大自然素食

Open Now

Now Closed

✨大自然素食 Gaia Veggie Shop✨ 🥗原隻木瓜蟹籽沙律 $16 滿滿青瓜絲 上面配上海苔同素香鬆 吾會輸嘅配搭🤙🏽🤙🏽 鍾意食木瓜仲可以食埋木瓜肉🌹🥘沙鍋菜膽雲吞翅 $98 大大碗 超足料🤤🤤 雲吞有成4-5CM 大粒 份量足夠3個女仔食😂 味道方面 湯偏清淡 菜差小小 吾夠新鮮餐廳方面都算闊落，但人流多，所以點餐需時。適合一家大細鍾意飲茶食素嘅人去😌，仲有聽講大自然素食嘅牛油果焗多士好出色，今次冇試到下次再去😆┄ ♡ 評分區 ♡ ┄💰價錢：7/10😋味道：5/10🌆環境：6/10 ┄ ♡ ♡ ┄📍#大自然素食(馬鞍山)鞍祿街18號MOSTown新港城中心(4期)3樓3217-18舖

下午3點入座。5點結帳離開有半價優惠，非常超值👍🏻估唔到公眾假期都有，驚喜😊迷你招牌三色骨$158（左起：陳皮、士多啤梨🍓骨、沙拉骨）最like陳皮味😋有齊三款味道，🉑試齊晒北京片皮鴨（跟薄餅）$98唔覺有乜特別，不過薄餅超薄夾埋一齊都ok非一般芝士薄餅$108,芝士味濃熱食唔錯鮮茄肉醬焗意粉🍝$88⋯⋯啱小朋友食蜜汁叉燒皇$88，麵筋+蜜糖味似义燒😄欖菜乾煸四季豆$78芝麻手撕雞$48腰果露（窩）$128 （即磨甜品）比較稀唔夠濃郁，真係嘗到啖啖腰果碎😚茶$12/位，無半價優惠

哩間餐廳非常人性化 ，知道我地食齋，特地比左啲高蛋白食物（烏蠅）給我地補充蔬菜罕有的蛋白質 。餐廳非常擔心我地用膳時太單調，太無聊，食食下仲比左個驚喜俾我地，脆卜卜的膠片，非常之人性化。

Happy Friday 諗住收工同媽媽食生日飯，媽媽話想食齋就揀左就近既「大自然」大品牌又多分店諗住唔會差得去邊無諗過係中伏之選我地兩個人嗌左3樣野1-片皮鴨明白餐牌上圖片只供參考但我絕對接受唔到係有嚴重色差枱上既片皮鴨係-黑色！黑色！係黑色！唔知係過度上色定係翻炸又翻炸口感好硬，真係唔知自己食緊d咩2-琵琶豆腐一上枱即刻個心定一定因為琵琶豆腐外貌睇係琵琶豆腐對比片皮鴨呢個賣相睇落穩陣好多,但食落就...勁咸！餸飯食都覺得好咸，咸到好難受。3-沙窩雲吞湯真係樣樣都有驚喜同反差呢個好似係調節返碟琵琶豆腐成窩都係淡而無味清到唔清 最慘成煲湯都好夠熱但個雲吞皮係未熟透，雲吞餡同個湯一樣-無味🤮係諗住比我地將個琵琶豆腐浸落個湯到食？同店員反應，店員好似發緊夢完全冷處理。整體評論：如果只求果腹呢間一定係首選！無可否認份量好多，但如果對食物有點要求，奉勸要三思一下！食完真係覺得摧毁左媽媽既生日，唔會再有下次！

趁今日係初十五齋期，就諗住同屋企人去食下齋，馬鞍山附近無乜素食既選擇，所以就揀左好多分店既大自然素食。大自然素飯主打新潮既齋，連齋壽司都有，不過今晚同家中兩老食飯就唔好咁前衛啦，都係選擇返d 正正常常既齋菜啦！1）金沙南瓜蝦一上枱，陣陣既咸蛋黃味氛香撲鼻！d 南瓜同蝦都炸得啱啱好，好脆，同咸蛋黃蓉好match! 雖然有d 邪惡 🐷但都真心推介！2）燒汁蘆荀牛柳卷雖然得6件卷，但份量一d都唔細，佢既牛柳好大塊，入面夾左蘆荀金菇令成件事無咁滯，個汁將成碟餸既味道昇華左去第二個層次，正！3）原隻菠蘿咕嚕肉呢個都好味道，酸酸甜甜送飯一流！食用猴頭菇做既咕嚕肉好似無一般用肥豬肉整既咁有罪惡感，但都係其他齋舖常見菜式所以都無乜太大驚喜我地仲叫左2碗白飯，連埋茶芥加一要400蚊埋單，雖然價錢上有dd貴，但其實佢份量好足，d 餸絕對夠4至5人食，所以價錢都算合理，建議大家可以一試！

