歐意餐廳 (Closed)

唔知大家有無去過彩園廣場呢? 我每次去都只會幫襯歐意餐廳,話佢係全商場質素最穩陣又最多選擇都當之無愧!呢個乾燒雞扒炒公仔麵擺盤已經有別於一般茶記嗰啲, 望落去都靚啲, 公仔麵炒得夠乾身又惹味, 雞扒唔柴蒲燒鰻魚叻沙湯烏冬個配搭好特別, 又日式又東南亞咁, 個鰻魚嘅size好大條, 完全唔覺得係商場仔入面食嘅嘢咁, 叻沙湯好濃味, 夾埋鰻魚個味又唔會奇怪喎, 都幾特別Menu上面我仲試過好多唔同款式, 基本上樣樣都好食, 大家都不妨試吓

這次去上水找朋友拿東西 看到還有時間決定去覓食一下找點東西食 期間看到這家店裡面有好幾個客人在食相同食物 令我好奇想試走進裡面很快被職員帶位 環境裝修不像茶餐廳牆上還掛著小畫子和小植物 感覺挻特別耶🙈🌟吉列豬扒蛋包飯$56食物簡單分為三個部份 吉列豬扒/蛋包飯/雜菜醬汁方面選擇了日式咖哩汁 食蛋包飯配是不錯日式咖哩味道不辣還有點甜味 加上飯上的茄汁令到蛋包飯的味道昇華🤤🤤 我很喜歡這樣食呢吉列豬扒炸到酥脆 意想不到茶餐廳也有素質😝

喺上水廣場日日食飯都喺譚仔雲南米線，大家樂，大快活之類嘅連鎖餐廳真係好悶！所以有晚行晒成個上水，睇下周圍有啲咩嘢食。結果比我喺上水地鐵站隔離嘅彩園邨發現一間唔錯嘅餐廳！ 依間算係西式餐廳，開咗都有一段時間只不過係平時會唔會經過彩園邨，所以無發覺佢嘅存在。我叫咗碟海蝦甜蜆意大利粉，等左15分鐘就有得食。 首先蝦好新鮮，肉質好實🍤另外蜆嘅份量都幾多！亦都冇沙意大利粉煮得啱啱好亦都充滿咗蝦汁嘅味道😳 估唔到喺彩園邨都會有咁高質素嘅西餐廳，下次會再嚟試其他菜式😋

嗰日去咗上水探朋友，我哋行完街之後買咗好多戰利品✨攞住咁多重嘢所以我哋都唔去咁遠食下午茶，去咗依間彩園廣場嘅西式餐廳度食🍽🍽我哋嗌咗個千島醬菠蘿火腿Pizza，賣相同傳出嚟嘅香氣都好吸引🤤Pizza好大份，餅皮焗得好脆，上層嘅千島醬焗得微焦🤩除咗菠蘿，火腿，粟米，蘑菇之外，佢哋仲會喺千島醬下一層加上蕃茄，令到食落口感非常清新，唔會覺得油膩😋佢哋嘅食物品質唔錯，下次會再嚟依間餐廳幫襯✨😆

今日經過上水交文件去另一間公司嘅寫字樓，主管話可以食埋lunch先翻公司，所以我就去咗附近商店食晏晝飯。成個12月工作量都好大，所以我叫咗份海陸空雜扒餐配薯菜慰勞自己😆$88有羅宋湯，蒜香多士同埋熱飲送！可以揀燒汁，蒜蓉汁同黑椒汁，好多選擇🦾 雜扒等咗15分鐘就上枱了~雜扒包括豬扒，雞扒，好大嚿嘅吉列魚柳🤤同大大條法蘭克福腸。成個鐵板俾肉扒逼爆，仲有湯有嘢飲，抵食過花園餐廳✨ 雞扒外皮煎得好脆，肉質都嫩。最好食喺佢嘅魚柳，大大嚿👍🏻有機會帶埋朋友過嚟試吓~

由於該區嘅選擇不多，我之前已經覺得間嘢好污漕，但未到好嚴重，就算啦！點知今早去食早餐，飲飲下個朱古力，點解有硬嘢，一吐出發現係曱甴！！我已經即刻同店員講，佢只識講：「對唔住」又賴天氣問題⋯有講換過杯？ 其實點會仲夠膽飲。即刻俾錢走，如果想附送，你可以去幫襯！

