小康之家 (Closed)

放假休息入西貢呼吸一下新鮮空氣逛入高富樓地下小食街 就見到新店開張 支持一下試了招牌雞翼，四種口味都好好食!!特別係麻辣同蝦醬雞翼夠麻夠辣 同埋蝦醬夠特別! 第二度都食唔到再搭配一杯店家親自煲既羅漢水果消暑解熱 值得推薦!!

主打”MSG” free 無添加無味精有四款味道雞翼西貢蝦醬味，麻辣，蜜糖同胡椒叫左兩個套餐，兩份小食。套餐各有一份台式蛋餅同兩隻雞翼，剛好可以試晒四隻味。我覺得蝦醬味幾特別，好香蝦醬味，但又唔會話好鹹，好入味，最重要係唔乾，好有肉汁😍胡椒食落最辣，好香胡椒味麻辣就一句講晒，好味過xx的土匪😂😂蛋餅有幾款餡料可以自己配搭，我揀咗芝士火腿同埋芝士午餐肉，足料，好有台灣風味😍小店好有心機，即叫即整，外賣都放得好靚，仲好細心送埋獨立包裝即棄手套啊。

今日係西貢食街搵食，見到有間新鋪開左，去睇吓咩食之時，有個後生仔好熱情甘介紹，有麻辣雞翼⋯開頭諗住無咩特別者⋯個後生仔之後講話雞翼採用無激素雞翼，仲要有埋證明。甘就試吓啦！當諗緊食咩好時，後生仔介紹“抗疫套餐”-有一份旦餅、2隻雞翼同一罐汽水或自家羅漢果水。所以就試吓。最重要旦餅有得`簡‘餡（芝士、吞拿魚、火腿、餐肉、肉鬆），連雞翼都有4款（西貢蝦醬、胡椒、麻辣、蜜糖），橫掂飯又未食，就`簡`左芝士餐肉旦餅同胡椒雞翼+羅漢果水。呢個餐$48堅飽肚，係食街除左泰國嘢、車仔麵之外呢個都係一個好選擇。