皇后冰廳 (Closed)

好少餐廳有生蠔食，印像中最常見係酒店buffet或者專食生蠔的食店，路過呢間餐廳見到個stand寫住新鮮空運生蠔，即時引起興趣，就決定入內品嚐。服務員熱情有禮，我一開口講生蠔，他就說今天有特惠，愛爾蘭N2生蠔3隻+精選法國生蠔3隻共$100，之前食N2圍起要二三十蚊一隻，所以就order一份。擺盤幾靚，生蠔放在一個圓盤的冰上，伴著幾片檸檬和海鮮醬，對於愛吃生蠔的自己，兩者在尺寸上不同之外，口感微微不同，但整體都是新鮮creamy，還有少少海水簡直是生蠔的靈魂。「美式西冷牛扒配雜菜」，驚喜是用了薯仔同蕃薯做薯條，兩者口感不同卻一樣脆口，牛扒幾易切開，咬落去冇揸同不會好韌，不錯。「洛神花冰蜜茶」呢個茶壺連杯都非常精緻，洛神花本身有帶酸味，加上冰蜜就中和了酸，所以飲得舒服。其實餐廳提供的餐單都幾靈活，可散叫然後逐樣加上去，又或者叫套餐亦可，有時開胃啲就可以加多幾樣，另外，服務員的服務熱情有禮，難怪同食客有講有笑，打成一片。

長沙灣近年不斷有新屋邨入伙，今日就探訪老友順便去附近餐廳食飯，呢間餐廳就近長沙灣港鐵站，從地鐵站出口行過嚟大概兩分鐘，很方便。一入餐廳之內，就被大大棧嘅華麗吊燈吸引住，雖然說是冰廳，卻有種特別的格調，相信裝修上已經很花心思。食物選擇上，有pizza、有鋸扒、有漢堡包等等，有套餐或者散叫。《超值2人餐》法式蒜蓉包：雖然係話二人餐，蒜蓉包卻有四件，焗得很香口，可能預咗大家唔夠喉，食多一件啱啱好。千島海鮮薄餅：餅底係薄批，鋪上滿滿的海鮮餡料，魷魚、蜆肉、蟹柳、青椒洋蔥，加上有千島醬，想唔好食都難。本身包2杯飲品，可以半價飲特色飲品。抹茶奶昔：香濃的抹茶香，口感幼滑，不錯。甜品亦都upgrade咗做奶凍，唔會太甜，甜度適中，份量也剛好，吃完滿足。整體食物質素不錯，服務殷勤有禮，讚！

✿╮❤╭✿✿雜感女生   好味日記✿˚*•✰。皇后冰廳．後來居上。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤朋友搵到呢間餐廳勁正呀好食抵食唔加一而且店員好nice講緊既就係位於長沙灣 A3出口對面的皇后冰廳清新簡約，位置當眼入去仲有超大的水晶吊燈有氣勢呀喂！一個勁好食的PIZZA 套餐都只係 HKD188包1款小食，2杯飲品轉特飲仲可以半價出品仲要水準高質呀 千島海鮮pizza即點即製！ 20分鐘內上台餅底勁香脆，醬汁份量剛好夠晒味又沒有掩蓋海鮮的香氣D蝦子夠巨型，整體口感超正  芝士煙肉青口(暗藏勁好味薯蓉)青口大隻又多汁，芝士香氣出晒來下層的滋味薯蓉令我朋友食到津津有味   芒果柚子梳打清爽多果香芒果雪糕加柚子醬混在一起更有另一種滋味   抹茶奶昔重奶香不失抹茶味是抹茶奶怪必食之選 

