菓之店 (美芳街) (Closed)

今日同朋友去葵廣掃野 懲罰一下食左章魚燒 刈包 chok雞全部都好惹味 食完重口味小食起葵廣都兜兜轉轉左兩個幾鐘好多人 想搵間糖水鋪坐低嘆下甜品行出天橋附近發現呢間糖水鋪一入間鋪環境幾好 燈光空間坐位都幾舒適同fd叫左個奶凍窩夫同榴槤海底撈見住奶凍窩夫一放落枱不停兩邊左左右右咁搖擺真係好治癒 好滑好重牛奶味個窩夫味道好濃郁 不過真係要趁熱食因為佢凍左個質地好硬 你等佢凍左先打既話佢會難食過塊凍左既格仔餅然後就係榴槤海底撈 榴槤落得好足料 而且有海底椰 不過佢既西米係比較大粒 口質較軟淋可能煮得唔好咁淋 早啲撈起會再好食啲整體上呢餐甜品不論味道口感份量各方面都滿足到我如果行葵芳太多人迫或者行到攰 呢度會係一個食甜品舒舒服服既好地方

昨晚一年一次既小學🐥飯聚，傾得好開心！之後個個都想食甜品，發現葵芳兩個大型商場都冇這類甜品店，搜尋後去了「菓之店」，店內不算细間，環境舒適和食品都有驚喜，價錢ok，值得推薦！👍👍👍😋😋😋

葵芳一向都冇乜甜品鋪，呢度仲要係比較舊嘅區嚟，近排先發現到呢間甜品店。見menu都會見到有唔同選擇，價錢比出面市區嗰啲差唔多，唔算太貴，住葵芳附近可以嚟食，唔使出到油尖旺咁遠。叫咗個抹茶新地，其實就係一杯抹茶紅豆smoothie加一球雪糕，抹茶味都幾重唔會好稀，紅豆軟綿綿幾好食

今晚食完飯，就去左食甜品，我地去左呢間菓之店，因為女朋友食過話好好食。入到去坐抵左，就睇下有咩食。睇餐牌期間，發有好多款甜品食，有榴槤系列，有窩夫系列，有小食，利害。正當吾知叫咩食既時候，有一把甜美既聲音向後面出現，原來係老板娘，佢勁好客，不停介紹有咩好食。原來啲甜品全部都係佢地自己整嫁，佢地好重視個品質，例如榴槤雪糕，佢地加重左榴槤既味道。奶凍，佢地控制牛奶濃味啲，令大家都食到品質好好既奶凍👍🏻非常有心真係吾讚老板吾得，對食物品質重視，又好客，又靚，而家好難搵到一間咁既餐廳👍🏻講返我叫既野食先，我叫左一份酥炸芝士蝦球，窩夫奶凍伴雪糕，同埋榴槤皇子。芝士蝦球外脆內暖，咬落去除左有蝦肉味之外，重有芝士味，非常好味，重有芝士絲Tim😂窩夫奶凍伴雪糕可以自選雪糕味，我選擇了榴槤雪糕🤪 個窩夫好好味，吾太硬，加上焦糖醬，無得彈👍🏻 奶凍方面，由於係老板娘調教過味道，特別重牛奶味，口感一流。雪糕都加多了榴槤既比例，好似食緊凍榴槤咁，停吾到口👍🏻😋至於榴槤皇子，入面有榴槤....廢話😂，重有小丸子同水晶珠，一啖榴槤，一啖小丸子同水晶珠，雙重好感，重好有咬口Tim👍🏻👍🏻真係食多兩個都可以😋😋大家都

