入麵 (Closed)

石門好食既餐廳好多，揀左好耐，呢間有個風味醬骨架幾特別。醬骨架餐既分量好大，仲要包一大碟口水汁撈麵，同一杯台式飲品，一個餐都不過係幾十蚊，可以食飽三個我。最重要係樣樣都幾好食，實在物超所值，一定會翻黎食

又喺京瑞搵到間高質小店😋😋呢日早餐食得太豐富去到下午茶時間先肚餓於是落街買野食見到呢間入舖下午餐有特價一個餐40-50蚊外賣仲有9折價錢上唔係話好平但真係超值可以見到份量係非常之多😂主菜(?)揀左鹽酥雞佢係比較硬身既炸皮食落香口但乾左少少仲有幾舊炸薯角 蕃茄仔 生菜絲麵我就揀左麻醬拌麵上面有好多蔥同粟米我本身超中意麻醬所以覺得好好味!!食到最尾麵有少少膩飲品我就揀左珍珠奶茶少甜味道不過不失食完所有野真係肚到反艇😂4點幾去到基本上冇乜人落完單5-10分鐘就拎到野食😀

今日經過石門嘅京瑞廣場，去咗一間叫入麵嘅麵店食午餐，點左午市推介，佢呢一個餐有好多種唔同嘅配搭，今次點左和風芥末風味嘅牛仔肉，配埋日式和風撈麵，仲有大大杯台式飲品，佢嘅牛仔肉真係幾好食，夠香夠滑，配埋芥末風味，非常好食，夠大份，價錢亦合理

石門站B出口一出，左右都有商場（其實係一二期嘅分別）。一期多飲飲食食嘅鋪，二期則多格仔鋪。不過，雖然商場配套足夠，可是入到去二期就覺得好多都係吉鋪，有啲冷清。返到第一期，搵到一間個名好得意嘅食肆，叫做「入麵」。咁就吸引左我入去試下佢有咩麵咁特別。本來下午茶時間，叫下午茶好合理。但係一啲都唔平，所以都係為左份量嘅原故，叫個午餐睇黎會夠食啲。 如是者，叫左個嘅推介「回味醬骨架」。睇個名以為係好似糖醋骨咁，有啲濃汁係旁邊。不過，就好似啲相咁，無汁，得幾舊大骨。味道都係算一般，一啲都唔特別，更加唔似咩推介嘅美味。隻蛋整得幾靚，食落口就正常野啦。杯東瓜茶都係好普通。反而最後想講下個撈麵。成餐可以話最好食係佢，最少有啲汁無咁乾。

在石門好多新開的食肆中選擇，的確花多眼亂，平日晚上八點多，基本上每間都有位可直入用餐，今次選了入麵，因為店員可能是老闆，很用心地在門口介紹，聽到主打是手打麵，感覺幾特別，所以就二人入一試。店面不大，大概有13張二人枱，巧妙的設計令空間都可盡用，不過我們坐的4人桌，如果真的坐4人，就真係比較逼。是次點了晚餐，在門口睇餐牌時，職員有禮地送上85折COUPON，招牌的食物都有晚餐，包括一主菜、一撈麵及一飲料，不用加一。見到價錢好平，也有點新意，就入內試下。點了招牌醬骨架，豬骨湯雜菜煲，配蒜撈麵及麻醬撈麵，份量好足。店家有告示大食之人，可提出加大麵量，飲料當晚有特吃的柳橙薑茶，其他的可選台式飲料如珍珠奶茶，冷熱都得。食物令人滿意，店員服務也親切有禮，可能是自己生意，對客人的態度好好，而且細心友善，令人印象難忘。8點半之後老闆更親自出來招呼，見他親力親為，好欣賞他。推廌大家試下。

石門應該是一個被美食封印了的區域。無論是餐廳、還是小食店都多如繁星，不過所有的食物質素都無法令你後心底𥚃認同，並心滿意足地講一句「好味」！而且，平均一個午餐竟然需要 $60！見相片這道回味醬骨架非常非常誘人，加個麻辣麵，額外加 $2。醬骨架份量十足，還以爲是燒或烤或脆口的，可惜是煲湯肉的食感。入味的，不過醬汁太甜了。骨架看似肉很多，其實頗難吃到肉。蛋倒是做得不錯，尚算入味。回味醬骨架+麻辣湯底大辣麵方面選了麻辣湯底大辣，對於喜歡辣的我而言不夠麻也不夠辣。加入粟米感覺非常不倫不類！據說麵是手打的？不適合放湯，可能撈麵會好一點。珍珠奶茶免費。值得一讚。另外⋯⋯石門的餐廳都有一個通病，就是通風非常差。每次在餐廳lunch 後都會沾上油煙味，這家也不例外。🤦🏻‍♀️

