菓一道健康餐廳 (Moved) New Location

在此網看到大家對這間食店的評語，於是我星期六去試，幸好早一步去，出來時已見門口有人龍。坐落幾舒服，最重要係夠乾淨。調味品瓶是超可愛的燈塔和船！我們一人叫一個午餐ｓｅｔ，不約而同要左雞扒紅糙米飯（忘了確實名字……），加五蚊有暖暖的提子包、蕃茄燕麥湯和茉莉花茶。全部都好唔錯，難得我完全食光晒ｄ野！ｄ汗同味道都好開胃，又唔會太濃。落樓都唔使100蚊。($96)但看告示，似乎將會搬去中港中心，希望會Keep到水準。

一直很喜歡去依度食飯, 貪佢夠健康而且味道很好.星期日重臨舊地, 發現人少了, 以往1930會有很多人在門外等候, 但今次反而有吉位, 完全唔駛等位.叫了三文魚墨汁麵跟餐, 芝士汁龍利柳糙米飯.頭盤沙律一般水準, 粟米薯仔. 雜菜湯也比以前稀了. (心想只加$25, 質素不能有太高期望).到主菜上場, 點解得少少汁係旁邊, d意粉/ 糙米飯完全無汁, 乾爭爭. 意粉尚算淋身, 但糙米飯頗乾身, 無汁完全唔好食....不知是否以往的廚師去了港島分店, tst 真的差了!

經常到此餐廳食飯，真係好多人，又真係嘈。但食物質素穩定，好味! 又唔貴。

星期五在尖沙咀找野食...行下行下突然記得仲未試過這間健康食店! 我跟老公各自叫了set dinner, 他叫了鴨胸糙米飯, 我叫了什菌天使麵, 每人都有一個湯, 合核餐包, 飲品及甜品, 但他叫了加$25既set...多了蜜瓜沙律(其實都唔係太抵), 反而我加了$15 既set....都很足夠了! 每set 飯都有Calories , 這是一個selling point...令人吃時放心一點....但加埋湯, 包, 飲品及甜品, 基本上總Calories也不算少呢! 但在多菜少鹽少油的煮食方法...就非常適合我! 這間餐廳非常適合追求健康飲食既人士!

天氣逐漸暖和,早該食light點.今日趁家姐番夜,lunchtime便到果一道一聚.我倆一直都想試試此餐廳,但就是未遇到好時機,今日終於試到.而且大家都挺滿意呢.我們order了兩個‘是日午餐’,分別為鴕鳥肉糙米飯及鮮蝦炒意粉,另外,加了$5有苿莉花茶,餐湯及餐包,很抵食.是日餐湯是南瓜燕麥湯,richness 適中,味道可口.兩個午餐中我們較愛那個炒意粉,賣相好,亦算足料,最重要是意粉的texture剛剛好,不太軟而有咬感. 鴕鳥肉因為太鞋,汁雖造得不錯,但仍是失色了.一趟簡單而不昂貴的午餐,感覺舒服自在.本人誠意推介!

上星期五放工跟同事睇完「XX反斗城」開倉後，已是筋疲力盡兼且勁肚餓，見呢度有位即刻衝入來坐低。見個晚餐menu只得幾版，全都是什麼糙米飯呀咁，我問個waitress有冇其他menu，起初話冇，後來見到我地皺晒眉頭，又話什麼依家未坐滿，可以俾個full menu我地睇，都唔係好明佢講mug？我既燒雞薯仔沙律來先，好大碟，d蔬菜砌得好靚，燒雞都睇落唔錯，分開一小砵酸醬俾我點，但係……d薯仔呢？我問個waitress，佢好疑惑咁走去個水bar度問，跟住話呢個鐘數冇烚薯仔，要烚都要等一個鐘，言下之意叫我算把啦！我有d勞氣咁話我係為左食薯仔至點呢個沙律架！個waitress唔知點算，我唔理佢，但亦都未肯食，佢又走去同水bar個男人講一大餐，結果拿來一砵係用來跟飯既薯蓉（仲拌以幾粒糙米飯tim），睇怕佢地都已經仁至義盡gala，算把la。幸而個沙律好好食，d蔬菜又靚又新鮮，最難得既係並非雪到凍冰冰既沙律，真係新鮮既沙律，我第一次食沙律食得幾合意。我同事個咖哩海鮮飯就等左over半粒鐘都未來，我地懷疑佢俾錯左隔離檯，佢地來到冇耐就有得食！個waitress不置可否，催左幾十萬次終於來到，個waitr

