Foodies (Moved) New Location

睇完篇報導，就決定lunch去匯景掃街喇個商場都幾難行，但好在好快就見到呢日間野𥄫一𥄫個menu, 一定揀薯蓉，因為我係薯迷叫一盒薯蓉，有兩球。又想試佢個漢堡扒，就加左8蚊，要埋。先係叫左蕃茄sauce, 但諗諗下，好似甜咖哩吸引啲，想轉啦！點知今日無為有保留原來的選擇。因為要食其他野，就外賣拎走。Packing好好，一個硬紙盒，再加一個紙袋，拎仲盒野，都覺得暖暖的行左一陣，忍唔住要開餐喇一開盒，好香個sauce到不得了，甜甜地，一啲酸味都無。濃度啱啱好，少少都唔會Sai丫薯蓉好實正，食到有少少薯粒。個扒就要彈下，鬆散，好細塊，8蚊完全唔值丫下次都淨係食薯蓉好喇，加咖哩汁

肉醬X大啡菇🍄味道原來都幾match❤️肉醬都幾多料，食到粒粒肉碎，洋蔥同番茄粒😀再加上香草調味～啡菇爽口仲好juicy😀一咬就漏汁💦啡菇吾算好大，二三啖就食完🙈癮已上😍系吾錯嘅小食！

放工同老公行過，見到有新店開張，入去試左焗大蘑菇，特別係芝士菠菜焗磨菇同芝士通粉焗磨菇，芝士超重手，味道好濃郁，價錢超抵，$30有2隻連野飲，仲有朱古力流心杯，流心朱古力同香蕉好夾，勁正值得一試！PS:店主耐心介紹店內每款食物。圖中為芝士通粉焗蘑菇；蕃茄肉碎焗蘑菇；芝士菠茶焗蘑菇；朱古力流心杯

路過匯景商場，見到呢間新開的小店。由於藍田冇呢類食肆，所以膽粗粗試下。今日試左流心蛋巴馬火腿大啡菇，以及芝士蕃茄漢堡扒迷你漢堡。兩樣食物都好新鮮，口感及味道好有層次。下次再去試新嘢先。