壹麵館 (Closed)

今日230重未食LUNCH, 同老公正搵緊地方E下個肚再去溫書.正打算求其搵間茶餐廳之際, 我地比一個牌吸引住. 個牌寫住「反通漲」Specail Set.我地2個見咁抵, 於是立即入左去, 入面D侍應都幾NICE,一見我們入去就立即送上一杯熱茶, 唔錯丫我地叫左 C: 魚旦湯米粉 ($15): 好普通既米粉, 同係屋企煮既差不多啦. 不過$15算係咁架喇M: 睹腸滑雞煲仔飯: ($19): 一見到個煲, 真係唔信呀..咁大既..重好似好好味咁..呢個係TEA喎. 真係咁抵..一食落口.「正!!!!」有飯焦架..!!!!! $19蚊..已經完全滿足到我地2個身心既需求。好開心呀!!! 呢度環境又唔錯, 大家有機會想搵個平平地食野既地方, 呢度絕對係你既一個好好既選擇

放假唔會自己整野食，出街搵啲平平地午餐．壹麵館其實佢地一開張已經試過；但當時食過味道都真係麻麻地，今次因為其他 餐廳太多人找不到位；所以再來這裡試一試．上一次食過麵今次試吓飯類，見到有下午茶餐＄２２價錢ＯＫ還有杯野飲，我個女就食鳳爪排骨煲仔飯我自己叫咗個臘味飯，飯一到；嘩！份量不像一般下午茶餐，有普通午餐份量．味道講真一般，但價錢同份量就值得推薦．

本人住坑口已經好幾年~ 但壹麵館都係第一次去食~ 由於市道低迷~ 諗住食d平野~ 因為今餐得一個人食~ 行過呢間見佢d晚餐客飯最平都係$24仲有杯豆漿送~ 都唔理佢好唔好食.衝入去買左個咖喱雞飯外賣番屋企~ 其實都唔會抱好大期望話會好味~ 但係佢個飯真係唔差喎~ 又夠料.唔會話因為平而比少少餸你~ 一路睇電視一路食真係食到飽晒~ 所以想介紹比d街坊~之前未試過的原因係聽人講話d麵唔係咁好味~ 不過未經証實~ 下次試下係咪真o既先~

今日下午兩點幾，餓餓地睇下樓下有乜食，去到見到壹麵館外排左好多人，心諗，d人都係諗住食茶市架o者，跟住我就睇埋一份，見到，嘩，唔係呀嘛？居然一個大碗牛腩飯只係要22蚊？我當然諗都唔諗就叫左啦，買野o既方式係先購票，野食會自動送上，幾好！個牛腩飯望落都唔錯，不過好似乾左d，但係我食食下先發現，原來d腩汁o係個底度，跟住我撈撈佢，d飯有左汁之後就正番好多喇，呢間野我會推介俾晏食晏的人，因為會慳唔少食飯錢。

五點左右，黎到東港城。見到長長既人龍，排隊入台灣美食展，幾經辛苦終於搵到龍尾，不過已經截左龍，冇得入去試由台灣士林夜市飛過黎既十多間參展商行左陣街就有d肚餓，見到唔少餐廳都有人龍，就去左幾多人讚既壹麵館試下啦。睇兩睇都見到幾多款，自助式既落單方式，慳唔少人手。我叫左個口水雞餐，有個菜飯，有煎餃，一杯凍奶茶。口水雞份量好多，有麻醬同少少辣味，味道好好!菜飯亦造得不錯。煎餃水準不高，皮不算薄餡亦實，奶茶都算合格。家人叫左無錫骨餐同臘味飯，無錫骨我試左少少，炆得稔。菠菜餃比煎餃出色亦較健康。臘味飯幾多臘味，又有配菜，幫助消化，細心!自助式既購買食物方式，係麻煩o的，不過真係平，好抵好抵食!有機會翻兜!

上個禮拜來坑口有d野做﹐所以來呢度食埋晚飯先走。佢地個menu有好多款式﹐中西越泰印。。。etc﹐乜都齊。叫左泰式菠蘿海鮮炒飯﹐金銀蛋菠菜+白飯同埋鹵水拼盤。泰式菠蘿海鮮炒飯炒得幾好﹐一d都唔油亦唔會好鹹。份量亦好多﹗o岩灑比較選擇食清淡而又大胃既我。金銀蛋菠菜就比較鹹左d, 為左健康要食菜而叫。鹵水拼盤不過不失(有豆腐同蛋) 。因為呢度實在有太多不同既選擇﹐隔離好多臺都叫左好多唔同既家常小炒﹐所以下次來開呢度一定會再來試。

第一次到這商場, 想吃點簡單的. 天氣這麼冷, 當然吃些新鮮熱辣的為不二之選. 點了鳳爪排骨煲仔飯. 配上煮過的甜豉油, 有少少飯焦, 好好味呀! 再加上一杯熱豆漿, 暖笠笠的, 正!

