Futurus Gourmet (Closed)

上次因為女朋友唔食黑松露所以食唔到正中主廚既手勢!我作為黑松露迷又點會唔叫個好X想食既黑松露闊條麵!!生蠔新鮮..正!好有蠔味..哈今次食72個月黑毛豬..店長黃小姐話肉味重唔算太油膩..有驚喜!!我同主廚講食肉食到有點悶,即慶整左個火腿包蔬菜,太貼心最後再介紹依個斯文小小都形容唔到既闊條麵1.黑松露醬好似唔駛錢咁,啖啖都好有味道!!2.主廚整個汁襯埋雜菇3.個麵底真係有料到,我諗唔係度度買到!!即場揀材料,即場烹調.....想唔新鮮都難!!    

今年嘅舊同學聚會就係呢間餐廳食啦終於唔再係韓燒,放題or壽司啦XD餐廳裝修得幾特別, 最正係餐廳嘅background music係可以自己決定, 想聽咩都得前菜就叫左個黑毛豬火腿同鵝肝多士xP黑毛豬火腿好好食, 唔會好鹹鵝肝多士都唔錯, 唔會好油, 但可以再脆d小食就叫左個爆醬"腿蛋治" 同蔬菜雞卷估唔到黑先豬火腿同個溫泉蛋都幾match不過蛋黎講, 我都係鍾意炒蛋多d xD個蔬菜雞卷都好好食👍 夠哂健康main course 就叫左鱸魚, 黑松露闊條麵, 豬扒同鴨脾鱸魚真係好好食 一定要連皮食 煎到外脆內軟 冇得輸鍾意食黑松露嘅一定要試個黑松露闊條麵👍豬扒同鴨脾都唔錯, 夠哂juicy甜品叫左cheesecake同雪芭cheesecake 就麻麻地 不過雪芭就好好食👍我最鍾意桃味 不過d fd就話太甜總括黎講, 今次聚會搞得好成功

早前經過知道呢間餐廰啱啱開張, 見到廚窗同入面既裝修已經心郁郁想試下就啱啱18號同女朋友一齊去試下呢間餐廳, 果然有驚喜!餐廳入面既格調好舒服, 時間好似停頓左咁...本人鍾意飲紅酒, 呢間餐廳絶對滿足到我既要求點單時, 叫左個炸蟹卷做前菜...本人推介呢個為必食前菜!蟹卷炸得鬆脆可口, 個醬簡直係精髓之後再叫左個藍青口, 雖然食水海鮮應該配白酒不過鍾意飲紅飲白就係個人喜好啦藍青口肉嫩, 個汁煮得好香! 唔好意講個汁好味到當湯飲 

難得約到班朋友聚會，平時都各有各忙，所以選間比較有特色既西班牙餐廳！入到坐位好似外國大屋，環境舒適，配合埋外國音樂，傾計relax好地方！首先點左黑毛豬火腿同紅酒...傾住計等前菜！黑毛豬火腿蛋包...推薦必食...會爆蛋漿！香煎鵝肝多士...面脆吾太油剛好！蔬菜雞卷...雞肉柔嫩好食...下次再黎一定必點！黑毛豬火腿蘑菇比較鹹....墨魚滑蘑菇大家都話好食味道岩岩好！香煎鱸魚...皮脆厚肉...好有口感...推介👍👍👍👍👍煎黑毛豬扒...廚師煮得好好...咁厚都可以鎖住肉汁又吾會韌！👍👍👍👍👍