今日跟朋友搵食，到埗入餐廳，覺得內外分別極大。淨係盞水晶燈都已經配得上呢個鋪頭名！先叫咗前菜：煙三文魚田園沙律，賣相相當好。煙三文魚夠哂味，連埋沙律菜加蕃茄仔真係勁夾。餐牌有皇后pizza系列，叫咗千島海鮮，賣相極佳，上菜勁香，但都未夠切開一塊上碟咁震撼。影得唔好，但其實好想影到佢個厚度出黎。無打錯，雖然係薄批但係好厚，因為佢勁足料！每一啖都有啲變化，相當正！食完一塊忍唔住再開第二塊！極值得叫！叫番個菜平衡下，白汁芝士焗四蔬。西蘭花，蕃茄，椰菜花，甘筍仔色彩繽紛，連埋芝士香氣，較啱個味，真係色香味俱全。叫埋嘢飲，朱古力紅豆冰，出面較少見，飲落比想像中夾。抹茶薄荷梳打，估唔到係咁樣...原本係少少失望，因為以為撈好，但原來自己加梳打，等啲雪糕慢慢溶落去，會越黎越正，原來係自己見識少，呢個做法幾驚喜！上述啲嘢加埋唔駛二百五，真心豐富，亦完全唔似會係呢頭食到，所以真係意想不到！

今日同老公仔睇完戲行過見到有pizza食，見到鋪頭細細間下午茶果時又唔太多人就拉住老公去試下。一進去餐廳，服務員安排防疫措施後就帶位，招呼周到，仲細心介紹餐牌，原來小小一間餐廳，居然有pizza，生蠔，漢堡包，牛扒，焗飯，炒意粉，仲要有心太軟，芝士蛋糕，牛乳奶凍。。。。。。太多心水選擇，結果我們選了2人pizza餐，有一個9吋pizza同埋一份小食，我地選了糯米釀雞翼，2杯飲品，再加28蚊居然食到心太軟😍，食品質素味道都比預期好，pizza香脆可口，材料十足，加上香噴噴既芝士。。。正到呢～雞翼炸得金黃色，唔會好干，食落去香香辣辣，出奇好味，本來唔係好大食既老公，居然食慾大開，要食埋芝士蛋糕同心太軟先肯走，最後埋單唔洗300💰🤗滿足到呢～下次放假一定會再來。

長沙灣區係年少時一直同朋友既聚腳地因為大家都住係附近既關係 呢到係大家既回憶不過呢區食既野種類唔多 圍繞住既都係茶記麵檔但係東京街就發現左一家西餐店 店面裝修都好燈火通明 都幾別緻難得有西餐廳 所以決定入去食下晚飯 睇下有無長沙灣區既人情味先光度十足 而且因為用左好多玻璃 透視感好足夠 疫情底下 做足晒措施 食客都食得安心既都幾出色 見到有生啤ASAHI既啤酒機 可惜今日做司機唔可以暢快一下 有推介 又岩我口味 可以點返個丫主要係意粉 PIZZA 漢堡 同 扒類選擇都唔少芝士焗三色蠔外表唔錯 芝士好充足 店長話係佢每日收貨既新鮮蠔 所以絕對肉質同鮮味既保証紫菜，茄汁同白汁 三種味道都同蠔係夾既 而且手當咁大隻 性價比唔差日式黑豚肉漢堡 用左竹碳麵包 成個感覺係GRAND左好多 而且呢個包面烘到好脆口 加埋芝麻 成個味覺都比到個好強既層次豚肉入口好鬆軟入味 加埋麻醬 倍感JUICY 薯條方面好細心地原來係兩款 1) 薯條 同埋 2)蕃薯條 即叫即炸 香脆熱騰騰 好味香煎鵝肝配紐西蘭肉眼主角係咩唔重要 最重要係好食 大大塊肉眼扒 加上厚厚的鵝肝 未食已經聞到香味 鵝肝既油脂浸左落去肉眼到 

