江仔記粉麵專家 (Closed)

由我細細個、返學到而家返工，媽咪每朝早都會為我預備早餐。唔知仲有幾多媽咪會為返工嘅仔女預備早餐呢？佢提早一日包定芹菜餃，做我今朝早餐！以白色餃皮、木耳絲、豬肉碎、芹菜粒；仲落埋麻油！賣相都似模似樣！各餡料比例均勻，砌得唔係好幼細。食起嚟一咬，啲湯咇到枱面濕哂！食到我幾論盡！今日中午，走去江仔記！芹菜餃河 ( 走蔥 ) $22潮州式風味，有炸蒜粒及冬菜！有6 粒之多！以黃色雲吞皮包、有少許木耳絲、豬肉中有些肥豬肉，芹菜與豬肉比例均勻，食起嚟肉質夠滑，好惹味！但係見到豬肉顏色比平時紅！唔知係咪不太新鮮？！當然，呢度嘅味道不及媽咪嘅餃，有溫馨及幸福味道俾唔到我！雖然媽咪粗枝大葉，味道都算唔錯！已經比以前進步咗！

喺 Phoebe's Designer 買完曲奇，午飯時間己過了一半，無可能再行太遠找地方吃飯，想起最近有食評提過的「江仔記」，轉個彎就到了，於是決定去食碗四寶河。去到門口個哥哥仔叫我等等，原來係要等埋隔離個女仔湊夠兩個人一起坐卡位的一邊，午飯時間人多，是要將就點的了。餐牌也沒看便點了個四寶河 ($23), 效率的確唔錯，不消數分鐘，一碗熱騰騰的河粉已放在面前。數一數，，點解得五款而唔係網友提及的六寶嘅？原來缺少了我至愛的魚皮餃，算了吧，人家明明在餐牌上寫四寶河，現在已多給你一寶，還想怎樣呀？至於我的五寶河就有魚札、魚蛋、魚片、墨魚丸、豬肉丸各一。河粉較薄及較幼身，吃起來也很滑溜，而五寶中最得我歡心的就是魚札，它是用魚肉卷著少少豬肉、木耳及紅蘿蔔，吃起來又爽又甜，而魚蛋咬起來也覺彈牙。記得曾看過李純恩的一篇文章，說香港人吃魚蛋只要求彈牙，聽在外省人耳裏，就十分奇特。因為杭州的魚蛋吃起來像吃豆腐，沒有彈牙的質感，不過就充滿魚肉的鮮味，吃進嘴裏，魚鮮四溢，我沒吃過杭州魚圓，但聽起來好像又是另一番滋味，有機會也想試試。簡簡單單又一餐，又要上路了，人生本就是這樣的嘛。

今天本想去海運食午餐，但不幸竟發現有數十年歷史的海運已經因租約期㒼而光榮結業，輾轉走到九如坊江仔記門前，想起近日吃了兩間有水準的魚蛋粉麵店，便入去試下再比較一下。 中午時份樓下高朋滿座，坐了上閣樓比較從動一點，負責樓上的阿姐雖然上泠飲漏了飲管、又忘了给客人清茶，但滿臉經常笑容可掬，對客人有求必應，服務是令人感覺良好的。四寶河 ($23)我想試多幾款餸，所以叫了四寶河及一杯凍柑桔蜜，在餐牌上四寶河明明是寫着有魚旦片、餃扎及墨丸，但上枱後發覺實際上是不止有四樣餸料，碗中有魚蛋、魚片、墨丸、豬肉丸、魚皮餃、魚札六款餸，應該叫六寶或者什會河才對，當中最有水準的是魚蛋，咬落爽口彈牙；魚片只有薄薄的一片，實在太薄所以吃不出什麽魚味及口感來； 魚餃的皮有鮮魚味又夠彈性；魚扎夾着一條红蘿蔔條賣相頗佳，食味跟魚餃同樣不俗，而墨丸也拍得住文輝的出品；肉丸都幾有肉鲜味，不是交來貨式。 我除了較不滿意超薄切魚片外，其它的餸料都算交足功課，在中環區收廿三蚊一碗都算等價交換。河粉方面較幼長而薄身像越式河粉那種，入口都幾滑身，但索飽了麵湯後便變得太稔身又糊口，不算上品。試過江仔記之後，論香港魚蛋粉麵店排名，我

