饗量 (海濱匯)

Open Now

Now Closed

Lunch time 今日食light d，揀左呢間。可以上網落定單，落到黎即刻拎得唔使等。叫左咖喱雞扒，最底有飯，仲有5款色彩繽紛既素食，本身仲驚唔夠飽😂，飽到喊。健康之選。

又係推薦午餐選擇既時間😎早前lunch time我試既餐廳係位於牛頭角既海港匯🤓如果唔係真係返工去開呢頭附近，平時都真係唔會行過嚟呢度🧐 所以就今次就一於試吓「響量」嘅午餐 !🍱無論係想食雞肉、豬肉定牛肉嘅朋友都一定可以揀到佢哋想食嘅嘢😆而且餐牌上都已經有埋盒飯既卡路里係幾多～啱晒要健身或者減肥嘅人啦💪🏻💪🏻💪🏻而我就order左Beef Thrust🐮（$68）佢哋每份飯盒都有健康嘅五色蔬菜：包括羽衣甘藍🥬、蕃茄仔🍅、南瓜🎃、紫洋蔥🧅同沙葛🥔（原諒我用薯仔嘅emoji😆想講返塊牛肉嘅份量真係不得了🤣 厚到一個點🤤 配上亞麻籽同南瓜籽好好味🤭 個飯盒拎上手超級重😯但其實唔算有好多飯，配菜先係最多嘅，私心推介佢既南瓜🤤

呢兩日 #雷雨 大爆發⛈ #雨水 將 #酷熱天氣 踢走🥳 #小秘書 終於可以喺呢片土地上唞唞氣😮‍💨 不過處於 #荒島🏝 嘅我哋，lunch都唔敢行得太遠，只可以簡簡單單喺附近搵個地方填飽個肚就算😅因為有同事on diet，所以我哋唯有繼續 #營養餐🥒🍎 正好中午嘅時分，外面個天黑哂，近近地嘅 Fete Up 饗量 SW 似乎係我哋唯一嘅選擇😆 呢日我叫咗個 #DuckLift 做午餐，呢個餐以 #鴨胸、#蕎麥麵 做主食，鴨胸甜甜地、肉質都算嫩滑，比想像中好味道🤤 裡面仲有大家至愛嘅 #南瓜 做 #拌菜🤤 加再埋啲 #毛豆、#沙葛，口感都唔錯🤤不過遇着個比我嘅 #選擇障礙症 更嚴重嘅食客排喺我前邊，淨係排隊買飛都等咗我10分鐘👉🏻👈🏻 加上環境又焗又悶嘅座位，下次我都去買外賣算啦😬

停咗生酮之後食返啲澱粉質同埋肉咁呢個嘅星期一突然間就想食啲沙律好彩貓貓同事陪我食沙律我哋諗起呢度有一間沙律舖跟住發現揀嘢食真係有啲難度又比我哋發現到原來呢度有生酮餐可以揀咁我就揀咗生酮餐佢係好似分咗五個項目自選我揀咗雞肉餅跟住其他嗰啲都唔記得但就係記得冇揀到飯嘅同埋加咗牛油果冇諗過都幾大兜不過就食得好攰，同埋有啲好似蘋果又似梨又似蘿蔔嘅物體，幾得意係個肉餅好似壓實咗咁不過個沙律汁都幾好食嘅而且雖然冇飯到肚好似有啲空虛不過都夠飽嘅

近排想食健康D😆黎到呢間位於觀塘海濱滙😃標榜健康營養計算卡路里兼飽肚快餐店👍🏻揀咗自選組合餐單1. 椰子飯 (222 KCal) Coconut Rice2. 雞肉餅 (135 KCal) Chicken Patty3. 基本5色蔬菜 (76 KCal) Basic 5 Colours Vege4. 紅腰豆 (65 (KCal) Red Kidney Beans5. 香醋蜜醬汁 (24KCal) Balsamic Honey另加飲品Walnut Milk 180ml份量超級多😱😱本來堂食都食唔晒😆變takeaway返屋企慢慢食😋😋有時食下夠健康營養豐富嘅午餐都唔錯㗎

呢排成日唔係火鍋就放題，今日趁要係公司上全日堂😅所以lunch就簡簡單單食餐健康午餐☺️呢間餐廳標榜健康🙊對於每款食材都有提供嘅卡路里轉換表比大家參考😎 自己仲可以係點餐機選擇自己喜愛的食物飯盒👍🏼啱哂要keepFit及愛健美既我們🥰今日選左糙米藜麥飯+饗量烤雞+紅菜頭紅腰豆+五款基本菜類🥗 $58 另外我仲加左魚柳 $30糙米藜麥飯一大盒😱饗量烤雞一大舊❤️肉質真係好結實🐔菜方面店員比左羽衣甘藍🥬南瓜好甜而且夠淋😋魚柳煎到好香😍仲有甜既紅菜頭🙇‍♀️唔錯唔錯👍一大盒食到好鬼飽🙌