剛在長沙灣做完嘢有點肚餓就同朋友入左黎間餐廳，當初以為係茶餐廳，點知一入門口就俾天花板的水晶吊燈吸引左，真係好靚😍😍😍,配襯白色牆身藍色梳化，簡約帶點格調。翻開餐牌有好多選擇，包括生蠔，漢堡，据扒，Pizza,意粉， 我揀左個Pizza餐，包小食，Pizza,2杯飲品。👍👍👍糯米飯雞翼～一口咬落去好滿足，糯米飯軟綿綿，皮脆唔油膩，調味好香😚😚😚特飲～芒果柚子梳打～原來係芒果雪糕＋柚子蜜＋梳打，幾特別喎千島海鮮🍕 ~好足料😄😄蝦，蟹柳，蜆肉，青椒，洋蔥，魷魚等，餅底鬆脆，千島醬充足另外點左蒜香峴肉炒意粉～蒜味好香，峴肉好多，配埋菇菇一齊炒簡直天衣無縫😋😋值得一讚係手寫落單，字體工整，真係好有Heart 💕💕

疫情又再緩和，就稍稍再鬆少少啲社交接觸，約咗個好耐無見、住晌長沙灣嘅親友短聚，食餐便飯，地點就番佢，所以，就揀嚟咗「皇后冰廳」，我就無乜所謂，反正未食過就仲好啦，親友就話唔錯。再者，就晌地鐵出口，亦都方便我，食完搭兩個站就返到美孚喇。初頭，睇個名見佢叫冰廳，以為喺茶記，但嚟到，睇個門面就唔多似，而入到餐廳內，感覺唔錯喎，一室燈光柔和，掛了盞大嘅水晶燈，雲石餐枱，配以絨面梳化椅，裝修可以講幾有格調。個人喺嫌啲隔板比較矮，防疫效果有限，除此，整個場感覺幾好。翻一翻餐牌，都有好多選擇，因為一大本餐牌，就順便影埋早餐俾大家參考。而其他大類分項，有小食、意大利麵、漢堡、薄餅、各式飲品。此外，亦有啲抵食嘅薄餅優惠套餐及超值二人餐，都喺百幾蚊，唔過兩嚿，仲唔收加一服務費添。最後，我哋平平哋、簡簡單單揀咗個超值二人餐，包咗一客小食、一客主菜、兩杯餐飲及甜點，定價$148-$188，覺得性價比高。芝士煙肉焗青口（套餐）先嚟個小食，而個芝士煙肉焗青口睇樣做得唔錯喎，面層嘅白汁芝士幾香，拉到一絲絲，但唔會太杰身，而混了少少煙肉，加添幾分鹹香味，當然，青口就唔期望咩超靚貨色，但至少唔會食落韌到好似擦紙膠咁。底

餐廳位於十字路口位，相當顯眼。餐廳已經開業有一段時間。初時有多款麵包發售，但現在只有凍餅發售。鋪頭不大內部裝修簡潔。今日叫咗兩個全日早餐，一個是西冷牛扒(加$10)，另一個是豬扒(加公仔麵$8)。全日早餐有沙律菜，炒滑蛋，及不大不小的香草腸，火腿，茄汁豆和一塊薯餅。 全日餐份量都算多,價錢都算經濟。滑蛋炒得香滑，香草腸就普普通通。火腿和茄汁豆就大路嘢，薯餅夠香脆。 公仔麵，麵質煮得好，但個湯就好淡。 豬扒就煎得比較有油，但味道都不錯。 西冷牛扒比較薄身，但肉質鮮嫩及size都算大塊。