行完山，想食甜品，經過這間菓之店似乎不錯，決定一試。店鋪算大，下午人不多，坐得十分舒適，裝潢簡約，灰牆上是簡單的掛相，小盆栽 和大鐘，配合柔和的燈光，給人溫馨，家的感覺。小店老闆親切地為我個推薦新推出的下午茶套餐，自家製抵食美味之選。下午茶餐，芝士撈面雙拼只是39元，送甜品，實在抵吃，所以我們點了一客雙拼雞翼煙鴨胸撈面，再升級香芋珍珠奶茶。撈面份量大，煙鴨胸厚切，吃落香口不覺膩，雞翼煎香，皮脆肉嫩，主角撈面面質爽口，濕潤度剛好，配上秘密芝士醬，十分美味。我很喜歡珍珠奶茶，菓之店的香芋珍珠奶茶，珍珠有點硬，奶茶有點太甜，若果能自選甜度更好。由於天氣太熱，我們點了一客點指冰冰解暑。多款配料，任君挑選，加上芒果汁更美味。我們選了數款新鮮生果，小丸子煙韌美味，配料圍著中間是碎冰，所以keep住凍，上面是一球雪糕，多重口感驚喜，吃完配料，連汁都喝光，消暑解渴！菓之店整體，由裝修到店員，給人温暖的感覺，充滿人情味，街坊生意，支持小店。menu

葵芳食肆很多，但糖水店極少。基本上除了商場會有甜品店外，其他範圍都找不到一間好吃、好坐的糖水店。難得在商場以外見到間新開甜品店，除了新潮甜品外，亦有中式糖水，價錢亦算合理。雖然是夏天，但仍然喜愛滋潤的中式糖水。今次選了杏汁雪燕燉椰皇，夠晒滋潤，加上燕窩簡直是雙重滋陰潤肺。甜品賣相不錯，雪燕分開上，顧客可以按心情、喜好自行加放落椰皇內。行汁濃稠，不會水汪汪。杏仁味濃，內裏有蓮子，蓮子清甜好吃，呷一口暖入心扉。糖水糅合杏仁的香濃味道和燕窩的碎碎質感，口感順滑，絲絲可口。

菓之店 Fruity Land雪糕紅豆冰一飲椰香味濃郁，好似椰漿咁，飲幾啖再配加返雲呢嗱雪糕，將雪糕甜味加返係杯紅豆冰度，好出色酥炸芝士蝦球個皮炸得酥脆，用新鮮既蝦肉包著芝士，蝦肉夠彈牙加埋有流心效果，依個係食唔停口👍🏻👍🏻炸薯格薯格全部大大塊，份量多，薯格好有薯仔味，配泰式醬，有啲微辣，薯格即炸，口感香脆，好食士多啤梨窩夫賣相吸引,熱辣辣的窩夫加埋香濃凍的朱古力雪糕,伴碟有綿花糖，好Q，窩夫是外脆內軟,小朋友都鍾意食，仲有士多啤梨粒，酸甜酸甜，口感豐富。推介⭐️⭐⭐️⭐⭐

飯後散步經過呢間甜品店見到都幾多人食, 於是入去湊下熱鬧😁我哋三個人食, 叫咗香芒夜明珠, 熱嘅太極小丸子同埋酸辣豬皮香芒夜明珠味道係好似楊枝甘露咁, 但就多咗啲小丸子同一球雲呢拿雪糕, 擺盤相當精緻, 好適合打卡, 糖水底夠冰凍, 所以雪糕都keep住溫度, 唔會話好快溶, 另外芒果味好香濃😋配上口感煙韌嘅小丸子, 值得一讚! 另外太極小丸子其實係合桃露同芝麻糊所組成, 其實我真係好好奇佢呢個太極形狀係點樣整出嚟, 賣相相當精緻😍熱嘅合桃露同芝麻糊配上小丸子嘅口感非常好見到有酸辣豬皮覺得幾特別, 於是又叫咗一個試吓, 通常出邊食嘅豬皮都係咖喱豬皮或者麻辣豬皮, 第一次食酸辣豬皮覺得味道都幾特別, 鍾意新鮮感嘅朋友仔可以一試

