飯BOWL

Open Now

Now Closed

想了又想,諗住大熱冇走雞,又鍾意食芝士,就試個熱賣中的"芝士吉列豬扒套餐"個賣相同普通吉列豬扒飯冇分別 - 冇分個餐係即整,我一攞咗即食件扒,一D都唔脆,個粉淋哂,扣分芝士輕輕"lai"過,少到可有可無 - 冇分蛋同洋葱,洋葱淋但蛋就老哂,一D都做唔到日式カツ丼的滑蛋神髓 - 冇分個飯D汁有D甜,少少特別 - 俾少少分最難頂係個湯,第一口飲落去,以為係甜品,有d花生醬味,以為係花生糊,飲多兩啖覺得鹹鹹地,味道好怪,攪吓d 湯,居然攪到粒蝦仁,原來係蝦湯!!雖然冇expect到快餐有西式蝦湯送,但如果難飲到咁,不如送杯茶仲好 - 扣分

身體真的撐不了多久~拖著疲乏的身體就在到尖沙咀~明明翌日就測驗了~但就是沒有再多的精神留校溫習~來尖沙咀也不是求shopping~反倒是想快快解決晚餐後速逃回家~在海港城的食肆圖鑑裡翻了多次都想不到吃甚麼~就乾脆Food Court二選一來到新港的大食代~走了一圈之後~最後選了日式熟食~四五十塊錢的套餐有湯有前菜有飯~也算接受得到~大比就要了個漢堡扒蛋包飯套餐~而小比就要了個日式炒雜菜~counter不大~即席製作~負責鐵板的年青師傅似乎信心十足~隔著玻璃地一邊觀看~花巧的手勢耍上來有點過於故意的感覺~這裡的蛋包飯~當然是蛋皮包著用"蛋包飯模"倒出來的飯~當然兩者是你還你我還我~而且包裹著的~只是微微用味素調較過的白飯~吃起上來是真的很沒趣的~幸好賣相和漢堡扒都總算不賴~比麥字記的漢堡扒為好…但最不識趣的就是無端端配上來的忌廉粟米湯~連室溫都不如~喝起來是現成的湯底再自行加入更多粟米粒而已~雖然不至於是吃不下~水準整體中庸~就如茶餐廳那種~至於小比的炒雜菜~也是現炒的~叮囑要少油~兼站在玻璃前監場~是真的很少油~不錯~以椰菜芽菜為中心配以甘筍絲等帶出色調~最後灑上芝麻~這個不日式的日式

幾個月無來廣東道一帶, 今日重遊新港美食廣場, 一向去大食代只光顧一兩家店, 飯Bowl尤其至愛.叫了一客扇貝燒雞扒奄列飯, 雖然要等, 但要吃到好味的食物莫過於即叫即做, 等又何妨. 煎香的雞扒及帶子正合我的口味, 奄列蛋皮沒有過老, 配上茄汁送飯開胃, 前後光顧幾次吃了幾個不同品種, 至今都沒令我失望過.

星期六12點幾趁好多人仲未放工，食個brunch先，果然新港中心呢個foodcourt冇乜人，好多位，我兜左一圈睇下食邊檔，由於都差唔多半個月未食過日本野，但又唔想揀周圍都係0既味千，就揀左未食過0既Bowl。見個menu牌0係吉列豬扒飯定食印住「熱賣中」就毫不猶豫咁點左，個定食有前菜、湯而冇野飲，不過呢度賣野食0既檔口都唔會提供野飲，要野飲就要0係中間賣野飲0既檔口買先得簡直局住人俾多d錢食餐飯等左10分鐘左右先叫咪話拎得，噢~見到原來湯唔係味噌湯而係蕃茄雜菜湯，有d不倫不類呢~_~個前菜係青瓜+螺肉，涼伴，有d辣辣0地，所以我浸落d湯度先食個飯都幾大碗，賣相都ok，d飯仲有紅米夾雜0既呢~幾健康，之不過太稔，冇咩咬口；d豬扒外面層麵包糠好厚，實則塊豬扒唔係好厚，而我一咬就分開哂，唔係好得，同埋有d芝士0係面，好滯呢btw，整體味道一定唔係good，但又未至於喊，但覺得食日本飯配雜菜湯好怪，唔知係個人喜好定大家都會有同感呢?

