Gochi (Closed)

睇完熱播劇《大叔的愛》…相信好多人都會特登黎呢間餐廳朝聖一下而朋友咁岩同朋友響附近行街..所以就決定一試…….由於朋友唔餓..所以野食就只叫左一碟意粉..《野菌大啡菇意大利麵》整體味道吾錯…松露味亦都好香好出唔會整得太咸或者太濃..芝士味亦剛剛好..冇搶到松露既香..最正係個大啡菇..一咬勁juicy另外再點左兩杯牛奶咖啡….賣相正常..沒有特別拉花..不過相對平時飲開咖啡既人可能會覺得呢度咖啡味偏淡…冇咁香濃。

當時我同幾位朋友夜晚黎到呢間餐廳，感覺餐廳環境優雅而有格調。我地被安排坐半圓形嘅卡位座位，格外有氣氛。餐牌上最能吸引到我地嘅就係黃金海膽手工意粉所以我地不假思索地叫左，另外亦叫左一個巴馬火腿火箭菜薄餅、蟹肉番茄意大利飯、士多啤梨奶昔同咖啡、提拉米蘇甜品。我地對黃金海膽手工意粉抱有好大期望，以爲整個意粉都會滲透住濃濃海膽味。但好可惜，除左頂頂擺左嘅個一舊海膽外，整個意粉都係無海膽味。金黃色醬汁只係蛋黃做（甚至唔係鹹蛋味），因此都頗失望。而巴馬火腿火箭菜薄餅本身味道OK，但落嘅火箭菜實在係太多！就算整走左好多都食得出d菜係非常苦澀，所以呢道菜建議一定要整走大量火箭菜（可能留一條好了😂）。雖然以上2道菜有點失望，但我地不抱有期望嘅蟹肉番茄意大利飯竟然有驚喜！呢個意大利飯個汁非常香濃！直頭有龍蝦汁味嘅感覺！齋望著個名，係絕對唔會聯想到呢個味道，所以非常推介！最後，士多啤梨奶昔係好甜嘅味道，朋友覺得有點藥水味。而我就覺得無乜問題因為我好喜歡甜野，所以就隨大家喜好決定點唔點啦。而提拉米蘇甜品同咖啡都係正正常常不過不失啦。總結，要黎就一定要食蟹肉番茄意大利飯！其他就自己考慮啦！

Gochi係難得樂富唔係連鎖既意大利菜，餐廳主打手工意粉同薄餅。餐廳顏色以白色同原木色為主調，樓高兩層之餘仲有有室外座位，岩哂「呼吸」人士，環境非常舒服，最岩weekend黎chill下。另外，Gochi仲係《大叔的愛》既其中一個拍攝場景，田田、KK同Francesca就係喺呢度攤牌，鏡粉可以去朝聖。佢個lunch menu好有誠意，包左前菜(餐湯或沙律)、麵包、主菜同水果茶之餘，主菜有成十幾款俾你揀。我地分別order左辣肉腸芝士薄餅同香烤豬里肌。薄餅份量好大，我地2個女仔share有啲吃力。手工薄餅特別在餅底咬落去有少少煙韌，厚度適中，加埋辣肉腸同芝士就正哂。香烤豬里肌塊豬又係好厚好大塊，肉質唔錯。薯條都炸得剛好夠香脆。

樂富難得新開張左間cafe😳 當然bookmark 左要試試佢😆 後知後覺原來仲係港版大叔的愛取景餐廳😍 呢間兩層高嘅意大利餐廳主打手工意粉🍝 有少少日式fusion 菜嘅感覺幾正😙lunch set 包一個餐湯或沙律🥗 + 一份法包配黑醋橄欖油或牛油 + 一個main + 一杯凍水果茶 ($118) 個main 可以加錢揀期間限定款或其他😙 飲品都可以加錢upgrade😀 唔夠仲可以加錢叫甜品😍叫左三個lunch set 一樣都係餐湯 法包配黑醋橄欖油 兩個明太子忌廉手工意粉 一個卡邦尼手工意粉 一杯凍水果茶 一杯americano 同一杯latte餐湯好creamy 好滑好重牛油牛奶味🤤 個人好中意咁樣嘅湯😀 法包配黑醋橄欖油真係冇得輸😙 carbonara 來講正常味道😛 明太子意粉真係幾好味😋 好日式fusion 嘅感覺😳 個手工意粉先係重點😍 佢個粗幼岩岩好 而且個軟硬度都好適中🤣 因為唔知點影食物相 有d 難打卡所以冇趁熱食🙈 但擺左一陣食都覺得真心唔差❣️飲品就真係冇特別 就連latte 都冇靚靚拉花😬 不過相比起cafe 呢到更加似係意式餐廳同bar😛 其實裝潢都幾靚😍

