龍城冰室

Open Now

Now Closed

有人會問快餐店，茶餐廳同冰室有咩野分別。快餐店呢d連鎖餐廳，食物選擇較少，而且預先煮定的菜式會比較多，方便即時上菜，增加流量。但冰室就唔同，晚上多以小菜為主，款式多樣化，仲有懷舊菜式，任君選擇。而且，大多即叫即做，夠晒煱氣。今次，我就嚟幫襯呢間歴史悠久龍城冰室。首先，叫左個套餐，露荀抄龍躉球。大大塊龍躉，配以露荀，木珥，黃紅辣椒絲，十分足料。第二味，小菜套餐加配48蚊，叫左個蝦皮蒜蓉抄西蘭花。相信出面，好少會食到呢味餸。蝦皮同蒜蓉抄得好香，雖然沒有肉但已經好好味。而且蝦皮有大量鈣質，健康惹味。仲有，加多12蚊，叫杯懷舊紅豆冰。正呀！其實，整紅豆冰，需要好多情序，唔係太多餐廳會整啦。紅豆煮得夠淋，不會太硬。例湯就不用多說啦！懷舊冰室一般都有麵包和蛋糕。嘩，充滿懷舊色彩嘅椰撻都有，真係唔講得笑。👍👍👍

今日，我哋夜晚去咗食冰室🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽叉燒酥(2件)：酥皮在口入面層層化開，叉燒好香好好味😋忌廉雞批：雞批有非常濃郁嘅忌廉味，每一啖都食到忌廉&雞肉端士雞翼撈公仔麵：瑞士雞翼醬汁香濃，雞翼入曬味，吸收曬瑞士醬汁嘅精華，食落口係非常濃郁嘅瑞士汁味，再加上彈牙滑嫩嘅雞肉，超級好味。公仔麵適中，唔會過淋或過硬配3.6牛乳炒蛋併腸仔 ：炒蛋好香滑，腸仔幾好味配香酥丹麥多士：牛油份量適中，同埋塊多士非常鬆軟秘制泰式無骨海南雞配香茅油香飯：雞肉非常嫩滑，同埋一啲都唔肥膩。海南雞配埋秘制醬汁一齊食，好正。我哋用秘制醬汁黎撈油飯，簡直係一流。餐湯-羅宋湯：超多料，好凍檸茶(2杯)：正常茶記水準，好飲CP值🌟高

今晚去左龍門冰室2公婆撐枱腳，2個人嗌左 椒鹽鮮魷， 紅酒燒汁雜扒同日式黑松露帶子配蒲燒原條鰻魚！超正！先嚟個雜扒，份量十足，而且都好味吾會太嫩太硬，加上有豬，牛，腸和煙肉！估吾到有牛，而且都幾好食！另外鰻魚黑松露帶子飯都好正！鰻魚大大條而且肉很厚身肥美！個飯係蛋炒飯嚟！炒得吾錯，粒粒分明，帶子又嫩滑，配上鰻魚又幾夾！椒鹽鮮魷上碟估吾到咁大碟！應該全部都係即叫即整，所以上碟仲熱辣辣好香口，吾會韌仲係有爽口咬口的！整體呢餐吾錯！食物又多選擇，可以再來！

🌟咖哩雜菜雞扒飯 $50呢間既咖哩味道唔會好辣, 椰奶味都幾重,薯仔同雞扒都大大舊,份量都幾多下, 仲有少量西蘭花做配菜, 整體黎講唔錯👍🏻👍🏻🌟芝士西多士 $34西多士炸得好金黃,即叫即炸,熱辣辣,加埋糖漿同牛油,雖然邪惡但好正呀🤤🤤🌟焗鮮茄豬排飯 $48芝士份量都幾多, 仲要係拉絲個隻, 蕃茄味都幾濃, 豬排厚度適中, 都幾大舊, 至於個飯底唔係白飯而係炒飯, 飯既口感唔係好乾身

今晚去左樓下龍城冷室食飯，晚飯時間都吾少人，好在早少少入不用等位我地2公婆就嗌左個雜扒跟意粉，黑松露帶子鰻魚飯，加埋凍飲2人都吾洗200蚊落樓！真抵食！ 首先講下份雜扒餐先，分量好多，男人嚟講都食唔曬，意粉就軟硬適中，有吾同嘅汁揀，我老公揀左黑椒汁！59蚊超抵！ 另外我個黑松露帶子鰻魚飯好好食！帶子好大粒，好滑，黑松露份量都多，另外鰻魚塊肉質夠厚又大塊，味道又啱啱好，唔會太鹹唔會太甜，好味！d飯係炒嘅，粒粒分明好食！呢個就88元！鰻魚咁大塊係要呢個價嘅！最重要好食！

