沙田科學園湖畔餐廳 (Closed)

尋日男朋友生日 想搵個環境清靜既地方食飯...見 科學園環境幾ok，於是尋日Lunch時間打電話去問佢地夜晚喺唔喺有buffet食，個小姐同我講有啊，仲好詳細地同我解釋話$128/位 再加一。我平時踩單車經過見冇乜人，所以本都打算唔book位，但個小姐話 你最好就book位啦！我轉個頭都有打去Book埋位，當時佢亦沒有同我講 當晚不招呼外客，仲幫我落左個booking。點知，夜晚去到時 個經理同我地講 有人book左成個場， 今晚唔招呼外客 =_=||雖然經理的態度好好... 喺咁鞠躬 say Sorry， 但你話 喺唔喺離譜吖...... 本想開開心心，靜靜地同男朋友過返個生日，點知... 唉！！下次出發前，記得最好打電話問清楚先好去吖！

尋日到科學園遊覽, 個度環境真係唔錯 (:但canteen d野真係好難食....以我呢個所謂set lunch為例, 星期六&日係唔包飲品, 有冇搞錯?!!!個薯餅完成冇味, 雞扒又唔夠味 *~* 真係早知大x樂冇咁嬲...

星期六中午，有揸車又唔想去沙田市中心逼，科學園 Fresh 本來是一個幾好的選擇．其實上次幫襯，已經有唔係既好既經歷，就係： "唔該要乜乜丫"　"冇！" "唔該要物物丫"　"冇！"好，去隔離檔 "唔該要咩咩丫"　"冇！"最後係無乜選擇下求其食ｄ野．今次唔信邪，再去挑戰自己運氣．去日本檔，果然歷史重演，連叉燒拉麵都冇，唔係化？OK, 去泰國檔 (Equal Spice), 結果改寫左我一生，食左個史上最難食的泰式炒金邊粉．先講ｄ粉，一見到碟粉，已經覺得唔對路，ｄ粉濕到好似 BB 糊咁，又好似十日冇洗頭ｄ頭髮，黏成一 pat, 再collapse 成一團．Gross!配料方面，芽菜欠奉、豆乾欠奉、蛋絲有少少，有幾粒蝦毛．調味方面，well, 唔鹹，唔甜，唔酸，可以去攞健康食肆獎．吓？有冇青檸？自備啦唔該．另外，ｄ花生碎，食入口，林o既，我以為食緊 crispy rice，望真ｄ，又真係花生喎．唯有安慰自己：唔益咪算你拾到 lor...呢蝶炒粉，令我獻出三個第一次：第一次食 Phat Thai 食到想死．第一次為唔好食o既食物影相，目的係引以為鑑，以儆效尤．第一次在踏出食肆門口的一刻發了個毒

今日(17-3-2010 Wed)同男友到科學園逛,o係人生路不熟o既情況下,而且又開始放lunch o既時間,就是但行o黎呢o度買o野食.我同男友分頭買o野食,我o係日.韓counter買一個$35.00o既照燒雞扒拉麵,加$5.00要凍檸水.我o係cashier畀完錢,就o係o個o度拎埋飲品,然後諗住去攞麵,點知叫我等叫No.,但我想坐出面喎,咪唔知我個No.得囉?唔理喇,我行出去先喇.之後我call男友o係邊?佢就o岩o岩買完o野,等o左一陣,我見佢重未出o黎,我就call佢話我o既麵都未拎,佢就行出o黎攞o左我張飛先.等o左一陣,佢攞我o既麵出o黎,咁我又繼續等佢,足足等o左有8-10分鐘時間,佢至怒氣沖沖咁拎住佢o既食物出o黎,係$35.00o既雞沙律牛角包套餐,飲凍檸茶.我o個碗拉麵賣相唔錯,雞扒已經有好多,其他配料都有好多,如獅子狗魚蛋,海帶,粟米粒,鳴門卷,蟹柳,半隻蛋,重有一種唔知咩口感似齋鮑魚o既o野.食落,拉麵有濃郁o既蛋味,雞扒煎得夠香,香料都夠,肉唔o鞋,最令人有驚喜o既係蟹柳,唔係o個啲假蟹柳,而真係蟹肉o個種.湯就清清淡淡,OK.我覺得呢個味道可以畀4.8

其實上個月經過科學園見到呢間fresh都想嚟食buffet，今晚神推鬼擁就嚟咗呢間fresh話BBQ主打，梗係試吓先講，最初試佢個d燒丸同豬頸肉就OK啦，然後再食個隻豬仔肶，嘩正呀，好過食雞翼，細細隻有D肉，幾鬼過制，一口氣食咗6隻蝦就中中地，無驚喜返轉頭食頭盤，D三文魚好鬼大塊，兩塊加埋大個我塊面，而D泰式雞腳就SPICE咗D試埋甜品應該差唔多，有芝士CAKE、酥餅、燉蛋啦！個燉蛋好似正過小甜谷個D，好有蛋味、好滑D生果同大菜糕就好例牌閒日$128+10% 呢個價錢算OK啦PS:假期收$198+10%

