富華冰室 (港晶中心)

Open Now

Now Closed

等位時已經同咗個阿姐講小朋友過緊嚟，我入咗去落單先，佢點頭，咁當佢ok啦。坐低咗唔夠5分鐘催咗7,8次，然後揾個態度奇差嘅阿叔出嚟趕我走，我當時仲心平氣和，同佢講我可以落咗單先，小朋友响科學館路口過緊嚟，佢都話唔得，然後叫其他人過嚟坐，趕我走。我真係俾佢激到火都嚟，廢事一陣屋企有大有細俾佢加料，我就起身話唔食啦！個阿姐仲串咀話：「唔食咪唔好食囉！」我離開咗間嘢响門口已經見到大家（3大3細），朋友仲拖住個5歲女趕過嚟時整親手！呢間嘢咁串你唔係仲去幫襯佢吓話！

首先要講食物質素已經麻麻地，杯熱檸茶苦到不堪，顏色混濁似坑渠水，達到唔合格嘅邊緣，啲員工仲要用以下方法對客人，呢D係呃唔到人嘅大話。我哋兩位入去見到張卡位想埋去坐.有個女仔話:你哋兩位坐另一邊(不是卡位)，果道有四位嚟緊，跟住我地照佢意思坐另一面，唔夠五分鐘之後有兩個人入嚟坐了在剛才的卡位，我keep住睇他們會不會再有兩人進來，最後差唔多半小時後再沒有人來，同時食物都食完，結果肯定是個女仔老作。(時間是星期六的下午四時至五時不是煩忙時段)

去完科學館勁肚餓，就去左尖東果頭搵嘢食，之前因為自由行，喺果邊嘅食肆一律都唔會入，今次有幸見識到自由行式服務態度，我真心覺得如果我係遊客，見到佢地咁款就真係勁討厭港式茶餐廳今次重點講嘅唔係食物，佢地嘅食物正常的，湯麵湯底同麵質都係極普通嘅水準，無話難食到狗也不吃不過由碗麵嚟到開始後，只要你一停手，啲待應就會伸手收碗狀再問你：食完啦？我第一次比人問係食左碗麵1/3左右，然後只要一停手，阿姐就想收嘢，食一個湯麵喺20分鐘內比人問左3-4次，火都嚟埋⋯咁想客人走嘅就唔好做堂食啦！問一、兩次都算，問3、4次就覺得好煩好討厭！以為絕對唔會幫襯，外賣都一定唔會！

今日夜晚搵架間餐廳0食附近好似都冇乜餐廳之後就揀左之間冰室美食初頭第個樣見到正正常常就走左入去試一試點知中哂伏啲野難色不特止嗰啲員工臭串到爆有黑人爭勁冇禮貌趕人走啲嘢食上得慢 有次嚟食得個半個鐘頭港人港人走 收工收工 好心間野執左去冇累人啊

$4x個早餐有菠蘿包同蕃茄火腿通粉，跟野飲。個菠蘿油係唔錯，可能朝早新鮮出爐，牛油嫌佢唔夠厚，反而個通粉就麻麻哋，湯底好淡，冇乜蕃茄味，價錢有點偏貴，平時早餐三十幾，呢度要$40起跳

又到食中午飯時候，係尖沙咀東港晶中心搵左間「富華冰室」茶餐廳食野，間餐廳幾大好多人幫親，又多枱，我點左一碟招牌燒味四寶飯和一杯凍奶茶，d燒鴨味道好正仲係暖嫁，成碟份量都幾多，岩晒大食人士，杯凍奶茶都幾大杯，飲唔晒。快，靚，正

食食下蛋撻，見到酥皮入面有條黑色毛髮🤮🤮🤮🤢🤢🤢🤢🤮🤮 原本都覺得佢啲嘢唔錯，見到咁嘅衛生真係嚇親😵‍💫😵‍💫如圖🤢🤢🤢🤢🤢🤮🤮

食過3次特餐，次次啲包都係凍又硬，都算。頭兩次嘅包都呢做食得，今次呢個真係唔知乜黎。問啲侍應佢同我講係正常嘅，有問題你咪唔好食青綠色嘅包真係未見過，可能係我見識少。

今早係尖沙咀的富華冰室食早餐，食物質素好一般，但最難頂係服務態度，張單寫退炒，咪問服務完個餐唔係跟炒蛋嗎？服務員拋個餐牌落張枱同我講您自已睇清楚。我才彷然大悟原來退炒=火腿炒蛋。明明餐廳張單寫錯字，仲大大聲叫客睇清楚，果然服務一絕。總結得一個字 ..............................。