今日決定同男友一齊早起食早餐🥣香港人嘅早餐當然係食茶記啦！咁就決定試試位於九龍灣嘅龍城冰室😆我哋分別點咗一份早餐B(沙嗲牛肉公仔麵、牛乳炒蛋、腸仔、芝士火腿牛角酥）、一份歐陸早餐（魚柳、牛乳炒蛋、德國腸、芝士火腿牛角酥）同一份經典菠蘿油😋早餐B：沙嗲牛肉汁好濃郁😋公仔麵比較硬身！炒蛋好滑好好食😋腸仔唔會死咸👍牛角酥好好食！夾芝士同火腿食真係第一次，食嗰陣同牛角酥融合埋一齊好夾！好好食！歐陸早餐：魚柳炸得脆亦都好大舊！德國腸比早餐B嘅腸仔更好食😋呢份早餐食完好飽肚！下次想試下西冷牛扒🥳經典菠蘿油：嗰菠籮包成塊面咁大，嗰酥皮幾脆！牛油都幾大塊！食落不過不失！蛋撻：大大個，好好食😋大家有興趣都可以去試試🥳

龍城係我日常食堂，連鎖快餐店黎講出品非常穩定同埋好多款式。中午晚三餐都唔厭。今日收工 呀媽無煮飯 又唔想自己煮 ，行入龍城叫左個佬味十足既枝竹牛腩飯。其實都冇乜野好講，但我太欣賞龍城既牛腩，炆得夠淋，唔痴牙，份量多。 蘿白都要一讚，爽口。雖然比咁多汁包圍住，但都食得出佢個芯既清甜，都係冇渣 唔痴牙。 另外 牛根比例岩岩好 有2舊。一定要寫個好評比佢地 成碗飯食晒 真幸福！另外佢地既牛腩河都係十分出色 值得一食，抵佢地係疫情 下都站得住

收工屋企無煮飯，一個人諗唔到食咩，於是隨便入左間茶餐廳。見到封面咁多野食已經好吸引想食鐵板餐想食干炒牛河想食小菜套餐連牛河個D 都有真係超多野食！！！鐵板餐都有六款咁多有牛扒、牛柳、豬扒、雞扒、雜扒而且跟餐會配野飲同湯真係好抵食跟餐配嘅特飲 雜果賓治（加$8)真係好多果肉啖啖都係水果啖啖都係椰果而且個樣都好靚Yumyum跟餐配西湯/中湯招牌美國鐵板西冷牛扒（五成熟）（$95)可以揀飯/意粉/薯仔汁可以揀黑椒汁/蒜蓉汁/燒汁食完一定會飽大食量嘅朋友唔需要擔心唔飽而且肉質唔會有冰鮮味無血水亦都唔會太硬仲叫左個小食孜然炸雞翼（$28)好抵食好香孜然味！！！！！而且仲要係炸雞全翼脆炸大雞脾都好似好吸引想食

用了Anchor butter ,菠蘿油$10 ，係下午茶之選，加杯熱奶茶奶味夠重。。菠蘿油包大大加，皮層脆身，大口連牛油食入口，牛油在口腔溶開，接而是菠蘿包曲奇皮架甜味佢就咁一個pinapple bun 都只係$7 ，唔怕甩架食個butter 菠蘿油先係最邪惡架至高享受呀don't count calorie $5酥皮蛋撻微暖，皮就一般唔係好有酥皮架層次同牛油味都唔太食出，幸而蛋漿勁多，亦都好滑，所以就算唔堂食都會買麵包返去做下午茶或早餐。

食物可以接受, 收銀員不可以接受, 態度極差.於2021年5月4日早上7:15左右，在九龍灣龍城冰室，食完早餐，去收銀處付款後，再請收銀員「唱10元紙幣」,她的態度有點惡劣,服務態度差極, 今早的收銀員像趕客走, 不想食客再光顧。這樣的服務態度不要得的, 令食客不再有好感.

今晚自己一個開餐，每次經過淘大，龍城冰室總是人頭湧湧，於是也來一探究竟，大吃一餐。我先選羅宋湯，湯料充足，有椰菜、蘿蔔和蕃茄等等，甜甜的，是蔬菜的味道呢😚朋友飲中湯，有青紅蘿蔔豬骨，配料👍🏼想不到小菜套餐也有雞煲，非常期待！川味辣雞煲雞煲的份量不少，配上豐富的香料，有花椒、八角、辣椒等等，吃起來惹味🤤值得一提的是，雞煲內的洋蔥滿滿，吃起來鮮鮮甜甜，幾開胃。雞件幾乎每件也有辣椒籽，難怪這麼惹味🤫但沒有過辣的情況，味道剛剛好另外配有綠椒，很不錯，最喜歡就是滿滿配料的雞煲。面頭的芫荽香氣十足，是亮點呢。西蘭花炒帶子帶子的份量頗多，西蘭花新鮮爽脆！還有黃椒和紅椒，真是色香味俱全。小菜套餐的選擇頗多，下次再試試其他

