FRITES Belgium on Tap (灣景中心大廈)

Open Now

Now Closed

同班Friend食青口指定動作👉🏻衝《FRITES Belgium on Tap》！今次encore經典白酒煮青口，肥美到啜落爆鮮汁，白酒牛油香吊出海水味，薯條蘸濃郁蒜蓉蛋黃醬停唔到口～仲試埋限定款✨番茄香草青口✨酸甜開胃，兩煲清空證明實力！ 配菜必點招牌肉眼牛肉漢堡🍔肉汁多到滴落薯條，邪惡度爆錶！飲住Hoegaarden生啤🍻傾足4粒鐘，侍應仲會主動換碟添水，吹水唔怕被催單～

啲嘢好食，價錢略高。海鮮及頭盤皆新鮮，但係Pizza皮太厚麻麻哋。好多外國人食，氣氛好好會幫客人慶祝生日唱生日歌。啤酒好飲價錢好合理，侍應生服務良好，推薦去食。

真心好耐未試過食飯食得咁盡興啦，早幾日同事提議收工去食飯聚吓腳，佢挑選左呢一間食西餐兼嘆吓比利時啤酒🍻位置非常靚啦喺灣仔北，大大個露天地方，又有風景，又好坐，感覺相當有情調。頭盤揀咗個牛他他配多士，呢度啲麵包好食到不得了，件件都好脆好香口令人食唔停🥰另外仲叫咗個焗蝸牛，蒜蓉味好重，非常之野味，不過冇乜肉地細細粒，當前菜食冇問題嘅，係非常好嘅下酒菜！😎之後重頭戲當然要嗌返個大大份嘅白酒忌廉青口， 呢隻藍青口肉質非常之嫩，全部都係BB青口嘅口感（冇老青口咁硬骨骨）☺️☺️☺️最正一定係啲汁， 識食嘅話，一定要用麵包點埋啲汁食， 頭先有提過嘅麵包，基本上佢每一道菜都會跟少少俾你，唔使驚唔夠食，開心仔。重頭戲一定係佢個牛扒，大大份，煎得啱啱好，非常滿足。每一餐嘅最後，梗係唔少得食埋甜品啦😍馬上開啟第二個胃，我哋叫咗個焦糖燉蛋仲有心太軟蛋糕，雖然都係啲簡單嘢，但味道就相當出色👍🏼👍🏼👍🏼兩樣甜品都好好食，黎呢度不得不試其實係佢哋啲多款口味比利時啤酒🍻今日我哋都試咗椰子味同熱情果味， 非常適合女性！滿足度100分！

慶祝同事產假回歸，出去食餐好嘅餐湯好飲兼大份，南瓜湯唔算太Creamy ，set Lunch揀咗個牛扒嚟食，雖然叫咗medium Rare，但係嚟到都有啲熟，不過牛扒依然都係充滿肉汁，唔算太硬，如果唔係真係嬲咗不過我最期待都係青口，我哋幾個人share咗個半kg嘅青口，(原本想叫1 kg) 一如既往嘅好食，連埋白酒汁簡直係正，每次都停唔到口😂唯一不足嘅，我諗就係啲服務，叫牛扒嚟到就太熟，我明明叫凍咖啡，嚟到又變咗熱

📍 FRITES Belgium on Tap(灣仔)🌏灣仔港灣道28號灣景中心大廈Brim 28 1樓6號舖📝6.5要尋找一個既有💋情調又能與🗣️朋友聚會的地方並不容易。最近來到了位於灣仔的一家比利時🇧🇪餐廳，這裡提供任食青口的優惠。餐廳散發著濃厚的歐洲風情，無論是燈光還是桌椅，都讓人感受到一種舒適而放鬆的氛圍。這裡是適合happy hour🍻🥂的地點，無論是與好友相聚還是慶祝特殊的日子。這裡的青口選擇多樣，讓我們一一來介紹這六款不同的口味：HOUSE 忌廉青口🌟🌟這款青口是餐廳的招牌菜，鮮嫩的青口在濃郁的忌廉醬中煮熟，搭配香草和蒜香HOEGAARDEN青口🌟這款青口使用了經典的比利時啤酒🍺HOEGAARDEN來烹調，啤酒的微苦與青口的鮮甜交融PROVENCALE蕃茄青口🌟 這道蕃茄🍅青口透過新鮮的蕃茄醬製作，酸甜的滋味令青口更加鮮美。加入了香草和洋蔥，增添了層次感。MARINIERE白酒青口白酒🍹青口的清新口感，讓青口的鮮味更加突出。LAKSA喇沙青口這款青口融合了東南亞的風味，使用了香濃的喇沙🥘醬汁，帶有一點微辣的刺激感，青口吸收了醬汁的精華。MEDITERRANEAN 地中海風味

