euro go go

Open Now

Now Closed

中秋翌日慶團圓！食個TEA慶一慶士多啤梨啤梨蘋果橙~ABCD餐點樣揀~我揀左A餐~牛角包同通粉~牛角包原來無內涵的....同我一樣~不過都有士多啤梨JAM同牛油可以調味~包只有少暖~勉強整軟到D牛油~同埋只有少少脆~通粉好細碟...................另外仲揀左H餐~薯蓉田螺熱辣辣好熱好熱~~~~我要放一陣先食到另+10蚊要通粉~呢個係碗裝既~感覺比我A餐還要多正價竟然份量少過+$10..............走甜凍檸茶正!無甜味總結~人很多~搵位很難~鋪位細~服務員比其他分店有禮~可能因為有問卷調查~送COUPON~無咩好彈~~只係我碟裝通粉比碗裝更少同埋TEA黎講都算貴

晏晝行過想食意粉，聲稱自己肉醬意粉攞過獎，但睇咗一輪結果叫咗個$58蒜香蜆肉意粉，先俾錢自己搵位，坐落5分鐘意粉到，size約連鎖薄餅店嘅差唔多，但蜆的確唔少，有12隻蜆，肉質ok唔會好似哨香口膠，其中一丶兩隻有沙，但可接受。意粉軟硬度啱啱好，熱度亦可，唔會食到尾意粉凍咗而尾黐埋一舊，鹽同香草配搭恰當。見大多數人都食意粉丶雞翼，眼尾一望隔離枱食pizza，啲脆口聲聽落應該得得哋，下次可以試試。（自收現金）

同朋友搵地方食下午茶，行行下見到依到假日都有tea set就入左黎Tea set都好多選擇，咸甜小食都有，讚最後我地要左芝士薯蓉同香蕉酥芝士薯蓉係香濃既芝士味，絕對收貨（其實好難整得難食？）香蕉批就直頭有驚喜，入面有新鮮香蕉片，香濃香蕉味，又唔會太甜，估佢唔到唯一失望係杯咖啡，西式餐廳諗住依d唔會差，點之完全唔香，茶記都好過佢總結：食物非常唔錯，價錢抵食。係搵位比較麻煩，同埋飲品失望左d（下次可能試下其他）都會有下次既。

這晚原本與至愛一起叫了外賣打算在家吃，豈料該外賣APPS竟然弄錯了，該食店不能送到我的家。當時已等了一個鐘，失望又無奈之下只好臨急去搵食。女友對食都有一定要求，幾經曲折之下就找到這間她滿意的選擇餐牌也有很多款式，又圖文並茂好吸引最後我們order了:半千島海鮮 $48香蒜蜆肉意粉 $58法式麵包布甸 $36香蒜蜆肉意粉 $58上台有好大陣的香蒜，好吸引。不過對食好有要求的女友話香蒜似是用現成的香蒜粉加工的，不夠誠意麵條夠軟滑可口，蜆肉肉質也不俗半千島海鮮 $48沒拍照，好味，海鮮中的蝦不夠大隻，不過肉質都幾好法式麵包布甸 $36一來已聞到好大陣蛋香! 布甸質感鬆化可口，味道蛋味十足，正今餐真是意料之外，突如其來的好味一餐

家附近有間euro go go一直也是我心水喜歡它環境舒適和食物質素穩定 鮮茄煙肉香腸蘑菇意粉簡簡單單的「茄汁意粉」其實已經很好吃它的醬汁和意大利麵的比例適中加上適當的配料點綴我吃的時候喜歡再灑上芝士粉味道更濃郁更「肥」!蜜糖雞亦應該沒有人不喜歡這裡的蜜糖雞亦吧大大隻醃得很入味外皮焗得剛剛好 不會太乾太硬驚喜的地方是它裡面還是很JUICY!雞肉完全是滑滑的 真的很美味無聊的介紹一下豬男友的絕技「去雞亦骨」!芒果冰冰/蜜桃茶芒果冰冰和蜜桃茶都是我的至愛還有荔枝茶也很推薦!意粉和芒果冰冰是會員增值$500 送的COUPON裡面包的所以是免費的!所以整餐$100都不用呀!!