今日嚟左九龍灣同朋友一齊食晚餐 就搵左呢間想食咩都有既港式懷舊茶記~ 早午晚餐 下午茶 宵夜都可以係到解決 連雞煲潮州粉麵都有!晚市鑊氣小菜套餐 $149 (自選2款小菜 送白飯2碗 + 例湯或羅宋湯2碗 )我地就揀咗土魷蒸肉餅同沙嗲粉絲金菇肥牛煲~不得不稱讚一下呢到既中式餐湯~甘荀海底椰豬骨湯! 超級鮮甜足料 飲完無咩味精味 #沙嗲粉絲金菇肥牛煲上到枱仲熱氣騰騰 食得耐都唔會好快凍咗 份量超大又足料 完全夠3-4個人一齊食 沙嗲汁好入味 勁好送飯!#土魷蒸肉餅好香土魷味~ 肉餅有肥有瘦 不過肥肉比較多 有少少影響左個口感 不過調味岩岩好補救返~ 二人餐包白飯包湯黎講十分經濟實惠 岩曬想食住家飯既人~門口仲有麵包糕點賣~順便買左幾個第二朝做早餐!

每次係九龍灣站行去淘大都會經過見到呢間冰室，我個人多數都係黎呢到食早餐，今次咁啱經過又未食lunch，就試試佢😌我3點左右時間黎度，嗰陣人唔多。但3:30開始就座無虛席🤭鐵板蒜蓉汁西冷牛排 $95可能餐廳煎之前已經落左調味料，唔洗點汁就咁食已經夠曬味🙊鐵板揀左薯菜，估唔到真係會有成個薯仔🥔鍾意食薯仔的人有福了🥰跟餐有得揀羅宋湯或中湯，食排當然唔會配中湯啦🤣飲得出龍城嘅羅宋湯唔係罐頭湯，湯入面配菜夠多，最重要係呢度羅宋湯有點特別，飲多幾啖會有點辣辣的，舌尖上嘅刺激👅紅豆冰有點特別，唔講唔知係香港冰室，會以為係去左台灣🤣食得好飽飽，食左咁多次先發現原來龍城冰室嘅麵包除左門口外賣之外，原來可以堂食，而且價錢同外賣一樣🤣🤣下午茶餐都抵食，留返下次試☺️

三點三 下午茶時間 ☕️ 龍城都好多人食，人山人海大家可以睇吓個下午茶餐牌，就知點解咁多人食。下午茶餐好有誠意，超多選擇，小食類又有，粉面又有，同埋有啲好少係出面下午茶餐見到嘅小食，例如蓮藕餅同埋XO醬蘿蔔糕，勁吸引 😭 但我得一個胃，只能忍痛揀一個。下午茶時段晏晝兩點到六點，推介可以同朋友嚟食，咁就可以試多啲唔同嘢食 ☺️最後揀咗香脆炸雞髀配家鄉蓮藕餅，凍奶茶🧋即係餐牌上下午茶7E 🤣首先講吓炸雞髀，有驚喜，原來入邊有咖喱味，雞肉好嫩滑juicy，雞皮炸粉唔厚，好香脆 🤤蓮藕餅有一粒粒蓮藕，唔係得啲粉嗰種，好食！食完個下午茶餐，忍唔住叫多個叉燒酥，$5咋下次想試吓其他麵包，見到佢有一個榴槤菠蘿包，好好奇係乜嘢味道。食完唔使食晚飯 🤣🤣好飽！

自從恢復晚市之後，就會想約吓好多好久不見嘅朋友。最近有個朋友行動不便，所以就去探吓佢，然後就喺樓下搵間冰室簡簡單單食餐飯傾吓偈。而家嘅港式茶記都進化咗好多，好多都變得有裝修、有服務、而且食物選擇豐富，一定有一款會滿足到食客嘅要求。朋友少食中菜，所以揀咗小菜套餐，套餐包括小菜、白飯同中湯，加$6仲有熱飲。小菜揀咗蜜椒薯仔牛柳粒，薯仔切成同牛柳粒差不多大小，先將薯仔粒炸成脆邊，再與煎香咗嘅牛柳粒混合蜜糖炒勻，牛柳粒嘅份量一啲都唔少，餸飯一流。鐵板海鮮炒烏冬有好多唔同款式嘅雜錦海鮮，包括有魷魚、蝦、青口、珍珠帶子等等，味道不俗。奶茶一向都係每間茶餐廳嘅靈魂，而呢度嘅奶茶既香又滑，屬於高質素嘅水平。離開時我仲喺呢間龍城冰室買咗麵包，留待第二日做早餐，屋企人話麵包都好好味，下次經過又可以買返屋企。