泰象泰國越南餐廳

Open Now

Now Closed

跑完渣馬, 當然要立即食餐好, 有幾多OUTPUT 就有幾多INPUT!銅鑼灣太多人了, 返到家的附近吃泰菜.天氣一般, 體能消耗大, 所以也點了比平日多食物假日所以沒有午餐套餐, 只可散叫.小食併盤(細)-有雞翼, 魚餅, 蝦餅. 我最愛蝦餅, 彈牙有蝦味. 魚餅有泰國香茅味. 真係一次過滿足三個願望柚子沙律-每次來都必吃, 柚子肉勁甜, 勁大舊肉, 一舊舊蝦, 配上棷糖等其他醬汁, 一流.大讚豬頸肉生菜包-有很多豬頸肉, 十分入味, 但份量大, 所以三個人吃不完, 只能打包, 隔晚叮熱吃, 還是十分香口. 朋友點了棷汁冰, 她說味道香濃, 不會淡淡的, 而我喝的是普通的青檸可樂, 但辛苦過後來一杯可樂, 真係不得了

港鐵南港島線通車後，去海洋公園就方便好多，今日去玩完後，就睇下沿線有咩食，最後來到呢間泰象。可能地點比較偏遠，我地七點幾來到都唔需要等位，兩個人叫咗一個小食，一個湯及一個主菜。酸辣鳳爪沙律 :酸辣鳳爪一向係我嘅最愛，鳳爪份量都幾多，醃得好入味，無骨之下食得好方便，沙律菜吸收咗酸辣汁後，味道相當開胃。冬蔭公湯 :食泰國菜點可以唔食冬蔭公呢？冬蔭公有分大中細，我地只係叫咗個細的，每人大約有兩碗，冬蔭公配料十足，有蝦，菇及香茅等等，味道唔會太辣，好味道。紅咖喱雞 + 蒜蓉包 :咖喱夠香濃，雞肉亦頗多，配蒜蓉包食一流。蒜蓉包即叫即焗，上檯時熱辣辣，略嫌美中不足嘅係蒜蓉包上檯一段時間後咖喱先到，令包有d凍咗，如果可以計返岩時間一齊上就更好。

是日聖誕節前夕，適逢假日，就梗係同朋友出去玩架啦，由於呢個星期晚上某主題公園免費入場，入場人數眾多，影完相出黎都成9點鐘，所以就係附近食晚飯啦。由於唔知會玩到幾多點，我地無預先訂檯，可能因為到餐廳既時候已經好夜，所以唔洗等位。坐低之後我地好快就揀好野食啦。酸辣鳳爪沙律:頭盤我地叫左個鳳爪沙律，鳳爪都算幾多，入口酸酸地，帶微辣，而且係無骨既，咁就唔洗吐骨啦，好方便。俾酸辣汁浸過既沙律菜，入口酸酸地，非常醒胃，值得一讚。紅咖喱雞配蒜蓉包:主菜我地叫左紅咖喱雞，另配一客蒜蓉包。紅咖喱雞份量都算多，兩個人share食剛剛好，配埋熱辣辣既蒜蓉包，點住咖喱汁食，真係好有泰式風味。冬蔭功湯(細):食泰國野又點少得飲返個冬蔭功湯呀，呢度既冬蔭功湯有三個SIZE，分別係大, 中, 同埋細，由於我地人少，即使中同埋大有幾抵都好，都只能叫個細。細既冬蔭功湯大約有三大碗，香料十足，配料有好多蝦同菇，上檯時仲夠熱，入口又香又辣，非常好味。呢度既食物相當唔錯，服務都幾好，只係地點偏遠，去完黃竹坑既主題公園玩之後黎食飯，都係一個唔錯既選擇。

