富東粵菜 (Closed)

同事生日, 老細話事, 拉隊去灣仔飲茶, 其實點心的選擇不多, 老細, 你搵我地笨呀!!1) 豬潤腸粉, 豬潤切得極細, 手工好味道好, 腸粉好幼滑2) 蝦腸, 蝦新鮮（冇照片）3) 奶皇飽, 新鮮熱辣時幾好味, 攤凍就唔掂4) 薑汁燉蛋, 唔係好掂, 好重菠蘿味5) 煎蝦餅, 超多油, 好難頂!!!! 絕對唔叫得!!!6) 鵝掌, 我冇食, 同事話OK7) 咖喱牛筋, 又係好唔掂, 牛筋好嚼但唔係用咖喱煮囉8) 山竹牛肉, 一般9) 魚肚, 不錯, 值得一試10) 排骨陳村粉, 排骨幾好味, 陳村粉麻麻11) 豉椒魚雲, 有點辣, 值得一試12) 蝦餃皇, 味道幾好, 但皮唔係好掂13) 菠蘿餐飽, 真係有菠蘿的叉燒餐飽14) 棉花雞, 一般（冇照片）15) 燒賣, 坊間水準之上（冇照片）可能唔係食鮑魚關係所以招呼麻麻, 而且禮堂極高, 大家都要壓低聲音談話, 有點掃興!!!如果唔係老細請, 我唔會再來, 價錢幾貴!! 不吃鮑參翅肚沒有小菜燉湯埋單每個人平均都要百幾!!!

上次去午市飲茶，D野食只屬一般，但係有個waitress態度勁差!問佢野唔耐煩，既然係酒店入面既食府，態度應比出面好，價錢又唔係平，我唔會再去了

(7&15/4/07)2:00-3:00下午茶時段點心半價,o係酒店內的茶樓應該唔差得去邊,所以連續兩星期都來。點心紙上的東西試晒咁滯。黃沙豬潤腸k唔錯,所以第二次食埋米皇齋腸粉:皮真的很滑,甜醬未o黎已食晒lu蟹肉小籠包:無乜蟹味,皮o麻o麻地蒜香炸春卷:不是太肥大,勁蒜香!富東蝦餃皇:很多鮮甜爽蝦,皮厚薄適中柚皮蒸排骨&陳皮牛肉球:可以不吃,太一般了,牛肉球唔靚蘿蔔煎魚餅:好好味!蘿蔔爽甜,混入魚餅,煎得很香(不過第二次食,迅色左d。金牌流沙包:3隻一籠,咸蛋磨得與蛋黃混為一體,甜度適中,必需襯熱食。瑤柱煎蘿蔔糕:很難食到算多蘿蔔既蘿蔔糕,但質地太腍菠蘿义燒餐飽:皮薄餡靚,菠蘿夠脆蜂巢炸芋角:唔多芋蓉,餡似咸水角,太咸,唔多喜歡鮑汁炆鵝掌:炆得夠腍,鮑汁唔似寒貨的蠔油汁,唔錯吊片豉油皇炒麵:最鍾意食似粥鋪的炒麵,份量唔野少,雖然唔係d咩名貴材料,都係韮皇、芽菜、魷魚,不過炒得很爽身,可惜太飽,要留肚食甜品玫瑰豆沙角:又係出色之作,淡淡的玫瑰,豆沙不太甜,「咸水角」皮很軟熟生磨杏仁露:蛋白絲絲,杏仁非常!!吃過咁多甜品店的,呢度做得最好@$72 & @$65

午市來飲茶並不便宜，大點要$26，普通的炒粉麵飯要接近$90。不過附近的寫字樓白領間中過來則還可以，起碼這裏有位不用等。點心選擇不多，而且差不多全是傳統點心，想試創新的就會失望。個別點心分量亦似乎偏小，例如流沙包一籠只得兩小個；說是糯米雞，其實是珍珠雞，而且只得兩小件。不過食物質素算是不錯，味道適中，沒有太濃/偏淡的情況。以「阿一高徒」之名招徠，雖然整體來說不覺得特別出色，不過可能要試名貴菜式才見真章。

真係好中意係呢度晚飯，所有餸都沒有味精。第一次去試的話建議食炸子雞，全香港整得最好食。不過偶然也會失手（笑）睇你運數。除了炸子雞，上湯菜膽雞同金華玉樹雞都好好食，金華火腿一Ｄ都唔鹹。好過好多上海菜的名店。至於食翅同燕窩，留待公司請客時先叫啦！最近的時令菜式魚唇米鴨都唔錯，已經吃過三次了。三人份量的煲仔飯都只係$90，我並不覺得貴。當然，來這地方冇理由只吃過煲仔飯便走人。中午飲茶，流沙飽最好食，其他有點平平無奇。