EURO GOGO 其實都唔會好陌生，依家開左好多分店，價錢（特別下午茶）是抵食的，份量又不少，不過荃灣呢間長期爆滿，搵位不是很容易。我就好鍾意食佢既意粉同雞翼，甜品野飲都不錯，差不多試均哂各式既意粉，最鍾情還是香蒜蜆肉意粉，差不多每次都食呢個or肉醬意粉。好少意粉乾身得黎又唔會好硬，當然佢是較硬身的，但個汁真係好好味，好香香草同蒜味，仲會食到少少蜆既鮮味，都有唔少蜆同幾大隻，性價比高！另外個日見佢新出呢個慢煮雞胸沙律配芒果乳酪醬，我本人其實味淡都ok，同埋依家講求健康，值得讚既係份量本身多，樣樣夠，芒果醬配雞胸好fresh，唔會話太多芒果醬所以唔會好肥，有Greek yogurt 配生菜椰菜青瓜車里茄，夠哂健康又不肥膩，所以呢個新款salad我真心幾like。其實上菜都快，唯衛生欠盛。

今日 19/5/17 去荃灣綠揚坊Euro go go食lunch, 叫了鮮茄煙肉磨菇香腸意粉，加杯熱 capuccino, 覺得好好食，由其是佢地d服務態度一流，好好禮貌，我要求少奶都可以做到，真係唔錯。 咁啱呢斷時間可以入會join會員，我就join左 : 入會有張會員現金卞，會藉2 年，要先存入$500, 用完緊係要再入錢啦 附送成10 張 coupon比你用，有送意粉，pizza, 飲品。。。 果度都慳唔少錢, 係隨時用得架，每次用1 張，真係好著數，其實佢咁做，都係想客人成日幫趁啫，所以鐘意食呢間野d野食， 緊係入會啦，我似我咁，咪攞拎左好多著數囉~我依家當然會多d去食啦~

好耐冇泥euro gogo食野啦次次都係食tea, 今次就食lunch平日既lunch時間都全場爆滿唯一唔好既係呢到淨係得一個counter, 前面果個有少少問題，等左差唔多5分鐘條隊先開始郁我地3個人食，叫左2個set同一個煙肉芝士焗蘑菇，total$153我覺得最好味係個白湯，加埋蒜蓉包，非常配都只係加6蚊，非常抵另外我地再加左10蚊飲焦糖泡沫咖啡之後就到白汁香腸火腿蘑菇意粉白汁足夠，份量都ok, 但唔係好夠熱個煙肉芝士焗蘑菇既賣相就一般啦，不過味道都ok最後就係半份千島海鮮pizza千島醬好濃，個pizza又脆，三個人食岩岩好

今日放工同友人一齊去食！雖然呢間無以前果種一入門口就傳出焗pizza焗薯皮既味道，但食品比以前濃味左。唔知係咪人大左，但又食得清淡左。肉醬焗薯蓉好種蕃茄味，再加少許香草，但好咸！好似廚師重手左！蜜糖雞翼係我致愛！每次都會encore好重蜜糖嘅甜香加上少許香辣。味道好夾！亦因爲加左蜜糖，感覺無咁熱氣pizza又係咸左啲！雖然有菠蘿，但冚唔住果種咸味首次嘗試嘅煙肉芝士磨菇，味道適中，但芝士少左啲。無乜特別雖然味道比以前濃郁左，但都好過以為得香味

今日瞓到晏一晏，本身諗住無早餐食喇，點知落到屋企附近嘅荃灣廣場入面嘅euro go go，估唔到佢嘅早餐時間係至到11:30，我就事不延遲，立即叫左兩份早餐💪💪店內環境都幾好，仲有送餐服務添，咁我就可以好嘆咁坐喺度等食芝士吞拿魚法包配鮮茄湯通粉+炒蛋+奶茶。法包多士嘅味道充滿芝士味，同埋佢嗰啲吞拿魚都好多，搽滿哂成個法包另外呢個餐係跟番茄湯通粉，大大碗，都有好多配料好似火腿、腸仔咁；加左$8配個炒蛋，雖然係滑蛋，不過份量就比較少，呢個份量我覺得加$6會比較合理。熱香餅配牛仔腸+鮮茄湯通粉+咖啡至於熱香餅，佢就厚啲嘅，不過就細塊咗少少，而且個邊有啲硬，同熱香餅本身鬆鬆軟軟嘅形象有啲背道而馳。另外加配嘅鮮茄湯通粉，就可以話完全無配料，而且個size比呑拿魚多士餐嗰碗通粉細好多

