大鍋口海鮮火鍋店

Open Now

Now Closed

約咗好友聚聚，我哋兩個邊爐怪🤭揀咗去食雞煲火鍋，係佐敦站一出過對面馬路就係好方便，環境好闊落舒服，有卡位同埋圓枱。呢度係一個價錢任飲任食，先食雞煲再打邊爐，麻辣雞煲可無限添加，個雞煲🌶️好惹味，雞肉都幾嫩滑。食完雞煲可以再揀款湯底打邊爐，我哋叫咗⭐️胡椒豬肚湯底⭐️，湯底胡椒味幾香又唔會太搶口，豬肚夠淋身又唔會有陣臭味好好食😋火鍋配料有成80 款可以任點任食，下單後上菜速度都好快手，亦冇漏過單👍🏻另外有啲靚牛肉/ 蠔/ 蚌/ 帶子就需要額外收費。基本任食會送一份一次性「極品肥牛」，就算任食叫果D肥牛都質數幾好呀。✨必點火鍋配料推介：✨🔶手切肥牛🔶生猛海蝦🔶自家製韮菜餃🔶炸魚皮總括來說，晚市二百幾蚊一位任飲任食真係性價比高，咁多樣嘢食抵過自己買材料返屋企打邊爐，坐得又舒服😌，員工做嘢又快手。

大鍋口海鮮火鍋店 地址: 佐敦彌敦道219號莊士倫敦廣場12樓 =====================香港生活指數高，衣食住行也貴，但震肯搵點都會搵到間良心老闆，二百多有任食雞煲邊爐。先雞煲，好多芫茜香噴噴。仲送一碟肥牛，湯底有十款，要了皮多芫茜湯。食幾多叫幾多，食任食都要唔好浪費，做一個乖食客。海鮮狂食，由鱔片，吊桶，魚片叫了很多，任食火鍋只要客多流量快，食物都新鮮。菜類今次叫了很多，令腸道健康。仲有雪糕，有埋topping 比你任落，酸酸甜甜食完好醒胃。#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #好去處 #igable #假日好去處

位於佐敦嘅大鍋口係我中學時代已經光顧嘅任食火鍋店🤞🏼今次嚟發現依家仲有得先食雞煲再打邊爐人均二百蚊左右就可以食飽飽喺油尖旺區嚟講絕對抵食🍴雞煲火鍋放題🔸麻辣雞煲坐底店員就會隨即上雞煲雞煲雖然冇得揀辣度 但係絕對係大家都會得到嘅微辣用芫茜 洋蔥 辣椒炒過嘅雞特別香口同入味雞件份量都唔小㗎🔹椰子雞火鍋湯底食完雞煲就可以揀湯底有十款湯底可以選擇除咗普遍嘅豬骨/皮蛋芫茜/沙嗲湯比較特別嘅有川芎魚頭/蕃茄薯仔豬軟骨/胡椒豬肚湯重點係免費~揀鴛鴦就另外收費椰子雞湯底有鮮雞同椰子塊 好鮮甜🔸安格斯肥牛每枱都會送一碟安格斯肥牛🐄色澤紅潤 肉味香濃 油脂豐富🔹任食火鍋配料呢度係採取用劃紙形式落單肉類 海鮮 丸類 蔬菜配料多達60種以上手切肥牛偏瘦 但食落都軟腍手打四寶丸細細粒夠彈牙自家制韮菜餃 菜同肉比例啱啱好中意食魚嘅 呢度有魚腩 魚雲 鯇魚片 白鱔種類比坊間多🐟飲品方面除咗罐裝飲品仲有自家製竹蓆茅根 可以下下火🚩大鍋口海鮮火鍋店 佐敦彌敦道219號莊士倫敦廣場12樓