❣️ 會展附近嘅西餐廳，主打比利時菜，招牌青口✨，逢星期一仲有$255仼食青口優惠！任食青口配薯條🍟，六款口味選擇👅另外Happy Hour仲有半價cocktail優惠！🫶🏻餐廳有outdoor sitting area⛱️，啱曬同朋友同事gathering🍻🙆🏻‍♀️🙆🏻👍🏻🌟 FRITES HOUSE MUSSELS 1kg $395🔹餐廳招牌青口，大部分都好大隻，好鮮甜，薯條炸得幾好食😋🌟 CHARCUTERIE PLATTER - Selection of cold cut, pork Rillette, Pickles, Sourdough Toast $215

今晚同朋友收工在灣仔區聚舊，揀左間好有情調的西餐廳 – Frites 餐廳好有氣氛 連侍應大多都係需要用英文交談 唔覺唔覺以為自己去左外國因為餐廳星期一至日都有唔同主題的 我今次去係星期一任食澳洲青口 啲青口好新鮮 點住汁食 又傾下偈 一流青口共有6種味道 侍應好細心 提醒我地由淡味的開始食起 慢慢食到濃味一開始揀左MARINIERE(白酒) HOEGAARDEN(啤酒) HOUSE (忌廉) 同埋PROVENCALE(蕃茄香草) 每款400g仲會配麵包薯條 後來種口味試哂 我自己最鍾意MEDITERRANEAN (地中海口味) 比較惹味 少少辣更可以帶到青口陣海鮮味又唔會食到太厭咁岩又遇到happy hour飲酒精飲品第二杯半價 又係一個氣氛之選我先叫左呢一杯 – 無酒精Friars Sweetheart 少少甜 帶莓味 好岩女仔之後再叫左一杯 – 有酒精Hoegaarden Rosee Draught 帶清甜味 中和到啤酒的小麥味 易入口 岩哂我口味後來加點左呢個THE GOOD WIFE SAUSAGE 唔太脆口食到屬於香腸的口感 配埋薯蓉 奶奶地好creamy 好好味 一舊接一

成日行去會展站經過都見呢間餐廳都有好多人，於是乎就試試係咪真係咁好食。Lunch set可以揀湯/飲品，揀左個湯，飲落係有戰豆同薯仔打爛咗，配埋麵包粒手仲有啖啖蒜香，咬到有薯仔粒，非常好味。主菜叫左個芝士雞胸配薯條，芝士拉絲勁邪惡，雞胸處理好好，嫩滑有肉汁，薯條超香超惹味！係一份令人非常滿足嘅主菜～沙律菜配醋好清新！白酒煮青口啲青口好大隻，個汁好奶香好好味，用黎浸麵包食好舒服！另外都仲有配薯條，對於薯條愛好者嘅我黎講超開心大滿足！最後食埋個甜品係熱情果芝士蛋糕，酸酸甜甜唔會好漏，餅底鬆脆香口，好快幾啖就食晒嚕

【#思思賢美食推介】Happy Wendesday Chill🍻Frites 灣仔全自費食評！工作忙碌既星期三出街食飯鬆一鬆~🌴預先係網站book定位,真係好方便呢!Frites灣仔分店位於灣仔海旁,環境幽靜舒適,超多上班族收工嚟happy hour｡💻每日Weekly Special都有不同優惠,今日星期三正好推出和牛Burger $125!澳洲和牛肉質超級juicy~🥩加埋新鮮蕃茄､生菜､芝士同煙肉,份量十足,食落非常滿足!配菜有炸蕃薯條配啤酒一流!💯整體來說,Frites係個不錯嘅Happy Hour地方尤其係平日Happy Hour時段,大部份手工啤酒都係半價食物質素好,環境舒適非常適合收工後放鬆下!👍🍻Delirium Tremens $65 (Happy Hour)🍻Rochefort 10 $80 (Happy Hour)🍔和牛Burger $125 each人均消費 $215 (已包括10%服務費)餐廳資訊FRITES Belgium on Tap地址: Shop 6, 1/F Causeway Centre, 28 Harbour Road, 28 Harbour R

Last time when I went to this restaurant, I saw the table next to me ordering the mussel set meal. The mussels looked very appealing, so when I came to eat today, I decided to order the mussels. I paired them with a sourdough bun and also got some fries.I personally love sourdough buns, but the fries in this set meal were even more attractive, very delicious. The mussels were very smooth, cooked just right 😝For the starter, you could choose soup or salad; I chose the tomato soup. Their tomato so

今日要去會展睇演唱會,先去醫飽個頭放鬆好嘅心情,迎接一陣嘅勁歌熱舞啦☺️用openrice訂好咗位,去到唔使等即刻就可以入咗👍知客態度好好有禮貌態度又有善熱情😉睇下有咩啤酒最後嗌咗枝比利時嘅啤酒,食物嗌咩好呢?首先嗌一個凱撒沙律,跟住就嗌咗一個特色青口啦,因為其實真係為咗呢個青口專登去食, 再嗌多咗個德國咸豬手. 凱撒沙律啲菜好新鮮,正！跟住就係我鍾意食嘅青口喇,有件多時仲配埋薯條,見麵包脆脆咁又有口感薯條正正常常啦,啲青口先係最好味！好新鮮又香又滑！ 德國咸豬手個皮好香除啲肉都唔會太乾做得都唔錯☺️