夜晚同朋友諗住搵一間餐廳食，行行吓見到呢間餐廳，諗住話開咗咁耐都未試過咁就去試吓，叫咗一個肉醬意粉同什扒，佢又送一個蒜蓉多士。 首先蒜蓉多士係凍嘅，肉醬意粉冇乜肉醬，個什扒都正常，但因為我揀左黑椒汁諗住無事，點知個黑椒汁冇乜黑椒味

要兩份西冷牛扒（12oz, 8oz) ，都係超級厚（成年人拳頭咁厚）要5成熟，姐係平時既1成熟左右，超級多筋，肉質梅爛仲有好重既雪藏味道！已經要蒜蓉汁都蓋唔過。。蒜蓉包又有酸味。個餐湯白湯變南瓜湯。無下次

話時話好耐都冇係上水掃貨，杉同袋出名平同質素高，血拼左一輪之後，有d餓就去睇睇有咩可以食，就揀左間裝修幾靚又夢幻既廳，呢間叫歐意餐廳好靚同位置坐得好舒服，血拼完之後可以眾腳的地方呀今次就試左南瓜帆立貝飯，帆立貝大大粒又新鮮，南瓜既味道入哂落d飲粒到好juicy ，份量大大碟又好好食，同佢成個修飾好靚令人胃口大增呀之後再叫山一左個小薯角同薯絲滋心蝦角，內軟外脆，蝦味出哂黎，仲有就都係大大兜，好食味又抵食，仲有個清酒煮硯，真係好香清酒味，入哂d硯到，未話唔想食完又食最後有我最鐘意食既芝士西蘭花，三層唔同層次既芝士，再配上火腿煙肉粒，簡直match到爆呀，仲左個栗米忌廉湯飲下拉，忌廉湯唔會太多麵粉，飲落去舒服易入口，仲要好香啖啖栗米味歐意餐廳地址: 上水彩園路8號彩園廣場3樓R3-R4號舖

愜意的歐陸餐廳上水有不少餐廳，但要推薦卻又令人茫然，今日一嚐歐意餐廳，頓覺終於有介紹名單。餐廳的座位全都舒適寬敞，不會感覺擠迫。菜單很多選擇令人眼花撩亂，三心兩意的。幾經掙扎下點了 海陸空鐵板餐、焗芝士拿破崙牛肉飯、肉醬茄子，另外加酥皮湯，感覺很豐盛~上餐速度很快，沒讓客人久等。先上鐵板餐，職員會在旁邊桌上幫你淋醬汁，以免被飛濺的醬汁影響；鐵板餐超豐富~~ 魚柳大大塊，更是厚厚的！豬排醃製入味，雞扒外層煎得脆脆的，豐盛的海陸空鐵板餐已令人滿足！第二樣出場的是焗牛肉飯，原來是鴛鴦醬汁， 雖然我不肯定兩款是什麼醬，不過白汁有種甜芥末味，並非只是一般的白汁，品嚐出很不同；至於深色的，有點像燒烤醬，有點甜也有點酸，不知是不是加了專門配搭牛扒的A1醬，我很喜歡這個，兩種醬配搭得天衣無縫；飯內的牛肉粒并不老，微微紅色顯示嫩嫩的！這個飯很讚~~~~期待已久的酥皮湯終於到場，吃到很香濃的牛油味，伴隨湯一起吃很是滋味。最後是茄子，我喜歡蕃茄肉醬，這款小食為這一餐錦上添花。意想不到的是，歐意餐廳連普通餐飲 - 朱古力都沒有馬虎，是用牛奶沖的！並不跟其他更貴的餐廳只用水，那些很淡，歐意的這杯朱古力著實令我驚

