嚐綠

Open Now

Now Closed

是日Lunch🖖🏻 因為今晚要食重口味雞煲😂決定晏就食清啲補補數😂呢間位於東廣場既Evergreen一向深受OL愛戴🤤🤤除左款式多樣👀任君選擇‼️ 價錢都幾抵‼️$38就有三款沙律❤️想健康一啲都唔難😎😎😎 今次揀左💁🏻‍♀️💁🏻‍♀️💁🏻‍♀️南瓜青瓜+3色藜麥+紅菜頭啤梨沙律

今日無意中行過東廣場，搵倒間野食沙律，店內大約有11-12款沙律，任選3款$38， 5 款 $58，因為見倒有藜麥，所以吸引倒我試下😋。店員話每日都會轉轉唔同口味😋藜麥（提子乾粒、彩椒粒、洋蔥粒）口感豐富 ，但可惜冇任何沙律醬、入口有d齋。香茅柚子蜜糖（南瓜🎃、青瓜）食晤出有香茅或者柚子味🙄，唯一肯定就係南瓜夠林甜。牛油果🥑醬綜合沙律（牛油果、青蘋果、車厘茄、粟米粒）呢個最好味，原因青蘋果🍏夠爽脆，同埋起碼呢個有沙律汁醬。

«打工仔食記 3 -  Ever Green»食店: Ever Green食品:  自選細沙律（$38）雖然係happy Friday 但因為返工前食左個早餐 所以食晏都唔咪覺得好肚餓 再加上天氣好好又熱 所以決定揾下有冇沙律食下 結果來左東廣場既《Ever Green》東廣場經過約2年時間 已經發展成一個小店food court格局 每到食晏既時間都人頭湧湧 好多小店原本只係外賣店 到食晏時間都會開幾張枱出來方便客人講返《Ever Green》 其實揀呢間小店最大既原因係性價比高 因為小店每天都有1x款沙律/菜供客人選擇 最抵讚係仲可以選細沙律（自選3款 $38）或大沙律（自選5款 $58）如果你係健身人士 仲可以另加烤雞肉（$16）今次我就試左自選細沙律 揀左 紅菜頭＋南瓜＋地中海小米沙律 味道方面絕對係中上 特別係南瓜係配左柚子汁 味道更清新 唔會食食下南瓜有濟既感覺 小編認為女士食細沙律都一定夠飽註1. 由於係food court形式 所以小店係同另外一間台式食店share坐位 食晏去加要自己揾位 所以如果想坐得舒服d 可能外賣比較好2. 小店每天都有2-3款鮮榨果汁供選擇

星期六要返工，外賣買個沙津食下，其實食素可唔可以令到心境平靜啲我唔知但間中食下都可以平衡下，猶其而家大熱天時都冇乜胃口，如果落單員工可以友善少少會更好講返沙津,夠凍我覺得已經贏在起跑線但感覺menu不太清晰，相比之下隔離四季落單就會方便啲

嚟之前已經有一位客人聲稱11:15開始等 我到達嘅時候大概11:37左右當時有位店員已經喺度開咗檔但係話仲未買得俾我哋兩個因為老闆未返嚟🤷🏻‍♀️我唔知咩原因啦下第一位客人剛見到老闆11:39返嚟嗰陣時就同佢講上述情況老闆大大聲話我哋係開11:30 Btw你都遲咗9分鐘丫 阿老闆一句唔好意思都完全冇 又話人地唔✅外賣定堂食 叫人記住態度極不良好我哋兩個買完老闆同店員一句多謝都無（分開serve）買完都有啲後悔都係個句啦 幾好食都背脊骨落

呢次係第三次幫襯，第一次係佢地新開無耐，店員態度都幾好~第二次幫襯，員工態度冷漠，我以為係忙到唔想serve客，我都可以體諒。但第三次，員工擺出一副唔想做生意既樣，有份菜無列牌，我好心問佢一句唔該呢份係咩黎，佢話"咪蕃茄黎囉！"，份菜仲有其他餸菜，佢只係hea答我一樣菜，好cool咁，我銀包得500蚊，無散紙，佢又鄙視😒我！如果唔係想沙律，都一定唔會再幫襯佢！👎🏻👎🏻👎🏻👎🏻👎🏻👎🏻

🔹細自選沙律(蘋果醋啤梨沙律+紅菜頭芭樂+三色藜麥) $38係好fresh又低卡嘅dinner😆38蚊300g可以揀三種沙律我覺得幾抵食!雖然大部分係水果同菜但因為有藜麥所以好有飽足感. 再加上有蘋果醋酸酸地又幾開胃~