其實本身自己好鐘意西班牙呢個國家，故之然好想試下正宗嘅西班牙菜，咁啱聽同事講話九龍城剛剛開左間以黑毛豬為招牌菜嘅西班牙餐廳，所以決定約埋兩個姊妹一齊去試下。一行到入餐廳入面見到個view非常舒服，裝潢好用心好有誠意，真係好似係外國d大屋咁，配合埋d background 音樂真係好舒服好relax, 啱晒我地幾個女仔輕鬆一下girl's talk 😝，相信老闆放左唔少心機同成本，值得欣賞呀，要比個good good 👍 😉首先我地點左個春卷小食，但由於我地實在有d肚餓，所以食淨最後一條先記得要影相☺️，講返呢個春卷其實絕對唔簡單，聽廚師哥哥介紹話入面係用左黑毛豬混入墨魚滑搓成嘅，我地都一致讚好👍之後就到我最其待嘅Parma ham 😍，我地點左隻64個月嘅，一食落口真係有驚喜，同平時係大型超市買果d完全係兩回事，超市果d比較咸我平時會連蜜瓜一齊食，但呢隻個味就啱啱好，就咁食真係一流👍跟住就輪到waitress姐姐介紹嘅豬仔脾，起初我地食落都有種好熟又講唔出嘅味道，大家估估下嘅時候waitress姐姐終於揭曉，答案就係-黑啤😲，原來個豬仔脾係用黑啤煮嫁，所以充滿住麥味，又一驚喜😁。到最後就

和太太二人預早訂定位，訂位時侍應好有禮貌問我會唔會食豬扒/牛扒，因為佢地會預先解凍，預早選定到時唔洗等。 試左西班牙豬扒 - 非常juicy, 好軟滑。黑松露意大利麵 - 麵身剛剛好，有蛋味。醬汁香而不漏。餐廳坐位唔多，建議去之前訂定位。環境似cafe 有大梳化俾你慢慢坐。店內播放的外國音樂令人感覺relax。我一定會再次光顧，下次會試牛扒。

之前經過都想試下, 今次終於有機會同男朋友去試餐廳個環境都幾特別, 前面有一大個凍櫃放滿食材, 後面先係枱枱凳凳咁, 仲有一大隻黑毛豬腿掛係牆到做裝飾事不宜遲, 放相先呢個蔬菜雞卷真係好好食 冇得輸 諗起都想最食 我就叫左呢個香辣番茄扁意粉小小辣 愈食愈惹味 我個人就幾滿意 男朋友就話唔夠辣咁男朋友就叫左個和牛食,佢就話好好食 但對於我呢d唔食牛既人黎講,係唔會知有幾好食架整體黎講, 裝修幾warm夠哂feel, 野食好食, 個梳化好舒服, 但張枱就好似矮左小小, 高返d會好d 下次再黎會想試下個火腿, 見隔離枱d人食得好開心咁

本身閒逛搵地方食野，比我見到呢到西餐廳 間格好似幾舒服，就入去試下😊入面其實得兩張大一張細枱 可能做開包場，全部都係梳化位 。好睬我地得兩個人可以坐細枱，另外兩張一早比人卜了😱😱總括講食物賣相 加味道都好高分，可能因為我真係好中意食黑松露💗價錢就一個人500$內到 十分抵食！

與女朋友落左九龍城打鼓嶺道Futurus Gourmet食飯, 臨入餐廳門口前見到個門面招牌好有feel入到去已經有兩個雪櫃放食材(黑毛豬火腿,芝士,魚子醬....),仲有煮食配料買,店長仲話自己揀食材,主廚會幫你煮埋入到去坐位真係"嘩"左一聲,真係筆墨形容唔到 餓到抽筋都唔諗其他野,個店長話整個腿蛋治食下先,我以為講笑,原來佢認真個虎蝦好食,但無乜驚喜!! 煎黑毛豬扒,塊扒好厚 煮到有肉汁得黎又唔硬,廚師勁見到好厚肉既鱸魚,特別推介鱸魚皮口感勁正見到openrice主廚介紹"黑松露忌廉蛋麵"必食,但因為女朋友唔鍾意食黑松露所以叫主廚走黑松露原來走左都咁好食個味道而家仲歷歷在目到我女朋友最愛的環節....甜品出場(芒果蛋糕,蘋果雪葩)女朋友話間野有情調,d食物水準都幾高.....但係我荷包就 .....不過最緊要女朋友happy!!