富粥

Open Now

Now Closed

老公病左無番工放工打電話番屋企問佢想食乜佢話想食樓下富粥明知呢間野外賣要等10分鐘以上不過見佢係病人就算啦買畀佢食平日佢負責買畀我食有時會買我最唔鍾食嘅豬潤今次我買，當然揀我鍾意食嘅野我要左牛肉肉片生滾粥with墨魚丸+雞蛋魚片腸粉粥有好多牛肉同豬肉片大大塊好足料墨丸要加$4，不過都有2粒算唔錯粥嘅味道尚算鮮，唔會太大味精味又唔會太淡富粥最有特色莫過於佢嘅腸粉又於即叫即整嘅關係，次次都要等5-10分鐘而且配料可以有不同配搭其中我最愛佢嘅雞蛋腸粉～腸粉滑得黎帶蛋香好好食！不得不提佢嘅腸粉豉油非常香！係腸粉嘅靈魂！

以前細細個跟屋企人反大陸我都會特別order「皺皮腸粉」因為真係好好味😝2，3年前係Apple Daily 介紹腸粉俾我發現到原來香港都有我嘅童年回憶之後就耐唔耐會同朋友去食呢度嘅腸粉同粥種類繁多我最愛❤️雞蛋碎肉腸粉加上秘製豉油完全上頭豬潤粥好甜粥底好滑開咗分店之後水準好似冇以前咁好希望無論幾多分店都可以keep到我第一次去食嘅味道多謝2位老細幫我回味

在香港，食到的粥好多時乜經變得公式化，味蕾都變得遲鈍。今日經過呢間粥品店，主力是台山腸粉，一定要試下，果然不出所望豬潤腸粉 ＄22有縐摺的腸粉，吃起來彈牙得來又不失嫩滑，樣子比較有趣豬潤大大舊，新鮮嫩滑彈牙有潤味，正！香煎魚腩粥＄29綿綿的粥感不錯喔！！很有小時吃到的火喉粥品魚腩煎至金黃色，香口，又滑漏大碗足料，食到好飽

早說過在土瓜灣生活了超過30年，就算家陣都會經常過去探望母親，而偶爾有空，都會四處逛，緬懷一下昔日的光景。當年的牛房都已經活化了，但總是覺得空氣中殘存有牛糞味。富粥就在牛棚附近，平日的下午沒多少客人，望望店內，竟然有深圳常見的台山式腸粉。及第粥餡料有肉片、粉腸及豬膶，用的是廣東開花粥底，料是新鮮，但粥底食落似乎有師傅，因為口好乾。牛肉腸即叫即蒸夠認真，要加分，落粉漿時加了蔥花及芽菜，令口感變得豐富，又是一個加分位，雖然廣東式賣相會比較滑溜，但吃起來卻一點都不差，只嫌牛肉味道稍薄，基本上令人滿意。

剛開業時常常光顧，覺得是有心的小店，老闆態度友善，粥品腸粉有水準。。。但此情不再。。。不知是否因最近在紅磡開了新分店，老闆分身不暇，未能两邊兼顧。。。導致土瓜灣總店水準下降？。。。粥底起粒粒，並不是慢火煲至米粒開花果只，而是好似溝入米飯加熱變成粥糊果只。。。而且仲好咸，無晒米香。。。好失望。。。真心希望老闆可改善，因想繼續支持。。。唉

Rice noodle roll, also known as CHEUNG FUN. Usually can find in Chinese tea house which really rolled up. However the one selling here is not the usual one. No rolled up and just a big piece of rice noodle. Other gourmet say this is Toi San (somewhere in Chinese) style. You can freely choose the ingredient. I picked BBQ pork and egg. Then chef will add them into a tray with rice milk and put into steamer . Serve with soy sauce.You can see the rice noodle is super thin. Just like a silk steamed.

因為鄉下係廣東，所以從細食E種腸粉食到大。平時飲茶都係布拉腸粉，已經食厭。甘啱果日行翻屋企見到有間鋪頭竟然整E種腸粉，就有心要過黎食。諗住當晚飯，所以諗左好耐都未諗好食咩。最後叫左皮蛋瘦肉粥同即拉碎牛腸粉，外賣。等左6分鐘，連粥都係新鮮滾熱辣。的確係即拉&即整。相唔記得影...粥嘅話皮蛋好大件，份量夠。瘦肉係一件件，並非瘦肉絲，一碗好有份量。唔會好傑。啱曬我口味。腸粉皮啱啱好，唔算太薄，都唔係太厚。有小小透明，比我鄉下果種要好D。碎牛夠多，夠正宗啦。不過豉油多左D，我覺得有D咸。值得推介去食啊！by the way，粥17，腸粉14，食到好飽～我見有人食佢嘅自家製煉奶涼粉，都幾正下，12蚊，下次試下。

