小魚鴨子

Open Now

Now Closed

上網search 過間野唔係美X既！雖然個名有d似😂星期日要同屋企人飲茶，行過惠康果到見到有新店，就去試下。講真新都城飲酒都冇咩簡，個個星期都食果2間x港， 其他新開又唔好食🫣 試完呢間新野，難得唔伏唔貴仲要幾好食！人數夠多坐到入面既梳化位，位置闊落。飲早茶當然叫下早市特價點心，雖然要兩碟 （$28.8）咁叫，但都幾多款可以簡仲要都係我鐘意食既！茶同點心上枱果陣都好熱，應該係即叫即製我最鐘意食咸水角，次次都叫！咬左啖入面熱到出煙，外脆內軟，仲好足料！其他點心未到，已經差不多比人食哂🤭咖哩魷魚好惹味，辣味岩岩好！排骨配陳村粉呢個配搭好少有， 下面好似腸粉咁，吸哂排骨既湯汁！蝦餃燒賣都好正，皮簿餡靚，又大粒，同個合桃包差不多size! 最後仲有老壇酸菜魚牛柏葉非常好食！ 所以影左個close up!

一心去食片皮鴨，已經一早訂定隻鴨同訂枱，點知準時去到，店員仲話要等45分鐘，仲叫我地下次去之前打俾佢地，叫佢地整。咁我想問我訂枱為乜。都算…咁唯有叫個炒四季豆同海蜇食住先。個豆ok嘅，但個海蜇就…啖啖沙！！！同店員講，佢地就同我取消左。再叫左個蒜泥白肉…呢個就麻麻地，除左蒜味就無乜味。平時出面食，果D汁好濃味呀，但佢D汁竟然無乜味。到片皮鴨嚟啦，嘩！D皮肥到呢！唔係一般嘅肥，係超多油。3個人食，食唔晒要打包。D皮返屋企炒菜，唔落油，D菜都肥到食唔落！隻鴨二食，D肉就叫左椒鹽啦，嘩！又係一絕！椒鹽竟然D肉無味，淡到呢…D肉又炸到硬晒。咁問店員有無淮鹽（好似食乳鴿果D）問左三四個女店員都無人俾到我，最後先有個男店員擺碟肉入廚房加返D椒鹽係面…3個人食左六百幾，真係以後都唔會再去！

1️⃣ 四式涼菜🥒青瓜有輕微麻油味 海蜇鹹鹹地 唔辣嘅 雞絲粉皮嘅醬好食 粉皮煙靭同爽口 凍食嘅肴肉似五香粉嘅味 2️⃣ 瑤柱蛋白炒飯🍚飯 爽身 粒粒分明 唔油膩 重蔥味 3️⃣ 重慶酸菜魚 夠酸 微辣 魚肉唔腥 肉身幾滑口 冇骨嘅 寛粉吸汁 有咬口4️⃣ 京蔥爆羊肉 🐑羊肉味道甜甜地 唔算好膻 夠淋身5️⃣ 黃金蝦球 🦐 勁香鹹蛋黃味 唔會食到成口油 食到蝦球外層嘅鹹蛋黃 同時食到蝦嘅爽口 彈性6️⃣ 北京填鴨 皮脆 汁甜甜地 唔算好肥 唔錯7️⃣ 上海湯粗面 原本想叫粗炒 但㩒錯 味道咸咸地🤨🤨8️⃣ 砂鍋花膠獅子頭 整體太淋 一夾即散 肥豬肉部分太多 但都有豬肉口感9️⃣ 高力豆沙 餡料部份略少 香蕉紅豆比例可提升 好似食緊炸蛋白咁 雖然外層真係😂😂

有晚市堂食 所以今晚就同屋企人食餐晚餐 因為太太想食填鴨 所以就選擇小魚鴨子 今晚我地叫咗回鍋肉 北京填鴨一隻 鹹肉津白 臭豆腐 同兩客燉湯 回鍋肉大碟有味唔差 響螺竹絲雞燉湯材料十足 鹹肉津白份量唔多味偏淡 最有驚喜嘅就係臭豆腐 好食到不得了 忍唔住嘅我都要叫支大啤去送呢碟咁好味嘅臭豆腐 份量夠多又好味 臭味唔太重但食落口就鬆脆香口 推介大家一定要黎試吓😋😋😋

將軍澳終於有一間會想回頭再試的川菜，點咗8個餸，個個餸都好好味😋，價錢又合理，可以話物超所值，極力推介酸辣湯&酸菜魚👍🏻，其實片皮鴨(兩食)都好好味，第二食係椒鹽片皮鴨，一流😋，食到超飽都忍唔住要食多幾件😜，服務好，環境舒適，一句講晒正👍🏻

落單後等左超過一個小時，其間向侍應反映三次均無人理會，到第四次先發現漏單。人手不足加上員工經驗不足，一餐飯先後送錯兩次餐。 但平心而論，食物質素不差。不介意服務可嘗試。

已經2個月冇出街食，今日終於出咗去, 行過見到有下午茶餐睇落50蚊有找覺得ok就入咗去. 原來tea set 係小菜白飯 or 一碗麵，飲品要加錢. 另外茶錢$10一位. 有張紙俾你填食乜，叫個士應嚟佢仲叫我自己寫枱號，我哋叫咗2杯熱豆漿, 侍應走來話冇熱豆漿，咁我哋問有冇其他熱飲，佢話冇熱飲ga, 可以唔好叫. 叫咗嫩雞煨麵同糖醋排骨飯. 糖醋排骨飯睇落去靚樣大份可惜食落去有比較多肥膏, 骨, 同粉漿, D飯偏硬. 嫩雞煨麵幾大碗幾好味. 環境本來幾好，但到差唔多食完，佢會有架車仔過嚟張枱到執野，嗰架車有其他人食完嘅野同餐具，我就覺得等我食完先嚟執嘢會好少少, 我只係食咗30min. 最後埋單$131， 個餐嘅價錢, 加茶錢同加一.

一定唔會再去1. 衛生問題，新開鋪頭，預計都係開左一兩個月，已經整個環境有唔乾淨整潔既氣味。烏蠅一直係附近飛黎飛去。2. 服務差3. 叫左鱔糊湯麵。鱔大部分都有骨。麵，係即食平拉麵。湯，係無味既。汁，係甜既。但因為個湯無味，只好叫人俾豆板醬，好可惜，都係甜既。

未試過喺香港食烤魚套餐，放是喺社交平台訂枱，因為有折扣優惠囉😆 將軍澳呢間烤魚店 好近寶琳港鐵站。我哋揀佐海爐魚加黃金特濃蒜香豆花做配菜，另外點了兩款香口小食，大滿足的一餐😋💫海爐魚 份量唔少，配料超多，魚質嫩而實肉，冇乜骨，啖啖肉，配料有蒜頭，寬粉，芫茜，豆腐，木耳，絲瓜，洋蔥，魚連配菜一齊食，仲正👍💫精選配料套餐 - 精選美國肥牛 - 黃金組合（蓮藕，薯仔，金菇） - 白桃紅茶 - 荔枝乳酸梳打 💫 越南粉絲春卷 熱辣辣上抬，炸到金黃色，細細件，一啖一件😋💫 流心榴連炸彈 榴連控一定唔會錯過，炸到好脆，裡面流心榴連真心好香，必食推介👍👍