想嚟呢間餐廳好耐，之前每次同狗狗爸爸帶狗狗🐕去寵物展時經過都勁多人，好多人會帶埋狗仔一齊開餐🍽️。前排趁平日去寵物展，同狗狗🐕、狗狗爸爸1430過到灣仔，late lunch time見到餐廳食客唔多，決定一試😚。平日set lunch l$155-200+，供應到下午茶時段（好似係1700）。午餐有幾款選擇，跟湯🥣/沙律🥗同埋甜品🍰/咖啡☕。沙律🥗：幾豐富，蔬菜新鮮，仲有凍烤雞🐔。醬勁多，佈滿每條沙律絲，味道似印度、中東的乳酪醬，夠味但有少少漏 Caulifower schnitzel🥦：椰菜花扒；入口好驚喜🤩🤩，無論味道或質感都好似魚柳🐟，炸到非常酥脆，勁惹味。個人感覺係佢啲醬汁麻麻地，似麥樂雞的BBQ醬，太濃味，蓋過椰菜花的味道。配菜係薯角🥔，有薯味，一口大小，份量對女仔嚟講都夠，如果提供埋沙律🥗取代薯角🥔就更好，因為揀得椰菜花扒可能想食得健康啲，少澱粉，而家濃油赤醬再加薯仔有啲heavy😝雞扒（唔記英文名）🥩：狗狗爸爸的main course ，都係炸物；佢話入口香脆，食落有雞味🐔同肉汁，件雞扒唔大，但有唔少l薯條🍟搭夠；幼身薯條，狗狗爸爸將佢同M記的比較，話好食好多😋（做到都係

大半年前曾經到訪過呢間《FRITES Belgium on Tap》，當時只係為咗行完會展搵間餐廳坐低休息唞唞，行吓行吓就發現咗呢間外表好特別，內裡好似去咗哈利波特世界咁，真心覺得呢間餐廳好靚，令到我留下深刻印象！仲記得當時每人嗌咗一杯飲品同一份小食，然後望住隔籬台，「好大兜青口喎🌝好似好正咁，可惜而家飽咗啦，下次一定要試試先❣️」就因為有呢個想法，今年生日決定再嚟多次，就係為咗要食青口🤭今次係為咗慶祝小妹生日，所以叫咗一直都好想試的青口Mussel Pots，男朋友話平時食得牛扒太多，今次特別啲要試下香腸、意大利粉，然後再每人一杯飲品，就係咁五樣嘢都可以食到好飽🤣🤣Hoegaarden Mussel Pots 1/2kg $265呢度嘅青口鍋係有分1kg同埋半kg嘅，問過職員究竟半kg即係幾多呢？佢話兩個人夠晒食。除咗一鍋青口外仲配有一片手工酸種包及一份薯條配蛋黃醬，呢款Hoegaarden啤酒口味青口較為特別，新鮮食材用冇咁濃味去製作，可以突出其鮮味🥰果然無揀錯味道😝The Good Wife Sausages $255「呢一餅香腸」，點解用個餅字去形容佢呢？因為佢外形排到好似蛇餅咁

港灣道附近都有好幾間西餐廳，好適合去會展前後用餐。FRITES Belgium on Tap主打嘅青口細細粒容易食，仲有唔同口味任君選擇。一般黎講如果餐廳有outdoor seating，我都會揀outdoor seating，感覺開揚啲，天氣唔太熱嘅話其實都幾舒服。 🍲Mussel pot (Hoegaarden) 1/2kg一般黎講青口都係白酒或者creamy sauce，今次就試下Hoegaarden味。味道比較清爽，啤酒味唔太濃，只係aftertaste有少少啤酒味。配有薯條同麵包。2-3人嘅話其實食1/2kg都夠，除非你想食青口吃到飽啦。 🥩Classic Steak Frites黑安格斯西冷配法式伯那西醬(Bearnaise butter)、油漬蕃茄及薯條，經典嘅牛扒薯條配搭。 🍞Garlic Bread估唔到蒜蓉包係今晚最驚艷嘅菜式，越簡單嘅野越見真章，蒜蓉味濃厚，麵包脆而不燶。 🍺Hoegaarden點解要特登點評個啤酒？因為怪怪地，唔知係唔係存放問題有少少走味，唔係一般Hoegaarden嘅味道，偏啖同埋怪怪地。 🍟大部分嘅菜式都配薯條，好適合同朋友坐低飲兩杯慢慢食。

如果你係想帶狗狗黎既 咁唔洗哂時間啦佢跟本就唔pet friendly 係咁話隻狗狗唔俾掂梳化 食餐飯都勁大壓力驚個staff 無啦啦走埋尼話我 又舉晒牌您我睇食環署唔比又剩 有心做pet friendly 就唔係咁啦我寧願你講到明唔歡迎狗狗 都好過咁樣n樣規矩啲staff 做野又慢又成日見你唔到價錢又唔平唔值得去