位於長沙灣道嘅街角開左一間西餐廳平日晚市都好旺 9成滿仲有外賣app單 好受街坊歡迎食物主要提供西餐 有飯 意粉 扒 pizza 同生蠔🦪美式西冷牛扒配薯菜好驚喜薯菜係薯仔同蕃薯mix而菜亦都係西蘭花同椰菜花mix睇得出好有心薯條唔會過咸 食落仲好脆蕃薯條好甜 兩種隔住食 唔會咁厭牛扒好大塊 食落都淋同有肉味小食叫左芝士蘑菇壤雞翼外層煎得香脆惹味入面有粒粒蘑菇 同流心芝士唔係白汁蘑菇碎呢個一定要襯熱食最後係千島海鮮pizza批底係餅乾薄底材料亦都好足 有魷魚 青口 蝦 蘑菇 蟹柳 洋蔥 粟米 芝士 一個pizza有8件蝦仲保持到爽口 批邊仲係好似餅乾咁脆千島醬甜甜地 無比芝士蓋晒食完野飲返杯凍飲作結凍朱古力 好濃 口感順滑凍奶茶 有茶味 唔會過甜過奶性價比高嘅一間小店

難得有個空閒既星期四🤪黎長沙灣同朋友仔嘆下茶記西餐啦🤤愛爾蘭N2生蠔經空運直送既愛爾蘭生蠔😆🦪肉身肥美光澤以及滑嫩既口感顯得相當新鮮😆配合檸檬汁或兩款秘製酸辣汁更為開胃🤤香煎鵝肝肉眼扒配薯菜肉眼牛扒份量適中肉味濃郁🥩🤩五成熟既牛扒係剛剛好☺️🐮原塊煎香能鎖住肉汁肉質滑嫩Juicy之餘唔起根🤤配合黑椒及薄鹽更帶出扒香鮮味😋🥩而附上既鵝肝夠哂滑嫩之餘油香滿溢呢🤤卡邦尼煙肉長通粉卡邦尼啖啖濃厚Creamy忌廉奶香🤤😋配以長通粉係一流既配搭之餘🤤🍝拌以鹹香煙肉炒煮帶出陣陣煙肉香🤤🥓特色雞中翼脆口外皮肉質滑嫩既雞翼🤤煮出外脆內軟既絕佳口感呢😆🔥👨🏻‍🍳芝士煙肉焗青口肉質鮮味滑嫩既青口😆配合芝士煙肉等拌焗😋邪惡中甚有開胃風味的😋

肥妹仔今晚探完姑媽之後，我哋去咗皇后冰室度食個晚餐。老實講佢嘅裝潢都唔錯，睇得出有心思，而且佢嘅價錢真係非常之平民。宜家呢個食飯都幾貴嘅年代，肥妹仔都吃咗一驚。我哋叫咗一個千島海鮮pizza，呢一個千島海鮮pizza，老實講味道唔太行，因為佢嘅醬汁太稀，焗得唔夠耐，但係佢嘅料真係好多，有蝦，魷魚，蜆。另外我哋再叫咗一個烤肋骨，呢一個豬肋骨都唔錯，但係份量有d少，如果加多一兩舊就太好啦。小食叫咗明太子炸雞翼，呢一個小食好好食，上枱脆卜卜，熱辣辣。最咪嗌左一杯朱古力咖啡，不過好老實真係唔好飲，呢個餐飲有待改善。

長沙灣道同東京街交界嘅轉角位置有一間餐廳，前身係759車仔麵，經過親都冇興趣想食🙈。不過早前終於轉咗手，變成另一間店「皇后冰廳」。午餐時份我較少行嚟依邊，但呢日下晝攞咗假去$50戲院睇戲，睇戲之前就決定喺度醫肚仔😛。餐廳名叫冰廳，令我一直以為係茶記，但原來係食西餐嘅。小店面積唔大，不過環境都算四正，餐枱闊落，冷氣充足，食客坐得舒服！另外，我仲留意到呢度有兩盞好靚嘅水晶吊燈✨。如果要簡單形容呢餐，我會話係「性價比高、味道不俗」。食物索價好抵，但質素絕對唔求其，並無退而求其次👍。藍青口海蝦天使麵($148/超值二人餐)，今餐我哋兩條友唔小心地食咗三人嘅份量😳。因為二人餐可揀麵、扒或者薄餅其中一款，但我就無諗過揀麵會係一人一碟🍝。好彩天使麵幾好味，麵條煮得彈牙，忌廉汁唔笠，而且仲有好多配料添，包括每人三大隻蝦同青口🦐、洋蔥絲以及菇菇。日式黑豚肉漢堡($58)，🍔漢堡賣相吸引，麵包皮係黑色的，估計加入咗黑炭製成🖤，麵包質感軟熟，但烘邊應該會更正。餡料份量多，包括主角黑豚肉、蕃茄同生菜，🐷豚肉超大件，而且燒得幾香，肉質又唔韌。醬汁採用麻醬，食落有少少日系風格。另一邊廂，配菜有粗薯條🍟，佢亦都炸得