今日去吃下午茶餐，28蚊好似幾抵，仲免加一添，餐牌上話包咖啡或茶，黑豆漿加3蚊，凍飲另加2蚊。我就問個waitress，有無熱檸蜜？她問廚房話有，我地就叫兩杯做餐飲啦。好啦埋單時，先發現盛惠72蚊！門口個阿姐大叫：“檸蜜加8蚊！”吹脹！真系重好過去搶呀！我發誓以後都唔幫襯呢間黑店！

今日4點幾去左買lunch俾阿媽食...因為佢做野做到冇食叫左一個蜜糖雞串同埋一個烤雞麥包三文治...黑豆漿要加三蚊..凍飲加兩蚊...侍應態度唔錯...個三文治幾好食...有好多雞係裡面...

I went to this restaurant many times, I think the price is ok, especially in TST, I like the soup and bread! (without butter). Besides, calories were shown in the menu, u can choose lighter food if u want to keep fit.

上星期五跟朋友仔打算到此吃晚飯, 本來我並不喜歡到這兒, 不過朋友仔想去, 那也只好就她了. 去到後, 由於是周五的晚上, 理所當然是full house 啦, 於是那個老闆娘(我估係卦), 只係叫我們等一等, 之後就去了跟朋友傾計, 好像是都不大care我們是否幫襯似的, 可能是已經full house的關係卦, 她也不在乎一兩個客, 見她那副漠不在乎的態度, 都已經不想幫襯, 講真, 在尖沙咀的食肆多的是. 看其他評語說這兒很嘈, 當然了, 為了做多一點生意, 桌與桌之間拍得好埋好埋, 唔嘈就假了, 相信以後都不會再幫襯了, 我覺得去麥記或者KFC都仲會坐得舒服一點.

這是我第3 or 4 次來食dinner~之前有食感覺都幾新鮮...因為好少食~ 今次去食本來都幾大期望~但感覺上今次無之前咁好食...今次我食"有機蕃茄蒜片帶子花虎蝦炒野菌天使麵"...味道還可以~d天使麵都ok~雖然話炒，但唔油...環境就麻麻地....如果坐近窗都好d...但今次我地一行10人都...無辦法坐果d位，對住門口，一舉一動都俾外面d人睇住，感覺怪怪...唔知少d人去，會唔會好少少呢？

尋日假期..晨咁早去TST食LUNCH..想食清D..所以去0左依度..之前未食過GA..點知..出乎意料咁好喎..好食既野都係肥的..所以,以唔肥既野黎講,依度D水準算係好出眾..我食0左一個蜆肉天使麵..48蚊..幾好..仲好係..加5蚊..就有湯&餐飲&餐包..唔洗加一..正.,..講番D野食先..天使麵幾爽口,唔"淋", 有好多菜(eg青瓜,節瓜,青椒etc...),加上蜆肉去炒,,清清地..好fresh..最勁係..真係一滴油都冇..!!!好impressing ^-^下次再黎先..

今日同朋友去呢間食lunch要左一個set lunch，有餐湯餐包茉莉花茶配main dish(香橙汁龍脷糙米飯)，附送既味道麻麻地，不過個main dish好好味，清淡得黎一d都唔寡，個飯用左好多配菜，呢到味道好豐富

真係無諗過出街食焗飯or炒天使麵都可以咁健康!有菜又唔油膩, 真係好難得!價錢唔貴, service好, 食物又好味有多款式!

(13/10/05)好耐之前,同朋友去過尖東那邊o個間,很記得印象不錯,好想再回味。但唔係咁多人鍾意有機野,覺得淡喎。適逢同好朋友食晚飯,佢都鍾意健康野。但唔知地址,打去問沙田分店,尖沙咀的點去。原來尖東的已結業,她好友善的講解怎去,但佢將新港戲院講左港威戲院,攪到我地兜左半個鍾,好肚餓。是晚餐湯唔知係咩,菜打得好粹,食時有一絲絲膠著,味道ok。合桃包幾有口感。主菜朋友的是芙蓉蛋白紅燒鴨胸糙米飯,我的是(名字太長)什麼龍脷柳黑糙米薯蓉,墊底有好多粟米仔,黃椒,青椒,娃娃菜,雞脾菇。我那o個整體味道較淡。(提一提:每個主菜份量都好大o下)甜品:烏龍茶果凍及,低脂士多啤梨雪糕。果凍口感似涼粉,但味道有啖啖的烏龍茶香,好出色。這間店真係值得去,服務、菜色都好有心思,睇得出好用心去做。所以好想食得清清地嘅人去架。