近排追求健康，然後就留意到呢間餐廳。基本上佢係我食過最推崇健康嘅餐廳。細細個已經聽過有人同我講食菜係唔足夠的，仲要每日食d唔同顏色嘅蔬果先得。呢間餐廳每個餐都包含5種顏色的蔬菜，包括羽衣甘藍，南瓜，櫻桃番茄，沙葛和紫洋蔥。再配上亞麻籽同南瓜籽。單係咁已經好豐富，每一粒味蕾都刺激到🤣另外佢通常仲會跟一種肉，補充蛋白質‼️呢間餐廳細心嘅位係喺選擇食物嘅時候，佢會好清楚列出每一個item嘅卡路里(see圖4)😱好方便on diet嘅各位ladies今次我點左兩個餐，一個係餐廳設計的組合：Flutter Chicks，另一個係我自己配搭的組合(Build-Your-Own)🍱自選組合的自由度好大。可以選不同的米,蛋白質,豆和醬。都...幾好玩🤣

依間超健康餐廳真心推介（好大份 包飽肚）佢哋主要係用電機自助order 食物☝️操作簡單方便今日試左依間Fete Up （主打健康食物）叫咗一份牛肉餅飯 （$68） 由於呢個係精選所以入面已經預先係：包括有不同款式蔬菜🥬蔬菜有 新鮮車厘茄 南瓜 羽衣甘藍 等等仲要好大份😆😆😆 以一個正常女仔嘅份量來講我係食唔晒㗎😮而牛肉餅就會配糙米飯 🍚 😎份量非常足夠而且有豐富嘅飽肚感我覺得自己食住黎減肥😊🤩呢間餐廳嘅食物係非常之新鮮！👏🏽#Feteup

👧🏻😋👅🍽✨. 🌈 饗量 🥗 #feteup Build Your Own $58✨原來真係有健康又好味既野☺️✨多菜少肉減碳排放 🌱✨Basic有Carbohydrate (飯底) +Protein (肉) + Fiber 五色蔬菜 ❤️🧡🤍💚💜 (有得揀款) + 再來Protein (豆) + 自選醬汁 (味😂).❤️ 車厘茄酸甜開胃🧡 南瓜飽肚高纖💚 羽衣甘藍甘甜🤍 淮山爽甜冇渣💜 紅菜頭清甜多汁.🐓 Chicken Patty唔粉唔林有肉感仲醃過好好味🍒Red Kidney Bean令我第一次覺得豆好食😂🍚 Brown rice有撈埋麥粒好有咬口.#饗量 #九龍灣美食 #九龍灣好西 #牛頭角美食 #牛頭角好西 #hkfoodie #tgead西式

日日都坐office，pat 又大人又頹，放工完全唔想做運動，咁最好就從健康飲食著手🍎呢間餐廳岩曬我d貪靚又為食既小懶蟲🐛。餐廳提供嘅卡路里轉換表比大家參考，之後仲可以逐樣選擇食物，tailor made自己個飯盒👍🏼💛糙米藜麥飯配饗量烤雞 $68（評分：7.8/10）我揀左糙米藜麥飯配饗量烤雞🐔，雞香得來唔會好油膩，唔算滑，但真係好結實好足料，有成三塊雞！另外羽衣甘藍都對我哋嘅血管好好，南瓜唔會煮到淋曬，仲好爽口！值得一讚！👄不過有少少題外話啦，店員就有少少粗聲粗聲唔耐煩，可能香港人比較大壓力😂😂😂😂😂店名：FETE UP 饗量地址📍：鰂魚涌英皇道933號御皇臺地下4號舖觀塘海濱道77號海濱匯2樓12-13號舖

餐廳：饗量 (觀塘)地址：觀塘海濱道77號海濱匯2樓12-13號舖 打工仔嘅生活最想要嘅就係可以食到健康嘅一餐🍎，尤其是好多OL都會就住自己食野嘅卡路里🙈，畢竟做野已經成日要坐係度好少機會做運動⛹️‍♀️，最近係觀塘近住海濱果邊搵到一間健康外賣餐廳呢間饗量Fete Up原來係香港有3️⃣間分店，最新開嘅就係觀塘呢間，客人可以按照餐廳提供嘅卡路里轉換表去睇返自己想限制係食幾多卡路里嘅食物👍🏼，仲有得按照你想食嘅食物比例去制定你嘅飯盒平平地嘅Fete Mini($68)有一份飯🍚，一份蛋白質🥚，一份蔬菜🥬同一份伴菜。由於呢間主打健康飲食，所以基本上所有食材都係以健康為主😍，岩哂我我揀左糙米藜麥飯配饗量烤雞🐔、饗量焗南瓜🎃同秋葵，睇下個雞排幾大塊😋，係足足一整塊雞胸嘅份量，而餐廳嘅餐具同紙盒都用左環保物料去整，等我下次去買野食都自己帶返個飯盒響應環保先

今日同朋友去海濱公園跑下步，伸展下。做完運動之後食野，想食得徤康，唔好浪費d qouta .甘就附近呢門feteup饗量，呢間概念小店，崇尚健康主義。食物以海鹽、冷壓油等製。每個飯盒裏面食物既蛋白質/糖份/脂肪含量都計算過，25%蛋白質、35%碳水化合物、40%蔬菜，包保可以食得徤康。絕對係均衡飲食即飯盒，飯盒配料選擇多。朋友就揀左冷釀咖啡椰子水 & 雞胸壽司卷，壽司卷裏面有d酸酸味道既醬料，好鬼開胃，朋友話最緊要食得無負擔。