魚鈁 (康華大廈)

Open Now

Now Closed

呢間係之前筲箕灣東大街既魚鍋小甜甜，前排終於有時間嚟食，當然要食佢嘅撚手小菜啦❤️ 整體來講我覺得仲係好似之前咁有水準嘅，不過唔知係咪好少人知道佢搬咗嚟天悅附近呢一間，就算星期五夜晚嚟食都仲係好少人，唔使點樣排隊，冇咗以前喺東大街嘅人潮。最愛佢哋嘅酸菜魚鍋，我就鍾意食鯰魚，因為好少骨💛兩個人食叫左個小煲啱啱好👍🏻另外我哋再叫咗麻辣鴛鴦雞煲，呢個煲要煲耐少少啲肉先至夠入味，所以想好食就要耐心等待⌛️煲到d肉入味d再食🤣最後我哋就叫咗個蒜蓉炒萵筍💛萵筍夠蒜蓉味同埋夠鹹，仲切到好粗夠哂有口感🤩最後口渴嘅時候就叫咗個凍檸樂👍🏻👍🏻👍🏻😍兩個人食嘅晚餐啱啱好，完美，飽哂😍

剛轉手見食評都未有照膽粗粗入去try try成個場得兩位男士做樓面，當晚都差不多坐滿因此兩位都好忙無咩空間招呼甘多枱。食物上菜都算快，除咗最後的擂沙湯丸（題外話：我地一家對擂沙湯丸係有情意結、只要𠴱間食店有我地都會叫。可惜從來無一間可以接近當年敦煌酒樓水準）豉椒炒蜆： 好咸而且上枱沒有「鑊氣」感覺只是用豉椒撈埋啲蜆因此唔夠香。啫啫雞煲：個爐係裝飾用，無蜆甘咸但都係好咸。雞件好細件及少，只有乾蔥、洋蔥多同樣地唔係好香。蒸白鱔： 正常發揮，依樣無好咸整體不錯。蔬菜凍豆腐煲： 味道正常，個爐唔係裝飾。不過如果加幾條菇，粉絲等等多啲色彩會好啲，唔使好似依家甘得白菜同豆腐甘灰。麻辣魚蛋麵： 個湯係出色嘅，魚蛋無驚喜亦無失望。不過麵底真係少得可憐，竟然連個小碗都裝唔滿🙄真心不能理解都唔知點解要用甘大個碗上🤷🏻‍♀️擂沙湯丸：看圖自行解讀

佢啲嘢係好食㗎，不過啲嘢離L晒譜。見到係新野冇人排隊咪入去試吓囉叫咗幾個餸，都係好食嘅叫咗四杯嘢飲，一杯檸茶，三杯沙冰嚟咗一杯檸茶，另外果三杯野影都無。等咗半個鐘頭問一問老闆杯野去左邊，點知俾人當狗咁喝。「三杯野等下啦！」最後第一杯足足等咗九個字先出現。另外個兩杯等左一個鐘。野都食完啦大佬。結論，以係好食嘅，本着一個淨係嚟食嘢嘅心先好入嚟，如果係想飲杯嘢嘅千祈唔好試，如果唔係分分鐘俾人喝到你變傻仔。叫完野，靜靜地等，食完，就好乖乖地埋單。食到成到氣，火都黎