今日去葵芳同客傾完嘢，個客話帶我去社區會堂附近食芝士撈麵，原來係間甜品店。門口放咗個牌，大大隻字豬扒芝士撈麵$33，仲有雪糕或者糖水送。店內光潔明亮，裝飾帶點小文青，俾人一種舒服嘅感覺。既然客人推介芝士麵，梗係要試試啦，加多條司華力腸都係$39一碟麵大家分享，蒜香豬扒大大塊炸到表面金黃，內心軟腍濕䦞。正呀！司華力腸咬落去個皮脆卜卜，唔會腍啫啫。一定要講吓個秘製芝士醬汁，唔會好漏，同啲撈麵又好夾喎。糖水揀咗椰汁涼粉，仲加多個雞翼尖。涼粉個椰汁充滿椰皇味，原來係用椰皇水替代清水打椰汁，特別清甜，係用心經營嘅小店呀。雞翼尖係客人叫嘅，平常都唔會食嘅，基於禮貌就夾一件試試，噢...入口有道好特別嘅味道，微微辣，清清哋嘅感覺，好好食喎，食唔停呀，卒之食咗一半！嚟到甜品店，叫返個甜品食吓。鮮果皇子係將新鮮水果，全部放响椰皇裡面，另上椰皇水椰汁。水果有：西瓜、紅肉火龍果、士多啤梨、奇異果、芒果、香蕉、木瓜。全部都好新鮮，加埋特製椰汁，味道好夾又好食！正呀！估唔到小店甜品、撈麵都咁好食。

週末去左平靚正既葵廣購物，一袋二袋行到攰攰地去左附近既小店坐下食下糖水。小店走文青風路線，樓底幾高環境都幾舒服！我們order了幾款糖水和小食share一齊食。🔸楊枝金露楊枝金露幾足料，小丸子、西米、珍珠份量幾多還有大大粒既新鮮芒果肉！沒有很甜，口感幾好不太甜岩灑我口味😋！🔸杏汁桃膠燉椰皇朋友揀左這個杏汁桃膠椰皇滋潤一下。桃膠份量多同埋好乾淨晶營掦透！我們三位女士當然要滋養下！由於是燉既關係令杏仁汁和椰汁很香滑，杏仁及蓮子味好出而椰子味亦很濃，夠養顏！🔸茉茶新地本身驚會好甜，估唔到個茉茶都都幾香濃野個飲品又唔會好甜喎，微甜既紅豆蓉份量都夠多，不錯！🔸酥炸芝士蝦球有驚喜的小食！ 個皮炸得酥脆，用左新鮮既蝦肉包著芝士，蝦肉夠彈牙加埋有流心效果既芝士，咸咸地幾野味👍🏻

有時都會去葵芳食下住家飯，通常食完飯都想食啲甜甜野😊近排先發現原來美芳街有間甜品店，為食嘅我當然要試下啦😇可能因為係住家飯，無乜味精所以無咁飽😁可以叫多幾樣野試下😋香辣豬皮平時我對豬皮感覺一般般，但見店員極力推介，好啦！就試下🥰 果然，豬皮配上少許辣汁感覺好爽好好食，完全推返一向對豬皮嘅感覺👍 必試👍👍👍椒鹽雞翼椒鹽雞翼調味剛剛好，唔會太鹹😋 最緊要係雞翼肉汁仲保留住👍👍👍食完鹹點要食甜品喇😎 由於出面太熱🌞食個鮮果涼粉刨冰先😍真係好多生果❤️火龍果，香蕉，木瓜，奇異果，芒果，西瓜😍 再加上椰汁涼粉😋真係好消暑😜再食個香蕉窩夫配芒果雪糕😝 淨係賣相已經夠靚😍 窩夫又香又脆，點少少芒果雪糕就更爽呀👍👍👍另外不得不提甜品舖啲店員真係好好，絕對可以令有選擇困難症嘅我，輕鬆叫到好野食🌟🌟🌟🌟🌟