五月一日五一勞動假期，同朋友談點事，來到一間路過百次，卻總找不著理由來的江仔記。比較起坐冷氣大廳，大家最後還是喜歡痞街邊傾幾句，要了杯茶走，另要了件奶油多。奶茶用普通茶記膠杯盛著，幾唔順眼的，但茶味濃，加上煉奶，喝起來就更厚身，味道也不錯，比起新翠華、翠河好好多。而多士半吋多少少，是唔厚唔薄的演繹，已deafult地烘底留邊，中間開了幾刀，吃起來也方便，方包鬆軟，再加上甜奶起的化學作用，是個不錯亦有心的下午茶。無期待卻有小驚喜的心機，聽說這裡的魚蛋粉不錯，有機會會試試。閒聊小半天，嘆今天飲食業者背負的包袱可真不輕，願有心人能努力堅持下去，好的味道，偶與食友們會繼續支持下去的。朋友作東，在此謝過。

一直都不知道九如坊就在蓮香樓旁邊的斜坡,九龍人對港島的街名認知真是爭一點點!在這條短短的掘頭路內有不少水準都是甚高的食店,今天就由路口的這間開始!這是一間小店,店內算起來只有15個座位,開放式的厨房看來和樓面差不多大小!雖然說魚蛋是主打,但有四寶可選擇的話,當然是揀後者!貪心當然希望一次可試多幾樣.四寶河----有魚皮餃、魚蛋、炸魚片、墨魚丸、豬肉丸及魚扎(明明叫四寶但出現六款!有點似銀包裡面無端端多咗一舊水嘅感覺)魚蛋及豬肉丸不算特別出色,炸魚片非常彈牙,墨魚丸內墨魚粒粒有鮮味,魚扎普遍有個問題,在大多數的麵店可能較為少人只吃魚扎,故長放在雪櫃儲存,常有一種雪到"死哂"的感覺,但這裡卻吃到有新鮮的味道!魚皮餃是即叫即淥,不是早已淥好一份用湯浸著,等有客人叫時再翻熱的那些浸到無味又爛茸茸的貨色!透明的餃皮咽韌,猪肉餡料味鮮!湯底有點奶白色,味鮮吃後不口乾.河粉比一般的幼身及薄,呈半透明狀,入口滑溜!辣椒油----能吃到其它的味道,不是一味的死辣!沒有華麗的裝修,卻有老實的味道!

lunch 同同事黎食粉麵, 等位等左2,3個字左右. 冇卡位坐第一次黎食. 當然係試魚蛋粉. 我就叫左個魚片頭河. 不起20一會就黎到片頭一共5件. 一咬, 不得了, 超爽, 咬落係索索聲, 仲好彈牙! 鹹味都適中. 雖然偏鹹, 但會接受到河粉係幼身同薄既. 夾起唔算好易斷, 食落幾滑幾爽湯係正宗味精湯, 甜味都沒有.辣椒油都幾辣, 我下了兩滴都夠了.$20一碗仔既粉麵. 唔算平, 但食過之後就知水準都值了.

