富都茶餐廳

Open Now

Now Closed

表而小透明叉燒, 外面小小似唔硬既焦糖, 咬落裹面有肉汁唔UN, 超水準!!!不過唔係次次都食得到咁正, 睇大家運仔, 唔使等位就可以試下..如果食小棻就好低, 之前食過, 推介2人餐, 八十幾有湯, 飯, 送, 同埋野飲, 我就覺得幾大碟. 味道冇驚喜, 但係都開胃食晒, 飽到想訓覺. ........ 湯係送燉湯, 飲落淡淡地, 應該冇味精!!!!! 正!!

　　今晚又要一兜友自己開餐，不自覺咁行到嚟屋企附近幫襯開嘅富都。　　一向有幫襯開因為方便，同埋鐘意佢夠鑊氣。　　但係今晚就跌晒 Watt，扣晒分喇。　　叫咗個黑椒雞球炒麵，鑊氣依然，炒麵夠脆。　　但係衰在啲雞球竟然切得好鬼大舊，唔方便放入口之餘，仲要係一嘅味道都無。即使冰鮮雞都會有雪味，如果矇住眼放入口，實會估十世都估唔到食緊乜。除此之外，成碟雞球 Size 各異，但係質感就一致，都係韌到咬唔開。　　咁夜收工自己食飯已經唔開心，仲要慘到幫襯開嘅食肆大跌 Watt，真係離晒大譜黑到爆。　　就今餐而言，完全唔及格，仲搞到可見嘅將來都未必再有心情嚟食添。

之前都有去富都吃，但係去大霸街個間吃。今日食晏在眾安街見到富都，我估都差唔多，下午茶餐…乾炒牛河，等了15分鐘，份量少了，炒得幾好，吃落唔會好油，我坐了卡位，不幸地門口不關，打開住，搞到我邊食邊鎮，吃完即閃。

十二月上旬荃灣這舊區，燒味舖真的不少，躲懶了半天，吃碗燒鴨瀨才回公司。午市人流極旺的眾安街，坐下來點下餸，很快有得吃，瀨粉與鴨髀分開上，前這是不會想回憶的人工合先味道與質感，已知這裡只得鴨無鵝，也總不會出現燒鴨價吃到靚鵝髀的情況，鴨髀吃起來皮不脆，瘦鴨子肉質實淨，吃完印象不太深。$35左右，勝在夠飽，如想吃好一點的燒味，側邊的廣東燒味會好一點。

差差差諗住有燒味食同好似幾好咁午飯時間人流ok招呼十分差!!!侍應生竟然用手指插入茶中比我就算吾怕豬流感都怕妳去完廁所未洗手啦食物質數十分普通,燒味師傅又吾載手套切野用佢隻鬼手按住黎切....唉凍奶茶十分吾得,仲衰過飲齊清茶收錢時我比100蚊左睇右睇,又話太舊吾收!!!!我不如買d新冥通燒比你地啦

2008年12月21號 - 下午1點半左右今日決定去工展會。 但是去維園之前去左我成長的荃灣。 見肚餓就找餐廳醫肚先。 不過見到週圍D餐廳都好滿。 所以行到眾安街先見到比較少人的餐廳。 入左去就看看有什麼野食。開頭都覺得好難揀, 但是拉尾決定食個叉燒燒肉飯+熱奶茶 (HK$32,-)。 價錢都算貴。 不過算la。奶茶來先。 Um。 都OK。 不過無突出的地方。 一會兒之後個飯來la。 首先講個賣相先。 我覺得廚房師傅好用心地把D肉排放在D飯上面。 一點都不覺得求其。 賣相好好。 值得贊的! 試埋個味道先。 Um。 反而覺得比較普通。 同其他餐廳差不多。環境方面都OK。 地方size比較中等。 但是有電視看。 都覺得舒服。

又嚟晚市,要二人套餐.一個沙爹牛肉煲,一個啫啫雞煲.今晚燉湯又係參,唔敢飲太多驚瞓唔着.啫啫雞煲先上,吱吱咋咋好香,雞好少,蔥頭蒜頭就多,而且骨多過肉,啲肉又冇味.沙爹牛肉煲啲牛肉好大塊好腍,但我比較鍾意食嗰啲金菇同粉絲,好有味.臨走先知原來碟油菜可以加$10轉碟炒菜.

喺荃灣周圍行，行到嚟見到呢度又有間富都，望入去見到不論裝修，制服等都一樣就入嚟試吓，坐低發覺原來呢間多好多野食添，有扒据咖，而且所有價錢仲要平過嗰間添．今次食二人套餐＄７６，有兩個燉湯，任選兩個小茶外，送多碟油菜，白飯兩碗及餐飲兩杯，超級抵！