同男朋友突然間想打邊爐，於是揀咗間二百零蚊好似幾抵食打算嚟試吓，印象中係我細個嘅時候都幾出名嘅任食邊爐餐廳。一嚟到梗係揀嘢飲先啦，竹蔗茅根水應該係每日限定，我哋嚟到嘅時候已經得返三支，同埋佢擺喺最低爭啲Miss咗佢🤣火鍋豉油嘅配料都算齊全，麻醬同埋沙嗲醬都有，應該都滿足到大家嘅需求。餐廳首先會上咗個雞煲先，個人覺得雞煲份量適中，大概有10件左右，如果人多嘅話食完可以再添加。不過雞煲預設一定係小辣，可能未必啱啲唔食辣嘅朋友仔。免費嘅湯底選擇都有好多，我哋揀咗個特別啲嘅魚頭湯湯底，上到嚟估唔到真係有原個魚頭喺入邊好驚喜。每台會送的一碟價值148嘅極品肥牛，啲牛嘅油脂分布平均咬落去完全唔韌。為咗測試吓佢同就咁嗌嘅手切肥牛有咩唔同，所以我哋都係有嗌手切肥牛嚟做比較。手切肥牛嘅感覺比較碎同薄，同埋神奇地兩碟牛一碟肥啲一碟就正常，不過都係唔韌嘅牛🙌🏻蝦食落去一啲都唔梅，應該真係新鮮嘅。嚟呢度打邊爐都食到麻辣鴨血好開心🤭🤭整體感覺店員都幾helpful，會主動走埋嚟幫你加湯，見到餐廳都keep住八成滿，可能都係佢旺區嘅優勢。228嚟講都抵食過自己喺屋企預備咁多唔同配料。

今日同朋友夜晚黎依度打邊爐，9點半前離座，任食2小時，未計加一都係228炸。座位非常寬敝，好舒服，冷氣一流，唔會打到身水身汗。  首先食雞煲，辣辣地，冇得揀辣度嘅。雞件好惹味，唔食得辣嘅朋友都覺得OK。 之後換另一個煲打邊爐，湯底揀咗比較特別嘅鯊魚骨猴頭菇，好清甜又健康，我地每人都飲咗一碗。 配料有好多選擇，免費嘅已經有好多，加錢可以點高級牛肉同海鮮。 上菜非常快，唔洗一陣已經黎咗好多配料。 一開頭會額外送一碟手打安格斯肥牛，牛味非常濃郁。 配料方面，手切肥牛條理分明，唔會有過多太肥嘅部分，肉質鮮甜。 佢地嘅油炸鬼都好特別，好有口感。 鵝腸爽爽脆脆，忍唔住叫咗幾盤！ 飲品方面，特別推薦竹蔗茅根馬蹄水，落足料煲，打邊爐飲啱哂。 仲有雪糕機可以自己吱雪糕，隔離仲配備咗其他配料可以DIY~

今個星期涼涼地，朋友話想打邊爐，我地就再次到訪呢間佐敦抵食火鍋放題！每次黎食都Keep到水準😎👍👍雞煲+火鍋 $228/位(另加一)任飲任食兩小時，呢個價錢既食物種類同質素真係好抵食‼️店員有禮貌，服務好，落order、上枱速度快，唔會漏單，亦會主動過來收碟加湯👍 一開始要揀麻辣雞煲定羊腩煲 (二選一)🐔🐔 (羊腩煲要滿四位先免費) ，然後食晒再轉打邊爐 店員會拎醬料架黎自由調教醬汁 ❇️麻辣雞煲個汁辣椒味幾出，夠香辣惹味，雞肉鮮嫩😋 湯底超多選擇，我地就揀左胡椒豬肚湯底🐷 湯底胡椒香氣濃郁、層次豐富，配搭食材都幾好味。任食的火鍋料選擇豐富，有牛類、豬類、雞類、羊肉、海鮮、丸類、蔬菜 🐷🐮🐮🥩🦐🐟🍅🥬🥢 ❇️每枱都會送一碟極品安格斯肥牛，肉質鮮嫩，油脂睇落吾多一啲都唔會韌，牛味香濃好好食🤤🤤❇️推介手切肥牛！肉質口感都唔錯，有油花夠嫩滑，淥十幾秒已經食得，點了好幾次！😋👍👍 ❇️白鱔片，啖啖肉 幾脆口 ❇️墨魚滑，真材實粒，爽口彈牙！ ❇️牛柏葉 ❇️生猛海蝦❇️麻辣鴨血 ❇️炸魚皮，鬆脆可口 ❇️手打墨魚丸拼雞軟骨丸❇️蔬菜款式都好多又新鮮 飲品係出面雪櫃自取任飲，重有自家製竹蔗茅根。最後食埋雪糕甜