本來已為科學園好似深山野領咁，但星期日去完之後，感覺唔同晒，簡直係城市中綠州講番間嘢，裝修一般般，但有d似隻船，中間嗰吧好似煙通咁幾攪嘢，個feel都算ok開始食頭盤先，有什果蝦沙律同煙三文魚，蝦都算新鮮但嫌沙律醬多咗d，三文就一般貨色，未算突出，不過不失，跟住就試吓個龍蝦湯，味就ok啦，杰d仲正熱咗身之後，就入正提『主菜』，BBQ都ok，西蘭鮮魷就淡d，有進步空間，不過都食咗10幾轉先停手，飽飽地就到甜品啦甜品之中藍莓芝士餅同『tea a mi so』都係我最愛，一件又一件，正走個陣影咗隻金旦，超正.......超好feel總括嚟講，呢間嘢同科學園為我帶嚟開心一天

星期六夜晚就約左個舊朋友聚一聚..個到環境唔錯.最適合靜靜地甘傾偈..另外,出面個噴泉一流..好喇..我地開始時就食沙律..講真,佢d大蝦沙律好好味..隻蝦好鮮甜,但我就略兼沙律醬多左少少,但我朋友就好鐘意食.哈.除左沙律,仲有壽司,凍肉,煙三文魚等等既前菜..主食方面.其實款式方面.我就覺得幾多選擇..有焗,青口,炸蝦,鰻魚..fried rice and pasta...特別講–講有款印度煎餅併咖喱雞/牛腩..d汁送飯一流..甜甜地,但又有好香咖喱味..但d串燒就好韌..而且個賣相差少少.甜品方面,有驚喜!可能自己本身鍾意食甜品..有個朱古力咖啡慕士餅好正好creamy..同埋有個綠茶蛋糕.雜果撻,tiramisu好香酒味,又唔會太濃,而芝士餅.我就覺得﹔好流..仲有個黑糯米糖水..不過不失啦..整體黎講,,環境係幾好幾乾淨,,食物款式都算多,而質素方式就中上,起碼每款都係熱既..我諗佢地都改善梗既..

主菜可以，但自助可取食物之款式太少。只有忌廉湯。炸洋沖圈，咖喱角。沙律。薄牛肉…主菜可跟甜品飲品各一。價錢可接受。但如自助食物可再多少少更好。

個朋友生日, 她指明要去沙田科學園湖畔餐廳 Fresh Dining Concept,個朋友話想去好耐, 所以診她生日, 嘗佢心願 !星期日, 一行11人, 搭火車 (現在叫 "港鐵") 到大學, 再轉巴士入到 "科學園", 左搵右搵, 攞埋張Magazine 既介紹問人, 終於搵到FRESH ~~~科學園個地方都好寧靜下 (有朋友話荒蕪), FRESH 第1個比我既感覺係, 有D似 Food Court,但無所謂, 最緊要d野好食 ~食自助餐, 可以選擇坐 inside 或 outside,我地坐 Outside, 因為坐outside, 可以睇到音樂噴泉,但無大檯, 請個侍應幫手, 佢話要要自已搬wo ~無所謂, 自己搬, 心諗最緊要D野好食 ~跟住走去攞野食, 1) 冷盤: 無蠔, 無蝦, 無蟹2) 熟食: 無特別野食, 款小, 味道不太好3) 食物被掃清後, 很久才補上4) 燒烤食物要排隊攞, 仲唔係肯排就一定有得食, 因為係限量供應, 個廚師唔知點解擺好小野落去BBQ, 大家企住等... ..5) 燒烤食物,雞亦正常d, 但燒蝦就無味6) 朋友話羊扒好d... ..

家姐畢業, 難得有機會入科學園, 即本睇下呢間餐廳係咪真係食友所講咁劣評。(先此聲明, 本人跟high live deli/ 阿so絕無任何利益關係, 我亦都係第一次黎科學園) 為免假日人多, 所以我地一早book o左位, 12:30pm, 7個大人, 1個小朋友去到科學院, 12:20都未夠, 同收銀處個位哥哥講多聲, 佢話食buffet去左手面個間餐廳。去到見到真係小貓三四隻, 唔通真係如食友所言, 難食到咁!? 有一個senior staff帶我地去窗邊位坐底, 俾o左幾杯水我地, 我地就開始出去拎o野食la 我地由頭行到落尾, 驟眼所見, 好多盆都係裝滿食物, 而且下面仲有個爐一路整熱緊, 每款熱食都係噴緊煙, 並無食友所講要配給o既情況, 又睇下食物質揀如何首先試o左三文魚, 質素當然唔及高級酒店, 但係呢個價錢, 都總算唔錯la, 有魚味, 無雪味, 同埋大大一盆任你夾, 我食o左4 round!!! 札肉, 又係同三文魚一樣, 大大一盆, 擺得好靚, 有肉味, 而且仲好大片 串燒: 一大盆, 分開牛同埋豬, 中間仲有一盆沙爹醬任你點, 不過略嫌有D硬龍蝦湯: 呢個收埋