昨晚晚餐去左鴨脷洲大街搵食，其實地鐵開左之後大街就多左好多人去發現大街呢個所謂的'新大陸'又話邊度好食果度好食咁。今次黎呢間泰象印象中開左好多年，不過就咁多年都未食過間野d野食選擇都好多，價錢都算合理。今次就點左呢幾樣野-冬蔭功-沙嗲-菠蘿海鮮炒飯-馬莎文咖哩牛腩煲-什菜煲冬蔭功：又香又夠辣，最緊要係夠熱。飲飲下個湯開始凍左，叫左待應姐姐加下面個火（上菜時冇加火）所以成餐飯個湯都好好飲，唔會因爲凍左而有陣鯹味馬莎文咖哩牛腩煲,甜甜地有d花生都幾得意，不過d牛腩好碎，如果冇咁碎就好啦蒜蓉包加埋咖哩一齊食，正！呢個包唔乾，唔駛點野都ok 菠蘿海鮮炒飯，夠晒好大碟，沙爹，個汁幾好味，不過d肉就乾左少少埋單$500 左右下次去食lunch 應該會再抵食d!

放假我地又落鴨脷洲大街食飯，再一次幫襯泰國人開既泰國菜-泰象。我地三個人叫左大蝦柚子沙律、菠蘿海鮮炒飯，同埋大蝦炒金邊粉。大蝦柚子沙律食落夠哂開胃，柚子新鮮，蝦夠大隻，配埋特製既汁酸酸甜甜好易入口，做Starter一流！大蝦炒金邊粉色澤均勻，條條粉都入哂味，軟硬度剛剛好，加埋D配菜調味真係覺得Match 得好好食。菠蘿炒飯，依個黎親都叫，食過好多次，真係粒粒飯都炒得好香加埋肉鬆、腰果、提子等令到成個炒飯好香口，菠蘿夠哂Juicy，食完好想再食！

細鋪已經有開始幫襯 覺得好食又抵嘛搬左尼哩度都好似有好一段時間 今日終於有時間又撞啱有位就入去食番個晏先間鋪大左都坐滿哂 唔洗我講都知堅好食啦而家星期六日就冇左lunch set 咁我就叫左個$50既燒豬頸肉撈檬 雖然係好多人但都係等左十分鐘度就有得食啦 碗野尼到我都打左個突 哩排戰鬥力超低咁大碗肯定食唔哂..🤦‍♀️ 唔理啦我咁重口味緊係諗都冇諗就成碗汁倒哂落碗野度但食到最後就後悔因爲啲汁係哂底 好似湯咁😂都係慢慢加落去好啲啲豬頸肉燒得唔錯呀咬落爽爽地同埋個邊位係脆脆地嫁啲侍應都好好人好有禮貌 不過多人既話建議尼之前book左位先喇

聽說這間泰國餐廳在鴨脷洲算是出名，所以今日中午買外賣試下，順便慶祝同事farewell٩(๑❛ᴗ❛๑)۶1. 黃咖哩牛肉飯咖哩不算辣，好有椰香味，雖然牛肉分量較少，但醬汁好香送飯一流2. 海南雞半隻肉質不算好滑，較失望3. 炸蝦餅蝦肉份量算多，香脆好味4. 馬拉盞炒通菜醬汁好香，通菜亦新鮮好味5. 泰式豬雞串燒串燒肉量足，醬汁濃郁費用：$479 （中午時段稍貴）外賣自取：醬汁只用迷仔密實袋仔放，容易倒瀉總評價：3.5 (*´꒳`*)（總分：5）

鴨利洲都冇咩泰國菜館你揀。門口有泰國女人同大笨象，好易認。lunch 都full.入到去個個都叫冬蔭公湯河。 1試果然夠酸，岩哂我口味，都幾大碗下，仲有蝦蝦哈。 當然5少得我既最愛生菜肉碎包>3< 好大碟，不過嫌5夠酸同油左d. 拿，加d冬蔭公湯河d湯落去好味左好多。 加番d酸比佢 haha. 另外個泰式香葉炒飯都夠辣。 有辣椒見到。 太辣就同冰水1齊吞啦

