食代館 (MOKO新世紀廣場) (Closed)

今晚到達新世紀時已差不多7點了，仲有大半個鐘就要去睇戲，決定去Food Court食個快飯。Food Court 入面太多選擇啦，快速走了一圈後決定食海南雞。剛才朋友早到已偷食了，所以只叫了一個肉骨茶飯餐及2個例牌海南雞（其中一份加了5蚊轉雞脾）海南雞賣相很吸引食慾，入口很香很嫰很滑，雞脾更加正只是3x元但質素不錯份量亦不少。 唯一的小敗筆就在在醬上，豉油汁有點澀完全沒甜味，辣汁也澀不甜，薑蓉很水… 幸好d雞挺好吃唔點醬都還ok。肉骨茶也很好渴，淡淡的藥材味配上豐富的材料，感覺小補了一番，如果d排骨冇咁瘦應該更加好食到一大半先記起比漏左碟菜，衝返去問，冇單但好彩人地認得我而且笑住話冇問題這檔的海南雞真的很不錯，下次會自攜好醬來吃或外賣回家吃。

I felt quite unhappy and felt staff were not flexible, I would like to order 3 bowls of sweet potato soup with ice...they said cannot! We only allow sell hot sweet potato soup...Why just can't add crush ice into the soup? And just turn business away this way!!!! and the attitude was very bad from a lady staff

很多人對Food court這類的食物的感覺大多是又平又不太好味但對於我來說Food court的食物未必很驚喜美味但亦不代表不好吃有時吃得太多高消費餐廳間中都會想吃平宜一點而我最喜歡吃Food court的原因一定會是... 可以吃得很自在亦不用限時特別是看電影前的時段吃完可以慢慢坐一會等夠鐘今次跟媽媽看演唱會前就來到這裡吃個慢飯可以慢慢地享受這頓晚飯貢丸大腸麵線配鍋貼10隻几乎每次來moko食代館我一係食P字頭鐵板牛肉一係就食這個台灣風味的麵線雖然味道當然不及正宗蚵仔麵線的味道但叫做在香港都可以吃到相似的味道止下口癮另外很喜歡吃這店的鍋貼不熱氣而且皮薄彈牙鍋貼餡是在肉裡混入菜有口感這個套餐只售四十多元很抵吃呢

偶然喺旺角唔知食乜好，都會過黎新世紀呢邊食代館，唔係覺得佢特別平，但覺得呢度人流冇朗豪坊咁多，食完飯想hea下都唔洗俾人眼望望，霸住個位唔走。以前都鐘意鐵板燒果間餐廳，但下下食個飯成身一陣味好難搞，所以好多時我揀海南雞飯算。海南雞飯可牐接受啦，唯一係下午茶時間去食，要加錢先有飲品…送嘅例湯，冇乜特別，唔會好鹹好油，收貨。海南雞飯好睇彩數，有時師傅俾啲好肉啲嘅位會好啲，我試過食果份雞，冇乜肉食…飯嘅份量正常，有少少雞油感。

睇完戲去moko 食晚餐，就黎呢到個 Food Court 食代館食下。入面好多位坐，餐廳選擇都多。左揀右揀就搵左間台灣野。呢個係朋友點的三杯雞球加蚵仔煎蛋，完全唔係三杯雞口味，似求其的雞煲，無台灣風味 呢個係麵醬茄子班球煲加蚵仔煎蛋，茄子同班球嘅比例係 1:5.... 其實我而家都少左好多食班球...本來係為左啲茄子先點呢個餐。蚵仔煎蛋不過不失，無乜味道，要點醬先有啲味。成個 set 都好油，$52 唔係貴，不過唔會再食。

因為要趕住睇戲，其他餐廳又多人，揀食 food court 諗住快食快走。揀左呢間麻辣燙，因為想食辣野，food court 有麻辣食其實係要讚，不過實在等得太耐喇。俾錢時職員話等5-10 分鐘，食物要即時灼，我明白要耐d，但最後係幾番催促之下，15分鐘先有得食，有違 food court 的速食意義喎… 個鍋係唔錯，加大係加$20，明顯地好多野都雙倍，例如蝦、丸、菜。味道不錯，但小辣根本唔辣，後來問職員多取了辣醬。問題在於速度，食物還不賴吧。

星期四晚上，在旺角區想找一個沒有限時交檯，也沒有最低消費的地方，靜靜的飽餐一頓，一時三刻只能想到新世紀廣場的Food Opera，而且也方便回家，二話不說便從波鞋街徒步而至。當時人流不多，尋找座位沒有難度。約略看過各個食檔，最終選擇日式美食。餐飲需額外加錢，也沒有特別想喝的，便到水吧自取暖水一杯，連同跟餐的麵豉湯，水份已足夠補充。麵豉湯是足料之作，海苔很多，味道不會過咸，絕非hea做之作。這是咖喱吉列大蝦蛋包飯 (HKD60) ，是名副其實的蛋包，不是求求其其把蛋漿淋在飯上便告完事的哦。飯經炒香，但若加點蛋一起炒，味道更佳。咖喱汁香而不辣，完美為蛋包飯調味。大蝦共有四隻，質感彈牙，炸過而非乾身，水份仍在，保存甚好。這是有水準的food court食品，要價廉物美可能會失望，但期望一分錢一分貨的話，還是一個不錯的選擇。