今晚係Green Monday, 所以就即刻諗吓食邊一間素菜，咁啱醒起好耐冇食過大自然素食，佢哋下午茶好抵，如果有時間一定要食， 因為係半價！！！今晚食飯嘅時候見到隔離枱叫咗一個餸，佢係用青瓜花炒的，我成日都好鍾意喺志蓮淨苑「龍門樓」食， 冇諗過呢度都有呢一隻青瓜花佢呢一度係用XO醬銀魚仔炒青瓜花的，比較野味至於伊面就一定會叫㗎啦，因為我比較鍾意食胡椒鹹菜大芥菜雲吞，就濕濕地，又可以當湯飲, 可以多一個餸，好重黑胡椒味我哋只係兩個人，冇諗過食到咁多嘢！

如果話係芝士多士，整得唔差，即叫即整，大大件夠脆，但說好既牛油果呢？係冇既，唔知係咪唔記得落一直都食唔到皮蛋既我，終於成功放落口，（阿媽我得左勒）之前經驗一直食到陣臭味，但依個就冇既，可能有我最鐘意既芫茜蓋過左，總括黎講係可以接受木瓜沙律，差唔多次次都有叫，原個木瓜配蟹籽，正一直以黎，我都好佩服煮齋既廚師，要有齊色香味，仲要假扮肉類，真係小D 心機都唔得，廚師用左紫菜假扮魚既魚皮然後炸，睇落去都好像真，俾食齋既人又多個選擇

好耐無食齋，於是當晚就去左大自然素食。原來最近有個新優惠，就係正價餐牌，外賣自取可享半價，仲要不限時間，全日生效。當晚點左五款野食，包括：榆耳鮮蘆筍帶子＄108丶香酥芋蓉石板鴨＄88丶燒汁蘆筍牛柳卷＄88，牛肉賣相口感都好似丶香椿瑤柱魚翅蛋白炒飯＄88丶香酥日本紫薯卷(5條)＄42。全部都好好味，賣相和口感都同真肉好相似。估唔到素食都有咁多菜式，唔係淨係得菇丶菜丶瓜。素食都可以千變萬化。店員有禮貎。座位唔算多。

我同老公間唔中都會食下素食，積下福又好對腸胃健康啲又好啦。大自然素食係少數素食連鎖店，食過幾次，質素雖然普通但真係幾抵食幾大碟。今次同老公午飯時間去食，有午餐選擇，好似有六款。我哋各自揀咗一款，再加一個蟹子木瓜沙律。我叫嘅上海粗炒一上枱我呆左，大碟到好似兩人份量咁。老公叫咗碗湯麵（唔記得左叫咩名）又係超大碗，自問我同老公都唔係細食嘅人，但真係食唔晒。最後剩返一大碟粗炒拎返屋企。每個餐仲跟一碗湯，個湯係好味嘅，有多種蔬菜煲成有甜味而且好夠熱，仲好大碗添。不過主菜嘅質素真係麻麻哋，但勝在大大碟抵食囉。個蟹籽木瓜沙律就非常乏味，雖然我都知道素食唔會有蟹籽，但連類似蟹籽嘅材料都冇就有點失望，而且味道都好普通。最後買單好似唔使$100 ，真係好平。所以即使味道普通，但對於要食大大碟先會飽嘅人可以考慮吓。

