大快活 (Closed)

呢間大快活既野食唔算難食。平時都會食佢既下午茶，今日就食左呢個 $24蚊 既 雪菜肉絲米線 + 花生奶醬多 + 腸仔+ 低糖綠茶。有4樣野，24蚊，我覺得都算抵食。我地今次兩個人食，再加多個7蚊既雪菜肉絲米線，每人一個面，share 個奶醬多 腸仔同野飲。當tea既話絕對係好飽!!!雪菜肉絲米線有時會落多蔥，超正!! 湯底就係普通果d味粉沙。花生奶醬多d 醬都算多，食落啖啖都有味。條腸仔反而個味就一般，好似食緊肉餅既肉咁。低糖綠茶可接受，真係好低糖 😂😂 黎食個 tea都ok啦。

大快活早餐套餐成日都轉，叫咗個炒蛋蘿蔔糕茄汁豆炒蛋都係一如既往幾好味但係炒得有少少老。蘿蔔糕冇乜蘿蔔但係有啲鹹香另外個粉都幾得意，個茄汁醬好濃味到隔離又有一d好有家庭感覺嘅芝士腸令到通粉湯底好香，通粉質素都好有彈性唔錯。普普通通一個早餐已經好幸福

店鋪由爭鮮變咗大快活，新店裝修新淨，店員服務態度可以。但新店不用排隊，俾完錢將牌放去桌上的感應器，店員就會送野食到桌上省水省力唔駛同人逼。牛扒雞扒鐵板餐＄5X 連飲品懷念小時候食扒唔係去咩大餐廳，最常去就係大快活椰林閣，以前係長鐵板，依家就圓型睇落大份啲，其實就係一塊牛一塊雞，牛無咩特別，薄薄一塊無咩味，雞抵讚係成塊係由雞脾拆骨，大大塊切落去果刻好開心，黑椒汁就仲係以前果隻味，辣辣地有啲蒜香，回憶無價。餐中送飲品同栗米肉粒飯，飯份量不多，巴掌大小，普通栗米肉粒飯味道，飯算乾身，份量剛好。服務有改進，食物質素普通，始終餐廳很多，吃過的口味也愈來愈多了，價錢也不算太便宜，但總有一間係屋企附近。