吃火鍋放題先吃雞煲，我們加幾十元改吃羊腩煲。羊腩好多🤩，炆得夠軟淋，有羊騷味😋，喜歡吃羊的朋友一定揀食羊腩煲。然後開始火鍋放題時間🥳。我們點了椰子滑雞湯底，好香椰子味😍，與雞味好夾，厚滑甘鮮，正🤤。湯底裡面的雞肉更一點也不嚡。當然先來一碟手切肥牛，新鮮嫩滑，牛味濃😋。羊肉片，羊味不錯。炸魚皮，每次火鍋都一定點😋。生根和響鈴則不脆。最後，當然少不了雪糕，朱古力味有幾好啊，加幾粒橙汁爆珠😊。總結，食物和飲品雖然選擇不算很多，但基本的都有。

入座先送上無限添加嘅麻辣雞煲，雖然辣度只有一個，麻辣味道剛剛好唔會太辣，適合大眾化嘅程度。雞肉嫩滑入味，忍唔住encore咗一 round。食完雞煲之後就開始打邊爐，有十個湯底可以揀，試咗胡椒豬肚湯底，豬肚洗得乾淨，胡椒味適中，唔會太大胡椒辣。一開始上咗一碟極品肥牛，油脂分布均勻，牛肉色澤鮮紅，輕輕灼兩下已經可以擺落口，食落有甘香牛味🤤🤤打卡一流😆食品包羅萬有，基本打邊爐嘅食材都有食。我哋點到一枱都係，樣樣都好好味，全部新鮮冇雪藏味。特別係牛筋腩，炆到軟身，真材實料好好食😋😋追加嘅手切牛肉同樣出色，拍得住極品肥牛水準👍👍👍甜品仲有軟雪糕食,值回票價😌😌

聽朋友講，呢間火鍋任食長期都好多人，要book枱唔係咁易，今日有機會去試吓，食完就知道點解咁受歡迎，真係又抵食，又高質！冇諗過任食嘅食物質素都可以咁好，而且種食物種類非常之多，食火鍋之前，有個雞煲，雞煲嘅雞唔係廉價嘅雞，冇雪味，而且肉質新鮮，份量唔會太多，調味好惹味，開動個胃口之後，就可以打邊爐！每台都會送一碟肥牛，肉嘅質素非常之高，而且份量都唔細，唔係特別大食嘅，其實食呢一碟肥牛已經都夠，其他任食嘅牛質素都非常唔錯，特別鐘意佢嘅鱔同魚，好新鮮，好滿足嘅一餐

趁個天仲未太熱快d 打番轉邊爐先😋👍 今日揀左依間佐敦邊爐，貪佢夠曬近and 平😂人頭2xx 就包無限任食雞煲同打邊爐，依個價位算好平！雞煲有少少辣味，雞肉都好嫩滑，個汁食落嫌唔夠咸，可能係我重口味😂整體都唔錯，可以一試👍佢會連雞煲上一碟靚肥牛，依碟牛我諗都唔平，紋路都幾靚仲要係甘既分量！可以學某人生jer 佢落雞煲，亦都可以等邊爐6佢😂叫左椰雞湯，不過不失，但d 牛真係值回票價👍👍好食😋😋😋 當然佢仲有好多其他野食叫，都係任食，但我食左幾碟牛之後都飽飽地😂決定放棄吃埋個雪糕就走人😂整體好有性價比，一定要吃牛👍😎😎會再黎👍

同朋友兩個都係火鍋控，即使天氣開始熱，都要打返個邊爐🤪今次就嚟到佐敦大鍋口海鮮火鍋店覓食！餐廳位於莊士倫敦廣場，地點方便。座位闊落，而且有好多圓枱，啱晒一班朋友嚟聚會。一入座，枱上已經擺咗大大個醬料架，完全唔洗行出去攞，好貼心~ 呢到嘅火鍋係先食雞煲，再打邊爐。麻辣雞煲味道偏麻惹味，雞件都啖啖肉。覺得辣嘅可以喺雪櫃任揀飲品，仲有竹蔗茅根飲品清熱！火鍋方面，鯊魚骨猴頭菇湯底足料清甜，滋補養顏。點咗一份極品肥牛，油花分佈均勻，肉質鮮嫩，仲有超過80款配料任點任食！尤其推介爆汁牛筋丸，好juicy！餐廳亦設有雪糕機，食完熱嘢嘆返杯雪糕，好滿足。

