龍皇酒家 (黃埔天地美食坊) (Closed)

爺爺住何文田個頭，以前都成同佢去黃埔飲茶。但嚟嚟去去都係個幾間其實都有dd悶，咁我就搵倒呢間我地未食過嘅酒樓食午市喇!野食普遍都比其他連鎖酒樓追高，唔少賣相別緻，有心機值得一讚~我好鍾意食包點，呢度嘅熱辣好新鮮，唔會擺到出水氣~係我最欣賞嘅菜式! 遲啲有機會都去其他分店試下

上星期黎飲過一次茶，覺得都唔錯， 今日咁啱係附近做野，就約閨密過黎一齊lunch。2個女仔叫唔到太多野食， 今次我地叫左：✨原隻鮑魚燒賣燒賣大大粒，仲有成隻鮑魚仔放面，視覺同味覺都好滿足。.✨欖菜肉碎炒豆角正常味道，不錯。.✨肉碎湯烏冬湯底好夠鮮味，又大碗，2個女仔都食唔哂。.🏠 龍皇酒家 （黃埔天地美食坊）🛤️ 紅磡黃埔天地美食坊第8期3樓301舖📍 港鐵黃埔站D1出口，步行約1分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

又到我地既放假日， 當然又去飲茶食點心，今次就決定過海揾食。😂✨鮮海蝦餃皇每次飲茶我都必點蝦餃， 大大粒皮夠薄，蝦又爽口，唔錯。.✨鮑汁花生雞腳雞腳浸得好入味， 好夠淋唔會韌， 花生甜甜地好好味。.✨燒腩仔伴侶就最鍾意食燒腩仔， 肥瘦適中，皮脆肉厚。.🏠 龍皇酒家 （黃埔天地美食坊）🛤️ 紅磡黃埔天地美食坊第8期3樓301舖📍 港鐵黃埔站D1出口，步行約1分鐘-----

以前去黃埔都係食㗎船入面好似food court嘅餐廳，但covid-19時期呢啲半開放式嘅地方都冇乜用餐嘅位置，所以我個日就決定去飲茶， 可以食得舒服啲老人家果然都係鍾意一盅兩件，公公聽倒話去飲茶不知幾開心嗌咗蝦餃，啲皮好薄公公都食得輕鬆仲有炒飯，佢鍾意食野有米飯到肚；炒得夠乾身，啲配料都好足，啖啖滋味最後叫咗件馬拉糕，鬆軟唔會太甜，好岩口味，我地兩個人一路食一路吓傾都清晒枱面啲嘢食見倒佢有好多分店，地方都夠闊落，嘆茶好地方

由於疫情又變返四人一檯，我哋本身即興諗住四人行， 結果最後只得我哋三個可以一齊，好想飲個茶，原本想去2/F嘅鳳城酒家，因為太耐冇來，結果轉左另外間，我們索性決定去3樓食龍皇，原因係服務質素及食物質素有保證媽咪及至愛食完之後，完全大贊佢哋選用嘅新鮮食材，特別好鮮味嘅蝦餃及燒賣，一定要試今次重特別有特價嘅菜乾豬骨粥，我哋結果叫咗兩碗！另外仲有鮮蝦腸粉，熱辣辣好好食唔知你哋認唔認同，我食過好多間點心，每次嘅腸粉都係唔夠熱,但係今次佢好熱辣辣㗎！酥皮蛋撻，竟然有驚喜！另外豉椒蒸排骨我好少叫嘅，竟然好有驚喜，大碟之餘仲要好入味可能好快又再嚟幫襯

Dragon King Restaurant in Whampoa is one of my favourite place for dimsum in the area, I personally think their food is of better quality and that they have large glass windows on one side of the restaurant.Last week when I went, I was surprised to discover that you can now order dimsum online by scanning the QR code for your table! It takes you to a website that shows all the dimsum together with prices and pictures, definitely very convenient although I miss ticking my orders on paper🙈 Their a

2 Oct 2020 下午茶中秋節翌日假期！因疫情下好耐無去飲茶！但限聚聚令下(4人）都唔可以一家人去飲茶！好耐無嚟！可能係假期！未到兩點已經好多人！等咗半小時終於入得！不過見張點心紙唔太多點心可以選擇啲務又一般點咗啲點心賣晒又唔通知！大約3:15PM就攞張單話last order仲有冇嘢加！我哋話啲嘢食未嚟齊！佢先話賣晒！然後又再問仲有有冇嘢加！都唔比機會我哋諗！只想我哋快啲比錢佢收工😠其實依家洒家咁難維持經營！點解啲服務態度仲係咁☹️

事緣於昨晚中秋加國慶，諗住早差不多兩星期前訂定檯同家人食飯；九月廿多號諗住經過呢間龍皇拎份當晚的菜單，接待人員遞過來一看，解說4人中秋菜單原價1588，現落訂有優惠減2百蚊，心諗都決定系呢度食就落5百蚊訂啦。誰知昨晚一到酒家先是安排了一張正正對住廂房門口的檯，坐下短短5分鐘已有5-6次工作人員出入，都幾滋擾；家中老人家終於忍不住叫員工換檯，咁工作人員都好合作有禮安排過另一張檯；誰知再換的檯更差，掂一掂張檯都會動來動去，企唔穩的，又要再叫工作人員用紙攝穩，最後都免強用到算了，唔想搬來搬去，只想快點食飽算了。中間菜式都不予置評，老實講比普通的酒樓還差食飽埋單戲肉嚟啦，員工拎張單嚟一睇，1388-500訂金，加一同茶介即是15xx,但是睇返當天落訂的菜單價錢同優惠用涂改液遮住咗，另一張是當晚的菜單，一看菜式一樣，但是價錢卻是1388，而不是當初落訂的1588；即係根本無當初員工所講的落訂有優惠，既然唔諗住做優惠就唔好大大聲同人講早落訂有優惠啦！唔係差2百蚊我就唔食你，只不過你咁架做生意手法令人覺得比你搵笨了，所以以後絕不幫襯