天寒地凍, 諗住跟阿媽成班師奶朋友入去食個中午自助餐,其實之前上黎openrice睇到咁多人彈多過讚,已經不抱期望但山長水遠入到去, 食gei野竟然係咁,都咪話唔失望食物款式少得可憐, 如果想食西餐不如出去紅樹林/椰林閣食好過!盤海鮮闊麵係酸gei其他菜式就得d西蘭花、茄子, 但都係凍冰冰係主菜gei豬牛羊燒得ok 囉, d薯條都脆gei不過款式真係少得滯, 連魚果d都無!後來先上的那盤肉醬意粉可以接受,但已經食飽左食唔得多甜品個cake太甜, 建議食芒果好過士多啤梨(得堆忌廉)個龍蝦湯應該係罐頭野,乜湯料都無,橙色一劈杰野總括黎講,唯一可取的是個環境囉但食唔到更好gei野真係覺得可惜同浪費個美景仲差過出面d西餐廳其實如果要食一個完整西餐(有頭盤、沙律、主菜、甜品)果d不如去第度食,無謂入去呢度,因為呢度只係一個有得揀下少少野gei西餐,唔係雜錦乜都有gei buffet80蚊(仲未計車費wor) 真係唔抵食講真, 加埋車費,100幾蚊,晌出邊酒店都可以食到正野啦,仲可以好多款tim另外非buffet區仲有其他日式便當,韓式石頭飯,40零蚊,但睇落都好過西餐總之唔值得入去食自助午餐,

昨晚和外國到港的朋友和小朋友十多人到這裹自助晚餐。價錢連coupon discount大人只是$108。以價論貨，當然合理。但我們可不是貪平嘛！環境......只是一個Food court食物......即燒的雞翼，竟然是冷的飲品......要拿coupon去換，每人限一罐......最出名的是7 UP，其餘的是美連達。要贊的是嬸嬸的態度，小朋友連續倒翻兩罐要付款的汽水，清潔嬸嬸仍笑面迎人總結：去了就算，未去也罷。

如果你是看過亞蘇介紹而打算去這餐廳的話, 在這裡強烈建議你諗過別處好了, 它什麼地方唔妥當? 共有七宗罪:1) 一款食物被掃清後, 不會補貨, 而是上另一款, 較為好食少少的東西未必人人有得食, 手快有, 手慢冇。2) 燒烤食物要排隊攞, 仲唔係肯排就一定有得食, 因為係限量供應, 我見好多時排得較後的人都會不歡而散, 因為輪唔到!3) 燒烤食物要睇你彩數, 輪到才有得食, 你以為好好食嗎? 其實不然, 只不過是一般, 燒雞翼, 珍寶腸呢類普通到唔普通的都要輪, 好彩才有得食。4) 罐裝汽水大量供應, 但全部都是不知名的牌子。5) 菓汁超甜, 是濃縮品開出來的, 好唔掂。6) 想來杯咖啡或茶? 要另外比錢, 8元一杯。7) 刀义匙等等食具, 要自取, 似食堂多過似餐廳, 佢哋應該改名叫至啱。

環境係幾好 但d熱盤食物真係差 ，睇落去好似由Lunch Buffet擺到 BQQ Buffet。一心去到諗住食的BBQ食物:燒雞翼﹑ 羊架﹑牛仔骨,﹑雞扒﹑粟米﹑魷魚......等。但我一去到都是大約19:15，就已經冇晒燒魷魚﹑羊架同粟米，仲唔見佢哋會再出 不過都好在D 沙律﹑泰式Papaya Salad﹑泰式鳳爪﹑瑞士汁雞翼 都好食 而D甜品都OK : 芝士餅﹑抹茶蛋糕﹑Tiramisu﹑水果﹑泰式糕。但D蛋糕食完一個先再出另一款，每款仲只出一次。而一見D服務員攞甜品出嚟，我已經急腳行到出來 , 但去到碟都已經被人拿清。 (當時最多都係40人左右)最唔掂就係飲品，星期一至四只係包一杯飲品。而星期五至日任飲 雖則$120不是很貴的價錢，但呢餐絕對不值( 星期一至四 $120 , 用 coupon 可以減$18 )

第一次去時dinner buffet只是$80, 食物就真係好麻麻，無咩食。不過坐得舒服，又無人同你爭野食. 當食個普通dinner. 無驚喜。尋日第二次食，約左成班15個舊同學聚會，加左價 $120, 食物明顯好左好多，多左BBQ，即燒，無人爭，任你囉，幾好味，熱盆都多左dd野食，salad bar 同 dessert都多左野，dessert竟然有驚喜，有個blueberry cake係好味tim wor。呢度我最buy係坐得舒服，人多人少都可以，靜靜地傾幾個鐘，坐室外對仲正，暗暗地，慢慢食。不過吾好預左去食好野囉，一定會失望，根本我一早食過，都知呀蘇係吹水啦，有咩理由講到咁勁食呢，可以係介乎普通 -- 好食之間啦。$120算係咁，仲有免費泊車 (注意，佢地 9:30會埋數，一定要問佢囉單泊車)。