魚膳日式外賣專門店

Open Now

Now Closed

已經work from home好一段時間，屋企附近既餐廳都差不多試過晒，自己煮都煮到唔知煮乜好，知道龍門居有新野開，即刻趁得閒d,走過去試試，順便走動下!呢間小店主打日式外賣壽司便當，款式都算多，而且價錢都幾相宜!叫左2款便當，因為眼見唔算好大份，所以再點左一堆壽司便當配既壽司一樣，最有驚喜係舊燒玉子壽司，入便夾既特色醬汁十分好味，有d似蛋黃醬，同件蛋好夾鰻魚中規中矩，豬軟骨夠入味其他壽司都唔錯，對得起價錢，火炙系列真係做得幾好，夠香夠惹味外賣又多一個好選擇

新開嘅外賣壽司舖，便當價錢相對地平，有埋小食同壽司送都算抵食性價比高👍🏻刺身都新鮮夜晚會等得比較耐少少😂但係都值得嘅整體上都唔錯😊可以試下呢間壽司店👍🏻👍🏻

落雨天係屋企叫app，上次呀女食過話好味，今次就嗌app全家一齊嘆。屋企兩個小朋友最鍾意食玉子燒，今次叫既呢一客，唔洗五分鐘全部掃哂玉子上面既自家醬酸酸甜甜，同玉子好夾，大大舊玉子咬落好軟綿綿，就算app送到黎凍左，都一樣好好味一家人驚唔夠食，叫左個松·壽司盛。件件壽司都有好大塊刺身，落足料。其中老公最欣賞帆立貝同三文魚籽，話好鮮甜。另外買左一份三文魚刺身，靚過係「乜鮮」買既好多，而價錢差不多我地仲叫左一個雜錦刺身丼，後來先發現原來呢個雜錦刺身丼係app先有，係Hidden menu呀，哈哈雜錦刺身丼有三文魚，甜蝦，熟蝦，八爪魚，北寄貝同蟹籽，成碗飯都係滿滿既魚生，真係好正！大家如果嗌app外賣，一定要試下！

屋企樓下有新外賣店，專賣壽司、日式便當，當然第一時間試。新開張期間仲有優惠卷，用咗優惠券，減$8蚊買咗日式豬軟骨便當。便當跟兩件卷物、三件壽司、小食，內容豐富。由於疫情，選擇咗熟壽司，有玉子、熟蝦、蟹柳壽司。豬軟骨入味，夠淋，可惜太細件，一細口一件。飯有更大問題，唔知係唔係太重手落多咗壽司醋，比較酸，其實壽司舊飯都有同一問題。最有驚喜係作為小食嘅玉子燒，甜蛋加上芝士醬係全個餐最正嘅部分！！想食返件壽司，懷念日本嘅時候，有多間日式餐廳選擇。優惠卷仲有手卷買一送一，下次再試試。