大冒險家餐廳

Open Now

Now Closed

有免費飛約埋朋友入迪士尼玩, 差不多黃昏先入去, 因為夜晚可以睇埋萬聖節既巡遊入場時職員比左園內餐廳8折優惠券, 玩完再出去食又太夜, 既然有優惠券,當然向入便食埋啦~玩到肚餓, 就揀左最近我地既大冒險家餐廳唸住食晚飯一行入去, 嘩, 打左個突, 真係people mountain people sea!再望下餐牌, 嘩, 再打多個突, 好貴, 一個快餐飯連汽水索價HK$139!!! 折左都要HK$111算啦, 冇得揀....., 人多的關係, 等左15分鐘左右先買到呢個係最多人叫, 賣相最好既印尼炒飯套餐真係得個樣, 個飯有色冇味...最好食係塊味精蝦片另一個係海鮮飯, 叫做有一PAT 帶點辣既汁點綴下, D 食物先叫有味以後有機會去迪士尼, 一定唔會再留向入便幫襯任何餐飲

和友人一齊辦了全年通行証，當然要入多些樂園才能歸本。約了她一同入園內坐下過山車，睇下劇塲，hea下. 因為唔能夠帶食物入園內，唯有幫襯下樂園內既餐廳.我地揀咗迷離莊園裏既大冒險樂園餐廳。我叫咗一份印尼炒飯，加一杯奶茶。 份量都幾大下，賣相幾靚，味道也不錯，兩樣加埋百五有多，覚得略貴。朋友叫了韓式牛肋骨，佢話都幾好味道。

呢排阿媽實左好少煮東南亞菜我食，所以一見到有印尼菜就好想叫黎食。串燒燒得唔乾有肉汁，食落都幾似印尼鋪整既味道。至於印尼炒飯都有7成似🤔如果雞蛋炸一炸，再加番醬落去煮仲好。蝦片亦脆卜卜，大大塊冇漏氣🙄蝦同雞脾都係一般咁整，多番啲調味料會惹味好多。overall 139蚊係迪士尼到食都算合理價~

今日我們去咗迪士尼樂園玩，今次我們選擇咗去大冒險家餐廳食午飯！我們叫咗人參燉鷄湯套餐、越南牛肉湯河粉套餐同印尼炒飯套餐！人參燉鷄湯套餐嘅份量同賣相都幾豐富同吸引，有一整隻鷄，釀喺鷄入面嘅糯米吸收晒湯汁嘅香味，雖然份量唔算太多，但都幾惹味，而鷄肉嘅肉質都幾嫩滑！越南牛肉湯河粉套餐嘅湯底比較清淡，牛肉嘅肉質都幾嫩滑，而且份量都幾多，河粉嘅質感就比較「嚡」咗啲！印尼炒飯套餐嘅金字塔炒飯炒得好乾身同好入味，賣相相當吸引，蝦肉嘅肉質好爽口彈牙，而且都幾大隻，鷄脾嘅肉質都幾軟滑，沙嗲串燒嘅味道都幾惹味，蝦片都幾大塊，但唔算好脆！

通常去迪士尼都係食皇室宴會廳...今次有六折coupon...所以試o下呢間...印尼炒飯中間好大cone o既炒飯~ 味道都唔錯~ 蝦片都好脆~ 隻就就完全唔得!!! 個頭已經黑晒...d肉仲梅o既...好明顯唔新鮮...雞脾肉唔滑...但都未算最差...串燒都係雞肉...d醬係ok...但都係鞋...日式炸雞扒雞鎚配淡咖哩雞扒都炸得還可以...起碼夠大塊...隻雞鎚完全唔得!!! 連皮都甩埋...仲要鞋到不得了!!! 好彩d飯叫做有d味...又有d配料...咖哩名符其實好淡口...韓式牛仔骨呢個算係好食~ 牛仔骨都幾林幾好味~ 係稍為乾o左d...碗湯好咸...飲o左兩啖無飲...如果唔係有6折...正價真係未必會試...試完更加確定下次會去返食開o個間~ 

又遲左嘅食評...萬聖節又入迪士尼，今次返黎食。原來想試新嘢，但都係想食返印尼抄飯。~~~~~~~~~~~~~~~~~~~~~~印尼抄飯1.蝦片都係有啲唔夠脆2.抄飯入面嘅蝦份量十足3.今次啲蝦整得入味，正4.沙嗲超好味5.其他都好好黑夜幽靈 (萬聖節特飲,要$22)1.紅色莓＋菠蘿＋黑加倫子粒粒2.好飲，唔算好甜3.黑加倫子粒粒一咬會爆4.粒LED冰一如以往可以攞走

