euro go go (Closed)

今次試新野~~已經有一段時間無黎食euro go go，平時食開香蒜蜆肉意粉，係我至愛！但今日決定試新嘢，其實唔係新，只係我未食過菠菜汁龍脷柳闊條麵 （$68）同想像中有出入，原本以為真係菠菜汁，但其實只係芝士忌廉汁菠菜龍脷柳闊條麵，有啲失望，不過如果當返忌廉汁黎食，其實味道唔錯，唔會過咸，魚嘅分量都幾多，夠新鮮，無雪藏味，口感唔錯，闊條麵的口感都可以，但如果有更加芝士會更加好食~~!! 整體而言值得一試！

約咗friend食下午茶，唔知食邊間，見到呢間好似唔錯，我哋就決定食呢間啦！😋lunch set好抵呀！叫咗一份意粉套餐同pizza套餐，兩份都非常好味！😉最啱同朋友一邊歎美食一邊傾計啦！😍

啲食物鹹到一個點，千祈唔好去食。 叫咗四樣嘢，有湯、有包、有麵、有pizza，全部都好咸。價錢貴，啲嘢又唔好食。setting似快餐店，價錢係高級餐廳。重點係食物真係太鹹，直頭覺得佢係迫人買嘢飲。

Let’s go 😀 euro go go芝士吞拿魚意粉🍝餐 $60配蒜蓉包咖啡香脆蒜蓉包😋 yummy意粉份量多濃郁芝士味，再自行灑上芝士粉滿滿吞拿魚更加 滋味無窮了 😋香濃咖啡 ，精神了⋯⋯吃得好飽喎🤪

中午食乜嘢好呢Let’s go 😀 euro go go一個人嘅午餐，就點了半份千島海鮮pizza、熱咖啡、蒜蓉包 （$52）個人特別喜愛吃薄批，材料豐富：有蝦、魷魚、蜆肉、菠蘿🍍配上酸酸開胃千島醬，食得開心😃、好滋味外脆內軟蒜蓉包，陣陣香蒜味飄來香濃咖啡☕️ 總結，仍然保持水準，算是不錯👌

其實都經常去屯門市中心食呢個意粉今次因為我哋係大概下午茶時間去咁就叫咗一個蜜糖雞翼同埋一個薯皮拼盤原本想叫個布丁甜品食 點知個服務員同我地講話暫時沒有提供變咗有啲失望之後我哋叫咗一杯凍朱古力同埋熱咖啡其實本身呢間野嘅嘢食都幾好味但係今次佢個蜜糖雞翼上菜上得有啲慢食完個薯皮仲未有雞翼食

很長時間冇嚟 euro go go 這裡環境 舒適，可以吧先看看 餐牌...套餐特別鍾意這 😋千島海鮮 Pizza (半份 $52)材料：-魷魚、蝦、菠蘿、蜆肉、配搭千島汁，色澤靚靚，吸引滋味無窮😋一小片蒜蓉包惹味，脆邊、濃濃蒜味餐飲 ：熱咖啡 下次再嚟吃意粉🍝 👌Bye

打呢篇食評個時其實我食緊晚餐，無套餐叫啊，得散嗌，有少少貴啦！但我都幾鐘意食呢間既，係唔錯啊！尤其我最鐘意佢呢個意粉！茄汁海鮮闊條麫，再加上一杯凍mocha～～呢個晚餐好滿足！

近排食得太多肉，所以想食清D，於是便選擇了這香草意粉。這碟意粉雖然是屬於素食系列，但做得一點都唔馬虎。意粉硬度適中，而且每條意粉都沾有著濃厚香草汁，有咖哩粉味，讓人停唔到口。至於杏仁烘焙得很脆口，而且炒得很乾身，作為意粉的配角是非常適合！..每次來到都必叫食物之一，pizza餅底做得好脆口，而且焗得唔會太乾身，所以就算連平時我地唔食既批邊都好好食。至於用料方面，菠蘿令到成個pizza既感覺變得好fresh，再配埋辣肉腸同香濃既茄醬，絕對不輸比某簿餅專門店的水平!😋..本身對這碟意粉很大期望，但期望越大失望也越大。首先要贊一贊這碟意粉的芝士味是足夠的，意粉亦沾著這些芝士汁，但吃著吃著便覺得好像缺少了調味似的，而且好乾。跟香草意粉作比較的話，還略為啖味一分😣。