早兩天見到「入麵」發帖話有新出品，今日趁天氣寒冷走去試吓，一入門口親切有禮嘅員工招呼入坐，首先叫左個新出品「薑母鴨」口水撈麵及每次來都叫嘅「回味醬骨架」撈麵，醬骨架一如既往都係回味一試再試，首次試薑母鴨，湯底有好多片薑及好重藥材味道，需然多薑但飲落啖湯不覺得辣，鴨肉係鴨肶肉，食落啖啖肉，再配上腐乳醬尤其好味，最後不得不提個衡氣活血嘅藥材湯底，食完隻鴨飲埋啖藥材湯，全身發熱，非常適合近來嘅嚴寒天氣，幫助驅寒！

嚟到石門站，餐廳越開越多，成區依家夜晚都已經好旺，今晚再嚟食一次呢一間「入麵」，六點幾嘅時候，冇咩人等，即刻可以入座。呢個晚餐認真勁，呢份回味醬架骨，嚟到嘅size多到爆，以為得個大字啦，點知食落去嘅時候個味道酸酸甜甜咁，非常開胃。呢間小店仲好細心，會比隻膠手套你，費事整污糟你隻手啦。除咗呢一個主菜，仲可以揀麵款，麵有好多種例如有撈麵亦都有湯麵，上次食咗薑蔥撈麵，幾香口，今次就等我叫個番茄湯麵啦，清清地咁個餐除咗有個主菜有麵，最緊要仲係包埋一杯嘢飲，可以揀珍珠奶茶，喺門口間清玉買，都成20幾蚊杯啦。

點解會去食：2018-10-30 同包租公傾完計，煮唔切飯咪出去食囉食物新鮮程度：⭐️⭐️⭐️⭐️即叫即整，個鹽酥雞好脆，無食炸粉的感覺，好juice 好嫩滑食物合適溫度：⭐️⭐️⭐️⭐️感受到佢個廚房嘅熱情食物驚喜程度：⭐️⭐️⭐️⭐️🌟個醬骨架又大件又入味，我發誓黎親都要食佢，好食到顛—————————————————服務員態度：成間餐廳嘅員工都好落力同窩心，又會舒服咁介紹，讚—————————————————最重要係。。。我會唔會再去呢？重遊指數：⭐️⭐️⭐️⭐️🌟性價比極高！以上評分標準以⭐️⭐️⭐️⭐️🌟為滿分

石門站附近的店舖，通常都是小店。今天晚飯的「入麵」，就是有一種家的感覺。😁 1) 鹽酥雞球 口水汁撈麵 $72💜細心的把「口水汁」分開， 辣度自己調教。 以一人份量來說，雞球很是足夠。麵線條條分明，這裏的麵是自家製的，吃下去親切~😋2) 川辣牛仔肉湯麵 $82💚我選了麻辣湯底，這麻辣應是調味粉吧? 食不出足料的感覺; 牛肉不錯~跟雞球一樣，份量十足。還有跟餐兩杯飲品: 冬瓜茶、白桃汁綠茶 😁(可愛的多啦A夢包裝~)

家住沙田，所以成日去石門食飯。由於老公近日對醬骨架念念不忘，所以終於又去食喇。我地差不多每個月食一次🤣仍然必點醬骨架，真係好正。夠入味，夠淋，都算多肉。個汁係佢地秘製架，咸中帶甜，好開胃今次試埋個牛仔肉，同醬骨架無得比。雖然係淋，但係就無咩牛味。下次都係食返鹽酥雞至於麵呢，今次就食冷麵。當堂match 好多！個口水汁突出左，麻醬又香左！絕配呀我地之前睇唔到有冷麵食...🤣以後都識嗌喇！嗌多左個小食「陳皮魚蛋」好香呀！口感煙韌。佢個蜜桃綠茶又係好味！好濃桃味，又夠凍。啱晒我啲鍾意飲凍野嘅人店員好細心咁問顧客食過未，新顧客佢地會推介食物

