哥利亞餐廳

Open Now

Now Closed

當自己還是一個小朋友的時候，其中一個最愛吃的東西就是炸雞脾，配上白飯是可以成為一餐的。今天，就在這餐廳找到這一味飯。超多薑蔥，而且看得出是自家製的。味道不錯，不會太感。而雞脾炸得都算乾身，皮很脆，很易入口。

係附近返工，知道開左間新餐廳之後都無黎過，今日終於有機會啦。餐廳比較細，坐唔到好多人，食物款式都唔係好多，我今日揀既係薑蔥魚柳飯。D魚呢就整到好西式，但係就走去配薑蔥，真係覺得有D怪怪地咁。不過如果你當係黎食果碟頭飲都OK既。下面呢半咖啡水準真係麻麻，好似係用粉開咁。

食物冇乜特別，都係一般餐廳質素，純粹為醫肚走入哩間餐廳試試，令小弟要嚟openrice留言當然有其個人之處。小弟對於食品及食市環境要求不高，食物合格、侍應有禮已可令小弟再次光顧。但此餐廳可以用無恥嚟形容，小弟絕不會光臨第二次！一入去見到有晩餐，叫咗個蜆肉意粉，侍應問飲乜湯？有紅同白。叫咗白湯。味道一般，不過餐湯多數都係咁，可接受，但係後來先知原來所謂嘅餐湯係價值$15嘅side order!心諗點解侍應問「飲乜湯？」而唔係問「飲唔飲湯？」。有被騙感覺，只好怪自己唔睇清楚餐牌。之後叫餐飲，奶茶咖啡免費，凍飲、柑桔茶、利賓立...加$2，叫咗利賓立，杯賓多水到不得了，淡而無味，用冰水嚟形容絶冇誇大，不過好多餐廳做法一樣，可接受！殊不知最後埋單，$59嘅晚餐再加$15餐湯再加$4利賓立，問佢點解利賓立唔係$2？侍應話餐單寫明，利賓立加$2，凍飲加$2，所以$4！小弟即刻好有禮同侍應姐姐講句「唔該晒」。然後暗暗起誓唔會再嚟！可以嘅話，小弟希望可以加D粗俗嘅助語詞係哩篇文章度，但小弟明白此平台不能寫粗言穢語，所以盡最大努力壓制自己完成此文，但係我好希望有幸睇到哩篇文章嘅讀者可以感受到小弟食完哩間