本身其實係揀緊樂富有啲咩好食，無意中就見到呢間西餐。點知朋友同我講原來係大叔的愛嘅拍攝場景，真係唔講唔知。其實初初以為好細間鋪仔，因為就咁望入去唔係好覺好多位。樓上原來仲有一層好大，成個設計好舒服好闊落。下層就比較適合飲杯嘢傾吓計，上層就好似啱聚餐。環境燈光氣氛都好好，店員都好有禮貌。今次我哋嗌左Pizza，意粉，雞翼仲有小食薯條同墨西哥脆片，每樣都好出色，好滿意。來之前見到啲食評，大部份都推介手工意粉，果然冇令人失望。質感同味道都係我喜歡嘅類別。overall 價錢食物質素同分量都好好，有機會一定要再嚟試下其他！

一行4大1小朋友一同光顧Gochi，吃飯兼慶生，選這裡用餐純粹因為想到大叔得愛的餐廳打個卡！餐廳環境頗開揚，燈光微暗，氣氛不錯！座位寬敞，BB坐在中間不斷好奇地打量四周。點了海膽南瓜意粉、蔬菜意粉、野菌pizza和雞翼。海膽南瓜意粉無論海膽和南瓜味都很濃郁，兩種味道很配，十分推薦給喜歡海膽的人！蔬菜意粉不過不失，因為小朋友而選，是健康之選，結果小朋友吃得津津有味哦。野菌Pizza是個人最喜歡的，因為Pizza本身很大塊，pizza皮很煙靱，不會很乾，咬下去啖啖蘑菇拉絲，口感味道都非常好，吃一塊也很飽足，Gochi的pizza底做得很好，極度推薦！雞翼只有4隻，中間有很多火煎菜，雞翼酥脆而香口，火煎菜偏酸，未必個個喜歡。自帶蛋糕收了100元切餅費是合理的，因此沒點到Gochi的甜品。整體而言Gochi的食物質素不錯，並有大叔的愛加持，坐得又舒適，約朋友吃飯漫談都是很好的選擇。

閒日中午和老公到「大叔的愛」場景朝聖😳餐廳佔地兩層 環境幽靜不少客人要上班族我們點了兩份午餐看到甜品榛子朱客力棉花糖薄餅時 心心眼了先忍著 打算吃過正餐後再點餐湯為南瓜忌廉湯 夠熱 味濃上有細小脆脆麵包粒 增加口感略嫌水油分離法國麵包 乾身 可選配黑醋油或牛油我們同樣點了凍水果茶但..有看到顏色上不同嗎明顯後面那杯忘記放果汁呢辣肉腸芝士薄餅來時一陣濃濃的炭燒味傳入鼻中薄餅被切成4份 餅皮薄且煙韌蕃茄醬量多 保持薄餅濕潤以一人午餐而言 這薄餅份量非常足夠 CP值高布拉塔芝士煙肉蕃茄手工意粉手工意粉形狀偏扁身 有點過熟 質感偏軟蕃茄汁味道偏甜 煙肉厚切味濃配上布拉塔芝士及火箭菜 味道剛好☺️總括而言 CP值高的意大利午餐份量大且美味 唯飲料有待改善幸好沒叫甜品 太飽了 下次再來!餐牌如下：

睇完大叔的愛特登走去樂富Gochi朝聖🤣🤣原來間餐廳咁大，樓下係酒吧，上層係餐廳。知道佢最出名係手工意粉同Pizza，所以我地每樣都叫咗份，仲加咗個黑松露薯條。Pizza好好食，四重芝士口感好豐富，而且份量好大。甜品叫咗招牌Tiramisu，比想像中好食，蛋味重，但就無酒味。餐廳仲做緊優惠，只要喺social media打卡就可以免費獲得一個草莓奶凍！質感好soft，好味😻

雖然呢度嘅食物味道一般，但環境真係幾靚，坐得又舒服，唔怪得連電視劇大叔的愛嘅田田KK Francesca 都嚟過！我哋坐張檯係角落位，望到田田都坐過個位，店員仲好好人比我哋坐係佢哋坐過嘅位置影相🥰💛黃金海膽意粉 $168海膽好鮮甜，意粉好香濃好掛汁👍🏻但只有海膽無咩其他配料有啲乏味🙃🍕野菌煙肉薄餅 $158個pizza焗到一邊燶一邊唔燶，好似想做到脆薄嘅感覺，但我愈食愈覺得佢厚到似麵包嘅口感，不過可取嘅地方係佢超足料，有勁多菇同強勁香蒜味🧄🍓草莓仙子 $40呢杯飲品係我同爵屎朋友最滿意嘅！睇英文佢叫iced picky latte，實際飲落似士多啤梨奶with士多啤梨奶，個奶蓋真心出色，又唔會係好假嘅士多啤梨味😋

在樂富中心有一間日式西餐廳，主打菜式是意粉薄餅，當然，餐廳環境也是吸引客人元素之一，室內環境光線充足，樓底高，空間感十足，沒有局促感覺。當日與朋友一行五人在此午餐，可能是星期六的關係，有很多有小朋友的家庭幫襯，十分熱鬧。(有需要可先訂位）。 我們主要是點了weekend lunch set，份量適中，有餐湯+法國麵包+主莱+飲品<可加錢轉特飲>，食物品質味道很好，賣相也很吸引。服務員方面，可能很忙碌吧，各人都沒有笑容和朝氣，好似好攰的樣子，管理人可考慮在繁忙時段加添人手呢！