尼排好多餐廳都有外賣優惠，前日同屋企人探呀嫲，順便係呀嫲屋企食埋飯先走。因為唔想呀嫲咁操勞，所以叫細佬係屋企附近間龍皇酒樓嗌左幾個小菜返去食。我哋叫左四、五菜，仲叫左佢地個王牌西施泡飯。個泡飯都好多料，仲準備得好好，張飯同個湯分開裝，唔洗啲飯吸晒啲湯。佢哋個鹽香雞仲做緊6折唔洗60蚊就有隻，細佬啦啦聲叫左隻。外賣拎到返屋企，仲熱。雖然隻雞做緊優惠，但冇偷工減料。雞夠滑不過可能當日叫外賣嘅人有啲多，所以前線處理啲單有啲亂，不過好快後面有其他職員幫手...

7月4日星期六 上午11點20分左右到達3人落左單15鐘 咩野食都冇😢😢咁等左20分鐘左右就問店員 😐佢就冇講咩😕過多10分鐘再問 🥱佢地就話我地落單落左10分鐘都冇 😱再話原來係落單果位未食飯 😡😡😡😡放底左張點心紙😡😡😡最後等左差唔多40分鐘先有得食😤😤😤食物方面：叉燒包太咸 奶黃包難食 腸粉凍嘅唔建議大家去食🤮🤮🤮其他：入去原全冇人量體溫都見到廚房有人行出來冇載口罩😐服務態度不佳😟

這麼美味的佳餚，一定要分享給大家。一家大細一齊去，上菜速度快，服務員的態度很有禮貌。金黃蝦球非常脆卜卜，粉絲煲分量足。下次一定再次幫襯。唯一的缺點是張櫈不太舒服，其餘環境一切高級。

呢排成日落雨都係同屋企人係附近飲茶重開之後第一次尼，野食選擇比之前少左但質素都係keep到既 幾樣野食都整得唔錯 蘿蔔絲酥餅最好食蘿蔔絲根根分明 爽口 皮又夠脆因為疫情依家同屋企人食飯都會用公筷保障大家景觀開揚 落地玻璃望到黃埔號 可以慢慢食符合番weekend既氣氛

屋企人同我都鐘意食中菜，每逢節慶活動日子 我同屋企人都會試唔同餐廳嘅中菜。琴日同朋友上完堂之後，就去左尼間餐廳食飯傾吓偈...因為岩岩做完運動，所以都叫左好少野，廢時吸收得咁快 ，驚肥😂😂老火湯 - 個湯好濃雞湯味，而且飲完個嘴黏黏地，證明都幾重膠質..個湯唔係得啲水，仲有好多湯渣。之後就黎左個叉燒燒腩仔，個燒腩仔好香脆，而且又唔算好肥，所以罪惡感唔咁勁....因為之前都有幫襯佢其他分店，所以今次都會朋友再黎幫襯多次...

上月來吃時，離開時看見門口poster發現原來剛剛點的甜品用黃埔vip卡是免費的。今個月慶祝冬至再來，一坐下便show vip card order甜品，個waitress話冇咁既野。我便show張poster佢睇,佢都話冇（冇就唔好貼張poster出黎la）但可以私人送比我地。（佢冇講冇係咩原因冇，但我地係星期一至四晚，非公眾假期食）到個半鐘後差唔多食完，叫上甜品，另一個waitress check下我地d order record又話冇。我話poster寫住可以送，佢又話冇得送😡我話之前個waitress話送比我地架喎，佢又行黎行去check黎check去問東問西最後話ok。但等左好耐都冇，問佢佢話黎緊。再過多十分鐘佢過黎同我地講話咩整唔切，個糕未成形切唔倒出黎🤯我唔知佢係全心呃我地，當我地三歲細路哥咁耍；定d waitress+d廚師全部都咁唔專業，d桂花糕要整幾耐都唔知。一個半鐘頭前order果陣有就有冇就冇ga la! 冇就唔好話送。到食完叫上甜品，d甜品要幾耐先整好又唔知？以為要我地等多半個鐘d甜品就會整好，半個鐘後先發現原來仲未成形？都係最開頭嗰兩句：有冇唔專業成咁啊？定

星期六最岩就係訓到好晏，起身後再去酒樓飲個下午茶，慢慢坐個幾鐘。係黃埔間食肆一向都出名高水準，呢間酒樓龍皇酒家每次都排長龍添，不過早少少去擺飛就okay啦！今次叫左粉豬腸粉、豉汁雞腳同黑金流沙包。豬腸粉加埋蛋炒，好有鑊氣，雞腳煮得好夠林，咸味適中，仲有花生，而黑金流沙包既外觀真係好吸引，一咬即流出奶王餡