巨龜莊韓國料理 (Closed)

外公生日，一行八人來了巨龜莊慶祝。點了很多食物，大部都唔係燒烤(兩候牛肋骨、帶子、雞)，怕老人家熱氣。牛肋骨非常普遍，Kaya好味好多，反而帶子幾鮮美，韓國餐廳實屬少有。其他order包括:- 人參氣煱雞- 煎葱餅- 冷麵- 炆牛肋骨- 海鮮石頭飯值得一提的只有人參氣煱雞。雞湯清甜，一啲都唔油；湯料極之豐富，煱內藏有一大隻雞，雞內釀滿糯米，糯米非常入味，我食咗超多！

一直都頗喜歡這裡的烤肉﹐因為覺得他們用料新鮮﹐雖然貴d d 都會來幫襯。見HSBC 推出了這裡4-6 人的“半價”套餐咁抵﹐一定要食啦﹗食物計有﹕人參汁沙律- d 菜幾爽﹐好味﹗燒烤- 大蝦- 每隻大約有12-14cm ﹐算幾大喇﹗d 蝦爽口有蝦味﹐唔錯﹗燒烤- 羊肉片- 算大碟﹐有少少騷味﹐幾好啦﹗燒烤- 豬頸肉- 勁肥﹐唔掂﹗食左幾片便放棄喇﹗燒烤- 牛仔扒- 連骨的﹐正﹗三式蛋包- 蛋包中的餡料有三種(其中一個是白飯魚﹐一個是豬肉﹐另外一個不知名)韓醬炒花蟹- d 蟹肉都算實﹐唔會俾水蟹﹐好﹗韓醬即是辣醬﹐鹹鹹地﹐帶出左蟹既鮮味﹐幾得丫﹗牛肋骨湯- 好多牛肋骨肉﹐好軟好好食﹗餐後有人參茶或芒果布甸。食物是不錯的﹐份量也十足﹐但是我跟餐牌的價錢點都加唔到佢話既原價$1,250 喎﹗找經理來問啦﹐經理好有禮貌的說幫我查查﹐不過過左好耐先答覆﹐而且他說燒烤食物是用套餐價錢計的。o下﹖有冇搞錯﹖套餐價錢是包白飯的﹐我們這個餐都沒有白飯﹐點一樣呀﹖那個湯他說餐牌的是兩個人份量﹐現在是六個人份量﹐所以是3 倍價錢﹗哇﹐說是兩倍份量都勉強可以接受﹐3 倍實在有點誇大之嫌喎﹗人參茶餐牌是$18

This restaurant is pricy and does not balance in taste and service. Do not treat customer like a fool!

一年未去過巨龜莊,琴晚同兩朋友一齊下去食野,估唔到哋伙計仲認得我添,俾我的感覺係去咗朋友屋企食飯而唔似上餐廳食野咁,好有親切感,個部長知我食煙仲俾個食煙位我,真係好!食物就同之前差唔多,環境就一流,干淨企理,係一間值得推薦架餐廳!

悶悶地，好久沒有食韓國菜，決定好好地吃一餐！Service 普通啦！好久都冇人加茶。但食物水準真的比以前退步了。叫了燒豬頸肉，燒雞肉及細人蔘雞湯。肉質是雪藏貨而且不太入吃，而人蔘雞湯的蔘只有小半條又太有蔘味。埋單兩個人三百多元，有喲唔值，短期內不會再去。環境我俾高分，因為難得有非吸姬區。

唔得啦~ 琴晚去完..service 又唔係咁好~ 好似個餐係跟飯o既..你唔開口問佢, 佢唔會拎比你..而且價錢唔平, 又唔係太好味,種類都唔係太多..新羅寶好過佢好多!! 正宗好多同埋高檔好多~ at least新羅寶係用銀筷子而呢度只係得竹筷子..至於味道..燒烤d野食都ok...佢豬頸肉唔差..但個海鮮豆腐鍋唔得啦, 又唔夠辣又冇味..仲冇飯跟..飯後甜品又冇, 你唔問佢, 佢都唔會問你有冇泊車..唔會自動比張單你去蓋車飛..service真係ya!!

離港已一段時間﹐回來後立即到我所喜好的巨龜莊﹐搬往新地步後裝修吾錯但細好多﹐最憋係不單止食物水準退步﹐連服務都好唔得, 侍應們不會主動斟茶﹐每次都要叫但又成日匿埋要左顧右盻好唔容易才捉到人斟茶, 失望! 感覺同以前差天共地﹐完全吾正。

以前巨龜莊的確唔錯﹐但而家就退步了﹐service 又差0左好多....咁即係食環境啦﹐但用咁0既價錢值0吾值得就真係見人見智囉﹗﹗﹗

吾知點解d 前菜要另叫，跟set送了兩碟無再添，其他韓燒都有得送，吾夠先叫，很基本要求。服務態度超慢，叫了三次都冇人落單，斟茶更一去無回頭，最好就係有自知之明，碌咭比實單，吾駛比trips。