任食雞煲同打邊爐 $228食足120分鐘，性價比好選擇👍🏻先上雞煲，揀咗少辣麻麻辣辣好惹味！有大量芫茜，花椒，洋葱，預先炒到好香，雞件入埋味👍🏻雞肉出奇地高質，肉質有彈性而且十分嫩滑食完雞煲之後先開始打邊爐，揀咗豬筒骨湯底湯底有2舊大骨，清甜！跟咗一碟安格斯肥牛，肉質唔錯～夠嫩👍🏻另外有多款火煲配料整體所有食材都好新鮮～尤其係蝦，肉質爽口彈牙，自家手打丸都好出色！韭菜餃好香～另外想讚下店員服務好好！親切有禮，好主動加湯，落單亦都好快上菜👍🏻大鍋口海鮮火鍋店 (佐敦)佐敦彌敦道219號莊士倫敦廣場12樓

今日去咗佐敦嘅大鍋口到食火鍋放題 宵夜時間嚟到都人頭湧湧 證明餐廳10分受歡迎 好在唔使等位就可以入去開餐啦餐廳裝修行平民風格 勝在座位夠晒闊落 而且落單速度非常快速首先，叫咗個BB辣嘅雞煲 醬汁香辣惹味 雞肉大大件，而且10分嫩滑同時夠晒入味 食完雞煲就可以轉打邊爐湯底啦，我哋就揀咗個椰子雞鍋湯底係奶白色好香嘅椰汁味 入座都會有一碟安格斯極品肥牛 肉色紅潤肥瘦適中 呢款肥牛較為冧身 同時牛肉味濃郁最特別係白鱔片同脆肉鯇片都係任點任食啊 呢個回本位 白鱔片非常甜 肉質彈牙鮮蝦都非常鮮甜 仲有墨魚滑

之前搞活動聚餐40人食,我推薦去大鍋口,食完正正常常.今次6個人飯聚食到一肚氣,頭兩輪叫乜都有黎,食左一個鐘到,去到寫第3輪只有菜同麵送黎,寫左兩次單都係淨送菜同麵黎,隔離岩岩坐低一寫就送,直到有個女侍應埋黎話熄火,我地講話野食唔再送黎你熄喇,再寫一張單俾個女侍應終於肯送,呢個價錢大把選擇,再有人話去大鍋口食都唔駛預我,唔返大陸食都唔會幫襯呢間.

今晚與家人來到佐敦彌敦道的大鍋口海鮮火鍋店，一嚐這裡的海鮮火鍋放題。步入店內，先飄來陣陣麻辣雞煲的香氣，讓人胃口大開；我們先食麻辣雞煲，隨後再打邊爐(火鍋)，開始享受熱騰騰的火鍋大餐。精選的湯底令人垂涎欲滴，尤其推薦的川芎天麻魚頭湯底，清香鮮美，讓人回味無窮。 在火鍋料理方面，極品肥牛入口即化，手打的蝦丸和鯪魚丸彈牙鮮嫩，令人驚艷不已。鮮蝦滑、墨魚滑、脆鯇魚腩等海鮮選擇琳琅滿目，讓人無法抗拒；此外，羊肉片的鮮嫩多汁更是讓人欲罷不能。店內獨家製作的韮菜餃、麻辣鴨血、水魷等小吃也是別出心裁，值得一試。絕對不能錯過的蔬菜選擇包括豆腐、蕃茄、金菰、蘿蔔、鮮淮山、油麥菜、菜心苗和芥蘭菜等，讓蔬食者也能盡情享受美味。 家人對這裡的食物贊不絕口，紛紛表示「好味，好滿足！」除了美食之外，店內的環境也十分舒適，光線明亮，桌椅整潔，讓人感覺放鬆自在。而服務人員的招呼更是熱情周到，讓人倍感溫暖。總的來說，大鍋口海鮮火鍋店是一個讓人難忘的用餐體驗，無論是美食還是服務，都值得讚賞。