糖森林 (鳳翔路)

Open Now

Now Closed

在元朗吃糖水坦白講真的有些厭，來來去去得果幾間，總想尋找一些新鮮感找一間新店吃糖水。剛好在鳳翔路看見這間《糖森林》，在門口打開菜單一看，圖片非常吸引，就二話不說進去試一下。其中一款2-3人份量「七彩繽紛」特別吸引，單看顏色已經滿分，而且看上去感覺味道不錯。 「七彩繽紛」的材料包括：小丸子、涼粉、河粉、珍珠、西米、芋丸和鮮雜果。鮮雜果的新鮮程度認真值得一讚，一開始還擔心會否不新鮮，意想不到好像對比起其他出名的糖水店好像更為新鮮。主角鮮雜果不錯，其他配角小丸子、涼粉、河粉、珍珠、西米以及芋丸也不會有什麼問題。

端午節夜遊完YOHO MALL，食完飯諗住搵間糖水舖食本來唔係諗住食呢間，但附近果幾間都要等好耐，呢間相對唔算等得耐但等緊既時候一路睇OPEN RICE一路覺得好伏...但頭洗濕o左就唯有頂硬上啦舖頭細細，一入到去環顧四周...見到好多檯都食剩好多o野..有一檯直情剩o左五粒燒賣(雖然唔知原本係有幾多粒...)其實佢D圖片都好靚同D名都好吸引...可惜佢冒住違反商品說明條例都要開門...係會令唔少人中伏既..樓下既COMMENT講得好岩...櫻之雪山係真心與圖片不符，而且D冰又無味...我叫o左個榴給至愛，其實睇佢既成份都覺得好9唔搭8..但見佢係人氣之選..就挑戰下仍啦佢入面有D24榴槤、椰汁沙冰、綠茶點子同紫米，其實全部o野分開黎食係好正常既..但一放埋一齊係真心唔夾..呢款甜品價值$48大元...我覺得呢$48係比面頭果少少榴槤既...D24榴槤係真心好食，好杰身同榴槤味濃其他朋友叫既..都係無味或者味道好奇怪...因為叫滿$100會送焦糖燉蛋或者椰青水一枝，我o地揀o左焦糖燉蛋，味道係唔錯既，但係佢面頭暖身...下面直情係凍...令人一路食一路感到不安如果下次真係無得選擇一定要

想食西式甜品，同朋友咁岩行過又見佢有心太軟同窩夫，一於去試試！🤩餐廳坐滿晒人，好彩岩岩有人走，唔使等好耐☺️叫左2個甜品一齊分享🥰～芒果窩夫配兩球雪糕-綠茶、士多啤梨～窩夫外層都幾脆，不過中間有啲薄，冇咩外脆內軟嘅感覺！窩夫有待改善，不過加埋雪糕，cream 同芒果，味道都唔錯😆～心太軟配兩球雪糕-芝麻、朱古力～🤩心太軟好流心，中間嘅朱古力都幾濃味，正！再加埋雪糕一齊食，又凍又熱，好正！😋👍🏻4款雪糕，比較鐘意芝麻同朱古力味！

芝麻糊整得唔好真係好大件事，會變咗好難食... 所以我唔係立亂會去任何一間糖水鋪叫芝麻糊呢間野個餐牌標明係石磨芝麻糊，所以決定一試，一食落口就知中伏，完全無芝麻香味，非常「桀」撻撻，好似黑色既生粉漿糊咁...另外要咗個雙丸椰皇燉奶，雙丸即芝麻湯丸同芋圓，果兩粒芝麻湯丸正常好食既，而啲芋圓就好一般，太靭又無味個椰皇燉奶味道唔夠香濃，無椰香，好一般兩樣食物都唔得，店內座位又逼夾，比一般糖水鋪窄，所以真係唔會再幫襯

