大家食 (Closed)

之前食過深水埔,旺角兩間...呢間水準最好!有電影睇,座位寬趟~麵好彈牙唔碎,茄蛋牛多,夏天食好開胃,叫多個炸豬扒,都只不過10 蚊,仲要即炸!22蚊食得好咪又飽肚,可以邊度搵

食咗咁多次都係茄蛋牛麵, 今次試下涼拌麵, 諗住12蚊應該好少料, 點知都有好多餸, 有青瓜蕃茄牛肉配菜等等, 仲有芝麻, 涼拌汁酸酸甜甜, 而且個麵有用冰水浸, 好彈牙, 真係配合得好好, 賣相也不錯, 連坐隔離唔識的阿姐都問我食緊邊一種, 佢都想試試.....

1haha... 又係食呢間以前俾佢個大大張「老闆樣」商標嚇親。而家成日同d同學食皆因又平,service又好今日食茄蛋牛手攪麵大約有4個1/4個茄-----加埋=1個。有好多蛋碎+牛肉當然d牛肉落過梳打粉但出到街有邊間唔落?~同埋偏愛茄蛋牛....; )想一提係有一個阿姐超好人有求必應,成日笑笑口。俾$時又問好唔好食雖然佢係打工,但好敬業樂業讚讚讚。

同同學叫外賣平時會分湯,但今次應承左又冇而且攞到上黎,d湯冇d倒左,有d唔滿意。我叫左「茄蛋牛手攪麵」蛋多,牛少,茄還可以佢地呢個麵真係好好食。d蛋剛剛好,一d都唔老牛肉又唔un又唔肥茄都唔酸,但未算甜。手攪麵水準不一呢間0既麵比較斷。可能攪時不是一氣呵成如一整條麵會更好。所以比3分味道好了P.S.因為係外賣,冇環境可言

和老頭子晚飯閒聊, 講到佢上長者電腦班的情況, 原來佢都學識上Openrice 搵食, 講吓講吓, 原來佢都試過上堂前嚟呢到開餐, 我哋兩父子都一樣覺得茄蛋牛肉麵--- 正! $3 油菜--- 正正!!我仲教曉佢下次叫油菜, 落蒜蓉汁--- 正正正!!!都好耐無同老頭子吹咁耐水. Shall we talk? Yes, we should.

呢間真係抵食又好食o既舖頭,兩個人都係四'五十蚊攪掂~今次食o左擔擔麵同茄蛋牛麵,又叫o左炸韮菜餃同生滾湯.擔擔麵麻醬好香,送上檯已經聞到陣陣麻醬味,不過就杰o左o的同埋肉醬少o左o的~茄蛋牛麵一貫水準,牛肉份量回升,而麵身都幾煙韌炸韮菜餃唔好食,炸得太過"火農"同乾身生滾湯就揀o左魚同豬潤,好鮮甜,不過可能有味精成份~連埋油菜同豆漿都係$63蚊,如果一餐半餐又冇乜要求o既話,真係好抵!!

只係$10...仲要好味...份量都OK...成個蕃茄咁滯....酸酸地...好茄味....之但係稱得上一片片既牛肉只得一片咁大把...蛋都係得少少...多D 牛肉會開心D....另加一杯熱豆漿...$5...平到笑...

好朋友介紹超值$10 的"蕃茄牛肉手攪麵"，酸酸甜甜的湯配蛋、蕃茄、牛肉... 營養豐富、份量十足! 加埋油菜都係多$3，仲要好大碟! 手攪麵係即時人手控制機器攪出來煮的，麵質有彈性，口感不錯，以呢個價錢可以食得咁飽實在難得~~!!! 聽聞豬潤手攪麵都係超正~ 真係平、靚、正啊!

一家人第一次黎呢到食,叫左豬扒冬菇手攪麵+通菜+芥蘭+豆槳......d豬扒幾脆,幾香......冬菇冇味,唔好食.麵口感唔錯,d湯唔算濃亦唔算淡,飲完都冇口乾.通菜ok,d腐乳多左d......芥蘭ok,但比較軟,硬番少少會好食d......豆槳同出面買差唔多......我亦偷左d 雞翼黎食,好脆!不過有少少血.下次應該會再黎.

通常想食平野都會黎lee度~~~ 因為大部分面都係十幾蚊~ 菜都係三蚊碟~~~ 特別推介係茄蛋牛肉手攪麵同担担麵~~~

尋日發現係譚公道有大家食(唔肯定街名又唔似新開)，即刻外賣一碗茄蛋牛肉手攪麵試下，係門口等個陣見阿姐張d麵團放上機上然後用手攪動機器(見佢都好用力下)，d麵條直接落鍋，茄蛋牛肉是整定一大盤，所以很快就整好，外賣價$11蚊好低食，好多蕃茄，牛肉就比較小，d湯橙橙地色，d蕃茄好新鮮感覺好有營養咁，最後連湯都飲埋，好好味!!!! 不過之後有d口渴!!