上次食完仲有張coupon, 於是响佢限期前再食多次~ 清酒豬手配日式撈麵上次想試佢個豬手試唔到, 今次終於試到, 但冇想像中咁正, 熱辣辣果陣都唔錯, 好香酒味, 但唔覺得酒精, 到後來凍咗, 就會覺得有少少苦苦地咁, 最大問題係啲豬手毛未清乾淨, 其實每次去試每間豬手, 都要本住賻一舖~ 不過最入味的並不是豬手, 而係白蘿蔔, 但都係要熱食先好食囉~日式撈麵, 係醬油加木魚, 其實只係感覺上日式啫~ 可能太多汁, 同埋啲汁太熱, 開頭食啲麵都仲算彈牙, 但過咗冇耐, 啲汁浸林咗啲麵, 就變咗冇咁彈牙~ 燒汁雞扒配麻香醬撈麵呢個係是日推介, 要每次問的, 咁啱今次係燒汁雞扒, 都啱口味, 於是就叫咗~ 其實味道都似鹽酥雞, 只不過變咗係雞扒, 因為同樣有陣孜然粉味, 依然係皮脆肉嫩, 仲要加埋燒汁吊味, 味道豐富過鹽酥雞~麻香醬即係麻油+豉油, 好香, 有啲似食緊一丁麵咁~ 珍珠奶茶+冬瓜茶兩個都係少甜, 但冬瓜苶本身應該係用冬瓜糖去煮, 所以少甜咗都係會同正常甜, 不過感覺舒服啲~至於珍珠奶茶, 茶味比其實台式飲品店果啲偏濃, 叫做飲到有茶味, 唔係淨得奶味, 啲珍珠都幾好咬口,

之前行過見佢介紹, 強調佢啲麵係自家制, 而老公對麵好有要求, 當然要試下佢係咪真係咁好食啦~ 回味醬骨架配蕃茄湯麵原本想試個豬手, 但賣哂, 咁唯有試下呢個骨, 睇下佢有幾回味? 佢係鑊仔上, 仲比埋手套你, 開頭冇諗住用手套, 以為用筷子可以食到, 但原來係唔得, 因為啲骨都唔算好林, 雖然佢係用我平時响屋企, 但炆得唔係好夠時間, 唔用手真係食唔淨啲肉, 味道都唔係太差, 但令人回味又未至於~除咗主角回味骨之外, 仲有啲酸菜、生菜絲、青瓜同溫泉蛋伴碟, 等你食完肉又食返啲菜, 消化返冇咁肥膩~原本個餐係配撈麵, 但想試試佢個蕃茄湯麵, 所以加錢轉, 但佢個都唔係湯麵, 基本上杰到似係撈麵, 唔係湯水, 所以係好飽肚, 至於啲麵都真係幾彈, 但比佢啲又濃又杰嘅蕃茄湯焗淋咗, 變得冇當初咁彈牙~ 鹽酥雞球配蕃茄湯麵呢個鹽酥雞係佢嘅招牌菜, 當然要一試啦~ 應該係即叫即炸, 好熱辣辣, 最搞笑係竟然伴薯角, 當然有幾粒車厘茄同幾片青瓜中和返~ 雞肉好嫩滑, 但外皮好脆, 但佢味粉太重, 輕手啲會好啲, 而家太重口味~ 白桃汁綠茶+荔枝玉露都係加味啫, 同出面果啲冇乜分別~下次可以試下佢

本來冇想過入去食，但阿仔同門口員工好好傾，又見自家製麵，膽粗粗試下。叫左回味醬骨，真係好好味。個骨好入味，醬的味道比普通的叉燒醬好味。店員好細心，預備手套比我地渣住食。骨底下墊著菜，又有青瓜和番茄🍅，最有趣係加埋炸菜。撈麵個麵質不錯，醬汁惹味（有日式、蔥油蒜、麻醬選擇）。撈麵都幾大碟，加埋個餸好飽呢！阿仔叫左新出的骨法雞翼，話好入味，好味。飲品方面，叫了荔枝玉露，小朋友話好飲，我覺得比較甜。有機會會再食

最近石門開左好多新食肆，間唔中就會去食新野。呢間「入麵」係我地最喜愛嘅飯堂。佢個招牌醬骨架好入味好正。大到要用手食先夠滋味。（有手套提供👍🏻）尋晚食左醬骨架&鹽酥雞！好掂！熱辣辣，啲雞又入味。套餐係麵+飲品，推薦白桃茶！唔會太甜！👍🏻