週末下班後玩隨意往九龍城,可是往九龍城的小巴人龍實在長,又即時改坐班次較多的土瓜灣紅VAN,往土瓜灣吃什麼好呢??牛棚附近的富粥台山腸粉!!姨姨以前曾住土瓜灣,這邊街道對我來說也蠻熟識,要找這小店絕無問題!街角小小食店開宗名義把兩款鎮店食品寫在門前黑板上,裡面陳設簡單也很街坊,其實也真有點內地食店風味。入座時剛剛遇上賽馬剛剛開跑一刻,為免阻人發達唯有耐心一點了,男店員不太主動招呼,不過點菜時也蠻有禮貌,看著貼在玻璃窗上的採訪,原來剛才的男店員就是是2位年青老闆之一,失敬失敬!為著台山腸粉而來,第一時間來個豬膶腸($17),從雜誌採訪知悉這種台山腸粉並不是以布拉腸粉手法製成,而是利用如抽屜的蒸櫃蒸成粉皮再推成如皺紋的腸粉,這種蒸櫃早在多年前的大圍小食也見過,因而不感陌生。豬膶腸粉絕不只有豬膶,當中加入不少蔥花,讓腸粉多點蔥香更為美味。摺紋密集的台山腸粉有點厚度,QQ的仍有柔軟彈性,以腸粉口感來說確是不俗的,尤其其皺紋比一般平滑腸粉更能沾上豉油,像我這些豉油怪更感滿意。腸粉裡的豬膶數量不多,有點厚切仍蒸至全熟,只是不是用上爽脆黃沙膶及加入薑汁僻味,不然口感及食味更佳。 一碟腸粉當不能滿足胃

早前在蘋果日報見到介紹這裏的潮式腸粉，由於我未食過皺皮的潮式腸粉，因此便特登來這裏一試。我們叫了雞蛋叉燒腸($17)及豬膶腸($17)。這裏的腸粉質地不太滑，豉油不太甜，添加了麻油，我不喜歡，因為我的主張是一碟菜色如果本身是美味的，是不用添加麻油的！而且雞蛋及叉燒也只是一般。豬膶大塊，份量也多，但不夠爽。總括而言，非常一般，試過便算。

咁岩經過土瓜灣。所以就顺便試下黎呢到食个腸粉。之前上網睇到。同我細个食嘅腸粉一様嘅整法。我好期待。但可惜佢味道不如我細个時所吃到的。17元一份。價錢等贵。小时候吃。只要1.5元。仲要勁大份。相對。而加物價通脹。但食特仲要宿了水。佢啲碎牛一啲都唔碎。好似另上咁。舖到个面到。如果混在一起。一定会更好。豉油方面。有點普通。甜啲会更好。

最近睇到誌介紹台山腸粉，專程去到土瓜灣一試。不同布拉腸，粉漿倒在鐵盤放入蒸爐，蒸好取出用鏟刮出落碟。腸粉不是綿綿的，少了米香，但換來是爽滑煙韌的口感，粉皮比看上去的要薄。款式的配搭亦不錯，雞蛋牛肉比較特別，另外點了的粟米魚片頗清甜。聽講這店是兩個年青人搭檔的，香港很多食市都因租貴捱不住，希望他們可繼續下去。

回家途中見到新粥店，於是去試試。雖然鋪面細細但坐得舒服，不會覺得逼夾。老闆強烈推介腸粉及豬潤粥，於是試了這兩樣食物。老闆說他們的腸粉是師傅特地到內地學師的，與一般的腸粉很大分別，而且不少人是特意來吃腸粉。而豬潤粥是用新鮮豬潤製成的。 我挺欣賞的這裡的腸粉，因為它夠待別，特別滑及外形特別: 不是像一般捲成一條的腸粉，而是像打皺般的樣子。而且十分足料，很多肉碎。坐對面的太太食完一碟腸粉再打包兩碟，可見這裡的腸粉的確美味。我覺得美中不足的是豉油偏甜。 而豬潤粥，老闆果然沒有推介錯。首先粥煮得夠綿，入口綿滑。吃豬潤最怕腥味，這豬潤不但沒有腥味而且鮮嫩爽滑，粥吃起來有豬潤的鮮甜。我平日吃粥一定要有油炸鬼，可惜的是這裡沒有賣油器。 雖然店面細，但食物的選擇挺多，有粥、麵、腸粉、小食等，下次再試其他食物。 整體來說，食材新鮮，食物有特色，看得出老闆有用心做食物，值得再來。這類的小店其實挺有人情味，希望香港能多些這類的小店，不要被大型連所店壟斷。