同男友在元朗吃完晚飯，行行下心思思想吃個糖水。話哂，甜品有第二個胃消化的吧😝見到呢間名字不錯，就走進去了。甜品還算多元化，有西式的亦有中式，價錢也算合理。我們點了一份芒果班戟和香蕉船；芒果班戟有兩大舊，皮薄多cream，忌廉不算太膩，甜度適中，芒果亦很鮮甜。兩個人分享一份剛剛好，可以預留位置吃其他甜品😋香蕉船可選三款不同口味的雪糕，我們分別點了兩球綠茶和一球薄荷朱古力。從唧花都看得出店員的心思，挺美觀的👍🏽

呢間野有酒釀丸子食，仲可以揀雙丸，所以我以前一行過就會買黎食。佢可以揀凍或者熱，我就多數揀凍既。話說早排帶朋友去食酒釀丸子，朋友揀左熱既。碗野黎到，食第一啖，朋友面色都變埋。我都試左啖，哇，酸到不得了，好似飲醋咁，仲俾朋友話我帶佢試伏。本身諗住頂硬上食埋佢，但係真係入唔到口，求其食左啲丸子就算。今日行過又想食，雖然天氣凍左，但我怕又好似上次果碗咁酸，所以都係揀凍。今次我問佢，上次食熱既酒釀好酸，係咪正常，因為以前食都唔酸。佢答我係，仲話更酸既佢都食過（佢咁講到，我咪信囉！）買到翻屋企，打開碗野都覺得好似比以前少左。攪匀佢食果時發覺，咦？我啲芋圓呢？佢係比三色圓，但成碗野得兩粒芋圓，兩粒地瓜圓同一粒紫薯圓，小丸子都比以前少左三分之一。份量少左質素又差左，新年果時收貴左，落單果時又唔講！（我俾完錢，對翻張單先發覺收貴左，問佢果時先話新年期間加價，但門口無寫，餐牌又無寫，一早知貴咁多我可以揀唔買丫嘛！）以後都唔會再幫襯！寧願麻煩啲自己煲。未試過想試既朋友，我勸你都係三思！

這間甜品店在元朗yoho mall後邊的小街在(近元朗消防局部)， 不容易找。 旁邊是另一間甜品店滿記。店不算大，大約只有十多個座位。今日是平日，下午五點半人不算多。這裡的甜品款式很多。今次和朋友點了兩款甜品。陽光小子（芒果味）（$40)這個其實係芒果雪花冰，很香芒果味，雪花冰也很幼，很易人口。還配上芒果肉，小丸子和紅豆，感覺很豐富，味道也很夾。心太軟配雪糕兩球（$52）甜品中最愛心太軟。這次選了配綠茶雪糕和曲奇雪糕（雪糕還有芒果，士多啤梨， 雲呢拿，朱古力可選擇）。雪糕很快溶化，我和朋友先以五分鐘殲滅了兩球雪糕， 之後先食心太軟。 心太軟朱古力味都好濃， 有流心效果， 不過留心只係暖暖的， 如果熱啲會更完美。

今晚心情好 睇完戲 一家人去食個糖水一入去 環境都幾嘈 客人有啲有細路 小小嘈都算 啲伙記都又嘈又煩我叫左個雪糕紫米露 都係普通雪糕「不」落去 但啲雪糕起冰嘅 都算 個椰汁紫米露底都好難食 嗰層椰汁好似沙冰咁 已經唔開胃 仲係結晒冰 一舊舊既 紫米露一舊舊既 糯米團咁三個人都係勉強食到一半🤷🏿‍♀️仲叫左碟腸粉 （其實都係貪佢有小食先黎呢間）都好難食 個樣正常 但又乾又硬既 等得耐 只係暖既 相都冇影仲有個椰皇乜乜乜 因為屋企人唔想食凍野 就咁睇圖叫左 我就一啖都冇食 俾唔到評價 但$66架好灰 難得一家人去食糖水 中咁大伏😖😖 又哂錢🙄🙄伏到有決心開個acc留comment既地步