大自然素食好多分店，聽過好多人都覺得好食，同埋講有好多意想不到既食物，所以今次又出動，去食下呢間咁多朋友都推介既食肆。見到有PIZZA，所以就點來試下，$48，再加一及茶錢$5，同埋會包一個素湯，價錢同食茶餐廳其實唔差太多，所以呢個收費，同環境又叫坐得幾舒服的，埋單大概$55左右，其實都算合理。講番個PIZZA，其實合一眼食，真係唔知自己食緊素，佢有D假火腿，當然用真的芝士，焗出來都好香，而且餅既質地都有一定口感，唔會太薄，而且係熱乎乎咁上菜的，係真正新鮮出燼。配上的沙律都好FRESH，有幾款沙律菜，都十分新鮮，仲有幾片木瓜生果，可以平衡番PIZZA的濃味及肥膩感。整體配搭令人好舒適，一重一輕，相當合適。

今日同印度朋友緊舊嚟咗馬鞍山大自然，一入門口店務員就俾咗個無咁凍嘅位置我哋，好貼心。本來叫咗兩個餸，加多一位朋友就變咗成枱都係，每碟份量大大份， 找數都係$430,價錢ok。 食物算少油少鹽，幾健康，款式又多。餐牌有寫邊係有蛋，有啲有蛋嘅又可以走蛋，對純素嘅朋友方便好多。 傾計傾耐咗又無黑面趕客。今時今日客戶服務好重要，你服務態度好，一定會再返頭幫襯。呢間大自然值得推介

臨時被派去馬鞍山做野，人生路不熟，用OpenRice睇下附近有咩食，揾到熟悉嘅飯堂，二話不說帶埋實習生去攞位。Lunch Set四十幾蚊起，送埋前菜及餐湯，就算加埋茶芥、10%服務費，預算五十零蚊。相比起茶餐廳普通一個頹飯(餐肉煎蛋飯、香腸火腿飯)都要五十蚊，凍飲又要加錢，又貴又無營養，依間算抵食。兩個人叫咗兩個Set：XO醬乾炒牛柳絲河粉(無河粉轉咗烏冬)及雪菜火鴨絲炆米粉，怕唔夠食，加多盅素翅燉椰皇。烏冬、米粉好大盤，略嫌唔夠熱，多啲牛柳絲、火鴨絲就更好。服務未至於其他人講到咁差，如果期望店員提供酒店式服務，就另當別論😂至少當日店員招呼周到，無黑面、唔睬人，符合基本要求。

今日同靚太團食飯，黎到馬鞍山大自然。呢間野新開咁耐都係人頭湧湧，好彩有得訂枱，平日黎到唔洗等。可惜係馬鞍山分店實在細得可憐，枱與枱中間非常迫夾，通道都好窄。先揀左個二人餐，有兩個碗、小食、同兩款小菜、最後加左一客農夫包。 碗仔翅 雞絲粉皮，麻醬俾得非常多，好味。 西檸魚柳 燒汁鰻魚素食之中最鍾意就係鰻魚，個汁做得似模似樣。 咖哩羊肉農夫包，材料好多，個包沾咖哩汁都幾好食嘅。計埋茶錢加一，埋單總數四百幾蚊，平均一人百五蚊左右。

一家人晚市去食，建議預先訂位，因為晚市都幾繁忙😫個日冇訂位，好彩等左一個鐘到，8點就有位。每道餸普遍清淡，唔似出面部分食素既餐廳又油又濃味，所以我班老人家都食得好滿意😂有部分菜式幾有新意，一家大小都揾到岩食既。#北京片皮鴨同真既當然冇得，只係將素豆腐染色，味道都唔算好似，但叫道試下幾有趣😂#田園沙拉一份超大碟，材料豐富，幾抵食😂特別推薦 #南瓜飯 ，原個南瓜上，面層既飯蕉好香，括埋旁邊既南瓜拌飯食，好香。餐廳另外送一人一碗紅豆沙，偏甜，但免費送就不要太高要求😂

食物係OK既, 黃金南瓜蝦好食 8.5分金菇牛肉卷比較咸 7分湯類好淡, 不建議試!服務: 落單個姐姐基本上我唔係好聽到佢講咩, 成班阿姐圍埋大聲傾計, 有個大廚仲出黎食堂位大大聲講有味笑話同粗口, 一間食店最大就大廚, 明既!8點坐滿約7成唔坐近廚房可以耳根清靜一點膠盒$3一個 (裝糖水既SIZE)