焗飯、小菜、西餐、鐵板等一應俱全，選擇十分多樣化。而見佢一直都有做開二人小菜套餐，兩個小菜加兩個白飯加兩個湯，只係$149。菜式方面有近40個選擇，而且有好多海鮮餸菜例如龍躉，帶子，花甲等等，冰室來講確係有啲驚喜。我哋二人叫咗菜心炒龍躉球同西蘭花帶子，兩個份量都係大大碟，魚同帶子都10分足料。西蘭花炒帶子帶子都夠彈牙，而且配料十足，呢個價錢呢個質素，係冰室嘅環境，性價比算好高。菜心炒龍躉球龍躉當然唔係貴價龍躉，但鑊氣夠 炒得香口。湯方面，有中湯，白湯同紅湯，我哋分別叫咗白湯同紅湯，係正常茶餐廳味道不過不失。另外再叫多杯熱朱古力當係飯後小甜品。

有事要去觀塘廣場一趟，先在觀塘找下午茶吃，就來到未光顧過的龍城冰室。星期日4pm左右來到，不用等位就能入座。店舖裝潢光猛，座位寬敞。下午茶餐的選項多，另外還有自由配搭的下午茶組合，但價格就不算便宜啊！我們一行4人，叫幾份餐就可以試多幾款不同的食物了～～～日式鰻魚炒飯 (迷你版) ，味道香而不鹹，但炒飯稍微炒得不夠乾身，而且鰻魚份量不算多。瑞士汁雞翼&瑞士雞髀，雞翼雖不是雞全翼，但都有連翼尖部分，雞髀夠大隻。瑞士汁的甜味與鹹味取得平衡，滷得夠入味，雞翼及雞髀的肉質不會粗糙。咖喱三寶，有魚蛋﹑蘿蔔及豬皮，份量剛好足夠我們4人均分。豬皮爽口，蘿蔔夠稔，咖喱味香濃，每款食材都吸盡咖喱味！正！！煙三文魚牛角酥，牛角包夾著的煙三文魚夠大片，還有蕃茄及生菜，再澆上大量沙律醬。牛角包質感鬆脆，稍稍欠點牛油香。煙三文魚的鹹香味亦略嫌被沙律醬的味道遮蓋。咖喱角拼沙律，咖喱角香脆不油膩，餡料厚身又充滿咖喱香！雜果沙律不單是罐頭雜果，還加入紅腰豆及粟米粒，用料豐富，味道酸酸的好開胃～～芝士流心西多士，有一大片牛油放在西多面層，再澆上糖漿。切開西多時，流心程度不算高，吃的時候確實帶有少少的芝士香，都算不錯～～勝

喺觀塘返工幾年，經過無數咁多次，今晚終於都有機會食呢間龍城冰室。大大個招牌，地方闊落，而且接近市中心，非常方便。晚市餐牌選擇眾多，每款小菜菜式非常吸引、煎炒煮炸煲都有。一人餐都只係$75 ，仲包白飯、湯、飲品。想食碟炒菜，都只係加$43。唔想食晚餐嘅話，可以選擇招牌馬來咖喱飯。另外仲有焗飯、焗意粉等等。最令人驚喜嘅係，有韓式石鍋飯、泡飯。今晚叫咗一個一人晚餐、先嚟個明火例湯。飲品方面，叫咗雜果賓治，汽水自行添加😂到咗秋冬時分，當然係食當季嘅通菜啦。加咗$43叫過椒絲腐乳炒通菜，通菜好鮮嫩，而且非常大碟，2個人食都無問題。主菜叫咗海鮮雜菜鍋，花甲非常新鮮，最值得提及嘅係呢個海鮮湯底好好飲、夠晒鮮甜。如果細食嘅朋友，可以叫一個晚餐加個菜，兩個人分享。

See! The menu is this thick! The pictures of the menu themselves are already mouth-watering! It took me quite a while to make up my mind to choose a dish for my late lunch. My friend ordered a chicken leg with salad tea set, plus iced coffee. The soy sauce chicken leg is giant!The potato salad with rice paper spring rolls are yummy too. Specially the iced coffee, my friend said it’s really good and smells good. My red bean ice was tasty too. Not too sweet while the red beans are really soft. Th

觀塘工廈雖然出名係搵食勝地😋 但係好多餐廳平日都會好早收門😵 有時如果ot 遲左收工嘅話都好難搵到有乜好食🤷🏻‍♀️ 咁啱今次有野做晏左食飯😂好彩搵到間遲關門嘅茶餐廳😝橫掂都好耐冇食過茶記一於入去填飽個肚 👻呢間冰室既餐牌上面選擇真係好多🥴除左小菜 焗飯 炒粉面 鐵板餐 呢啲正路野之外竟然連鰻魚飯都有🍱🤣有選擇困難症嘅我真係睇到頭都爆🤯😂最後因為咩都想食🤤所以就叫左可以同朋友share 既二人小菜套餐✌🏻套餐包埋飲品同湯🥤兩碟小菜上枱都好快而且仲好有鑊氣添😎我地揀左菠蘿咕嚕肉同露荀炒龍躉😜兩碟小菜份量都好夠👍🏻 最重要係味道都唔差 好有地道嘅香港風味😋 推薦追求快靚正嘅觀塘上班族過黎試試😌👉🏻二人小菜套餐🍛🍲💰HKD 1️⃣4️⃣9️⃣

呢餐係我七日之內食嘅第三餐沙爹牛😂 亦都係最平既一餐，個set跟左迷你芝士火腿牛角酥同埋牛乳炒滑蛋併腸仔&熱飲 ($33)(原來轉全熟蛋就會無左腸仔，呢樣野餐牌無特別指明，有啲唔清晰，食過咁多間茶餐廳都可以免費轉🤔)熱飲幾多選擇，蜂皇柑桔蜜同柚子茶都唔使加錢👍沙爹牛個汁幾濃郁，但無花生香，肉質幾滑，都唔錯～牛角酥係脆既😋 迷你得黎都有啲層次，有牛油香味，如果芝士再溶啲會仲正😅蜂皇柑桔蜜有加埋檸檬係裡面，足料好飲，鹹鹹甜甜，宜家入秋既天氣對滋潤下喉嚨非常唔錯👍總括黎講呢個$33早餐性價比非常高！👏👏👏