聽男朋友講呢度有個多士味道好似茶木嘅蜜糖磚塊 ，聽到覺得好吸引，所以特登去試下！叫黃金兵團係要等一陣的，因為多士要即烘。到嘅時間仲暖，一咬落去，啲面包外脆內軟，好好味！咬落去嘅時候仲有糖漿必出黎，我好滿意啊！不過得四塊仔，同人share就唔夠了。之後嗌左杯牛奶冰食下，因為見到menu上嘅佢好靚。味道中規中矩啦不過啲小丸子係未煮好(?)食落有好多粒都好粉整體可以的！非常推薦黃金兵團！

糖森林和松記兩隔離，我地揀左糖森林，好唔好食靠自已條脷，好壞總要自已試下。香蕉窩夫$43可選2球雪糕(綠茶，曲奇)窩卡有少少脆，這個價錢很值了，建議如果窩夫厚身少少就可以做到外脆內軟的效果。黃金兵團 $43可選2球雪糕(曲奇，士多啤梨)多士好脆有口感比窩夫做得更好櫻之雪山 $42聞說以前上面會灑上櫻花鹽的，綿綿冰底好好味，奶味好香好重。白雪公主 $38芒果肉加芒果雪糕球，唔知點解個名叫白雪公主好味，不過大家都唔鍾意沙冰底。宇治金時面料好豐富，綠茶味一向都較清淡，沙冰太快融化沖淡哂綠茶味，如果有綿綿冰底選擇就會更完美。

吃完晚飯諗住去食番個糖水，沿路其實有好幾家糖水店，但兒子説想試下未食過d糖水店，所以就選了這家，門外見好多人等位，心諗一定不錯，等咗一陣，職員話帶我地去另一店舗坐带埋個餐牌去點甜品食，跟住佢個職員去到附近一間面店坐下，雖然有d怪但環境OK，打開餐牌見到人氣之選櫻之雪山好吸引咪叫咗，點知黎到我還以為佢送錯來，完全跟圖片不符，士多啤梨少到一粒都吾知有冇，d棉花冰冇奶味，樱花鹽少到見吾到，兒子看見超級失望，之後仲點咗芒果水晶粉，一般般冇乜特别，仲有芒果紫米露，好似奶水加紫米咁超甜而且d芒果有怪味，吾知係咪壞咗！總之好失望，下次一定吾會再去啦！

年三十行完年宵有個指定節目，就係食糖水啦！去到鳳翔路果頭本來想食松記，但人太多，就食旁邊的糖森林。其實兩間糖水鋪都坐到出門口。白雪黃金卷，芒果不夠甜。合桃糊燉北海道3.6牛乳($25)，味道普通。薑汁小丸子($22)，個薑汁太辣，完全飲唔到，我淨係食哂d小丸子就算。星空($36)，味道類似楊枝甘露再加西米，椰果等，呢款好難失敗。腸粉 ($17)，不算特別香滑。價錢唔算貴，但味道普通，過下口癮就算。

红棗杞子燉桃膠，不夠熱，沒有味，得個甜，红棗好似放下去，不象有煮，硬硬的，桃膠超少，少到好像沒有一樣，成碗水咁！3.6牛乳燉蛋白，不夠熱，只是甜，沒有味！合桃露，不夠熱，没有合桃味！

元朗糖森林甜品店，細細間，隔段時間就有人黎酒釀桂花小丸子，真係可以聞到香香嘅桂花味，扑鼻而来，亦都能夠食到酒味，唔算濃郁，食左唔會醉。軟綿綿嘅白色小丸子係酒釀桂花入面漂浮，一羹羹食，覺得好滋味，味道的確唔錯，價錢同我食正餐差唔多，但份量太少啦，相對有d貴。

舊芒果有小小奇怪，唔確定係唔係壞。而且服務態度有待改善，我入來既時候收侍應可唔可以比menu 我，但係佢就大聲回應:等陣啦！食完既碗碟等左好耐先收。不過可能係個別侍應既問題，大家可以參考下。