本人首次為這餐寫食評，真係嬲到爆炸！ 話說本人及友人叫瘦义飯（下午茶餐），瘦义雞"瀨"(雙併要正價），有個女伙計（短髮，之前食過幾次態度都係差）寫單後，友人發現單上打錯肥义飯，瘦义雞"飯", 但說時遲那時快，男伙計已把食物送上來，我們說是要瀨粉，男伙計即時跟進，但那位女伙計知悉後，竟然怒目著我們，並跟另一名女伙計說我們不知是什麼人。。。。 然後幾次路過我們的枱也目露凶光的盯著我！ 我想話您落錯單，我都未嬲，本來都冇乜大不了，但你自己落錯單，仲要鬧返個客，有冇攪錯？？！！ 比錢食野仲要受你氣，以後都唔會再去幫襯，好食嘅茶餐廳多的是！！！

放假去開尖東個頭，想食番個港式茶餐廳早餐，但點知今次揀左間令人失望的餐廳。✨豬扒公仔麵豬扒味道過咸，黑椒味好重手，雖然size算大塊但味道麻麻，價錢要四十蚊亦比一般茶餐廳貴。✨全日早餐早餐望落好大份好豐富咁，點知味道令人失望。炒蛋入口唔滑而且味道仲好咸，沙律菜唔新鮮有苦味，菠蘿包個皮已經腍哂唔脆。惟一炸魚柳比較正常，size夠大同埋脆身，但味道都喺普通，無咩魚味好淡口。下次都唔會考慮再來呢間食，唔抵食亦都唔好味，同一價錢附近餐廳應該有更好選擇。

收爐嘅第一日即刻約歡樂組長食個早餐因為WFH好耐冇食早餐，所以食個好耐冇食過嘅邪惡五香肉丁公仔麵先歡樂組長話佢每次黎親呢度都係食菠蘿油佢話好好食，不過我覺得好似好肥咁但係，我咪又係五香肉丁都唔係好得好多😆而且仲有餐包炒蛋食🙈佢哋個餐包係好似墨西哥包OK嘅炒蛋都可以加兩塊火腿五香肉丁公仔麵加一塊生菜都幾有誠意嘅今日已經好滿足喇😌好耐冇見歡樂組長，大家吹吹水傾吓近況所以茶餐廳就最啱我哋😆😆😆

星期六要回辦公室工作，早上在尖東麥記吃早餐時望到富華午餐有韮皇蝦仁炒蛋，之前在富華食過其他食品覺得不錯，自己又喜歡吃蝦仁炒蛋，還有韮皇，所以決定一試。由於午飯時間很短，只有一小時，計埋路程實際只有40-45分鐘吃飯，原本可以留在辦公室吃能量棒就算，結果選擇試食這個午餐後，最後失望而回，未必會再去。一份午餐有湯、有飯、有飲品，幾十蚊差唔多，加上富華的份量充足，其實都OK。那天我其實無乜謂口，所以叫了少飯，但份餐依然一大碗飯的份量。伙記送來碟飯，感覺很大份，炒蛋很多，見到很多青蔥，韮皇有少少，吃了一啖炒蛋，完全淡味，之後再翻下，結果竟然⋯只有一粒蝦仁，成碟飯就只有一粒蝦仁咁大把。我問伙記，佢話廚房隨手畀幾多就係咁多，由於時間有限（我趕時間返辦公室），沒有特別要求更換；我心想伙記會主動更換。最後問伙記要了碟薑蓉送飯，吃了一半就埋單走。

發現了係尖沙咀區超抵食的早餐。位置係紅磡往尖東條橋，一落就係「富華冰室」港晶中心。-我叫左一個$37既早餐😍真係超值！-$37 包左羅宋湯午餐肉粒通粉，菠蘿油，同埋飲品！菠蘿油熱辣辣。湯粉都好入味！有機會再去開果頭，我一定會再幫襯🤤

今朝要返尖東Office，時間失咗預算，所以是是但但搵咗間乾淨茶餐廳，快快脆脆食個早餐。早餐：招牌沙嗲牛肉麵 $37，收費無投訴。火腿配北海道牛乳炒蛋，個蛋炒得唔算好靚，可以再juicy啲。自家製出爐麵包今日係菠蘿包，新鮮熱辣，細細個，味道唔錯。沙嗲牛肉份量適中合理，厚薄度恰到好處，肉質嫩滑鬆軟，食到有好香嘅花生味。公仔麵雖然唔係出名果個牌子，但爽口彈牙，口感不錯。麵裏面加咗幾條生菜，出面好多食店都節省了。食茶餐廳基本上無特別要求，呢間算係中規中矩。