薈萃軒 (Moved) New Location

早於一星期前訂位，whatsapp回覆迅速。到達後被安排到房間入座，小店位置不大，大概可放數檯。店員說因新開酬賓，故送上紅酒一枝，like facebook會送汽水。菜式份量多，味道不像酒樓般味精重，甚有住家風味。海鮮類如扇貝、蟹等清洗乾淨，沒發覺有污物殘留。炸子雞皮脆，鮑魚亦炆得入味。惟翅湯味淡，需加醋及胡椒調味及甜品湯圓的皮有點厚。整體而言，小店用心招待，環境整潔，價錢合理，為親朋聚會之選。

第一次上薈萃軒，我們一行16人預定6:30食晚飯。諗緊食C餐還是B餐，但阿仔突然間話想食龍蝦，見佢溫書考試咁辛苦，咁就滿足下佢拉。於是我地就預訂左D餐。訂左6:30，我地好快就到齊人，於是好快就起送。第一道菜係魚刺，熱辣辣，飲完成個人暖曬。我地加左少少胡椒粉和醋，更加帶起鮮味。美味度😋😋😋😋第二道菜花菇鵝掌扣鮑魚味道不過不矢，鵝掌好入味，同埋好「林」。牙齒不太好既嫲嫲都岩食。嫲嫲真係讚不絕口啊！仲送花膠俾我地啊🙊😱😱美味度😋😋😋😋第三道菜黃金大蝦 蝦肉好彈牙，好新鮮。美味度😋😋😋😋第四道菜芝士龍蝦伊麵底啖啖彈牙龍蝦肉 ，賣相不是最吸引，但好味。阿仔好鐘意，仲食左好多伊麵，不夠十分鐘清曬。美味度😋😋😋😋😋食完龍蝦，還有條魚，炸子雞，炒飯，食完真係好飽啊!！！因爲量好足。但我地仲可以繼續食埋椰汁燕窩！我地食完埋單準備走，但有位女仔埋黎講，我地仲未食生果。慌然大悟，飽到差不多忘記了生果。上生果時，好大驚喜！因為有我最喜愛既士多啤梨啊！真係好正。佢地話士多啤梨唔係成日會有，睇食既餐同埋季節。整體而言呢間餐廳都不錯👍👍介紹朋友來食都可以

回味晚飯今次朋友生日，於是預訂中菜和她celebrate, 上次已經上過去食，覺得都好唔錯，所以先叫埋朋友一起上來。始終係生日飯，不要有任何差錯😆😬😬今次食套餐C 最回味無窮的是 「花雕蛋白蒸蟹」睇相「蛋白 」時間控制到岩岩好！！蛋白蒸到好滑，還有好香既花雕酒，一個字，正！d蟹都好鮮甜，洗得好乾淨。成碟蛋白蟹好快就俾我地清曬。😋😋😋😋其次推薦既便是當紅炸子🐤本來想叫師傅幫我地轉食芝麻雞，但師傅說芝麻和雞不宜一起食用，香口但對身體無益。慌然大悟😱😱😱下次食芝麻雞都要小心。但薈萃軒的當紅炸子雞都唔差！味道好鮮甜 又不油，睇得又食得！岩曬我地呢幾個女仔呀！第三道回味菜便是 鵝掌扣鮑魚，色香味俱全，正啊！ 總結以上：新鮮抵食回味無窮！會推薦朋友再來。

屋企人臨時話要出街食晚飯。最後搵到薈萃軒，於是打電話。才知道最少要提前兩至三日預約。第一次私房菜真係唔識🙈雖然新開張，但都要提早咁多😧可能因為假期但最後講左幾次先有得食。今次食套餐C蟹肉海皇翅 啖啖都係翅和蟹肉👍🏻👍🏻蛋白蒸蟹蟹洗得好乾淨，好鮮甜，真唔錯👍黃金蝦蝦肉尚嫩滑，但皮不夠脆，有少少矢準,希望下次會好些.炸子雞雖然樣不是最吸引，但味道真心唔錯。整體感覺都算ok，最起碼真材實料，新鮮食材。

七人的晚飯六日前的預訂今晚的晚飯，本身預訂八位，但有一位同事唔舒服，最後變成六位。好彩我地有提前同薈萃軒講改人數，如果唔係今次要白白俾多一位既錢。入正題：今次和同事一齊食套餐C最回味既係炸子雞，真係好好味。因為好鮮甜，肉好滑。就連好少食雞既同事都食左好多件。我想講隻雞真好大，完全是多於七人的份量！我諗應該係新開張，所以俾到咁大隻雞我地，不過有雞既皮有些甩。但都咁好味。除左雞大大隻之外，瑤柱西蘭花都大大碟。因為實在是太飽拉，所以都食唔曬魚都唔差，夠新鮮！今餐飯所有人都食得好飽好滿足下次會再試其他餐