尋晚幾個人食, 曾經考慮過新羅寶, 但有人話未過呢間, 所以就一試。未齊人, 但大家都好肚餓, 先叫幾款唔生要自己燒烤菜式頂頂肚, 蛋包蝦, 泡菜煎餅, 醬爆生蠔, 煮辣蟹; 蛋包蝦將海蝦一開二連雞蛋漿炸, 做法普通, 但幾香口好食; 泡菜煎餅有特色, 好似pizza咁被開幾份, 雞蛋混上泡菜同煎, 辣辣地; 醬爆生蠔好新鮮肥美, 好得! 至於個蟹我就無食, 怕太辣。人齊之後, 再叫肉燒, 特級牛柳, 鹿肉, 鰻魚, 牛, 羊肉, 豬頸肉, 帶子等等, 可以散叫一碟或當餐叫都可以, 當餐叫就跟飯同湯同泡菜; 當中最好吃要數牛, 醃過, 好滑好正, 總之必試; 特級牛柳都幾靚, 附上三種醬汁, 其中一種係要燒烤前沾上, 但我覺得反而令件牛柳仲鹹, 不過牛柳好靚就真。因為食物都算唔錯, 大家好快係一粒鐘之內清晒貨(仲要食完先知時間尚早), 好飽!服務好唔得, 侍仔成日匿埋唔斟水, 失望! 另冷氣好勁, 完成feel唔到熱, 直情唔除外套都得; 而且搬過一期之後無窗口位又好肉細, 感覺無咁正。因為有人請, 所以唔知價位!

星期日晚上去感覺上係食裝修，環境真係幾好食物方面完全冇驚喜，除了牛肉幾新鮮外，其他食品只處合格，而伙計推薦的冷麵更不知所謂，好似凍粉絲咁，仲係煮到好似槳糊咁，味道可想而知！但可能適合老人家或小童吧？因他冇牙食，最適食糊仔

雖然價錢貴過出面既韓國餐廳少少..不過絕對物超所值.....最緊要d料夠新鮮..我超鐘意食個度既燒牛肉,帶子...真係非常得全部都有佢既鮮味係度......完全唔需要落其他調味料...好似佢有個清湯..真係唔錯.入口好似好淡..不過嗒落去又好有味.最岩就係岩岩食完個d燒烤後飲...好舒服架.人參雞湯就最岩冬天飲...好好飲...我估應該係招牌菜我帶左非常嘴刁既阿爺去...佢都好鐘意飲話d料真係十足.....的而且碓係一個老火湯..之後..每次去親都要叫黎飲...仲有每一次既配菜都幾多..有成十幾碟.但絕對唔可以忽視....一樣咁好食.我次次都食曬佢.........好好食架.我最最鐘意就係暑仔+魚仔...仲有碟菜都好好好食....暑仔真係無得頂......甜甜地又好香.仲之我就食到停唔到..仲有樣bonus就係差唔多次次去都撞到明星....溫拿,周潤發都見過.....另外環境闊落.....坐得都幾舒服......以前舊址可能就通風差d..而家搬去左利園解決曬所有環境問題而且...每台同每台都有一段既距離傾計都唔怕俾人聽到...真係唔錯唯一既唔好處就可能真係貴左dd...不過俾多少少錢.

午餐去食,3個人叫咗2個餐,都夠食仲好飽!叫咗燒牛柳($145),雞拼豬頸肉($110),個牛柳真係好好味,肉質好滑,大家要試吓.而雞同豬頸肉都保持水準!連D前菜都好,係一間Keep得住水準嘅餐廳,唔會令你失望.連加一$270有找,唔算貴!!我個人覺得好食過阿里朗(時代廣場).

The astmosphere is very relaxing, good for a family meals. The food is average though. But the good things is...after having the Korea BBQ, will not have a soar throat. Don't know why. This restaurant has been in HK for quite some time. So there must be a reason for its existence. Worth trying!

其實現在香港所謂的韓國餐廳沒有一間係真係好好味。可能因為我經常去韓國旅遊gei關係，令我對韓國菜gei要求比較高。所以係我心目中比較及格的韓國餐廳就只有巨龜莊。如果講材料的新鮮程度，巨龜莊的確唔錯。論燒烤，我最愛係食佢gei燒特級tenderloin、牛仔骨肉和大蝦。呢度gei抽風系統和燒烤爐gei設計真係一流，因為你唔會覺得好煙，而且因為爐火夠平均，燒烤效果唔錯。而熟食方面，我就比較喜愛韓式煎蔥餅、人参雞湯。呢度gei人参雞湯，最好要預早一日訂。雖然價錢要$330左右，但係真係物超所值，雞湯味道香濃，飲得出佢真係一個老火湯(起碼滾左3個鐘頭以上)，而且雞肚入面釀gei糯米，吸收哂人参、紅棗和雞的味道，我通常都會食哂入面gei糯米，而唔食隻雞(:-p)。