DUO Patisserie (Moved) New Location

早排有同事買散水餅，喺呢間餅店買左好多打迷你撻，其中一個朱古力撻，簡直一試愛上。朱古力味濃但唔會死甜，撻皮係重點，鬆化、脆、富牛油香！剛出糧豪一豪佢，買幾件同家人分享。原來normal size冇朱古力撻，勁失望，迷你版要好多日前訂，20件以上起貨，無緣。結果買左三件其他款試下。聞名嘅朱古力流心，雲石鏡面好靚，頭兩淡好甘，超濃朱古力，中間似慕絲，好rich。食多兩啖，中間有流心，稍甜，中和番。呢件香蕉咖啡撻大推！外型先聲奪人，中間有香蕉蓉，咖啡粉加香蕉，估唔到又幾夾，最重要仍然係撻皮，讚！藍苺芝士相對冇咩特別，但咬落幾實淨。三件蛋糕盛惠$130，酒店級價錢，星級水準！

地點在Aegean Place 愛琴坊，入到去我也找了一陣，要打畀負責人帶我入去，他們就在一間餐廳後面的小巷，門面小小的，但櫥櫃擺放了非常精緻的西式糕餅。見到有聖誕的tart set很可愛非常吸引因朋友生日所以較早前whtsapp店主，訂了一個 16pcs，看圖片還以為很大，看到實圖，真的很mini，但就感覺很可愛很漂亮。朋友看到也很開心，不單止外形漂亮 ，味道還很好，不太甜，tart皮味道是牛油曲奇，朱古力味香濃，士多啤梨大粒香甜， 內裏有些少吉士醬。他們除了mini也有normal 的size，還有全統的蛋糕可以訂購，他們有facebook可以瀏覽。已經推介給朋友

在虛幻國度下的「愛琴坊」，環境碓是怡人舒泰，唯吃過的兩間食店也不過爾爾，既吃得不夠飽，味道又不滿足，著實不是味兒，也吃得我就是原本在牆壁上的藍天白雲，也看得變成寒煙雨！潔白的海鷗，彷彿也變成黑色的鴉兒在恥笑著我！吃畢肉骨茶，將餐具交還「海南寶寶」後，穿越無人冷巷後返回「愛琴坊」，途中經過一間甜品店，黎太見店內的甜品造型美麗，便打算買一個品嚐，向店員查問後，店員謂櫃內的甜品全已被購下，不作出售，但見我們想吃，便謂即做一個給我們。那我們決定要一個「Banana & Coffee Tart」。待了約十數分鐘後，店員從店舖走到虛幻國度，送來這個「Banana & Coffee Tart」！這個「Banana & Coffee Tart」，非常好味！名字上雖然不見朱古力的名字，但撻上那六條朱古力實在好味到不得了，濃濃的朱古力味不甜不膩，吃得我滿心歡喜，沾上略帶苦味的可可粉和帶有咖啡味的忌廉，就是一個絕配，再連同鬆脆的撻皮和香蕉一起吃，絕對是天衣無逢的美味，而這種美味，才能夠匹配牆壁上的藍海白雲，甜美的味道，吃得我就如揚帆在藍海中，仰望白雲高掛在藍天下，柔和的陽光照得我原本心寒的內心也溫暖起來！而

原來愛琴坊呢個地方有其他野食，環境都幾唔錯，好好座，好有希臘的感覺。今次去了呢間買甜品，買了個士多啤梨和籃妹撻，水果好甜的😃而成個撻整體上都唔係太甜，不過味道無乜特別，好普通，唔可以講話好好味，今次係去開觀塘，順便過埋黎，如果要特登入黎買就未必了，因為唔係勁好味姐😃😃

今日經過觀塘，比櫥窗的蛋糕吸引着，餅店服務員很好禮貌，逐一介紹，忍唔住買幾件回家同家人分享。蛋糕種類很多，咪道又多，樣樣也很特別。今天買了兩件生果撻，兩件朱古力，一件綠茶紅豆，一件咖啡。其實件件都有驚喜， 不是太甜，用心製作，好食到停不到口。有機會值得一試。

老闆(娘)態度好，服務好臨急臨忙早一日前先Whatsapp訂都肯幫我做Mini都有好多款選擇全部細細地一啖一個可以試多幾隻味唔會太甜，連唔特別喜歡甜食既男同事都讚好呢款Dark Chocolate Lava同事們勁讚又靚又好味，仲真係識流心不過就得normal size

琴日星期五last day, 最近啲同事嘅散水餅多數都係cupcakes，自己都食到有啲悶，所以決定提早一日訂呢間嘅tarts and cakes。佢地有normal size 同mini size, 其實兩隻size 都靚，不過mini size睇落精緻好多，所以今次買左差唔多70件mini size做散水餅！啲餅唔止得外表靚，仲好好味，而且唔會太甜，好多同事都唔止食一件，仲話好味過酒店啲cakes，用黎做散水餅一流！ 值得一提嘅係雖然鋪頭細細，得三個人，但佢地服務好好，又有耐性，仲有送貨服務，會幫你諗埋點樣砌啲餅，令盒餅睇起黎再靚啲，睇得出真係用足心機做，抵讚！自己都忍唔住係拎餅嘅時候，買多兩件normal size，因為有啲款佢地係冇出mini，正