第一次光臨呢間餐廳就有一個甘不愉快既經歷! 叫左一個越式''紮''肉米線加一杯凍好立克(因為真係冇咩0野好食..), $27, 杯好立克我係叫左凍既..但係我好口渴,佢一送到黎我就即刻飲,嘩..熱好立克甘款,佢擺落去d冰望住佢唔洗10秒就溶晒!甘我就叫佢俾杯冰我,佢叫我自己落,我要講明一點,佢仲係熱既時候杯野係淡既..我自己慢慢倒d冰落去一路溝都係唔凍!但係杯野已經淡到水甘!我個fd見度我杯野甘就叫我同佢換,我開頭都覺得唔需要甘做算數啦,我個fd就幫我同個呀姐換,因為我個位係正水吧前,個呀姐同水吧個呀姐講要換過,之後我就聽度水吧呀姐係度勁大聲話我自己倒d冰落去,我心lum,我冇需要都唔落冰啦,你杯野本身已經係唔好架啦!我真係好嬲!我仲要聽到佢係到話我,佢唔收服務費d服務就甘差!後尾佢送過杯黎,係好凍!凍到飛起!但係一望落杯野度,全部都係冰黎,大佬!冰係水做架!成杯淡mau mau..真係好激氣!碗米線d湯清湯甘款..成份野比較好味既都係''紮''肉,不過真係唔好食得去邊,可能佢真係有其他好食既,不過我一定唔會再去幫襯呢間野!茶餐廳d地方係冇佢甘靚甘乾淨,本人亦唔中意去茶餐廳(因為烏租

1.) 唔會多油2.) 冇油得0黎又好食, 唔會太乾身3.) 最特別係佢用d河粉蓋住d牛肉焗熟, 口感好軟, 好正!4.) 加埋d勁香0既辣椒油, 嘩! 冇得彈!

學生餐$20叫o左個什扒飯，肉多菜多，好抵!不過真係唔多明隔離幾個中年男士話貴佢地叫o左套餐，都係30幾...其實真係唔貴-_-而且就算貴，都唔使講晒粗口...

相is 分開兩次去食0既1.) 肉鬆薑炒飯→冇乜配料的炒飯, 不過食厭西炒飯楊州炒飯食呢個都唔錯0既2.) 星洲炒米→唔係我話, 食過附近咁多間茶記酒樓, 最好食都係呢間, 炒得好乾爽, 唔會成pat 0野咁, 有少少重咖哩粉味, 但唔辣。環境好得, 好乾淨, 梳化位好舒服0架! 0係度一路食一路傾計好正

那天是我跟女朋友的1個月紀念日在將軍澳吃了簡單的1餐,但也很幸福呀!我地揀左1張都幾大既檯..個陣時都無咩人..睇返個menu, 我地就叫左2個小菜..分別係賽螃蟹同埋沙拉骨..同埋2個菜飯>v<很滑的蛋白中帶有1點點的蟹味,但想不明的1點是我看到menu的圖中明明有1個大蛋黃-_-但上菜既時候會disappear左；沙拉骨有很多沙律醬我超喜歡<3..也很開胃碗菜飯都唔錯呀,整體上黎講我覺得幾健康..「醉翁之意不在酒，在乎山水之間也」

我食左個下午茶餐, 都幾抵食! 雲吞米線加杯凍飲, $20. 都OK. 呢間野D食物, 唔會好多油, 幾清淡, 最適合減肥人士.

-琴日我同屋企人去左呢間食晏啦我就叫左個鳳爪排骨煲(餐)有得加多樣小食同飲料效率幾快,幾好食..不過1開始D飯就熱得濟個小食要左個煎餃子..味道普普通通-而媽咪就話干炒牛河都幾好味,炒得好~叫個凍檸密就太大杯,好似飲緊凍檸水多D=-=-但我哥叫左個咖哩雞+飯..點知佢碟雞係鹹個囉跟住同D侍應講雞咁鹹既?叫你個經理黎試下..個經理好快就黎左..THEN話換個其他野最後換左碟牛腩,好好味

很少看見平靚正的餐館, 當然, 以廿零蚊價錢不能要求太高,佢下午茶餐算幾好,廿頭蚊多項選擇包飲北京餃子接麵，擔擔min及正統飯類不錯。經濟實惠之選