昨天同事請食lunch,話呢間好食,係阿一個徒弟開,有好多老闆級既人來食,講到咁,咪跟大隊去見識下.我地只係食飲茶叫既野,(冇食鮑魚同翅),炸九肚魚,炸墨魚餅,菜心,小籠包, 等等都好好食.服務亦好好,環境唔錯,樓板高,坐得唔迫,幾舒服.因有人請,唔知幾錢.

first, 'ar one' abalone is not that good to start with, if i have to go for nice cantonese food, fook lam moon (wan chai) is always my first choice; what i want to say is i dont understand why so many people branded themselve as 'ar one''s student, to me, its a anti-marketing tool!food is tasteless, sharkfin's only up to maxims's standard, nothing special...and their so called speciality, duck feet...its not even worth to mention...over cooked in pressure boilers...the whole thing is just a lump

其中一位老闆很喜歡來這裏宴客,更與老闆娘頗熟稔,因公事應酬也來過好幾次,最出名的桂花炒魚翅和炒燕窩都食過,不覺得很好食(可能我唔識食),尤其是燕窩,總是覺得甜食(鮮奶燉)最好. 反而其他手工小菜,如蝦籽柚皮是相當精采(我平時是不吃柚皮的),其他如牛尾煲(也是平時不會吃的)和有個招牌炒飯也很好味. 不叫那些鮑參翅肚不會太貴.

2006.01.01 午元誕日工作到下午一時以後, 到達已接近二時了. 選點心時竟然看到幾隻字寫著二時後所有點心半價, 真是意外的驚喜.吃了多款點心, 整體感覺是比上不足, 比下有餘. 定價是五星級的, 出品有點質素, 但用料就未到位. 不知他們的食油是不是用來炸很多不同食物, 味道不純. 肉類偶然亦吃到一點雪樻味. 這些問題在很多食肄十分常見, 但在任何高檔食館都不應發生! 侍應很有禮貌, 但明顯沒有接受過嚴格訓練. 有一次上菜時侍應竟顧著執拾旁邊的檯面而隨便讓傳蔡嬸嬸把菜放下, 我個人不會斤斤計較這些小節, 但這裏是酒店的中菜廳啊!不過, 話說回來, 半價後價錢僅是中級, 一切都變得合理, 所有問題都可原諒. 但付十足價錢的顧客會怎樣想? 以出品質素論, 價錢可能應是正價的七成左右, 十足價錢應有更好的選擇但半價便相當超值. 總而言之, 如是全價我會對絕大部份點心失望, 半價則吃得相當開心.最欣賞的是腸粉, 我們先點了牛肉腸, 粉很香滑餡料也清甜, 覺得不錯便再加點了豬潤腸. 結果簡直要讚嘆. 豬潤香濃爽滑, 有沒有吃過這麼好的真是疑問. 另外即叫即煮的蛋白杏仁茶香滑清甜, 也是

成兩日無見過, 有啲掛住阿大人, 於是約佢出黎飲茶, 天水圍特登出黎灣仔, 都算唔話得略, 見老闆放假去左旅行, 於是應承大人去食好啲, 舒舒服服歎個靚荼, 一於晏啲返公司, 乘機蛇下王先家下唔知係咪年紀大兼少運動, 唔係好食得油膩嘢, 所以好少去飲茶咯, 不過好彩公司附近有間華美酒店, 呢間野擺明就只得3-4星左右, 不過佢嘅中菜部富東粵菜就唔錯, 個主厨係阿一鮑魚楊貫一嘅入室弟子, 啲野食幾好味, 無乜味精, 而且一啲都唔油膩, 啱我去親富東飲茶都一定點兩樣野: 鮑汁扣鵝掌, 帶子腸鵝掌係一客一碟, 每碟有一隻鵝掌加半隻細但厚肉嘅東菇, 只係$18, 但啲鮑汁真係好味到唔識形容, 唔知係咪阿一嘅秘方呢, 啲鵝掌炆得十分入味, 超稔, 請過阿爸阿媽契媽同事師兄同公司嘅客食, 全部都話誇啦啦架咁點解叫腸粉呢? 其實咪又係貪佢唔油膩囉, 而且好滑, 滑到好似會sir落喉嚨咁, 雖然帶子唔係特別靚, 但比起蝦牛义燒, 帶子味道特別清同稔... 今日仲叫咗豆苗帶子餃(4隻), 蓮蓉蛋黄壽桃飽(1大隻), 流沙飽(2隻), 珍珠鷄(2隻), 連埋荼介加一等共計$270左右, 食到成2點8, 真