前一排在facebook看到介紹DUO Patisserie的蛋糕有朱古力牌裝飾，剛好和家人在觀塘晚飯，就即日決定訂蛋糕。一共訂了4個normal size和一塊朱古力牌。爸爸很喜歡👍🏼以往慶祝都是吃一大個蛋糕，今次可以試幾款口味，份量不太多對我們來說剛剛好。原本不抱太大期望，但一試後就有驚喜。每款蛋糕也各有特式，我喜歡黑朱古力岩漿，士多啤梨和藍莓😋對於不太喜愛甜品的我，吃了幾款也不覺得膩，當中的應該是吉士醬跟水果和餅底配搭得很好。黑朱古力岩漿甜度適中，味道香濃。不喜歡吃太甜的人可以一試。下次有機會我也會到店品嘗😋

竟然係觀塘工廠區，😱比我搵到一間專造Dessert Cake 嘅 Duo Patisserie , 又揀到至愛嘅 Dark Chocolate 黎試下~⭐😋Ummmm，個甜品比想像中堅實，甜度就最岩情人節食呀！  有D 太甜... 甜到漏, 呢個朱古力唔係我杯茶, 所以我喝返杯茶解甜。鐘意精致嘅朋友，呢間係唔錯嘅！

 為乜野一個葡撻都要寫一篇, 原因一係讚一係彈。賣八蚊一個葡撻價錢算合理, 至小我認為是物有所惜的。葡撻外觀上無論顏色, 酥皮形態以至厚度也不俗, 令人滿有想吃的慾望。將它帶返公司時大約5-6分鐘路程一打開紙袋, 葡撻還是熱辣辣, 於是盡情地一口咬下去。蛋漿蛋白比例較多, 有焦糖香但甜度不會太高。非常鬆化香口, 借得一試。

近來吃甜品的慾望明顯地降低了 (但對其他野既慾望處於正常狀形態, 大家唔使擔心)不過呢個來世界上又點會有唔偷食魚既貓呢?何況我係半隻貓所以我今日又再偷腥啦 。來到DUO ,  之前寫過幾篇食評,  So Far 出品合我口味今日點燈 栗子撻 $32長方形點上金薄點綴外形簡潔大方, 配搭亦沒有花巧, 由頭到腳只有栗子蓉和牛油曲奇餅底。栗子蓉較稀唔夠香, 味道亦不太像真, 甜味較低, 略嫌低於average。我認為應該加啲不同的原素令到甜味和層次感有所提升 , 現在感覺太單調。至於牛油曲奇餅底, 富牛油香亦香脆, 基本上可以接受。

我相信小妹黎過幾次店員應該記得我。今天午飯時間行了一圈看看餅櫃又多了一款小妹至愛既栗子撻,不過呢款留返下一次試,今次主要目的是Green Tea Red Bean Moouse因為黎左 DUO 兩次都食唔到, 所以心深不忿 , 但今日終於比我奪得美人歸。更急不及待抱佢返公司就地正法。一拍即合可以講人, 亦可以描述係一件工作上。咁食物可唔可以咁講, 我相信都OK ( 反正講錯都唔使負責任 )例子來自遠古日本人已經將抹茶和紅豆配一對, 配搭成多款經典之甜品。其中我喜歡的中村騰吉的一款紅豆抹茶甜湯, 真是好味到尖叫。(但只限抹茶粉絲, 如非者你會叫救命 ) 越講越遠, 都係講返呢款MOOUSE加上黑白朱古力點綴, 外觀上已加分 抹茶 Moouse 幼滑度一般, 魚膠粉如果可以輕手小小, 抹茶可以香多小小,就會好味好多, 但配埋香糯甜美紅豆, 味道又提升返唔小喎 , 甜度也適中。縱使甜品有進步空間, 但亦因為看得出他們是用心做甜品, 咁點都要比返個笑面,小店加油~

午飯時間無乜胃口, 咁岩經過DUO,正常狀態下小妹一定買Dessert, 但今早已吃過甜所以應該要收歛一下,我唔想咁早有三高。LUNCH 有三款 Baguette , 今日無胃口到連丁點肉都唔想食。所以只選了牛角包。由於店員再為牛角包番焗了一會, 所以當小妹拎到外賣返公司時,牛角包還是暖暖的, 一打開牛油紙已早聞到那陣陣牛油香 。外形較像長條形, 唔夠靚仔。急不及待一啖咬落去, 酥皮鬆脆度一般,還好口感不是太過油膩 , $15 都吃得過。

小妹工作地點與這個 Food Court 只是一街之隔, 場內除了有食店外還林林種種的店鋪。某天路過經過DUO Patisserie 一眼鎖定Green Tea Red Bean Mousse 由於當時已吃飽飽, 所以定必擇日重賽。世事永遠不似預期, 當你想要嗰樣野既時候就會搵唔到。小妹係講野那件心儀甜品 è Green Tea Red Bean Mousse由於所有甜品是他們每天在店內新鮮制造, 所以可能幾天更轉一次款, 如果想吃某些心儀的甜品, 最好先致電, 以免白走一躺。店員見小妹唸野咁樣, 於是介紹了好幾款甜品, 最終選擇了Banana & Coffee Tart $28第一個印象呢件CAKE 應該肥爆, 又朱古力又香蕉而且份量絕不惹小,比正常蛋糕份量多約大三份一。上層佈滿濃郁而且多到瀉既朱古力片, 內裡是份量足的咖啡Cream和香蕉片, Cream都幾滑, 感覺甜而不膩, 味道好爽, 如果要挑剔或者會嫌餅底唔夠脆 。但收 $28 則收貨之餘加個讚 。

之前放工見到依間新開既甜品店見有位坐就同朋友一齊試左個Tiramisu真心覺得超好味我朋友都覺得吾錯食完吾會有種“漏”既感覺重點係d甜品都係少甜!!女仔食完都吾會怕太大負擔而且價錢又合理加上，2位店主超好人又好笑容下次黎會再試埋其他款式