坊間供應銀針粉的店鋪不多，位於上環九如坊的江仔記是少數之一，由於此店鄰近歌賦街，人氣無疑被九記牛腩、勝香園徹底的比下去，如果不是附近的上班族或街坊，應該難以察覺這店的存在。江仔記馳名的是其魚蛋，遂要了魚蛋銀針粉 ($25) 及魚片頭牛腩湯河 ($25) 各一碗品嚐，另外被餐牌上的香蕉花生醬厚多士 ($11) 所吸引，一於試試這甚具創意之作吧！由於當晚店內沒有其他客人，食物很快便呈上，先來的那賣相甚為「趣怪」的厚多士。「趣怪」在於那置在花生醬厚多士上的九片香蕉，與多士根本貌合神離，完全是多餘的花巧，夾在一起吃口感古怪，濃郁的花生醬味道再加上香蕉，飽漏感覺可想而知，一點也不討好。幸馳名的魚蛋並不令人失望，小小的一顆質地爽口，魚味輕輕的帶過，味道尚算可以，可惜銀針粉入口比較「粉」，完全沒有平時吃到的煙韌感覺，形狀亦比較幼細，沒有應有的豐滿形狀最為可惜。另一道魚片頭牛腩湯河，魚片頭跟魚蛋一樣出色，厚度適中令人回味，唯牛腩嚴重偏瘦，肉味全無的，相當不濟，要吃牛腩還是去九記好一點。值得一提的還有其超薄河粉，通透非常，但甫浸在湯內已變淋，真是有利也有弊。吃罷身心實未感滿足，幸好這頓晚飯也不過六十元，

首先...我要比十個好嬲既樣...我好鍾意食銀針粉, 但係0係中環返左成年工, 除左江仔記我仲未發掘到邊度有銀針粉所以耐唔耐都會去江仔記食下銀針粉...大概舊曆年後佢就開始加價, 每碗加$1-2...轉銀針粉由加$3變左加$4但係想食都係要去佢度食, 無辦法...尋日去到, 諗住叫個魚蛋通菜銀針粉, 寫野0個個姐姐話"ar...無ga 喎..."我話"無? 上次食都有...當雙拼計錢之嘛, 有咩問題?"廚房某女士聽到, 即刻大嗌"唔得!!!!! 無ga...唔得!!!!" (佢d 語氣仲火過我)寫野0個個姐姐繼續好好聲氣咁話"無ga...菜要分開嗌, 咁你要唔要一碟呀?"我話(望住廚房個女士)"唔要啦...你地咁巴閉...又加晒價又剩, 以後都唔會再黎你地度啦"廚房女士"隨便你囉..."嘩...火都黎...你呢d 咩態度...唔係見天時暑熱...我即刻起身走去第二度食啦...我個魚蛋銀針粉黎到啦...加左辣油同魚露真係几好味...但係加$4得黎既銀針粉只有好少魚片依舊鮮味彈牙, 但係今次d 魚蛋..........點解淋既? 唉...無話可說都算啦, 諗住d 銀針粉同湯+蔥&唐芹都几

十二月一日(星期一)同老公仔,到江仔記吃lunch,每次到勝香園必經之地,都會說要試!最後,search過了食評,KC兄都讚不絕口,都值得一試!十二時九到達,人不多,坐在樓上,比較迫!當然小店不能期望過高!一張卡位,可以坐六個人!和老公仔坐在一邊!都有多選擇:如魚片頭,四寶等等,還可以配銀針粉我要了魚片頭銀針粉(加三元),老公要了四寶米線,再追加了腐乳通菜上菜都算快!銀針粉不算多,湯底屬於清淡,吃不到有味精!魚片頭比較硬了些少!如果吃好的魚片頭,我會介紹大埔的海達魚蛋,它的魚片頭彈牙非常,令人一試難忘,而且很便宜老公仔的四寶米線,分量也不多!四寶有魚蛋,牛丸(老公仔喜歡吃),札肉餃,魚片等!腐乳通菜都值得一讚,腐乳蠻不錯這個價錢與食物相乎,又位於中環地段,都值得介紹給大家!