在網上買的樂園套票，包括餐券，所以去迪士尼樂園的餐廳嚐嚐鮮。樂園裡所有提供正餐的餐廳均可以選擇。提前在官網查詢過，覺得位於迷離莊園旁邊的大冒險家餐廳的佈景和菜式最符合我們兩個人的口味，就選擇了它。餐廳提供四國菜（日本、韓國、東南亞、印尼），座位有五種場景供選擇（埃及摩洛哥、中國、俄羅斯等等）。我和老公分別選擇了韓國人雞湯套餐和日本鰻魚定食。米飯略硬，可能蒸的時候水放少了。參雞湯用了一隻雞仔，湯很鮮，我沒有喝配套的汽水，基本把雞湯喝完了，真的很鮮美，讚一個。用餐券買的還搭配汽水，非常多野食，吃完飯之後把汽水帶走邊玩邊喝，很滿足的享受。很抵食的一餐，而且出乎意料的味道還不錯。價格也不貴，每個人大約120元。唯一不足是場景似乎不如官網上介紹的那麼宏大，而且埃及摩洛哥廳居然響起中國音樂，略有穿越感😂

周末20:20，臨近餐廳關門，店內水靜河飛。中式裝潢的食堂內，欠缺豬肉制作的菜式。看那不錯，這便當特別適合一眾愛美女士，份量啱啱好！注重健康及均衡飲食的人，也是不錯的選擇，三文魚含豐富omega 3, 粟米是高韱。白飯軟綿，厚厚的三文魚塊配甜醬汁，味道不錯，只是魚有點鞋。甜品方面，泡芙上面塗上朱古力醬汁，內部有類似雪糕的饀，不太甜，好味！西瓜也甜美！98元的餐，對於芸芸的樂園餐廳來說，抵食！當然，你也可以到美國小鎮大街的麵包店，吃燒汁雞扒包$43, 菠蘿雞肉薄餅$43，邊吃邊玩。

.............迪士尼 金字塔 印尼山炒飯🍛配雞脾🍗蝦🍤沙嗲串燒🍖蝦餅🍪 $138👍👍👍👍 (5分滿分).............今日去做義工 帶行動不便人士周圍去 入#迪士尼 玩😊做下善事 人都開心d😚🙆👉每次飲迪士尼 只光顧 #火箭餐廳 及 #皇室宴會廳 的我 ，終於去食新餐廳啦👉話明新餐廳 緊係去 位於 #迷你莊園 的 #大冒險家餐廳 💋💋😌不少員工向我推薦 當然要試試啦 👉為了#餵飽相機 ，係 #印尼炒飯 同 #咖哩炸雞脾 飯中，最尾選擇了這個 有一坐山咁大既飯😇🍙👉👉沒有選擇錯誤 外表已經比較殺食😛👉👉一坐小山的 #印尼炒飯 😙： 味道不錯，內有蝦米蝦乾，小小硬硬地既粒粒，吾知乜東東🙈但有口感👉👉但 味道不夠 不夠濃郁 也不夠野味🙈未知係米因為天氣熱 味道減退😦 所以廚師應該煮辣d濃味d 😌 👉👉#雞脾 ：普通size 不大不少😊但無乜味 有點鞋🙅🙅👉👉#沙嗲#串燒 ：3小粒 沙嗲味吾夠 但比雞脾好食 都係有點鞋😂🙅🙅👉👉#蝦 ：大蝦來的 可惜又係無味😂加上有小小梅🙅🙅👉👉#蝦餅 ：幾好食 好夠味 又大塊😍✌吉爛佢 撈飯好好食😚不過要快手 內左食好en👉👉分量其實吾

其實一般人一年都入唔到一次迪士尼，要探索邊間餐廳好味真係難上加難，而且主題樂園嘅餐廳水平較為一般，要搵到好嘢食真係要睇下食評，所以小妹有機會就會試吓唔同嘅菜式同大家分享下，希望幫到大家計劃迪士尼嘅時候食啲咩( ´ ▽ ' )ﾉ大冒險家餐廳同埋皇室宴會廳嘅水平都能夠維持(當然快餐就會去火箭餐廳)，今次我同友人都點左印尼炒飯，呢款好似係成個餐廳嘅招牌，食左幾次終於要試吓招牌菜啦~~~~~~~~~~~~~~~~~~~~~~~~~~~~~~味道方面1. 成個炒飯配料十分豐富，有蝦片、雞錘、沙嗲、蝦、蛋、同其他配菜2. 蝦片放得耐左，唔夠脆3. 沙嗲味道甜甜地，有花生粒，最令人難忘4. 炒飯味道特別，加上三角錐型，好5. 蝦一定係雪藏，普通水煮，冇咩味 (因為點餐無曬蝦, 所以後補)~~~~~~~~~~~~~~~~~~~~~~~~~~~~~~總括：如果大家要求唔係特別高，其實係主題樂園入面，依家餐廳算叫做食得過，但價錢就真係冇得強求啦