做完運動都要食返啲嘢補充體力嘅不過又唔想食咁多因為唔係好肚餓於是就揀咗呢一個細嘅沙律。佢沙律嘅款式係唔少嘅，如果叫一份細嘅沙律都只係$38仲可以最多揀三款啱晒一啲比較鍾意食多款式嘅朋友仔仲有佢每日供應嘅沙律款式亦都唔一樣。咁今日就係因為我唔係好肚餓所以叫咗一份細嘅咁我就分別叫咗紫薯沙律，意大利茄肉炒雜菜，同埋蜜糖芥茉煙三文魚薯仔沙律其實之前已經食過都覺得佢唔錯嘅今次再食都係一樣。個人比較鍾意意大利茄肉炒雜菜。雜菜係有少少烤過嘅所以有啲香口，再加上本人好鍾意食茄子所以呢一道沙律我幾滿意。而另外果兩款亦都係不過不失，紫薯同埋薯仔唔好煮都好硬亦都唔會煮到好林散哂以佢哋嘅調味唔會好重啱晒食得比較清淡嘅朋友。不過三文魚薯仔沙律嘅三文魚就真係少咗啲啦。不過如果以呢個價錢計都可以接受嘅

行過觀塘想食沙律，見呢間有得自選一到三款沙律都只係$38，選擇都叫多嘅，就坐低叫左一碟。分量多好夠飽我叫咗嗰個係芥辣薯仔煙三文魚沙律，香茅南瓜青瓜沙律，仲有凱撒沙律。薯仔就好多啦但係煙三文魚就真係少左啲喎，啲肉碎哂，無左嗰口感。個南瓜係做得唔錯嘅食落去幾清新而且個凱撒沙律呢都幾好配搭嗰個沙律醬係好食，好夠新鮮。整體來講呢一間啲沙律都唔差嘅但係我雷炎佢服務態度只係好一般囉。

New vegetarian place in E plazaThey got a salad combo of 3 or 5It’s ok for the price but not very fresh as it’s pre-madeAlso got sandwiches which couldn’t try as it was too lateIf they can add some hot / worm vegetarian dishes I’m sure it will be much better especially this cold weather

這間小店位於觀塘東廣場。我每次做運動前後肚餓的話都會來光顧，第一是因為在我的運動教室附近，第二是因為做運動前後，不想吃得很膩，搞得自己充滿罪惡感～每次來都會先看一下有沒有焗雞塊賣！他們的焗雞塊加了一些香料一拼焗，不會太乾，很易入口！份量很多，適合做運動要補充蛋白質的朋友！沙津的話，我點了紅菜頭、青瓜南瓜和藜麥。他們的紅菜頭沙津很易入口，不會覺得接受不了！最喜歡的還是印度小米！不過今天沒有了～下次再來買！

晚餐想清清地，諗起有日經過東廣場見到有沙律食，就黎試試，細沙律價錢$38，可自選3款沙律，可用優惠價$12追加果汁，我選紅菜頭蜂蜜，夾埋$50我覺得ok。沙律我點左紫薯同紅菜頭，唔會有太多沙律醬汁調味，保留食物原本味道，我覺得好岩我食，我鐘意！平時冇乜住家飯食既我，唔想成日食茶餐廳，所以我會再返黎幫襯架😊順帶一提餐廳仲有個選擇係$58，可自選5款沙律，不過我見人地堂食5款好大碟，所以自己點細沙律試一試先！

東廣場好多好野食 不過見到呢間健康沙律好吸引 我叫左一個大盒 揀左5個唔同款嘅沙律有西蘭花蝴蝶粉 紫薯沙律 牛油果醬配青瓜 南瓜 同埋紅菜頭咁大盒都只係$58 好抵其實周圍已經好小啲健康野賣 尤其係觀塘主要都係茶餐廳比較多 個西蘭花唔錯 不過蝴蝶粉有小小太硬紫薯沙律幾好 都算幾爽口 同平時食嘅紫薯有小小唔同紅菜頭好新鮮 而且份量好多 非常健康 牛油果醬青瓜 我覺得個青瓜有啲酸 可能同牛油果唔太夾 另外仲有南瓜 其實個南瓜已經變左係蓉 好甜好好味 正👍🏻

今日趕時間，想食個quick lunch，又唔想太heavy，就決定喺度食個沙律。我要咗個細沙律，選擇嘅三款沙律包括: 牛油果綜合，三色藜麥，三文魚薯仔。牛油果呢款令我失望，我好鍾意食牛油果，但原來見到好多青綠色嘅全都不是牛油果，而是青蘋果，青瓜，加少少粟米粒，應該只係個汁有牛油果。三文魚薯仔，只有好少好少三文魚。藜麥反而有d驚喜，裡面有提子乾甜甜地，幾開胃。總體來說，食物味道ok，款式選擇多，雖然有d唔足料，但以呢個價錢已經算唔錯。

$58 一碟大大碟嘅沙律，仲有好多款揀，食完飽足兩、三個鐘 三色藜物整得好好食，非常有飽肚感。配以其他三款沙律，例如南瓜、青蘋果、西芹、薯仔、三文魚，非常好味又飽肚！