連續兩日食唔成勝香園 (點解 weekday 3:xx pm 條人龍仲係咁 x 長的!?) 的第二日, 路過見到坐門口 mou 街位的阿叔檯面碟奶油多好似幾靚, 又入0黎試試.叫了奶油厚多 ($8)... 賣相幾靚, 烘得夠脆, 奶油落得夠, 無可能唔好食; 唯一唔好就係麵包本身唔算新鮮, 食落帶少少乾0鞋.飲了一啖朋友的熱奶茶 ($9), 又幾香茶味喎.店內環境光猛, 衛生不錯; 伙計就幾惡0下, 不過0黎飲杯茶食件多士0者, 是但啦.有機會再0黎試試魚蛋粉吧.

2008-09-30同事介紹所以試o下$19 一碗片頭粗，湯都幾ok o既，片頭無乜味，係有o的彈牙但味道就不太行。麵食落清清o地樓上位，遇著整電，食食o下無燈無冷氣，得我同student，另加一個西人照食，老闆固然媽媽聲他要了凍檸蜜(+$9)，我無飲o野，但張單係寫$14 ( = 熱檸蜜 $7 x 2 ??)當然話番佢知，但唔明真係唔飽

前日同朋友去試..叫左個魚蛋河同一碟通菜好多粒魚蛋 同埋魚蛋好彈!個腐乳通菜好正!! 因為d 佢腐乳唔似其他有陣酒味..好甜 見個menu 有香蕉花生厚多士..好吸引..下次一定要試下先!!p.s.個老細好型 XD

笨同事一向都識窿路係中環搵o野食，今次俾佢搵到依間幾隔攝o既麵鋪，中午時間都竟然有位。由於聽講唔係開o左好耐，所以裝修仲算幾新，以細鋪o黎講都算幾好坐。我地好大路咁叫o左牛筋米同紫菜四寶河，味道都算唔錯。四寶好像不止四種，而且紫菜份量亦算足，不過每種只得一粒。o野飲方面加幾蚊就得，係凍檸樂貴o的要加八蚊。經濟好o左，o的租都貴o的，依家食碗麵閒閒地都要廿零卅蚊，所以佢地都唔算收得貴，不過一碗麵既份量於本蟲黎講始終係唔夠飽，唯有諗定下午茶食乜。

江仔記食粉麵都幾出名, 於是路經銅鑼灣分店, 咪去試下lor...叫魚蛋粉食, 嘩, 唔得, 無鮮味.但朋友在上環工作, 大家約了食飯, 得一粒鐘, 於是抱著"硬食"既心態食多一次.由於是新裝修, 環境很不錯, 坐得很舒服. 我們叫了片頭牛筋米, 味道不錯wor! 恰到好處, 不會過咸. 湯底及片頭亦有鮮味. 咁既水準先叫食得過嘛!

紅色暴雨的一個下午，本想行上Soho食飯，但雨下得太大，朋友也都去不了，沒有道理一個人吃西餐，就取消了位子。人行在鴨巴甸，見這間新開的粉麵店，就閃了進來避雨兼吃碗粉。這裡是威靈頓街那邊搬過來的，還是這個幾偏僻的位置。是日落雨，人客不多，可以從容的一個人進佔卡位。店內冷氣整其強勁，問阿叔可否收細少少，他說一收細濕氣就重，唯有凍住食。貪心一點，要了四寶河，加紫菜及多青，及凍啡少甜。四寶河原來不止四寶，計有魚蛋、肉丸、墨丸、魚片、魚餃、魚札六款，當中最好吃的非魚蛋而是魚片，爽口彈牙；魚蛋反而鬆泡泡的，沒甚魚味；魚札有大條紅蘿蔔在中間，吃落是新鮮的，但非好吃；魚餃就好一點，較有魚味又有口感；墨丸是粉丸，可幸還有一點墨魚粒在內，但不算「實料」。河粉幼身，半透明，滑身，不錯。要了多青真的幾多蔥，服務不錯。加埋凍飲，埋單30蚊，都算滿意。在這一帶，要吃牛腩當然是九記，想吃茄牛通或麵就勝香園，想吃魚餃就當然是新景園，這裡也是邊緣份子之一。