堅信號上海生煎皇 (新都城中心二期) (Closed)

自從屋企附近嗰間上海菜餐廳冇做之後，就已經好耐冇食過上海菜，原來商場開咗間新嘅，見到人頭湧湧好受歡迎咁，就決定今日午餐喺呢度解決☺️餐牌選擇都幾多，不過午市套餐就更加抵食，$50幾$60就有一份小食飲品同主菜，當中仲包括主打嘅生煎包🤤枱面仲貼咗唔同小菜嘅圖片參考，唔使驚煮咗出嚟同想像中有出入🤩上海粗炒~一整碟份量好足，上枱已經feel到好有鑊氣，食落都不算十分油膩，反而富油香，調味適中，令麵條食落十分煙韌滑溜，而且麵條粗身， 十分有質感，加入豬肉絲，味道層次更為豐富~堅信號生煎包~食落就明白點解係餐廳主打，生煎包外皮煎得十分香脆，但一咬落去就會有大量嘅肉汁流出來，第一口甚至有汁彈出來(熱辣辣食要小心)🤩，餡料亦十分豐富，吸收晒肉汁精華味道很好☺️雞絲粉皮~涼拌小菜亦是上海菜嘅特色之一，不能不點~揀咗最喜愛嘅雞絲粉皮，粉皮質感十分煙韌滑溜，加入麻醬以及切成幼幼的雞絲青瓜絲，十分清爽開胃，估唔到一小碟份量都幾多🤩迷你蟲草花雲吞雞~驚喜之作，本身見到迷你以為會好細碟，點知飲落去就發現份量都幾多，而且十分足料，最驚喜嘅係見到有一大舊雞髀，兩粒大雲吞，蟲草花和大白菜，由於材料之多，都令到個湯燉得非常

今日見到人潮減退吾洗排就入去試，即刻入正題！ 所謂的即煮濃湯魚拉麵，個炸魚係凍（ 一片半邊身既急凍黃魚 ）既！個湯底係水味嚟嘅！ 又話要等15分鐘即煮？又話濃湯？收$68？ 極其細碗！又極其難食 ！個厚切豬扒係成陣騷味，所謂的菜飯係冇菜味無乜菜又濕！ 以上兩個所謂嘅招牌菜都可以難食到如此， 紅油抄手係淥熟啲雲吞仔溝pat醬，但係個底仲係成灘水😂相比下，個生煎包都有50分，因為其他野係0分！吾怪得人潮減去咁多！ 無影相呀，因為我全程淨係發忟憎，完全唔想拎部電話影張咁嘅相出嚟！ 另外重申一點，我真係好想講，openrice用咗咁多年，帳戶申請咗咁多年，真心第一次得閒打食評就係呢個原因， 你可以話一百幾十蚊，唔好食就算啦下次吾去，係！我好都係咁樣同自己講 ，唔好食嘅嘢大把啦，但今舖真係差到估吾到自己會學人打食評🤗， 超級無敵差 差差……………………！

天氣熱熱地，諗住食個冷品，買完外賣番去，見到齋麵無醬，😭我係咪見識太少，其實係咪無醬！？價錢係公道既，不過無醬 令我失望，入口好痛苦😭，希望正視下問題。 生煎包 正常發揮。

早早已在深水埗、旺角的《上海生煎皇》，吃過幾頓飯；想不到竟然在將軍澳都能見到《上海生煎皇》的蹤影。抗疫疲勞的關係，終於忍不住到附近的《上海生煎皇》午饍。因限聚令關係，每枱只有兩人，令等候需時。肚餓到不行，就點了兩個午市套餐$60 生煎包+上海粗炒招牌生煎包依然保持水準，一入口即爆肉汁，皮夠薄且底夠脆至於上海粗炒肉絲較多，略多油，但麵條質感彈牙，中規中矩。$60 雞絲粉皮+京蔥爆牛肉菜飯雞絲粉皮都幾抵食，因為雞絲和青瓜份量較多，粉皮也爽口彈牙菜飯的味道也挺特別，有一陣濃濃的胡椒味。京蔥爆牛肉煮得幾惹味，醬汁香濃，牛肉都不會太韌又見餐牌上有一客素咕嚕肉，幾得意。$42 細細碟幾有趣，咕嚕肉的皮脆脆的，有點像炸薯波，素肉的質地都造得幾神似新鮮感十足，鍾意咕嚕肉的朋友可以試吓！

買左一個糖醋排骨菜飯同4個生煎包，晚上6點後有9折。生煎包多肉汁，啲肉都好新鮮。略嫌個包底有啲焦同硬。排骨好林，啲汁酸酸甜甜，好開胃，適合小朋友食。整體來說，會再光顧的！