四日前預訂晚餐，聽電話既係位哥哥仔， 好好態度。餐廳咩都好新正，因為係新開張，新裝企里，環境衛生。今次我地食既係每位288既套餐：金銀蒜蒸元貝 粉絲與元貝的份量搭配得剛剛好，讚。😋😋😋😋😋黃金蝦一咬落口，就知道係新鮮蝦，味道真係唔錯。😋😋😋😋清蒸游水海斑，味道好鮮甜；好大條，連汁都無得剩😋😋😋😋😋蛋白蒸蟹，火候控制恰當。酒味不算太濃，清曬。瑤柱扒西蘭花，正如食評所講，真係好足料。😋😋😋😋生果種類都幾豐富，橙特別甜，還有我最愛的士多啤梨😋😋😋😋整體來說，感覺真的很不錯！！！會再來試過😋😋😋

今晚同屋企人做冬，原本想book嘅私房菜都已經滿哂，見到呢間私房菜，地點方便，而且價錢不貴，雖然知道係新店，但都想試試，就打電話問下仲有冇位。接電話嘅男仔，好有禮貌，所有問題佢都好耐心解答。🖒甚至我問如果帶埋工人姐姐嚟，佢唔食現場餸菜，可否唔計人頭，呢度都ok 。言歸正傳，我哋今次選擇$288一位嘅餐:1. 海皇翅 - 雖然啲翅唔係咩上等翅，但至少真係有鮮蟹肉，以這個價錢嚟計，用料很足。2 花雕蛋白蒸蟹 - 好香花雕配蟹同蛋白，味道啱啱好，唔會太多酒令到有苦澀味。蟹亦好鮮，連仔仔怕麻煩唔鍾意食蟹都食咗兩個蟹鉗。3. 冬菇鵝掌扣鮑魚 - 鮑魚雖然夠味，但未夠腍。冬菇超腍超入味，仔仔食咗好多隻😑。鵝掌可以再煮耐啲，再入味啲。4. 金銀蒜蒸元貝 - 好大隻，時間煮得啱啱好。而且睇得出呢度好着重衞生，每隻元貝都清潔得好乾淨。5. 黃金大蝦 - 用的是新鮮蝦，每隻都很大隻，肉質鮮甜，而且有很多膏，炸到脆卜卜，成隻俾咸蛋黃包住，差啲連殼都食埋。6. 清蒸海斑 - 可能條魚真係太厚肉，所以蒸完出嚟，中間有啲位仲有啲透明，要再翻蒸😯。始終翻蒸過，肉質冇咁滑。不過喜歡吃魚嘅我，見到啖啖肉嘅鮮魚，依然將成

今日和屋企人一齊去薈萃軒私房菜做節。第一次上黎，入黎環境好好。感覺很溫馨。一坐低，有位哥哥仔就同我地講：需要飲咩？我地好惡然，原來提早預訂，每人會送一鑵氣水。多謝曬去圖花雕蛋白蒸蟹 味道好鮮甜，勁足料。大大隻蟹，抵食啊！因為今次同屋企人做冬，老人家牙唔好。於是我地問廚師西蘭花可唔可以林少少。廚師話當然無問題，呢度係私房菜，當自己屋企就得架拉，好唔好食有咩都同佢地講,都幾nice.上菜時軟硬剛剛好，屋企人都讚不絕口！仲有好多瑤柱，落重本。瑤柱扒西蘭花仲有當紅炸子雞，好正呀！雞肉味道好鮮甜，賣相可以再好少少。總括來說都不錯👍會再來！

第一次上門食私房菜，已經係三日前預訂架拉。因朋友話好好食，所以點都要試下。因為係第一次食，所以由最平宜既餐食起，每人平均消費198。今次係同同事一齊聚餐，十位。一入到去，好有家的感覺，好溫馨。第一道菜係竹苼海皇羮。因為太肚餓，相都無影到。醫左肚先。但最好味既係香煎牛仔骨，真係好好味，肉汁鮮甜，又有好多汁，真係好正值得推介。其次係避風塘炒蟹，正呀⋯⋯仲有咕嚕肉，游水倉魚。最後還有甜品和生果。食到好飽。最後10個人埋單，唔使二千。好抵食，仲有唔收茶芥唔收加一，食物仲要係真材實料！會推薦朋友再次光臨，值得一試。