夢工房西日料理 (Closed)

午餐食咩好？放假訓到自然醒，即刻約埋朋友去食個放題，咁先係享受人生。番工咁辛苦，放假當然要大吃大喝啦！我地上網搵下餐廳，決定左去夢工房食個午餐放題。因為價錢好抵食啊！飲品自己攞，任點任飲。我地叫左好多壽司，有火灸三文魚壽司、花之戀、火灸鰻魚壽司、火灸左口魚邊壽司、火灸和牛壽司。壽司選擇好多，唔會好大舊，可以食到多啲其他口味。我地仲叫左火鍋，湯底叫左豬骨湯，配料叫左肥牛、旺菜、牛丸墨魚丸等等，可以打邊爐超正啊！

今日約左朋友慶祝生日，地點揀左葵芳既夢工房。朋友生日話想食放題，我即刻打去book定位啦。午市價錢平，食物選擇又多。我地任食任飲食到好飽足。刺身質素中上，唔會將貨就價，刺身厚切又肥美，三文魚油香重，甜蝦爽口又清甜。熟食選擇多，又燒烤有炸焗，焗蠔好滋味！番食左幾次，蠔肉大大隻好甜，無沙！天婦羅炸粉薄薄的，大蝦好爽口！燒炸類好多春魚、羊排、漢堡排等等多種選擇。另外仲有火鍋添，的確好豐富的放題餐廳啊。甜品食左幾件蛋糕，甜度唔會好高。

今日難得接亞女放學，問佢晚餐想食乜嘢，佢話想食壽司，又想打邊爐，心大心細！突然醒起附近嗰間《夢工房西日料理》有壽司食又可以打下邊爐，兩全其美！呵呵呵阿媽真係醒！超級多選擇，分門別類只要√張紙就可以啦！而且上菜亦都快狠準，服務員哥哥姐姐態度10分好！魚生超級新鮮，兩個人嘅份量剛剛好，只要你選夠自己食嘅份量，絕對唔會浪費食物！壽司唔會太大件，兩大盤通通俾我哋食晒迷你手卷，太鍾意佢細細舊，可以食多啲其他嘢炸物都有好多選擇，個人最愛梗係榴槤炸彈啦日式前菜加鮮菠蘿可以解一解油膩雜錦天婦羅加燒羊架清酒煮蜆，串燒火鍋，湯底揀咗壽喜燒，掛住食忘記影相㖭酒，飲品、雪糕任食，仲有爆谷添！我哋兩個食咗三碗食到飽到攬住個肚走，以咁嘅價錢，性價比一流，一定會再嚟！

喺葵芳出入咁多年，喺OpenRice search 先睇到呢間放題，原來係板長隔離條電梯一上去就係！呢個放題竟然有得打邊爐，但不得不提個爐好廢🙄本身枱面已裝有電磁爐，但係完全係唔夠力打邊爐，要request 先會轉個gas 爐俾你~ 至於火鍋配料方面唔多，但基本香港人打邊爐有的佢都有得叫，例如肥牛、粉絲、芝士腸、芝士丸、墨魚丸、魚蛋、烏冬、紹菜等等，火鍋湯底有壽喜湯底。肥牛唔錯，都encore 左3次咖！除咗火鍋放題之外，都有幾樣嘢食好食！例如雞軟骨串呢個蟹粥都值得一試，蟹肉唔多，不過粥有蟹味，都幾鮮甜嘅焗蠔就一般，試下無妨，encore不了呢個係燒肥牛，好似吉野家嘅牛肉飯嗰啲肥牛，好耐冇食吉野家😭 好味😋 唔識吉野家嘅朋友可以嚟呢度食啦😬👍🏻手卷嘅紫菜好脆，食材新鮮，感覺上抵食過壽司🍣最後緊係要食返個菠蘿🤣

今次去左呢間放題食屬於平民價，味道不錯。佢有飲品，甜品，蛋糕，火鍋配料都有唔少選擇。佢啲壽司不錯，因為飯軟硬適中，還帶點壽司醋嘅香味再加上新鮮魚生👍，令我叫了很多次壽司左口裙邊火炙壽司，不過黑松露帶子壽司都好有鮮味👍。炸物都脆口，都會再想食。雞翼皮滑，豬腸更令人開胃。刺身都新鮮，沒有腥味。羊架剛好，唔會太濃，食落有濃烈的羊味同唔會乾👍。香芋綿綿冰，食落好柔軟，香芋味都足夠。仲有我第一次見到有玄米茶雪糕,都幾特別。平民價錢食到不錯質素，值得試試。