時間過得真係快, 唔記得未寫依次食評(＞﹏＜)~~~~~~~~~~~~~~~~~~~~~~~~~~~又到萬聖節, 梗係要係園入面食埋飯(ˊ● ω ●ˋ), 自從之前食完大冒險家餐廳, 就決定再食. 為左尋找迪士尼嘅美食, 我點左馬來西亞海鮮炒河配魚蛋湯,友人點左烤牛仔骨, 香港開始仿傚日本迪士尼出記念杯, 所以小妹都要左個, 但又犯左上年既錯, 點左藍莓奧秘(前稱:藍莓精靈); 而友人就點左另一杯.味道方面:1. 炒河有點油2. 海鮮分量一般, 有魷魚圈、蟹柳棒、帶子, 其他配菜有草菇3. 味道剛好, 沒有太鹹4. 湯的味道極似杯麵湯底, 喜歡與否, 見仁見智, 小妹就飲左幾啖停左5. 魚蛋好似長期煲住, 無曬味印象中友人嘅烤牛仔骨有點韌, 湯略鹹, 話下次寧願點回炸雞扒蛋包飯藍莓奧秘:1. 點評同上年一樣(但今年就無裝飾)2. 記念杯雖然無日本咁靚, 但幾實用, 可以入微波爐; 杯蓋亦防漏水(非圖中, 另付)3. 友人另一杯的LED冰係綠色, 特別4. 記念杯係套住另一個杯, 所以個杯可以乾淨帶走, 可惜無日本細心, 付膠袋方便帶走.~~~~~~~~~~~~~~~~~~~~~~~~~

由於最近係淡季，成日想黎食都撞正大冒險家唔開今日終於比我撞到啦！我係一個超中意食韓國年糕既人，係到食過既年糕都算係數一數二於是見到佢開左門，就衝左入去買不過呢到既年糕 係偏酸，辣味不足但下次入迪士尼玩既朋友，都不妨去試下

這晚來到迪士尼遊玩，最令我深刻的不是甚麼刺激的機動遊戲或恐怖陰森的鬼屋，而是在大冒險家餐廳的一頓晚飯，這是我自己也意想不到的！可能是我之前帶點偏見而來的，所以我認定在海洋公園或迪士尼樂園內吃到的一定是「不會好吃得去邊」的昂貴食品，但我這次也「跌了眼鏡」，縱然是貴了點，但味道不俗之餘份量也足夠填滿我們一行四人的肚子，驚喜也！老婆點的是人蔘雞湯配白米飯，人蔘雞湯味道濃郁，真的有濃濃的蔘味，雞肉頗嫩，而雞內也藏有黏黏的糯米飯，不俗！蛋做得不夠嫩，又沒有味道可言，而雞槌雖大但肉質較韌，不夠嫰滑，滷水味也不重，唯一可讚的是吉列雞扒大大塊之餘，脆脆的外層包着嫰嫰的雞肉，意想不到的好吃啊！最後的八爪魚丸也算是失色之作，不夠熱之餘外層的粉槳也不好吃，而包著的八爪魚粒也太小了吧！

玩完迷離莊園，已經下午4點幾，又未食午餐，於是近近地去左呢度。入面裝修好用心，地方夠大，座位算寬敞，唔知係咪地方比較遠，無乜人，所以買餐都好快，位又夠。朋友叫了印尼炒飯套餐，炒飯弄成雪糕筒形狀，配上一大塊印尼蝦片，吃下去時還是脆的套餐還配有雞鎚、雞串。我要了一個吉列豬扒蛋包飯，配有雞鎚。不過蛋包飯係拎餐果陣，見到佢地由雪櫃度拎出黎，再夾塊豬扒同淋咖哩汁上去，食飯仲feel到凍冰冰豬扒脆身香口，唔錯。每個餐都有芽菜等小菜，不過味道算一般。服務方面較失望，可能因為客人少，地方大，服務員好小行過黎我所在的區（餐廳分有好多區），我果邊好多食完既餐盤堆放係桌上無人理，有2個服務員行過但扮見唔到無執，有待改善

大冒險家餐廳是樂園裡最新也最大的餐廳，定價比園內其他餐廳略高，找座位也相對比較容易。這裡用餐區劃分為四個主題區，分別是摩洛哥/埃及，中國，印度和俄羅斯，有室內和半露天座位可供選擇。菜式方面提供日、韓、星馬和印尼美食。 先到廚房點餐和取食物，之後住收銀處付款後自行找座位便可。這天園內遊人不多，餐廳只開放了日式和印尼廚房。我點了個賣相吸引的印尼炒飯(附汽水)，配菜有雞腿、蝦、沙嗲串燒、蝦片、蛋、青瓜和番茄，非常豐富。蝦片鬆脆， 豉油雞腿和串燒的肉質和味道不錯，只是串燒的沙嗲汁花生味較重，最扣分的是那隻大蝦因為蝦肉是霉的。較特別的是炒飯本身的味道， 有很重的蝦米的香味，跟平時吃到的印尼炒飯很不一樣。在樂園裡消費較高是正常的，但以食物質素來說訂價在$100以內會較合理吧。