同樂素食

Open Now

Now Closed

雖然佢啲嘢味道唔錯亦一直幫襯開但經歷過今日嘅情況之後真係無！下！次之後一直買開都直接喺鋪頭俾錢方便睇下啲餸啱唔啱食再落order 個女員工亦一直從來無提過要喺機買而店鋪亦冇任何告示今日排咗20 分鐘而前面個女顧客亦都係買完直接俾錢輪到我佢居然同我講要自己買咗飛先佢咁樣一時一樣嘅態度真係好難捉摸所以以後都唔會再幫襯

今天到food court 幫襯，等左二十分鐘，排前面既人都係現金或者信用卡俾錢，點知可能因為佢太忙，去到我果陣突然問我有冇係點餐機買飛先，跟住佢話冇買飛先就冇得食，然後佢就俾後面有買飛既人拎。利申，佢門口完全冇叫人買定飛先！好心佢就同人講要買飛先！同埋根本就係歧視！

女員工態度好差，整個食肆聲音最大最吵最差的就是她！差評！食物質素還是可以的，但是再好的食物沒有好心情也不算是一份好的體驗。事實上foodcourt是否也有義務對租戶指導即約束，為何可以有銷售人員如此無禮貌卻不被糾正。我寫這篇文是因為太多次見到她的無理，跟自己員工吵鬧，爆粗口，跟客人吼！完全看不到客戶至上的誠意，以為自己包了這個鋪頭就大嗮。希望她看到這麼多人的評論可以有所覺醒和改善。給大家一個意見的用餐心情和和諧的用餐環境。一切建議只是希望這個店可以開的更久，有更多人光顧，大嬸加油！

不能再差的態度，阿姐把口永遠無停過鬧人，乜都鬧一餐，仲鬧啲客話：「你以後都唔好嚟呀，唔做你生意呀！」其實佢好成功，大家都真係唔敢再幫襯佢，費事幫襯好似得罪佢咁…

與眾同樂聽得多，一個人都可以同樂？🤔係開估前，先來諗下另一個問題💁‍♂️ ，一個人係乜野情況下可以食4個餸呢？1）極具「食力」😆，能以一己之力鯨吞🐳4餸2）自助餐，每道餸淺嚐一下，4餸無難度3）在X餸飯的食店，面對琳琅滿目的選擇，💕開心快樂來4款今次的一個人「同樂」之謎，其實就是自己一個人到紅磡置富都會的同樂素食，大快朵頤，盡興地享用美味素食😋。X餸飯的素店，絕對是獨自用餐的上佳之選，所以真的是「一個人原來都可以同樂」喔同樂的三餸飯，現時只是40元，多加一餸也只是50元，並附送例湯，絕對是實惠抵食之選。這次品嚐了以下4款餸：酸辣土豆絲～頗入味，微微的酸辣味道在口腔內徘徊，令人回味蛋餅～也算有些厚度，口味不錯，蛋味也頗香麻婆豆腐～豆腐很滑口，不過如果麻辣味道濃一些會更吸引腐皮卷～非常足料，由第一口到最後一口，都是腐皮伴着餡料，“手足情深”的餡料絕不會丟下腐皮，讓我只吃到腐皮而沒有餡料特別鳴謝店員幫忙🙇‍♂️，替我拍攝了兩幅食物的‘’全家福‘’，超過10款的美食，真的會令人不知如何選擇。也感謝店員在添飯時，問我要不要多一些飯➕️🍚，讓我可以吃得更滿足喔。FB 專頁:眾裏尋素千百道 Instagr

在商場樓上地方很舒適 繁忙時段都不會擁擠是適合安安靜靜吃一餐飯的地方當日只買一杯豆漿姐姐很熱情也友善提我要拿飲管飲提供清淡 新鮮出爐的素食蔬菜的顏色看起來很明亮呢☺️

同樓上遭遇差無幾 但係好彩係平日午飯時間 都有做我生意😅去到無咩人排緊 我企喺櫃檯等咗2-3分鐘 望住佢好勞嘈咁走嚟走去又搵嘢又執嘢 終於等到佢嚟理我 黑口黑面咁問我「有飛未」搞到我淆淆地底話未 再遞個自備膠盒上檯嗌走飯 佢面口秒速變得更黑 好似唔想做我生意咁 走去問後面有飛未 我就尷尬地嘍囉般企喺度自我反省咗兩三秒🥲最後點餸 都好多嘢揀 三餸點咗芽菜 腐皮卷 酸齋 樣樣都大大舊 大大羹（係好食無味精嘅）可能因為走飯 佢臨尾仲話俾啲冬瓜我 （又幾好）我個盒有啲細 佢都幫我塞到滿一滿 條氣即刻順返少少😌整體係真係好足料 好味嘅 $40好抵 我諗佢應該都真係好唔滿意公司 先會咁嘅態度得嚟又咁重手😹 但係點都好 好聲氣少少 大家返工放飯都會開心啲囉😗

話說今日去紅磡買外賣，遇上不幸的員工見到咁平既素食但想走飯買剩送問一下員工得吾得，換來員工一句：緊係吾得啦，剩送咪做死師傅？吾做丫吾做 之後佢就禁電話，但係6點半係晚市時間排緊隊既我已經排左15分鐘換來的係員工態度仲要話：打緊電話叫人黎幫手丫，等等啦 另外明明可以排隊直接買，佢問：買左費未，我話未佢就吾答我任何問題叫左後面個顧客比費佢呢個員工更本係倒米，眼見後面仲有人冇買到費既客人

睇演唱會前同朋友來food court食飯，見咁多款式又寫係少油少鹽，啱晒我，就買個淨餸同朋友share加菜。新開張優惠40蚊3餸一湯一飯好抵！因為我唔想要飯，就問老闆可唔可以選四樣餸，佢話ok, 正呀！款式真係幾多，薯仔都有3款，有我最愛咖哩薯仔所以無選土豆絲，四季豆都唔錯，花生蓮藕炆得好淋好入味，豉汁南瓜都好好食！個素湯好濃，我好鍾意，全部野唔油，唔怪得咁多女仔排隊買，下次一定會再黎食，大大力推介！

呢間係素食group見有人推話新開，黎睇演唱會就食，食左2次，都好正！酸辣土豆絲好惹味，辣度只係bb辣，好正～今次終於食到腐皮卷，一淡入面全部都係菜，正！薯餅係上次朋友話好味，所以試下，係煙韌口感，唔係麥麥嗰款，都幾好食～上次食茄子，四季豆，麻婆豆腐，都係好味的～同埋唔好睇少個例湯，雖然係素湯，但足料好味，而且飲得出無味精。老闆娘仲好熱情，如果你花多眼亂，即管問下佢就得佢一定熱情推薦自己嘅手藝～以後睇演唱會唔愁無淡好食

大約7點半黎到想食試下個food court. 想健康啲難得有素食梗係試！仲要$40咁平一開始有啲可惜，因為俾完錢去到發現我最想食嘅2樣嘢都賣曬（想有多啲選擇記得早啲去）老闆娘最後夾多左好多餸比我，好好人😭最後多到啲飯食唔曬最有驚喜係個薯餅 好煙韌， 又唔會有種炸到好油好熱氣嘅感覺個苦瓜煎蛋都唔錯，唔鍾意食苦瓜嘅我都食曬🤩其他菜同瓜都煮得好好味 唔會太硬唔會太淋出面好多餐廳啲菜都好油 但依度嗰啲相比下清淡好多 一定會再黎 期待下次早啲黎試四季豆，炒粉絲同埋素壽司