今日嚟到位於長沙灣嘅皇后冰廳食晚餐，裝修有別於一般嘅冰室，格調偏向時尚，而且天花板更掛上大型嘅水晶吊燈，感覺更豪華同高檔。餐牌食物款式眾多，有扒類、意粉、pizza、飯、小食、飲品同甜品等等，睇相都已經覺得幾吸引，而且價錢親民。我哋叫咗一個皇后Pizza優惠套餐， 套餐包括一客小食、一個Pizza同埋兩杯熱飲。落完單冇耐先來兩杯嘢飲，我哋分別叫咗熱奶茶，同半價加咗一杯特飲凍海鹽焦糖朱古力。奶茶茶味香濃，而且口感順滑，奶同茶嘅比例拿捏得幾好，唔錯。海鹽焦糖朱古力好少見，朱古力味濃郁，海鹽同焦糖味配合得幾好，而且唔會好甜。小食方面我哋嗌左糯米釀雞翼，上枱熱辣辣，雞翼炸得好香脆， 而且肉質幾滑，糯米飽滿，口感煙韌，令整體更有層次感，食落唔會覺得好Heavy同油膩Pizza我哋就叫咗BBQ醬燒雞肉pizza，份量都幾大，兩個人食啱啱好，配料好多好足料，雞肉嫩滑、蘑菇同洋蔥都新鮮爽口，BBQ醬沾滿成個Pizza，所以一d都唔乾，味道濃郁惹味，同Pizza好夾，Pizza係薄批，批邊脆卜卜，食落幾香口。食完正餐邊少得甜品，我哋一人加咗一件蛋糕，分別係芒果蛋糕同伯爵茶蛋糕。蛋糕係海綿蛋糕，面頭同中間

好耐都冇出去食好西~ 今日放假又懶就諗住simple食番餐... 行行下見到間唔錯既餐廳就衝入去試試. 餐廳環境唔錯, 好寬敞冷氣好夠凍... 已經肚餓, 極快就CHECK OUT 個MENU. 一睇... 嘩!! 咩事呀!! 點解個門面唔錯點解個價位咁平既. 心驚驚咁都叫左幾樣野食. 我地最後叫左個PIZZA套餐. 先黎套餐既一個小食,係燸米釀雞翼~~ 我既至愛!! 好正呀! 炸得超級香,好乾身! 仲要冇骨可以大大啖咬落去~ !裡面釀既野令到我好滿足, 正呀!! 唔洗甜辣醬或者茄醬, 調味調得好適中. 食2隻好唔夠呀~不過之後仲有其他野所以冇叫多一客. 跟住就係Manhattan Pizza~ 偷睇到廚房係我地叫左佢即刻做, 好期待! 一出到黎見到出到黎芝士仲滾滾下,好吸引! 個皮真係做到好有口感外脆內軟, 材料 好多好充足. 一拉出黎仲有拉芝... 好滿足! 食左一陣野當然唔少得黎番2杯冰涼涼既套餐特飲, 青檸SODA 同檸檬茶, 食到咁滿足再飲番啖真係成個人GUR晒. 其實已經好飽, 但見到$38 既蜆肉炒意粉忍唔住叫左黎試一試. 真係仲平過碗雲吞麵. 佢既份量仲要唔係小, 正常