今日打算同女朋友提早食聖誕大餐就去番好多年前我地第一次去食飯既新港food republic我地都行左一陣個度既食店結果就揀左幾間泥買野食飯bowl係其一...(終於入正題, 唔好意思)見倒佢個芝士吉列豬扒飯套餐睇相真係好靚好正點左菜之後都等左成10分鐘先有得拎都幾耐下食物真既賣相都幾討好(對唔住, 冇相)一試都幾失望吉列豬扒一d都唔脆芝士味亦唔濃最慘既係汁都冇一滴.......(好乾.....)再望真d塊豬扒好厚但.....一半既厚度都係粉......值得一讚既係飯既心思因為佢地係用糙米既食落口感的確唔錯而跟餐既湯都夠味對吉列豬扒有要求既就唔好抱太大期望......

Weekend同朋友去TST行街街, 踏入十月尾天氣都仍然幾熱, 朋友說有少少累, 想食完晚飯再繼續shopping, 就近點落food court吧, 可以省點時間等位.兩人分開買, 她吃韓國石頭飯, 我選了小辛牛肉奄列飯, 還有忌廉湯和小食. 友人說她的石頭飯中規中矩, 好似燒未夠時間, 石頭碗並未有幾高溫, 我的牛肉飯相對唔錯, 有點改良了日式咖喱汁的味道, 又帶少少茄酸味, 幾醒神惹味, 忌廉湯幾滑, 唔似快餐麵粉忌廉湯, anyway兩人都食唔哂的飯, 稍事休息又繼續我們的行程了.

依稀記得以前在太古城食過此店的豬扒飯, 想不到今天路經廣東道找地方吃午飯, 又再次光顧此店.餐牌幾吸引, 都係叫番個芝士吉列豬扒飯, 個人喜愛吃吉列豬扒也. 不到5分鐘已做好, 先吃前菜涼拌青瓜, 幾爽口, 湯則一般但亦不賴, 豬扒吉列皮不太硬, 肉質亦頗淋, 同以前在太古城食過的口味好相近, 統一水準管理做得唔錯, 可以再次幫襯.

好耐無行新港中心, 今日行咗一陣街就肚餓想食嘢, 以前地庫是Citysuper Deli, 原來而家已變了身做Food Republic, 無所謂反正都係搵嘢食, 總之揀得到就可以啦.兜了一圈行到呢間舖面前, 望吓的假版幾靚, 收銀已遞上餐牌介紹, 我問佢牛肉飯等得耐唔耐, 佢話呂即煮唔使5分鐘, 又好試吓. 12點幾唔係太多人, 座位多而且幾闊落, 就係前面坐陣等, 果然唔使5分鐘就煮好, 攞埋位醫肚, 肥牛用燒汁一齊炒過, 加上芝麻幾香口, 飯用珍珍珠米, 配菜有西蘭花及甜粟米, 烚得唔太淋身啱食, 仲有半隻鹵水蛋, overall比起吉xx好, 起碼牛肉用汁炒比白灼牛肉有方誠意, 講真個燒汁飯係幾得.

約會日期地點改了又改,到最後也因鼎泰豐輪候個多小時仍只叫了一個號碼,而臨時改了去food court,幸好一眾好友沒有異議,結果由樓上跑到地庫開餐。裝修後的大食代似乎頗為吸引,繞場一週後發現有好幾間食店都有興趣,最後日韓兩者中選了日式蛋包飯。向落力招徠的服務員點了菜後立即跑到廚師前,看看如何泡製蛋包飯,最後經過店員小心擺放那兩粒帶子後,我的帶子雞扒蛋包飯完成了!套餐中還包括味噌湯一碗和餃子兩粒。味噌湯味道不濃,連豆腐或海帶也欠奉,飯前用來濕濕口腔倒算ok;餃子是預先製作一盤,客人點餐後才夾出兩粒再沾沾醬汁奉上,小小餃子裡的肉餡更少,用料有點模糊,不知是那種肉所製,因醬汁味道比餃子本身更強,吃來只感到那甜味醬汁味道,餃子皮被醬汁浸了一會後變得淋身不算好吃,這款前菜真的很一般,喜吃餃子的月巴人看到朋友那盤咖喱飯上的餃子,更覺被比下去了。幸好主菜精彩得多,蛋包飯用上混有糙米的米飯,感覺上比用白飯有誠意,米飯並沒有一般糙米飯的硬身,反而軟硬度不俗,個人覺得蠻不錯!蛋皮煎得很薄,隱約看到裡面的米飯,比鄰近咖喱店的厚身蛋包飯有所不同,由於蛋皮很薄,蛋味不明顯但好處是不會因吃到太多雞蛋而過飽;雞扒又