由於南港島線開通的關係，今日第一次搭港鐵到利東站(註：雖為利東站，但確實位置係鴨脷洲大街)，尋找下有咩好食作為晚餐~ 行經依間泰國餐廳，見有唔少人幫襯，心諗應該唔會太差，就入左去坐~ 我地叫左一個主食，一個沙律及一個甜品：(1) 青木瓜沙律 $68條狀的青木瓜非常爽口，再加上香口的花生碎，味道其實不錯，但小編覺得比較辣，食左少少已經頂唔順 ><(2) 香辣炒泰式粉絲 (牛) $58粉絲炒得剛剛好，唔會太黏也唔會太乾，而且辣味程度適中，非常入味，而牛都唔會炒得過韌，整體都幾好食~(3) 芒果糯米飯 $40糯米飯配上椰汁味道唔錯，但略嫌飯質唔夠黏，其中部分重有點硬，不似糯米飯，而芒果份量及味道都適中~整體來講，食物既味道大部分都唔錯，不過小編覺得主食較小食抵食~

又一餐farewell 飯。同事搵到新工。要離開了。以後應該好少機會踏足鴨脷洲。所以臨走前再戰大街。揀左食泰國野。6個人叫左大冬陰功 。其實都真係幾大兜。料都好多。好多蝦同菇。但唔夠辣。炒金邊粉。呢個唔錯。甜甜地幾好食。海南雞飯。一般。唔知咩炒飯😂唔記得左係咩嚟。但都係一般。雜菜粉絲煲。出乎意料地油小食併盤。有雞亦。魚餅同蝦餅。但我無食。唔知味道如何。青咖哩雞。椰奶味好重。唔食辣嘅人都可食嘅咖哩。薄餅。一睇已經覺得麻麻。好淋。口感好怪。蒜蓉包。好食。又香又脆。咁多野。食左$600有找。6個人食唔哂😂價錢ok嘅。但味道可以有進步空間。

1. 燒牛肉沙律沙律有瓜絲洋葱芫茜蕃茄等，少酸，都幾辣，燒牛肉數量都幾多，肉質有點鞋口但唔韌。 整體都ok.2. 干咖喱炸盲曹本來想食香口炸魚，但上菜後先知比想像中多醬汁，魚身比醬汁浸淋左，唔脆，當咖喱煮魚咁，叫多份薄餅蘸汁食。

今日第一次幫襯呢度，見lunch時間唔多人，套餐價錢又吸引就直接一試！一個人叫了個香辣泰式粉絲炒豬肉，賣相好好，熱辣辣，一睇就知道係即炒！配料有通菜，大蔥，炒蛋一齊，材料豐富，味道酸酸辣辣！我無叫小辣，但辣度可以接受！顏色又吸引！粉絲炒得乾身又熱，合我鐘意熱辣辣的心意！跟餐叫了紅豆冰，椰汁味香濃！可以再來幫襯！

大年初一到親戚家拜年，誰知時間過得快轉眼已經入夜，晚上到外碰碰運氣看哪間餐廳有位。走到鴨脷洲大街，烏燈黑火，只有寥寥數間餐廳有開業，其中一間便是泰象。鋪頭開揚，空間感很好，加上座位舒適，新年在沒有預訂餐廳的情況下也算不錯吧，店員也有些泰國人，幾個工作時有講有笑，感覺溫馨。打開餐牌有很多選擇，從頭盤小食到肉類海鮮樣樣俱全，總可揀到喜愛的菜式。小食拼盤有雞翼，蝦餅和魚餅。小食炸得香口，蝦餅爽口彈牙，魚餅味道調較得很好，加入香茅令魚餅鹹味中帶點清新感，是小食拼盤中最為出色。青木瓜沙律有點辣，吃不了辣的我只嚐了一口。木瓜爽口清新，親戚第一次吃驚為天人哈哈，非常喜歡，一個人掃了大半碟。炒河粉味道普通，有點單調。蝦醬炒飯很香，味道其實不錯，但早前吃過更好的蝦醬炒飯後這個便略嫌普通，臘腸煎香一點會更好。 烏頭新鮮美味，湯頭加入鹹檸檬及香茅味道鹹鮮，吃到一塊肉也不剩！總括來說是大眾化的食店，味道也不錯，是不錯的選擇。