呢間店在葵芳已經好多年了，能屹立咁耐應該有 d 料到。我食過佢嘅午市套餐，幾抵食，今次試下佢嘅放題先！中間有個爐，比人打邊爐用。而家好多放題都提供埋邊爐，滿足顧客的慾望。我主要來食日式食物，所以無用到。哈哈。鴻福堂細枝裝，好可愛，第一次喺餐廳見到。鴻福堂飲品健康又好飲，我鍾意😘天婦羅🍤 okay炸物。炸蠔、炸蝦餅、炸榴槤球都唔錯！壽司和剌身：剌身方面，三文魚腩和三文魚皆有提供。中間嗰幾片係三文魚腩，食落滿口魚油香👍🏼三文魚都不錯，是新鮮的，肉質也不錯。壽司整體不錯，我尤其喜歡火炙三文魚。我地又 encore 剌身。年紀漸長，吃完刺身壽司需要一啲野去暖下胃。其實我唔係粥的粉絲，好多粥我都唔鍾意食。但見其他食家推介呢個粥，我就冒險去試吓啦。呢個出乎意料地好味！粥本身煮得好夠味，有夠綿，但唔會過鹹，內裏有雞肉、菇等材料。佢嘅放題應該只提供一款粥，不會叫錯。開始甜品時間，wow 有新鮮爆谷任食，自己在爆谷機裡面拿，想食多少拿多少，新鮮整的，係最傳統但最好食嘅焦糖味。呢個牌子的雪糕未見過。有提供幾隻味，我見玄米茶呢個味覺得幾特別，至少自己未試過。打開淡淡的綠色，淡淡的茶香和淡淡的甜，正合我口味！

星期六小朋友不用上課，帶他們到附近"夢工房"食日式放題！ 他們最雀躍的除了食物以外就是這的裝飾，餐廳用了有趣的玩具和玩具飛機，圖片佈置了空間，充滿樂趣很繽紛！ 食物各式其式，多選擇，供應充足，價錢也很親民！星期六 :成人每位$148，小童$138小朋友狂食壽司，大讚好味！而我最愛這裡的刺身！夠新鮮！芝士焗蠔，熱騰騰好滋味！天婦羅又酥又脆！任食至尊甜品~焦糖藍海塩雪糕，味道甜中帶咸，好特別！任飲區域，多款飲品，有冷有熱！一家大小放縱 地吃足兩小時，超滿足！

很久沒有食放題了 這次與朋友食午餐再去這裡食過一次覺得不錯 所以再來食個午市放題🤤🤤現在價錢為午市放題HKD$88 升級食品HKD$48 有刺身/壽司/炸物/卷物/鐵板燒/小食/火鍋等等我們沒有選擇食火鍋 因為我們想食刺身多一點現在還有午市套餐 選擇也挻多的 下次可以一試🤤首自來個刺身拼盤 點了三文魚/象拔蚌/八爪魚刺身等一次過食到多款食材新鮮的刺身 挻不錯的感覺耶~然後再來炸物 我們選擇了炸吉列蠔和蒜味單骨雞翼食物即叫即炸 食的時候熱辣辣 外皮炸到脆卜卜🙈🙈還有點幾份自選壽司做主食 食到很飽飽的一餐耶

週未，一覺醒來已是十一時多，今日與家人換換口味，不到酒樓飲茶改到附近的*夢工房*吃日式放題，這間日式餐廳出名性價比超高，款式多，壽司，火鍋，刺身，揚物，拉麵，一品料理，小食，沙律，卷物，焗蠔，串燒，燒物，天婦羅，鐵板燒，還有特至尊甜品香芋綿綿冰和焦糖藍海塩雪糕等等。普通放題午市每位88元只包括壽司，小食，沙律，手卷，卷物，食事，拉麵，飲品符。午市升級每位148元 ，任飲任食。 小朋友最愛吃這裡的是雪糕，雪條，甜品款式也夠多！ 刺身夠新鮮質素高，每次都食得痛快！

今日同朋友嚟到呢度食午市放題，天氣凍凍地於是我哋升級有埋火鍋：可以有暖笠笠嘅感覺首先梗係餐前小食同沙律，都係一啲日式嘅小食例如芝麻八爪魚，蒜味螺肉，特別啲嘅有梅酒凍蝦, 新鮮菠蘿，至於沙律方面有三款沙律, 個人特別鍾意柚子大蝦沙律，比較清新講得係日式，當然唔少得壽司，手卷同刺身呀，壽司有成十幾款，個人特別推介火焰蟹棒壽司，火焰鰻魚壽司，呢兩款覺得特別好味至於手卷方面甲羅蟹肉手卷都好有水準，同埋炸蝦反卷都唔錯，而刺身都一樣有好多選擇，我就特別鍾意食甜蝦刺身，真係好鮮甜🍣🍣另外佢哋仲有鐵板燒，羊架當然係回本必食㗎啦，另外一口腸，西冷牛扒，雞扒都唔錯揚物，都係日式料理必有嘅選擇，個人特別推介吉列蠔，蒜味單骨雞翼，炸得唔會話太厚粉，可以保持保持肉汁如果唔夠飽仲可以叫拉麵或者飯或者手打烏冬，有幾個主菜可以配搭，例如雞肉，香煎豬柳，叉燒等仲有當然最精彩嘅就係我哋嘅升級火鍋啦，超過20幾款配料配料，同三款湯底可以選擇，我哋揀壽喜燒湯底，鍾意佢個汁比較濃，牛肉等材料都唔需要配豉油就已經好夠味，而且佢嘅火鍋配料仲會有海蝦,海蜆等海鮮提供都好物超所值😍😍😍最後當然係甜品時間啦，佢哋有好多小蛋糕，啫喱，同埋