黃金海膽手工意粉🍝$168海膽煮成忌廉汁麵較普通意大利粉粗食落口感微煙韌暖暖嘅麵上有兩舊凍凍嘅海膽海膽微甘甜胃口大嘅我食完想再添😝肉眼薯條配火箭菜 🥩$258叫左5成熟上菜肉已切一片片面層微煎內層半生肉沒有一絲血絲碟邊有三種調味料黑胡椒、海鹽、芥末肉本身有調味淡淡咸，沾上調味料味道突出易咬，唔腥。但本人怕苦，火箭菜配搭唔啱我。P.S.喺樂富竟然有兩層樓嘅餐廳，有少S樓梯，內面設計柔和簡約，仲有窗口位望外面。😎希望日後推出set dinner選擇😆。

平日朝早打左去book位都只可以揀18:00-18:30期間，睇嚟都幾full!職員人數唔多，等menu同落單都需時。今次兩個人去叫左意粉、pizza、tiramisu同兩杯野飲，意粉上得幾快，其他野就有點慢，不過可能都係多人🧐海膽意粉好creamy好食，份量偏少。野菌pizza size等同pxxxxhut大批，好香芝士味！好足料！性價比高！👍👍👍tiramisu比起pici就麻麻地，朱古力粉偏少，蛋味濃，整體一般。Latte 似即沖咖啡味，不推薦👎😥

估唔到樂富有一間咁chill嘅餐廳, 環境好舒服, 適合和朋友用餐, 食物就普通, 係意大利粉最好食, 值得試, pizza 係薄餅底, 但焗耐咗,太亁, 難食. 牛扒就太亁同太靭

一齣港版「大叔的愛」忽然爆紅，成為網上熱話，暖男 Anson Lo，戇男 Edan，以至大叔黃德斌，都成為萬眾矚目的人氣偶像，一時間，風頭無兩，各位主角曾經在劇集中出現過的餐廳，也被一一起底，讓我這天趁著周末假期，也特地來到這間在劇中曾經出現過的日式西餐廳 Gochi，一試這間餐廳的午餐。這間共有上下兩層的餐廳，上層環境開揚明亮，採光度甚佳，有不少綠色植物點綴，是一個挺舒服的用餐地方，下層則是酒吧，中午應該仍未開放。這餐廳除了室內座位外，還有室外的座位，要是想和陽光玩遊戲，或是吸煙人士的話，則是適合他們的用餐地方。這天因是星期六，餐廳供應的是周末的餐牌，餐牌中的各款午餐主菜，選擇都幾多，雖然周末的午餐價錢比平日貴上一點，而且部分菜式要加錢，不過這裡的午餐，既包沙律或餐湯，又有水果茶免費作為餐飲，而且食物水準出色，環境又開揚明亮，佈置清新，都算物有所值。是日餐湯是「粟米湯」，濃稠度適中，不會太稀，也不會太黏口，味道甜美，是一道高水準的餐湯。隨湯附上的法包，蘸以黑醋和橄欖油，脆脆的，正是伴湯良伴。至於沙律，在常見的沙律菜以外，加了橙肉，感覺較清新，也及格。集意大利國旗紅白綠三色於一身的「布

為咗要體驗屯馬線有幾快，從大西北去到樂富食餐生日飯。餐廳樓高兩層，上層係用餐，底層係酒吧，環境確實係幾舒服！餐廳上嘅食物種類唔多，都係沙律🥗小食🍟薄餅🍕意大利飯麵，甜品🍮就只得三款。最特別係有個巴馬火腿芝士拼盤，價錢都只不過都係$230-，喺呢間餐廳來講算係比較高價食物。其實呢間餐廳主打係手工意粉🍝手工薄餅🍕今日餐單上有黃金海膽手工意粉配海膽忌廉醬。不過我地冇叫到。我地揀咗元祖炸雞翼、Lasagna及辣肉腸薄餅。元祖炸雞翼🙅🏻‍♀️又話70年秘製，咪又係隻普通炸雞翼。千層肉醬麵🙆🏻‍♀️普普通通，暫時都未食到間滿意。無辦法喇！我又冇錢去食香港嗰啲正宗意菜。辣肉腸薄餅🙋🏻‍♀️薄餅大約有10至12吋，餅底薄又軟仲有個燶邊噃。好食過Soho間Uncle pizza多多聲。咁嘅價錢都可以食到個中高質薄餅，仲駛下下過海咩？食物質素唔錯，但待應個個都好似游魂中。客人坐低咗，水都唔識斟。當我問佢可唔可以斟杯水俾我時，佢回答我：咁有冇同事問過你要唔要俾錢嘅水吖？到中場時，又成日送錯其他枱嘅食物俾我。最後要埋單走人，見到兩三個喂威威，都冇咩反應。死唔死？好喇！食飽飽，由鑽石山坐屯馬線返到天水圍都係大約30分