行到肚餓， 想以大排檔價錢， 又想坐我舒服。 剛剛係上手就見到。 近上水商場有一個西餐廳廳， 價錢大眾化， 又坐得舒服。同連鎖茶餐廳唔同感覺好唔同。外觀：因為係外國生浩過， 製修有少少似歐洲小鎮風格， 牆上掛上小盆栽及畫。亦有用鏡， 令視覺上加強店內空間。飲品選擇： 與茶餐廳不同， 除了保留一般常相飲品類之外， 亦有特色飲料，如利賓納啫哩梳打水。食物種別：除了有歐洲風味的意粉外， 仲有混合了美國飲食文化， 我比較喜歡就係pizza 同凱撒沙律， pizza 餅底不太油， 配上辣味番茄醬， 加上芝士、菠蘿等。 令你流曬口水。 凱撒沙律份量比一般餐廳大。 如食量少的人， 可以多約幾位朋友一齊食。

放工沒事幹，便相約朋友到上水吃下午茶！第一次來這餐廳，感覺不錯！環境舒服、食物選擇多…有日式、中式、港式…而且下午茶十分抵食，比較外面的，是十分經濟相宜！我們一共點了三個套餐，看見招牌皇牌當然要試試：香濃咖喱牛根腩- 與名一樣，香濃十足，牛根腩軟滑入味，配以薯仔和紅蘿蔔。香脆炸雞翼配薯皇及什果沙律-沙律豐富、雞翼香脆好味道😋😋。薯絲蝦球配雜果薯仔沙律-薯絲香脆、蝦球彈牙，外面少有的小吃再來兩杯特式飲品，利賓納啫喱梳打-像有汽的利賓納，裡面有啫喱，口感十足！韓風柚子雪碧-柚子果肉，甜甜的味道，清涼解渴！店内還有電子支賬，十分方便！

晚市時間去到完全座無虛席，侍應叫我自己搵位坐底。我就叫左吉烈豬扒芝士汁撈天使麵🐷🧀👼🏻。落單後，飲品同食品都等得比較耐，等左三十分鐘左右，可能因為人手問題，成場好少見到侍應，好難得搵到但催左單都係咁，如果趕時間既朋友就真係要考慮一下。等到肚都偏終於都到，結果一上台就嚇親，一啲伴碟都無，外觀唔係咁討好😥，豬扒好似死左係泥漿入面。天使麵煮過火，好爛好糊口，仲瓊左好多水係底。芝士汁無咩芝士香味，味道好淡口連咸味都無乜❌，而且撈埋底下啲水簡直好似一灘無味芡咁。最正常都係塊豬扒，熱烈烈炸得幾香脆，但有啲脫皮情況，調味好足仲濃過個所謂芝士汁😓。個麵食左幾口真心食唔落，以哩個價錢配哩個等候時間真心絕對無下次🚫，更多好既選擇係附近。

個麵係cheap cheap茶餐廳既質素個汁喊到上天花板，比起其他同類型餐廳質素差好多！食呢度嘅意粉我不如去食大家樂又或者去麥記好過😅 大伏大伏，唔建議叫呢兩樣食物

為左避開上水廣場的人山人海和遊客們朋友提議黎呢邊食下午茶，下午茶餐選擇好多。我地一人叫左一個餐。 千島菠蘿烤雞沙律蕃茄生菜牛角酥 （配脆炸薯皇）$29 呢個係我叫的，好大個牛角酥，都幾鬆化，入面餡料豐富，不過整體味道就覺得有點複雜😂脆炸雞脾配雜果薯仔沙律 $39 最正常的一set，炸雞脾好大件，炸粉都唔會太厚，雖然有d熱氣，有沙律菜同雜果沙律就啱啱好中和番，朋友覺得overall性價比都幾高👍🏻香草醬海蜆意大利飯$38 蜆都幾多，除左蜆，仲有三色椒同蘑菇，朋友形容味道都係有點複雜😂我試左d飯，都覺得飯有點太爛同太濕同太黏稠。紅豆冰 原價$22 套餐升級優惠$10 朋友聽講紅豆冰係呢度招牌就叫左杯試下，係我見過最大杯的紅豆冰，吸睛力十分🤪 味道亦無伏，正！總結：選擇多，有普通茶餐，亦可以快餐店的價錢食西餐，份量大，平，抵食！不過味道只能說還可以，不要有太大期望，建議都係叫番普通港式茶餐😂😂