好多人去葵芳只係識去葵涌廣場搵食，今次比我搵到喺葵涌廣場附近呢間超高質糖水店菓之店，離葵涌廣場只係幾分鐘嘅路程，價錢經濟，性價比高菓之店嘅食品選擇好多，有西式嘅窩夫，中式糖水，榴槤系列，椰皇系列，除咗甜品之外仲有鹹點，有小食，撈麵等等鍾意食榴槤嘅我點可以錯過榴槤系列，我哋叫咗兩款榴槤嘅甜品第一款係榴槤奶凍$46就咁睇個名就似係奶凍入面有榴槤餡，但錯了！鮮榴槤肉係同紅色火龍果浸喺自家製嘅椰汁裏面，椰汁無添加任何糖水或者糖，所以會食到好香嘅椰子味！大家可能會覺得榴槤配紅肉火龍果會好奇怪，仲要加埋椰汁添！但我可以好肯定話比大家知個味道出乎意料地夾！而且榴蓮肉超香甜，榴槤份量都好多，個奶凍都好香好滑，$46來講性價比超高第二款就係榴槤王子$56材料包括左小丸子，水晶珠，椰汁！滿滿嘅榴槤肉加埋小丸子，有啲似食緊糯米糍咁，配水晶珠同椰汁就好似食緊榴槤西米露，一個糖水有兩款唔同嘅味道同口感，非常推薦由於晚餐食得唔係好飽，所以除咗以上兩款糖水之外，我哋仲叫咗兩客小食酸辣豬皮 $26酸酸辣辣嘅味道加上爽口嘅豬皮，估唔到又幾好食，呢個配搭都係一個新嘗試，創新得來都有驚喜香辣雞翼尖 $26辣得過癮，味道比得

附近吃完晚飯，經過時見到這家甜品店於是就入內光顧。葵芳附近的甜品糖水不多，主要都在大型商場內，所以在街上見到何不支持一下。炎熱的夏日晚上，點了一個 紅豆奶皇(凍) 消消暑，點熱的我驚真的會中暑。賣相真的很重要，正所謂唔食得都睇得。入口冰涼 帶有陣陣奶香，奶凍滑溜不會過實，而紅豆不會過諗，還有粒粒的紅豆口感，亦不會過甜。一口吃下後，椰皇的清甜由舌後湧現，感覺清新消暑。丸子非我喜歡的食品，不過都唔錯。以後還會繼續光顧。

小店離地鐵站大約7分鐘路程，先經過葵涌廣場再經過天橋再過馬路就到達，看來附近只有他一間糖水店，附近亦都有很多小菜館，可以食完正餐再去食糖水亦是不錯的選擇。當然大家亦可以好似小妹咁，直接去食當正餐，因為小店除了售賣糖水之外，都有提供小食同撈麵選擇。.1️⃣今次叫咗一個芝士撈麵配豬扒加司華力腸（$47）加配西瓜汁（ $8），西瓜汁係由新鮮西瓜打成，沒有加太多水去溝淡，所以味道相當清甜。撈麵比較乾身，略嫌芝士汁唔太足夠，但係豬扒煎得金黃鬆軟，私華力腸亦都炸得啱啱好。.2️⃣小食：香辣雞翼尖（$23）香辣豬皮（$26）低辣度，相信大部份人都食到，一大班人叫就適合不過。.3️⃣雜果小丸子刨冰+椰汁（$43）雜果好足料，有奇異果🥝香蕉🍌紅火龍果；芒果🥭木瓜；西瓜🍉熱辣辣嘅天氣之下食呢個相當解暑，再加上煙煙銀銀嘅小丸子有一點咬口增加層次感，不錯喔！.4️⃣抹茶新地（$35）呢個比較飽腹，抹茶打得結結地味道濃郁，所以味道上都會比較苦，但當中紅豆嘅甜味可以中和一下，另外亦都可以將雪糕加入去調校番甜味。

今晚外賣了一碗芒果涼粉但發現該碗糖水只得三粒芒果及半碗涼粉其餘只有糖水，該碗糖水要$31成碗糖水得這樣份量要收三十幾元，大家要光顧真係要小心一點！我是第一次光顧就得到這個經歷!各位要光顧朋友真是要小心一點呀！