入面只得一間越南菜，正面入口行到入最後方附近既位置，一心想試試，結果伏已中到應一應，小編同友人各叫左一個飯。。。老實講，好耐未食過$4x蚊但頹到禁既飯。。。真係食到😧曬！一個係咖哩雞扒飯，一個係肉碎煎蛋咖哩雞扒飯。先講塊雞扒，乾硬到不得了，完全無口感可言，而d咖哩汁又重有d粉係度，d肉碎又酸到不得了。最後個湯，咸到。。。。真係飲左兩啖都已經頂唔順。。只想講，一個都算大商場遊客區既food court，food court 場內又係得你唯一一間既越色菜，d質素點解可以差到禁。。。食完都只可以得啖笑😪一定無下次！

講真個價錢又真係唔算話係好貴，呢個炒飯夠晒日式style，每一粒飯都沾滿左汁，賣相係唔錯既，但食入口有失望囉。雖然個飯味道甜甜地好開胃。一粒粒鯛魚已經融入一粒粒炒香咗嘅飯裏面~另外啲鯛魚都幾好味，不過餐廳為左節省成本，鯛魚既份量就真係少左d，汁雖然好香但整體黎講個炒飯唔係好夠味，我上幾次食，個炒飯都會夠味，今次味道就比較淡左些少啦，令到今餐有少少掃慶丫。希望餐廳係品質控制上面做得好d啦，唔好整到一時好食一時唔好食咁。

八八拉麵配半份餃子拉麵水準高，豬骨味湯頭香濃，拉麵勁爽口。餃子味道不過不失，有點冷掉，不太好食。雞扒帶子蛋包飯蛋包飯份量很大，蕃茄汁配合得宜，正。雞扒和帶子勁好味

踏入秋夜晚上，一個人剛行完花墟市場，要買既盆栽已經買好，回程經過旺角火車站，見時間已經7:00左右，家人又預留晚飯，於是，上了食代館行一行，其實，以美食廣場而言，選擇真係很多，而我~~又唔想吃太飽，到甜品鋪, 見到熱哄哄豆腐花，口水真的就流出來 {因為肚子餓}, 點了一碗，堂食，甜品姐姐替我加了黃幼砂糖，實在太美妙了！😍😍😍😍找到座位後，我估計我不到10 分鐘把他取消了，真的大滿足！😜😜雖然仲未飽，但已經足夠✌️

初嚐鐵板燒是日中秋阿媽話唔可以食food court ，但新世紀黎㴝去去都係果幾間大型連鎖店行行下民到有好香煎野味所以最後入左去試，點左一個三文魚同套餐，邊食邊睇佢點煮都係第一次，只見女師博手法純熟，流水式咁煮，十分佩服佢可以manage 到，我地食咁耐d 食客不流風湧而至，兩個師博一直手都冇停咁煮真辛苦味道方面：先會上海帶湯同飯師傅會先抄菜， 菜好有獲氣所有食材都係你面前煮，個人認為好好味之餘有獲氣，個汁同d調味恰到好處，除左個豬肉有少少太濃味抄飯都係必點最重係好經濟實惠，會再encore後來轉左一圈發現Food Court好似都有好多野食既choices真係唔錯

出街食飯有時都幾頭痛，又想平平地又想唔難食又想多選擇...旺角新世紀廣場既食代館係一個唔錯既選擇~位於新世紀廣場3樓既食代館其實係FOOD COURT，想食台灣菜又有、韓國菜又有、日式菜式都有...有時唔知想食咩，行一個圈見到有咩岩食再叫都唔遲!平時乾炒牛河就食得多，脆化豬排炒牛河都係第一次!!牛河唔會太乾而且有鑊氣，同埋唔會太油，唔錯!至於脆化豬排水準就麻麻喇...豬排既脆漿皮夠薄唔夠脆，大為失色!另外既台灣炸雞飯水準唔錯，頗有台灣幾風味!炸雞夠脆口又唔厚粉同埋夠juicy，肉質幼滑，只係有D油膩!整體黎講，大約五十蚊就有一份套餐，食代館價錢親民又多選擇，諗唔到食咩果陣係一個唔錯之選!

今日原本諗住去食好啲, 慰勞下最近努力工作 (其實係俾個藉口自己…..), 誰知行完街之後都已經好晏, 近近地就係新世紀商場入面既食代館到搵野食。呢到food court既野食種類好多, 睇到花多眼亂都唔知揀咩野食好, 最後就揀左台灣野食啦……滷水拼盤與肉燥炒米粉睇碟炒米粉好似唔多吸引既外表, 點知食落唔錯: 米粉炒到條條分明, 唔會痴住一舊咁, 仲好大碟, 而且米粉滲入左肉燥既味道, 唔錯….至於滷水拼盤就比較失色, 好鹹, 滷水既味道唔係好出, 但係豬軟骨就出奇地好味, 雖然鹹鹹地但係豬軟骨好淋好滑, 唔駛點咬就已經係口裡化開, 正!!!!蔬菜炒牛肉配蚵仔煎飯蔬菜炒牛肉既味道不過不失, 牛肉都幾淋, 易咬開, 蔬菜吸哂牛肉既味道。個蚵仔煎既味道一般, 蚵仔唔係好多, 食唔出蚵仔既味道, 不過整體都OK。

琴日lunch time見無野想食就去左food opera睇下，又唔係好肚餓就系spicy delight買左份麻辣海鮮鍋，可以配飯或者米線！星期六唔包飲品個鍋睇到已經無咩胃口，未見過咁既麻煩湯底個鍋有好多唔同既配料：豆腐卜，生菜、蟹柳、尤魚、青口、蝦、紅蘿蔔、脆肉瓜、冬菇等等。好似好多但其實用料唔好！海鮮一食就知好唔新鮮！蝦肉係霉既無一樣野我覺得好食！米線浸到有點發脹！好淋好淡！ 晚上回家肚子就痛了 唔會再食！鍋既食材唔夠乾淨