中午行完街惗住食好啲嚟個升級放題，可以有多啲選擇，升級完之後唔止價錢同晚市差唔多，質素也只是晚市嘅閹割版。基本上叫4樣嘢，其中有一樣係冇嘅。有啲係講到明午市係唔會提供 有啲係劃咗都唔會比你例子: 沙律 拖羅 油甘魚 螺片 滑雞 螺頭 自助吧檯咩都冇 等等食物質量方面非常一般，刺身正常，牛雞羊扒十分差服務方面waiter基本上唔會主動幫你收拾啲用完嘅餐具，等你張檯冇位先會執檯呢間放題比起其他放題的確平好多，但強烈唔建議食午市，同樣嘅價錢不如食晚市，選擇都多啲。最後用餐費用加埋一 163

因為好耐冇食放題，而今日又去左葵芳行街，就搵下附近有咩放題，搵到呢間夢工房西日料理。一入門口除左有熟食，仲有爆谷機，爆谷爆到香噴噴。重有大量飲品同雪糕雪條自己攞，都係任飲任食。呢個地方都算幾大，坐落都幾鬆動，而且有好多款式嘅食物可以選擇，有魚生、壽司、卷物、串燒，炸物、天婦羅、鐵板燒、沙律、拉麵、火鍋等等。魚生好新鮮，食落都好有鮮味，壽司都唔差架，舊飯唔會大大舊。炸物都非常岀色，炸物外皮好脆，炸蠔裡面啖啖肉。以百幾蚊呢個價嚟講，真係好抵食，任食又多野食，食到飽一飽😋大滿足的一餐。

星期六一家人到葵芳找食，一個定食都六七十，所以這食店$88都幾吸引，因此兩大兩童（已成人價）便試一趟。單張清楚表明有什麼壽司、小食、手卷、飯同麵等，沒有欺場。只是上菜的速度和款式有點難捉。很快來了烏冬和麵，但有質素的壽司就等了半小時才上。手卷，即來即食是脆的。麵同烏冬細細碗，正常，但不吸引。螺肉和八爪魚🐙都來得快，但十分多醬，一大pat的。有質素的壽司如燒牛肉，都不錯。但壽司飯的味淡淡，欠醋味，大舊了點。這價錢都不算得抵或不抵，但若是升級放題就一定不會揀這店。因看來食物質素不吸引，上菜速度慢，而且一下子堆來了，真不能好好享受。試一次就夠了。

難吃，服務差，大媽招呼客人，講嘢大聲，冇禮貌，一埋位已經冇晒三文魚腩刺身，問佢點解冇，佢話魚腩位置比較少，所以好快冇，三文魚壽司絕對難吃過爭鮮，啲嘢全部一般，自問食咗咁多間放題,最難食最唔滿意呢間，第一次網上評論，因為唔想太多巴打俾呢間嘢搵笨！同事團購128後埋單，都重要每人加收$88服務費(吾知加收$88蚊條數距點計)，即每位$216，絕對冇下次，請都唔會去200幾大把多好嘅選擇，希望吾好有更多巴打中招🙏

今日難得放假同老婆去食日式放題 , 在近葵芳地鐵站有間非常方便環境都不錯 .去到第一時間就order了我最like嘅壽司 , 種類我覺得都有好多種選擇燒牛肉, 花之戀都不錯 ,壽司最緊要係細細舊唔會吃咗超飽. 其餘就係刺身三文魚刺身都好新鮮. 而其他我就喜歡刺身八爪魚非常彈牙. 其餘還有燒物單骨雞翼和三文魚腩炸得外脆內嫩。 還有軟骨餃子吃落去好有咬口 . 之後梗係叫埋碗牛肉拉麵size比較細所以唔會非常飽. 還有燒牛扒，D牛扒唔會燒得太硬。 吃埋甜品和雪糕真係非常滿足。