老闆請食晚飯, 有機會品嘗招牌三炒未食之前看到這裡對炒魚翅的評價一般, 吃完之後深表贊同, 的確是純粹噱頭之作至於炒燕窩亦不遑多讓, 其實感覺上這兩味小炒的味道差不多, 有點像吃炒蛋而已, 用上魚翅和燕窩炒蛋, 吃完後覺得很浪費, 還是覺得湯翅好值得一讚的是第三炒-炒飯和那條老鼠斑, 炒飯用新加坡豉油去炒, 不油膩, 味道很好而老鼠斑肉質很滑, 愛不釋手實際上吃了多少錢不太清楚, 只有老闆才知道服務方面很不錯, 可能因為我們是上賓吧, 哈哈環境ok, 只是窗外沒有風景可言整體來說, 不過不失

A friend reserved this place for lunch. It was quite empty when I arrived around 12:30, but it filled up gradually and was full later.The restaurant is small and tables are set quite close to each other. You can hear the conversations of people sitting two tables away. Luckily our table was against the wall, so we were able to carry on a quiet conversation.The waiters here actually look around to see if people are waving for them, unlike in some restaurants where waiters avoid eye contact, p

看了廣告, 便想試一下阿"二"的徒弟水準如何, 一試就覺被搵笨了. 既貴又唔好食, 除了"搵笨"外找不到其他形容詞, 唔怪得要經常賣廣告, 因回頭客少之故也!問朋友點解阿"二"的徒弟唔掂? 他說其實真正阿"二"的徒弟不多, 僅一位而已, 其他的都是付錢買回來的, 就好像"Franchise"特許經營或加盟經營一樣, 只是名稱好聽一點, 話晒是"徒弟"~! 加盟"麥記", 佢都會教你煮漢堡飽啦! 唔怪得知阿"二"的徒弟愈來愈多, 相信誰付錢愈多的就俾佢跟出跟入,見報率亦多.....原來如此!有可能是這店的"加盟"時間長, 故得到的"照顧"亦多! 但真功夫就有限了!!!

完全同意"牛油果" 的食評, 付出同樣的價錢, 實在有太多更好的選擇了......路邊社消息話佢每月的廣告費達幾萬大元, 唔知道的以為佢的採訪是真的慕名而來, 殊不知資本主義社會大多是錢銀交易換回來的...還要天天放在門口招搖撞騙.

之前聽幾位嗜食o既同事對呢度o既點心讚譽有加，見佢都幾近老友office，就決定黎試下。周四o既午餐時段，人都唔少，有九成滿座。老友先到，早已剔左四、五樣點心，我黎到佢又雙眼放光咁問侍應再要點心紙，結果兩個女仔叫左八樣點心！先黎o既兩味係蝦餃同炸九肚魚，味道相當唔錯─蝦餃皮薄餡靚，蝦肉好鮮味；九肚魚外皮炸得夠鬆脆，完全唔腥，亦唔太油膩，幾得！珠玉在前，滿心以為跟住幾味都唔差得去邊，點知連最普通o既油菜都好唔掂─相信係切菜o既砧板唔乾淨，令菜葉有股異味﹝為此，乾淨方面o既評分只有一分﹞！咸菜豬肚湯o既豬肚有一陣腥味，令湯水亦帶有少少異味，一人試左一啖就放棄了。流沙包o既內餡本來都唔錯，雖然近皮o既一圈凝固左﹝相信係擺放得太耐至蒸所致﹞，但都算好流同好多餡，味道係Ok的，不過層皮就幾差，薄得黎實的的咁，而且有少少韌。蘿蔔炆魚肚係比較好o既一味，湯味清甜，魚肚份量亦幾多，不過蘿蔔就少D。黃沙豬潤腸粉就係普通貨色，D潤其實唔係太起沙，而且有少少過熟，食落有D硬。最後一味係錦滷雲吞，個雲吞o既外形有D似細個o係街邊炸魚旦檔食倒果種炸雲吞皮，平平的，幾易入口，可惜個餡竟然係一舊「乾箏箏」o既叉燒！