Ent Restaurant and Bar

Open Now

Now Closed

當晚一家人一齊入大埔食飯，天氣涼涼地所以我地選擇坐外面。 一去到，當值既服務生就比本menu我地睇，其實我都唔知想食咩嘎，所以我就叫佢地推薦。 咁當然一開始就一定係上cocktail 先啦，因為我本身唔係好飲得，所以都叫佢地整甜d 比我 哈哈 好special 既cocktail 。果然有符合我要求，然後媽媽就飲咖啡啦，都相當不錯。 主食都係佢地推薦既，唔會話推薦過多既份量，我地食完都覺得岩岩好。 最好味既當然係墨西哥夾餅同牛啦！脆脆既夾餅配埋豬肉涵，酸酸甜甜辣辣好開胃，牛煎的岩岩好唔會太老或者太生。仲有其他主菜就唔介紹啦 真系好推薦黎哩度食飯。 氣氛好好 服務一流 食完慢慢傾都唔會趕你走。 下次一定要帶朋友去多次啊！！

第一次寫食評就寫負評. 見雜誌介紹食評又好就去試下.平日去到接近黃昏, 第一感覺是原來唔係對住海, 係對住租單車鋪. 已沒有悠閒的感覺. 唔緊要, 最緊要好食. 點左招牌小食, 墨西哥雞肉夾餅脆脆 ($88), 味道好一般, 薄脆凍冰冰, 有d沙律汁響雞胸肉度, 都係凍的. 唔值呢個價錢. Mocktails $58, 賣相ok, 但剩係得d罐頭菠蘿汁味, 好dry. P.S.坐出面好多烏繩摟.  結論, 唔會再幫襯.

琴日難得放假就搵人陪我踩單車踩到三點半到左大尾篤就見到哩間新開無耐既墨西哥餐廳我其實唔多食西餐，不過見哩間啲價錢都可接受就同朋友入左去食左個中午飯+ Tea + Dinner埋 ，環境太休閒搞到唔想走-3-去到個到食左好幾樣野，最大深刻既係加拿大龍蝦意粉 (佢啲汁好正，唔乾口)，肉醬豬肉配芝士薯條，墨西哥夾餅.... 哩三樣野真係好味到不得了😍😍😋😋😋😋個陣仲要一邊飲French Connection 一流(cocktail) 不過無酒精既kiwi仲正，😝😝 哩到啲野食野飲試左無悔呀，下次再黎食😎👍個到D員工好好service, 仲好玩得...哈哈XD

其實，好鍾意試新嘢，啲fd recommend嚟到呢度，座得好舒服，又有outdoor, 可以比狗狗一齊食。佢地仲有狗碗offer比我兩個仔仔，好細心，service立即加分。其實，我咩都唔識叫，叫佢地介紹有咩好食，我謂一要求係牛排，其他佢發板。佢都好好，無叫最貴嘅，Starter有Taco嘅, 好似脆餅嘅東西，唔錯，好脆，脆到吉嚫嗰口 😂😂😂 可能肚仔餓，所以食得急左。。。之後正餐有手卷同牛排， 甜品有薄荷朱古力雪糕最後，嚟多round drinks, 又係surprise嘅，一樣咁好飲 😋😋😋😋

同女朋友係foodbloger見到大尾篤新開的餐廳， 就去試下。book左730,但6點30就去到，個waiter都俾我地照入。去到個feel好舒服，分室外同室內，室外有蠟燭燈，幾有feel! 坐低左，個waiter好好服務，推介左幾個菜。最後試左墨西哥脆卷大蝦芝士薯條美國安格斯牛排仔最好味係個墨西哥脆卷，個醬好味，帶少少辣，個豬肉有少少肥肉，唔太膩，正大蝦芝士薯條鍾意食芝士一定要試，有幾種芝士溝埋一齊。但太多芝士，所以好溜個牛排叫左5成熟，個口感唔似平時食開個安格斯，可能係牛排仔。整體黎講好味。

星期日約左經紀睇樓，先喺附近既食店醫肚。好多食店門口已經泊滿車，唯獨呢間西餐廳仲有車位，但見室外座位空無一人，唔知質素如何！聽門口侍應講呢間餐廳原來係新開張，見餐牌，走中價路線，星期日冇set，唔怪得人流不及隔離食店啦～大無畏精神，試試墨西哥菜吧！選擇坐喺戶外，入秋送上涼風好舒服，而且又可以望住架車，心情靚靚！因為係今日既第一餐，習慣想飲杯咖啡，所以冇叫到 Mocktail ，先黎2杯凍 Latte，估唔到又沖得幾好飲，奶同啡味道好夾，醒神晒！Nachos (with veggies) - 唯一一款我地識既墨西哥小吃，賣相好靚，其他餐廳只會將粟米片同芝士跟其他涵料隨意撈埋，但呢度係好有心機擺得好靚，成朵花咁！粟米片有2種顏色，一種係平常見到的，另一種我估係加左波菜？所以係綠色既！雖然係小吃，但份量一D都唔少！除左2種粟米片外，裡面混了2種醬，仲有青、紅、黃椒粒，加上半溶芝士同埋好特別既香茅籽，其實一D都唔漏，我地2人清碟完全冇難度！蜆肉扁意粉 - 廚房等我地食完個小吃，先上呢個主菜，免得放耐左變凍影響質素，服務夠晒貼心！扁意粉軟硬適中，至怕食到淋意粉，呢度做得唔錯。蜆魚有微微既鮮味，而

這間餐廳帶給我的印象是優閒的享受，因我從沒想過踩完單車到大美督後，竟可食到有特色的西餐，主要菜式是西班牙和泰式。當我看到餐廳外觀時，我己覺得相對旁邊的餐廳是別樹一格的，是一種優閒的佈置風格，步入餐廳室內時，是經典的西餐裝潢，意外的是在這空間有限的室內竟有bar檯！有各式美酒，特式飲品提供，我立馬酒意到來，想品嘗一番。經理友善的介紹完他們餐牌後，我選了當日的特式菜式，新鮮波士頓龍蝦意粉，看起來很普遍的茄汁意粉配龍蝦，吃起來卻是意想不到的美味，龍蝦有龍蝦味、意粉有龍蝦意粉味，一流！原來這道菜式不是每日也有，因為經詢問後，發現那波士頓龍蝦是還有生氣的，每天空運到港，難怪那麼好吃。總結，喜歡享受的人一定會愛上這間餐廳，皆因優閒去踩單車，享受陽光燦爛的日子時，再配合一流美食，人生一樂也。