呢日朋友工幹完番黎 諗左好耐唔知係屯市食咩好 行行下 想食蜜糖雞翼 於是乎就諗起Euro gogo 下午茶時間 都幾多人 不過都算好快有位3個人 叫左3個tea set 分別有 白汁芝士吞拿魚意粉 野菜沙律 香焗蒜蓉包 蜜糖雞翼兩碟 再加多兩個細蕃茄通粉飲品部分係叫左 忌廉熱朱古力 凍檸茶 熱奶茶首先講下個 芝士吞拿魚意粉先 黎到果陣好香熱辣辣 芝士重可以拉絲 真係好正 d汁又好多 唔怕d意粉會無味 真係好食同好飽！而個蒜蓉包都還可以 都香脆 不過因為同朋友傾計耐左 佢凍左就無咁正 熱食正好多至於個蜜糖雞翼 真係重點黎咖 熱辣辣 d蜜糖甜而不漏 雞翼焗到個邊位有少少香脆 食左一啖再去點d蜜糖黎食 真係好好味 佢都重keep到個水準❤️而杯忌廉朱古力 我就覺得朱古力味唔夠濃 有少少失色 下次試下凍飲可能會好d同朋友係度坐下聊下計食下西餐tea下都係一個唔錯既選擇 而且地方選址都方便 附近已經係杯渡站

原來Euro gogo係有早餐嫁我一直都唔知係親戚同我講我先知有好多選擇我親戚揀左炒蛋配腸仔+牛角包佢地會次次都揀依個好好味我就揀左熱香餅有驚喜 熱香餅無過份硬有實感 我自己覺得好好味之後仲叫左熱奶茶但無影到相奶茶☕️茶味比較重真係飲到茶味唔會無左茶既感覺得奶味咁早餐大約$40左右咁上下自己覺得有時去下唔同地方食早餐都唔錯不過朝早好多呀太有小小嘈都唔止小小可能佢地戴完小朋友返學就食早餐佢地走左就靜好多😂

同朋友去嗰時大約係十點，已經冇人，得幾枱人食緊野。我地叫左碟蒜蓉包同吞拿魚意粉。但係啲野食黎得慢，催左兩次先到。蒜蓉包又硬，似係擺左幾個字。不過碟吞拿魚意粉都算好食既。

今日同我個朋友去咗呢間餐廳食，對上果次食已經係一年前！我哋平日中午去都算多人，要自己搵位。搵完位之後我哋就輪流去買嘢食😍當時有lunch set，我哋當然都叫返一個啦！我就叫咗個菠菜龍脷柳闊條麵😍佢仲包埋沙律或者蒜蓉包同埋一杯野飲！嘢飲我哋就帶咗熱奶茶🥰沙律都好好食，有車厘茄同埋蔬菜仲有青瓜🤪闊條麵係用咗白汁同埋菠菜去烹調，食落口都算creamy 嘅sauce，佢仲會加多塊芝士係個面到。龍脷柳嘅份量都好多！所以都幾抵食👍🏻味道就不過不失不過覺得佢可以做得環保啲，唔好用咁多即棄嘅餐具，其他方面就唔錯

原來Euro go go都有下午茶，不過主要都係啲小食，得一款係意粉，要填飽個肚既我就簡左食意粉。點左個芝士吞拿魚意粉，一上枱成碟都係用奶油包圍，而且入面仲有好多吞拿魚，食落仲有香草既味道，好香。雖然感覺好heavy好膩，但其實又唔會。

今日同朋友行完山想食個下午茶叫左一個白汁火腿磨菇意粉、一份蜜糖雞翼、一杯涷檸檬茶、估唔到下午茶都能夠保持到高水平最開心係個意粉可意加六蚊加芝士，入口香濃芝士味，意粉口感煙韌，雞翼外脆內軟加上蜜糖焗，份外香口，整體味道、賣相、價錢合理，唯獨是冷氣不夠，室內空氣一般，如能改善更值得一試。