朝牛 (天一商城)

Open Now

Now Closed

經外賣apps叫左2個set，送到嚟打開後，即刻打左個突🥶心諗會唔會hea左啲呢半熟吉列牛扒飯$69牛好淋但冇牛味，食得出梳打粉好重手，而說好的吉列就一啲都唔脆，唔知因為淋晒定本身就炸得唔脆，而且好油淋淋，加上唔同平時食嘅吉列牛，正常炸到金黃色，但呢個就係淺黃色，感覺好似求其沾炸粉去炸一炸就算，完全唔係吉列牛個種外脆內軟嘅味道。朝野牛肉飯$65牛肉好都係好淋嘅，但又係超級油淋淋，而且份量極少，可惜冇影到相至於跟set嘅所謂沙律，係一啖椰菜絲，與其咁少其實寧願唔好比。食落勁甜，有啲柚子味，估計係落咗柚子汁/醬？但就重手左，令佢勁甜。

以前本身係天一舊舖既時候都有食開 個陣都仲好好食依家轉左上一樓 碗湯冇味 d飯又硬又痴住一舊舊杯凍檸檬茶又冇啦啦幫我走甜牛肉勁硬 勁難食勁失望 本身之前都好好味 牛排好正 依家真係變琴好難食 冇下次疫情期間 店員隻手拎我碗飯落黎個陣仲要掂到我碗飯… 之後又扔餐具比我原本餐具係紙巾上面 佢一放落黎 叉同刀都掂到枱面

話說每個星期六最麻煩既時間就係要去諗中午要食乜，又或者咁講，每日最麻煩就係要諗食乜，咁岩去到天一商場見到有間食日式料理既地方，咁個店面就唔係好大，但係都有唔小人係到食緊野，咁我又貪新鮮去試吓佢啦。諗住直接去食個下午茶，點知又未夠鐘咁就直接叫左個午餐，因為真係好肚餓。我就已經好耐都冇食過牛肉飯，都唔係好記得牛肉飯係咩味，咁我見到佢有得賣，仲要係招牌，咁我就去試一試佢啦。點知佢一黎就又飯又湯搞到我都有小小緊張。個湯就係普通既味湯，冇咩特別，個牛肉飯就幾好食。個牛味好突出但係又唔會好un唔會咬唔郁，個修量都幾合理。

舖面積不大，去的當晚是星期六晚，但也沒太多人客，小貓三四隻。點了美國西冷牛扒400g加10蚊轉套餐，套餐有椰菜絲沙律，味增湯，白飯，另外加罐可樂10蚊。沙律味道正常，有些酸汁伴吃。味增湯，是偏向淡味。白飯是珍珠米，但是沒有珍珠米的軟滑口感⋯西冷牛扒是用石板上的，石板熱度是非常足夠的，牛扒上的時候只有表面略熟，需要切開再在石板上再根據自己喜好燒熟，肉味不算很有牛味，肉味一般，欠缺油香偏瘦，西冷的油筋位非常煙韌，完全咬不開。

天一有好多本地非連鎖集團的食肆，今次開到朝牛～試左吉列豬扒，骰子牛肉飯，金磚西多～全部都好有特色！強烈推薦～仲有前菜會有沙律菜同麵豉湯～沙律係吃吉列豬扒果種配菜，不過唔同噶係距地用左柚子蜜來～特色之餘又十分開胃！

今日13/2/2021(大年初二)，疫情第四波下，去左天一商場午膳，大約中午12點，都唔太多人，只有1枱進餐中朝野牛肉飯:肥牛肥瘦適中，牛肉汁另上，飯都幾多滑蛋雞扒飯:飯略微暖，若可再稍熱會更好，雞肉算嫩，飯都係多(男士合適)日式餃子:炸方式，皮夠脆，餡有肉汁，醬汁唔錯秘汁煮金菇: :夠清、甜、爽炭燒雞肉串: 汁略甜，炭燒應是熱辣辣，但這個唔太熱環境:簡單、舒適及大約有8張枱，梳化卡位有3-4張服務: 態度有禮整體都唔錯，可以值得一試。

今日tea time同友人經過呢間專門食牛扒店，佢哋之前原本係細舖啲喺樓下，由於多客關係，佢哋轉左大啲嘅鋪搬咗上去，主打石燒牛，見到都有好多人食緊，我哋就去咗嘆番個邪惡tea set。之前食過佢啲牛扒覺得幾好食，最正係石燒牛，一邊燒牛一邊鋸扒，牛肉重牛香香味多汁又林，送飯一流，牛肉林啱晒我啲冇牙力咬野嘅人。我哋點左餐之後，一陣就到咗都好快，西多士好食，薯條係粗薯，個人比較鍾意食粗薯條。環境覺得幾舒服，好有日式餐廳感覺，地方寬闊唔會坐得好迫，佢哋播放d音樂又覺得幾輕鬆，靜靜咁嘆番個下午茶，正！😊👍🏻👍🏻