好耐無食過呢間, 同朋友&佢既小朋友今日11點半黎到, 剛好門口有枱自成一各咁, 幾舒服!次次黎食必點焗薯皮同蜜蜂雞翼, 今次都唔例外! 仲叫左個合寶pizza半份, 芝士吞拿魚意粉... 芝士吞拿魚意粉好味又夠汁, 小朋友食到唔停口😜焗薯皮熱辣辣又香脆蜜蜂雞翼夠入味合寶Pizza好多料呢… 唔錯唔錯,批底就當然無pizzahut咁好食, 但都ok架我地2位大人就叫左2杯凍忌廉朱古力,好好味, 朱古力味夠濃, 唔會淡口😍

荃灣想食薄餅或意粉，我都喜歡黎euro,買完票坐低，等人送餐黎，坐位亦唔迫，自己搵位，通常客人食完就走，似快餐店，所以就算煩忙時間唔會等太耐，佢的食物即叫即整，所以我很喜歡，唔係整好晒放好耐，夠熱夠香夠脆，午餐有set, 今日我叫左芝士茄汁海鮮闊條麵， 佢呢款仲有芝士白汁海鮮闊條麵，食得多白汁，我今次試下鮮茄汁，麵內有蕃茄，蝦，魚柳，尤魚，蜆，青椒，洋蔥，檻欖添，好惹味又開胃，賣相都好好，加左8元轉蜜桃茶，估唔到有蜜桃肉，抵飲呀！跟餐要左個沙律，健康dd, 整體$76 幾好的。

今日放假，同朋友入荃灣掃街週圍行行到攰，返歸前搵地方坐低休息下，食下野，黎左呢間。知道呢間野好耐，今日第一次有機會食。類似快餐店，落左單再搵位，比個牌你擺枱面，佢會送野食黎。即叫即整，會比碟同水你先。坐低左都要等陣先有得食，新鮮嘛食完先記得影相芝士吞拿魚意粉，本來想叫另一個，但無扁意粉...$48,都幾好味，意粉係ok林嘅，但無煮到好粗,隻醬似茶餐廳都會用嘅味，即係罐頭野？仲落左rosemary,幾香。啱啱上枱好夠熱，中間明顯有加芝士焗。pizza幾有趣，可以叫半個叫左半個千島海鮮，真係半份pizza咁上枱。個批底相對咁多料黎講，薄左d,但好夠熱，味道正常，切左做3塊。都幾多海鮮咖，青口，墨魚圈，蟹柳...pizza係最唔應該唔好味嘅，唔肚餓都食到兩塊。

差不多每個月都會有—個周末，會與這位舊同學兼好友吃bunch。每次諗唔到吃甚麽好，就會楝這家，愛它在地鐵商場，方便、舒適、食物水準穩定。香蒜蜆肉意粉 $55蜆肉有點黑椒，淡淡蜆味帯點微辣。意粉軟硬度剛好，不油腻。焗薯皮 $32買相很吸引，香軟味濃芝士下的薯仔，焗至皮脆肉軟熟，調味適中。Iced Mochaccino $26每次來也必選，咖啡香濃奶泡幼滑，甜度和冰的份量也剛好。

前日(23-7-2016 Sat)晏晝,同女友人WK o係銀行做好o野後食個lunch,而老公都放o左工返到荃灣,就一齊食飯.去邊o度食?同WK研究,茶木未必o岩我食,於是上呢層睇睇,最後都係揀o左呢間.人多,我o地三個都等o左好耐至有位,我o地決定share食,就要o左:5. $8.00o既凍朱古力呢個由老公飲,啲cream多到呢,我只飲一啖,味道正常不過.味道: 3分6. $20.00o既Lemonade以為係凍檸水,原來唔係,簡直似柑桔蜜,我麻麻地鍾意.味道: 3分7. $4.00o既凍檸樂呢杯俾WK飲.2. $30.00o既農夫比得包包入面係沙律菜,睇見個包雖然烘過,但都唔係太熱,沙律菜迎鮮,酸度o岩o岩好,呢個正常.味道: 3分3. $40.00o既藍芝士汁麥形意粉麥形意粉好滑,根本唔使咀嚼就滑o左入喉嚨,而味道就係香草味,但太濃,令佢唔係咁好食.味道: 2.8分1. $58.00o既菠菜汁龍利柳闊條麵呢個味道比藍芝士汁麥形意粉冇咁濃,清淡啲較討好,亦有啲菠菜;可惜龍脷柳薄弱之餘亦太鹹.味道: 4分4. $36.00o既法式麵包布甸由於我熱氣,所以唔趁熱食,等佢放淙o左先.放